ممكن نستفيد من دروسك المستفادة ؟؟......

شكراً يا شيمو علي إختيارك ليا بعدك .. و هتكلم عن الأزمات اللي بتواجهنا في حياتنا و إزاي نواجهها و نخرج منها ..



طبعاً كلنا بنمر بلحظات صعبه .. يأس .. ألم .. جرح .. حزن .. إلخ .,. كل اللحظات الصعبه اللي ممكن تتخيلوها .,. أكيد كل اللحظات دي بتسيب فينا أثر عميق أوي و مش سهل تجنبه ع الأقل في بدايته .. أنا قلت مش م السهل إجتنابه ع الأقل في بدايته ليه؟؟!! عشان البدايه دي مقسومه لطريقين ..

1:: إنك تكمل في اللحظه الصعبه دي و تفضل عايش فيها و متقوقع و عايش في كآبه لحد ما تبقا زي الفرخه اللي عندها تسلخات

2:: أو إنك تشق طريقك في الحياه و تنفض غبار اللحظه الصعبه دي من عليك .. و تكمل حياتك و تتحدي نفسك أولاً و الدنيا ثانياً ..

لازم الواحد في عز أزمته يبتسم و يضحك و ميخدش الموضوع ع قلبه أوووي لإن النتيجه هتكون وحشه أوي .. ولازم كل واحد يبقا كووووول و مش معقووووول و يدي للدنيا ضهره و ميستسلمش لأي لحظه وحشه يمر بيها .. أنا مريت بكذا أزمه .. قعدت فتره طويله جداً لحد ما تخطيت الأزمه .. بس المهم إني إتخطيتها ورجعت زي الأول و مستسلمش و إتحديت الدنيا ..

من ضمن الأزمات وفاه جدي من حوالي 3 سنين و اللي إسمي ع إسمه و كان محتضني أوووووي و كنت بحبه جداً الله يرحمه و يحسن إليه ..

تاني أزمه كانت موت إتنين صحابي في حادثه .. كانو بيشتغلو معايا قبل كدا و كانو بالنسبالي إخواتي تقريباً.

تالت أزمه .. الدنيا ياما بتورينا وشها الوحش و طبعاً أكيد العبد لله نابه جانب من الوش الوحش دا .. بس بقدره ربنا و لجوئي ليه و ثقتي فيه خرجت من الأزمه ..

بس في الأول و الآخر كان الحل عشان أتخلص من الأزمه و أخرج منها .,. الإراده .. التحدي .,.

الموضوع جااااااااااامد آخر حاجه بجد يا شمس .. و أنزل بعدي Devil Fighter

كلنا اكيد بنمر بمواقف خلال حياتنا وفيه الي بنتعلم منه وفيه الي بيعدي عليا ومبنتعلمش منه حاجه وفيه الي بياخد باله وفيه الي بيعدي مرور الكراام....فيه ناس مبتنساش اللحظات المؤلمه وبتتعلم منها درووس
وفيه بيهرب من حزنه ويدور علي الفرح حتي لو مش مضموون
الدروس المستفاده كتير
عن نفسي هيا ان لاتثق في الناس المحيطين حتي تتاكد من وفاءهم واخلاصهم يعني مثلا انا كنت بشتغل من 3 سنين في معرض وكان معايا واحد يلا بقي ربنا يهديه زي ماتقولوا بيقعد يشعللها يعني شوف النظام والشغل ويقعد يسخن الواحد وطبعا انا من الطابع العصبي شويه ولما تحصل مداخلات تشوفوا البرائه وانه مطيع وراضي ويسمع الكلام وييوافق علي الي كان بيقول انه معترض عليه وطبعا انا الي كنت بطلع في وش المدفع بس الحمد لله لاني اصلا مكنتش راضي عالوضع بس انا بوريكم واحد بكذا وش وفي الاخر كان عايز يشتغل لوحده عشان ياخد كل الفلوس ليه رحت اديته المفتاح وقلتله سلام وغنيته بودعك وفعلا الراجل اثبت انه مش كفيء وصاحب الشغل مشاه وطلبني تاني وقعد يتحايل باسلوب راقي كده بس علي مين كل سنتن وهوه طيب شوفتوا الناس و كان معايا كذا شهر.....

انا دايما دي حكمتي
لاتتخيل كل الناس ملائكة فتنهار احلامك..ولا تجعل ثقتك بالناس عمياء..لانك ستبكي يوما علي سذاجتك
انزل بعدي............. همسه حب