تـجـمع قسم انجليزى ** مذاكرة ع الهوا ** باقى على الزمن تلت اسابيع

موضوع هايل تسلم الايادي والله

فعلا حب لاخيك ما تحب لنفسك احب اوجه كلامي لسنة تانية قسم انجليزي مفيش امتحان مقال لدكتور حامد حواس

نسلم الشيت والassignement للمعيدة انجي واخر ميعاد بكره

شيت دكتورة نسرين هيتسلم بكرة باذن الله وشيت دكتور انور هيتسلم مع امتحان الشفوي يوم الاحد باذن الله

سواء نقد او شعر اي حد هيطلع يجاوب هيسلمه اللهم بلغت اللهم فاشهد .

فكرة حلوة اوي يا محمد

بس انا مش معاكم في 4 ....بالنسبة لشيتات د/اور فهو قالنا انه هياخدها يوم امتحان الشفوي ود/حامد برده يعني الاتنين تجيبهم معاك يوم الحد ان شاء الله

انا بقى كنت عايزة اسال حد في 4....هو نظام امتحان الادب الامريكي السنة اللي فاتت والمورفولوجي كان ازاي ويا ريت حد يقولي اسالتهم....ولو حد جاب فيهم تقدير كان عمل ايه بالظبط ؟؟؟؟؟؟؟؟؟

محمدسميرهجام كتب:

هى اللغويات دى اذاكرها ازاى احفظ زى النقد ولا افهم واعبر بطريقتى

والشفوى بتاع النقد واللغويات هيبقى نظامه ايه

والشيتات بتاعت انور هتتسلم مع كل حد بيطلع يجاوب فى الشفوى يعنى كل حد لازم يحضر بالشيت ولا عادى

وحامد حواس ربضه نظامه ايه فى الشيتات

بص يا محمد
بالنسبه للغويات فيها تعريفات لازم تتحفظ وتجاوب ازاى تحط العنوان وتعريفه تحته وبعدين مثال لو امكن

ونظام الشفوى هيبقي فى النقد سؤال وتحله فى دقيقتين هيبقي سؤال صغير مثلا اشرح
arts for life sake
مثلا
او اشرح خاصيتين من الشعر فى العصر الفكتورى او المودرن

وما اعرفش حكايه الشيتات دى لازم ولا لا بس هو قال انه هيستلمهم فى الامتحان

noor كتب:

فكرة حلوة اوي يا محمد

بس انا مش معاكم في 4 ....بالنسبة لشيتات د/اور فهو قالنا انه هياخدها يوم امتحان الشفوي ود/حامد برده يعني الاتنين تجيبهم معاك يوم الحد ان شاء الله

انا بقى كنت عايزة اسال حد في 4....هو نظام امتحان الادب الامريكي السنة اللي فاتت والمورفولوجي كان ازاي ويا ريت حد يقولي اسالتهم....ولو حد جاب فيهم تقدير كان عمل ايه بالظبط ؟؟؟؟؟؟؟؟؟

امتحان الادب الامريكى على ما اذكر كان اللى بيدينا د/ ذكى عموما هو بيحب الاجابه تبقي على هيئه
بارجرافات منفصله وعناوين واضحه لانه مش هو اللى بيصحح

والمورفولوجى لو اللى بيديكم حامد حواس كترى من الامثله واوعى تكترى فى الكلام بدون لازمه

بس وعموما كان تقديرى فى الادب المريكى جيد جد والمورفولوجى مقبول

فكرة جامدة يا محمد
هدور ع البنادول وارجع تاني وادعولي انه يبقي فيه مذاكرة النهارده

يا افكارك الجامده يا محمد
بجد جامد الموضوع

بص هو اللي عرفته ان الامتحان الشفوي عليه 4 درجات 2 شيت و2 سؤال
دكتور انور هياخد ال 3 شيتات بتوعه يوم الامتحان ودكتور حامد كمان
بس هي المشكله انك ازاي هتقعد تفتكر بقي الكلام كله وتشرح في دقيقتين او 3
ربنا يستر بقي ان شاء الله

الشيتات ثم الشيتات ثم الشيتات اهم من الامتحان
واسئلوني انا لاننا عارف بكده

احنا قابلنا دكتور انور وطمنا وقالنا ولا هترتبكوا ولا حاجه وهاكون مبتسم وباذن الله مفيش صعوبه متخافوش المساله سهله جدا يا رب يكون صادق فى كلامه

تقلقوش والله
امتحان شفوي ده مجرد تسليم شيتات وبس
واحنا ككلية اداب معندناش شفوي زى مثلا كلية تربية
كلية تربية بيحصل فيها شفوي وكان الشفوي بيكون من 25 من 100 وبيتسلم شيتات
والكتب هناك ممكن توصل الى 100 في الكتاب
فمتقلقوش وان شاء الله خير
بالنسبة ل د حامد هى معيدة صغيرة في السن هتمتحنك
حاول انك تعرفها انك فاهم
انا عارف ان التعريفات صعب انك تقولها خاصة ان التعريفات فيها امثلة
بس حاول انك تعرف التعريف ده بيقول ايه بالعربي واحفظ العربي وترجمه بالانجليزي
انا كنت باعمل كده في جميع امتحانات من اول سنة الى رابعة
كنت بافهم المادة بتقول ايه بالعربي ولما تجي الامتحان اترجم ما فهمته بالعربي وكنت باحفظ احيانا
فمتقلقوش من الشفوي

دكتور حامد حواس قال ان فى امتحان الشفوى ممكن يجيبلنا قطعة من الكتاب نقراها ونعلق عليها ..بتهيالى ده اللى فهمته


بس على كل حال اعتقد ان المعيدات اللى هتمتحنا يعنى ممكن تسالنا فى التعريفات و ندى عليها مثال

اما بالنسبة لدكتور انور فهو بيهتم بالفهم واستحااااااااااااالة بتهيالى ان احنا نقدر نلخص حاجة فى دقيقتين من غير ما نكون فهمنها فممكن اما الدكتور يسال نحاول على اد ما نقدر نجاوب اللى فهمناه حتى لوبسيط....احسن من ما نتكلم كتير بة الموضوع



سؤاااااااااااااااااالى هى مواعيد امتحان دكتور حامد الساعة كام يو الاحد

سمايل
اللي عرفته لفاية امبارح ان امتحان د/حامد المفروض الساعة 1 الظهر
بس انا سمعت انه لغي امتحان سنة تانية فياتري ده معناه اننا نيجي بدري ولا ايه؟
ياتري اللي يعرف الميعاد بالظبط امتي يقولنا

Beatrice كتب:

سمايل
اللي عرفته لفاية امبارح ان امتحان د/حامد المفروض الساعة 1 الظهر
بس انا سمعت انه لغي امتحان سنة تانية فياتري ده معناه اننا نيجي بدري ولا ايه؟
ياتري اللي يعرف الميعاد بالظبط امتي يقولنا

انا من راي لما كنت بامتحن مادة لغويات يا بيتريس كنت بفضل اننا اجي الكلية بدري
كانت على ايامي كان معيدتين اللى كانوا بيمتحنونا
فكانوا بينادوا بالاسماء
صحيح كان يوم تقيل بس استحملت
وكنت افتكر اننا روحت بعد ما امتحنت مادة اللغويات شفوي الساعة الثانية عصرا
ده راي انك تجي بدري افضل من انك تتاخري
انا روحت يومها الساعة العاشرة صباحا
ده راي يا بيتريس ولك كامل الحرية انك تاخدي راي او لا
بالتوفيق ليكم

سؤال لو سمحتوا ياجماعة
الدش الكتير اللي بناخده في المحاضرة ده يتلخص ازاي؟ ونكتبه ولا ده فهم لينا احنا؟"ايموشن بيشد في شعره"
حد سال الدكتور عن طريقة الاجابة في الامتحان او الامتحان هيبقي ازاي؟