تخافو ؟؟ ولا متخافوش ؟؟؟؟

فكرة حلوة فعلا يا هوللو

انا اللي مش عاجبني في البلد حاجات كتير واولها سلبية الناس واللا مبالاة اللي هما فيها يعني تعاملهم مع الفساد اللي في البلد على انه واقع لا يمكن تغيره و اكتر حاجة بتضايقني كل اما حد يتكلم عن الرئيس كانه انسان معصوم من الخطا ومشكلة الشعب ده فعلا انه جعل من حاكمه فرعون ....كل الناس بتغلط لكن انك تلاقي ان الناس بتتجاهل الغلط ده لمجرد خوف او حاجةانا مش فاهمة بصراحة دي من ضمن الحاجات اللي بتضايقني اما حلها ازاي فهو ان كل انسان يعرف ان ليه حقوق في البلد دي ويكون عنده الشجاعة انه يتكلم عنها وما يخافش وانا عارفة ان فيه ناس كتير مش بتتفق معايا في ارائي بس دي وجهات نظر بقى ...هبقى اكملك بعدين.

شكرا هوللو ع الموضوع

لا نخاف طبعا لان اللى بيغلط مكانه حاجتين السجن بتهمه او المعتقل بدون تهمه
يبقى احنا نغلط ليه دلوقتى انا نفسى ارجع تانى الملكيه بس مش بالصوره التى تعارض
نظام الحكم الجمهورى حاليا علشان امشى صح
وبعدين فى مصر حريه علما انها مش كبيره بس فى حريه
دلوقتى ممكن تقعد فى اى مكان وتقول اسم رئيس المخابرات الوزير عمر سليمان حفظه الله
لكن ايام جمال عبد الناصر لو واحد قال اسم صلاح نصر على القهوه باليل هيكون فى المعتقل
طبعا الدوله حاليا مش بتحب الاخوان نظرا لاعتراض الاخوان الدائم على نظام الحكم
وانهم عايزين خلافه اسلاميه بس المشكله مين هيكون الخليفه
مثلا الملك عبد الله ملك الاردن ما هو من أل هاشم بس مينفعش مش الشخص المناسب
ولا عبد الله ملك السعوديه ولا مبارك ولا القذافى ولا ولا الخيار صعب
مصر فيها عيوب ومميزات بس من الصعب حكم دوله زى مصر
ربنا معانا
شكرا ليكى هولو موضوع رائع وفكره رائعه

متاثرة جدا بالمسلسل متخفوش للممثل نور الشريف اللى انا تابعته بشكل كبير
حال البلد زفت للغاية واصبح القوي ذو سلطة ينهب فى خيرات مصر الا القليل اوي
التجار والمسؤلين الكبار اغلبيتهم ناهبين البلد
لكي تتخيلي ان قانون الضرايب الجديد الذي لاقي انزعاج شديد فى مجلس الشعب والذي تم تاجيله لانه سيبب خراب بيوت
لانك بتدفعي على كل شقة وكل بيت مبلغ كبير للضرايب
بينزل للمعاينة على كل بيت وكل شقة خبير ضرايب وخبير مساحة ويتم تقدير البيت او يتم تقدير كل شقة ومساحتها وايجارها ويتم اخد نسبة ما يقرب من 30 فى المئة للضرايب من قيمة مبلغ الايجار اللى بياخد على سبيل المثال
مثلا ايجار محل فى الشهر 500 جنيه
الضرايب تاخد 500 وتضربه فى 12 شهر (سنة ) وياخدوا من المبلغ ده 30 ف المئة ضرايب
يعنى اعطي للضرايب ما يقرب من 500 جنيه او اكتر لللضرايب
ولازم تبلغ كل ممتاكاتك قبل 20-12 لان سيكون هناك غرامة على التاخير
انتوا عارفين قانون المرور اتعمل ليه
لان د بطرس غالي طلب 10 مليون جنيه للميزانية لوجود عجز فى الميزانية
فتم عمل قانون المرور علشان يجيبوا الميزانية 10 مليون
الحل ان يكون الحكومة من الفقراء علشان يحسوا بالفقراء لان اغلبية الحكومة والمسؤلين رجال اعمال اغنياء مش هيحسوا بالفقراء ابدا وده واضح
شكرا يا هوللو على فكرتك الجميلة

الدولة بتبحث عن اى حاجة بتخلي المواطن يدفع فلوس باى طريقة
فاكرين العلاوة اللى الرئيس اقرها اللى كانت 30 فى المئة
هتلاقوا ان الاسعار ارتفعت بحيث لا تكفي العلاوة بل ارتفاع الاسعار خلت العلاوة وكانها مش موجودة

البطالة اللى منتشر دي
مين اللى يحلها
البطالة من الممكن تكون قنبلة من الممكن تنفجر ومن الممكن ندفع تمنها المجتمع
اللى تعلم واجتهد
يا تري هل يشتغل ؟
الاجابة معروفة
لا

انا اكتر حاجة بتضايقنى انى بحس ان كل حاجة ملخبطة
يعنى انا دلوقتى ذاكرت ونجحت واتعلمت ان شاء الله و عملت اللى عليه وفى الاخر اتخرج مالقيش وظيفة..و اعد اسمع فى كلام من مسئولين للاسف مش مواقع

و انى اعيش و انا مش مطمنة ان اى حد ييجى يسرقتى او ياذى حد من اهلى حتى وانا وسطهم وما اطمنش وانا ماشية مع حد

و ان كل مشكلة نعد نتشاكل مع الحكومة زى مشكلة المصنع بتاع اجريوم وبعد اما اتقال انه اتقفل فى ناس بتقول لا

تعرفى بقى اللى يضايق انى ممكن اصدق الناس دى معنى كده انى مش مصدقة الحكومة فى اى كلام يتقال

و انك تعيش نص تفكيرك فى حياتك واحلامك اللى ممكن تحققيها والنص التانى بتخمنى اى مشكلة الحكومة هتحطها عشان تمنعك من انك تحققى الحلم ده

هو احساس بالنسبة لى اكتر من انه مواقف ضايقتنى

شكراااااااااااااااااااااااااا ليكى على الموضوع و بعدين هنخاف من ايه؟ماعدتش تفرق

مصر دولة من الدول الذى سوف يحفظها الله الى قيام الساعة
انا لا انكر ان هناك بعض الامور السلبية ولكن ليست كل السلبية
تقع على الحكومة نحن بصراحة شعب يحب الكوسة
بمعنى يعنى منحبش النظام والترتيب ونحب الهمجية

احنا الحكومة والحكومة مع بعض لان احنا اللى بنبيع ونشتري
الشعب والحكومة عنصران مهمان فى المجتمع
فلابد من توازن الكفتين ومنهم الشعب والحكومة
تجد الان الاخلاق انعدمت
هل سبب انعدام الاخلاق هو الحكومة بس
ولا الشعب ايضا
تجد غش فى جميع المجالات
هل السبب فى الحكومة بس
انما ايضا الشعب هو السبب
فالشعب المقصود هو المواطنين
فصلاح المجتمع اذا كان الشعب والحكومة متصالحين مع بعضهم ويكونوا كويسين