stop
أنت الأن غير مسجل
للتمتع بمزايا أكثر , كن إيجابياً وقم بالتسجيل
stop
أنت الأن غير مسجل
للتمتع بمزايا أكثر , كن إيجابياً وقم بالتسجيل
stop
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

stop

منتدى شباب بجد
 
الرئيسيةالبوابةأحدث الصورالتسجيلدخول

 

 مصـــــــر هتختـــــــــــار طعمهـــــــــا

اذهب الى الأسفل 
2 مشترك
كاتب الموضوعرسالة
الحريف
عضو أسطـــــــــورة
عضو أسطـــــــــورة
الحريف


ذكر
عدد الرسائل : 22039
العمر : 35
المزاج : الحمد لله على كل حال
نقاط : 37349
تاريخ التسجيل : 01/04/2009

مصـــــــر هتختـــــــــــار طعمهـــــــــا  Empty
مُساهمةموضوع: مصـــــــر هتختـــــــــــار طعمهـــــــــا    مصـــــــر هتختـــــــــــار طعمهـــــــــا  Icon_minitimeالخميس 5 أغسطس 2010 - 20:47


على دقات الثامنة صباحا استيقظت مفزوعه لأجد نفسى مستلقيه على فراشى
شىء ما يدور امام عينى .. لم استغرق وقتا طويلا لكى ادرك بأنها " المروحة
بعد استيقاظى من نوم عميق .. وبعد اداء صلاة الصبح المفروضة التى يغفل الكثيرون عنها
جلست فى حجرتى .. شىء امام عينى يؤرقنى .. ألا وهو ريموت التلفاز
هممت بالضغط عليه .. فوجدت ان مصر بتختار طعمها..
وعلى طريقة ابراهيم نصر ... ما تيجى نشوف




فى الوقت اللى كانت مصر بتختار طعمها برعاية شيبسى
كان فى حاجات كتيرة بتحصل حوالينا فى بلدنا ام الدنيا مصر " وردة كل عصر"
وبرغم ان ناس كتيرة شاركت فى الاختيار دا منهم اللى اختار بطعم البطيخ
.. ومنهم الى اختار بطعم المكرونة " بالصلصة طبعا "
وحاجات غريبة كدا
بس الغريب فى الامر ان وسط الاختيارات دى كلها كان فى ايدين خفية بتختار بطعم مختلف وغريب فى نفس الوقت ..الاختيار دا شد انتباهى لانه كان ليه مذاق خاص
خلونا نتعرف على الطعم مع بعض




بعد اطمئنانى على مستقبل مصر المحصور فى كيفية اختيار طعمها.. نزلت للشارع كى اشاهد المنظر بنفسى
لقيت الزبالة منتشرة فى كل مكان ومصادر التلوث كتيرة ..
ولما سألت واحد وقولتله " هى ليه الناس مش بتتكلم عن التلوث دا
قاللى " الناس مش فاضية .. الناس بتختار طعمها دلوقت



فجال فى خاطرى " حلوة خاطرى دى " ان اختيار الطعم مهمة قومية .. وبما انى مخترتش طعمى لسة يبقا انا خاين للوطن .. وقولت انى هفكر فى اختيار طعمى مع المصريين




بعد اللى حصل دا . روحت لاحد المصالح الحكومية لقيت الرشوة منتشرة فى فى كل مكان .. كنوع من انواع الكوسة"
.. مشكلتى مع الكوسة انى مش بعرف اقور.. علشان كدا مش بستخدمها
سألت واحد كان واقف قولتله " ليه الناس مش بتتكلم عن الرشوة وسايباها كدا"
قاللى " الناس مش فاضية .. الناس بتختار طعمها " ..
فى الوقت دا كانت الناس بدأت تختار بطعم السمك .. ونا لسة مفكرتش اختار طعمى .. ودم الوطنية بدأ يغلى فى عروقى .. وقررت انى هختار طعمى .. لانى زى منتو عارفين وطنيه من طراز خاص




فى الوقت دا بدأ التحذيرات تنزل فى التليفزيون ان اى حد يختار طعمه " يلحق يبعت قبل أخر يوليو
"
بعد ما خلصت مصلحتى فى المصلحة الحكومية .. ووقوفى فى طابور اوله عند راس التين وأخره عند المنتزه
نزلت الشارع لقيت فى ناس كتير متجمعة .. شايف الراجل اللى هناك دا .. أيون اللى شايل ابنه على ايده دا .. ماسك فى ايده التانية صورة مكتوب عليها " كلنا خالد سعيد "
وفوجئت ان الناس دى مختارتش طعمها .. وانهم بيطالبو بحق الشهيد
هنا اصابتنى حالة من الحيرة الشديدة .. الناس دى وطنيين وف نفس الوقت مش بيختارو طعمهم
والناس التانيين وطنيين وبيختارو طعمهم ومش عارف امشى مع مين
فى الوقت دا كان فى ناس كتير اختارت طعمها .. طعم الملوخية ..وبطعم الطعمية ونا لسة محتار اختار الطعم بتاعى .. واللا اطالب بحق مصر




وفى حين ما كانت الناس بتختار طعمها .. جيت قضية رجائى سلطان .. ومحمد صلاح .. وقضايا فساد فى كل مكان..حوادث هنا .. ومشاكل هناك .. والناس لسة بتختار طعمها
فى الوقت دا يوليو كان قرب يخلص
وبرغم المشاكل الكتيرة اللى بتحصل لينا .. شيبسى قدرت تحسم الموقف.. ونقذتنى من الحيرة اللى انا فيها
لما روحت وفتحت التليفزيون
لقيت حاجة غريبة " افرحو يا مصريين .. الله يا صيادين.. مصر اختارت جمبررىىىىىىىىىىى"
وهتافات من هنا وهناك ..يتبين منها كما لو أن مصر فاازت بكأس العالم
مع ان اصغر مشكلة فى مصر اهم من كأس العالم .. زى مثلا ازمة رغيف العيش " ادام الله ذكره "




اتضحلى ان الناس مخترتش طعم جمبرى وان الناس مصممة انها تختار طعم الحشيش .. اللى أذهب عقلهم .. وخلاهم ميفكروش فى حاجة . بسبب التخدير اللى عايشين فيه
فيا ترى شيبسى هتقدر تنزلنا طعم جديد يفوقنا من اللى احنا فيه..هتخلينا نعرف مطالبنا الحقيقية وحقوقنا .. واللا هتكتفى بالجمبرى
انا متابعه الخطة ولو حصل تغيير مش هبخل عليكم .. لأن اختيار الطعم واجب وطنى
يحتم على كل واحد فينا انه يختار طعمه
بس تحذير " الحق ابعت قبل أخر يوليو "
دمتم فى رعاية الله
الرجوع الى أعلى الصفحة اذهب الى الأسفل
حب للأبد
عضو ماسي
عضو ماسي
حب للأبد


انثى
عدد الرسائل : 1064
العمر : 32
البلد : دمياط
الهوايات : لنفسى
المزاج : عالى وتمام
نقاط : 1186
تاريخ التسجيل : 05/09/2009

مصـــــــر هتختـــــــــــار طعمهـــــــــا  Empty
مُساهمةموضوع: رد: مصـــــــر هتختـــــــــــار طعمهـــــــــا    مصـــــــر هتختـــــــــــار طعمهـــــــــا  Icon_minitimeالخميس 5 أغسطس 2010 - 22:37

مصـــــــر هتختـــــــــــار طعمهـــــــــا  62621 مصـــــــر هتختـــــــــــار طعمهـــــــــا  62621 مصـــــــر هتختـــــــــــار طعمهـــــــــا  62621 تسلم الايادى مصـــــــر هتختـــــــــــار طعمهـــــــــا  166815
الرجوع الى أعلى الصفحة اذهب الى الأسفل
 
مصـــــــر هتختـــــــــــار طعمهـــــــــا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
stop :: القسم العام-
انتقل الى: