بنت دمياط

انا قولت اما اقوم فى وسط المذاكره كده ابص بصه لحسن العمليه عقدت معايا وحاسس ان انا معدتش فاهم حاجه

وشكرا ليكى بنت دمياط على ان انتى فاهمتى الوضع ومش معنى كده ان احنا نقفل الموضوع او نحل الاحزاب احنا ممكن نخلى الموضوع زي ماهو ونخش ندردش ونطمن على بعض عليه وقولولى ايه رأيكو؟؟؟

hulk كتب:

وشكرا ليكى بنت دمياط على ان انتى فاهمتى الوضع ومش معنى كده ان احنا نقفل الموضوع او نحل الاحزاب احنا ممكن نخلى الموضوع زي ماهو ونخش ندردش ونطمن على بعض عليه وقولولى ايه رأيكو؟؟؟

وكالعادة وبكل سعادة هقول صباح الورد الأبيض والفل والياسمين...

..أنابردة طبعا موافقة عالاقتراح دة وسعيدة بيه كمان

خصوصا اني عمري مادخلت شات المنتدي ولاناوية أدخلو أصلا فعشان كدة حسيت ان فجأة كل الصلات هتتقطع بيننا

وانتو عارفين انكم اخواتي وبحبكم جدا ودايما هحب أسمع كل خير عنكم وأطمئن علي أحوالكم

وأنا بصراحة كان عندي خبر كدا امبارح بس قولت شكلهم كدا مش عايزين يسمعوا أي حاجة تاني..الخبر هوة ان النهاردة فيه ندوة شعرية فالكلية وهيتكرم فيها أوائل الطلبة

وطبعا الحمدلله أنا من ضمنهم..ولما كنت فاهمة انساحبكم غلط هوة دا اللي كان مخليني في قمة الفرح وفي قمة الحزن في وقت واحد

وأنا أشكركم جدا انكم مسبتونيش كتير بالحالة دي والا كان هيجرالي حاجة فعلا.....سلاااااااااااااااااااااااام

الف الف الف مبروك يا بنت دمياط والله انا فرحانلك جدا وتستحقى طبعا انك تتكرمى


ومن هذا المنطلق هنعتبر النهارده برضه على المنتدي يوم تكريمى لبنت دمياط وكله يخوش ياله ونكرمها ونشوف مين احسن واحد هيجيبلها هديه






وبالمره علشان تكمل السعاده انا كمان قفلت الامتحان النهارده والمقابله بتاعتى كانت حلوه

مبروك بنت دمياط الف مبروك

ومبروك لاي حد حقق حلمه ويارب من نجاح لنجاح

ويوفق الجميع


اللهم حقق لكل مسلم الخير في ما يتمني

واهدني ووفقني وحقق مرادي فانت تعلم ولا اعلم وانت علام الغيوب

ربنا يوفقك يا بنت دمياط ويوفقكم جميعا

ازيك يا اختي الحبيبة
اخبارك ايه وحشتيني يا قمر...قبل كل حاجة انا اسفة علي التاخير في التهنئة.. بس انتي عارفة الظروف وحكيتهالك واكيد متقبلة عذري
وانا طبعا هنئتك وجها لوجه وكان نفسي اهنئك هنا من اول ما جوجو عملت التهنئة بس يالا غصب عني
المهم الف ميت مباركة علي الترتيب يا جميل ويارب للامام دائما وكل اصحابنا اللي قلبهم طيب زيك كده

وصحيح يا عيال ايه حكاية الاحزاب دي.. مش فاهمة حاجة.. فهموني

الف مبروك يا بنت دمياط
يا قمر ويارب دايما فى تفوق
ونجاح

اخواتي وحبايب قلبي أشكركم جدا من كل قلبي

بس مع الأسف مع الألم الندوة اتأجلت ليوم الأربعاء ..طبعا أنا جالي احباط لما عرفت خصوصا اني

النهاردة مكنش عليا أي محاضرات وموضوع اني أروح الكلية أقعد كدة وخلاص بيضايقني للغاية

بس الحمدلله طلعت أثبت حضوري عند أستاذي الجليل عشان لوشافني شكلي يبقي تمام قدامو

وبالنسبة للهديا بتاعتكو أنا طبعا لن أتنازل عنها واللي مش هيجيب هدية مقدما هعضه

hulk كتب:

وبالمره علشان تكمل السعاده انا كمان قفلت الامتحان النهارده والمقابله بتاعتى كانت حلوه

هالك ألف مبروك ليك انتا ..ياولد ياشطور يارافع راسنا..انتا اللي تستاهل الهدايا مش أنا..

اللي مش هيجيب هدية لهالك هيتقطع ماشي ياكتاكيت....

يارب ان شاء الله ياهالك نبارك ليك كدة يوم ما تبقي مهندس كبير كبير كبير مقاما وعلما وفكرا

وتصبح من عظماء القوم ذوي الشأن العالي والمكانة الرفيعة

انتا تستاهل كل خير والله

الف مبرووووووووووووك
والله فرحان
معلش انها اتاجلت
المهم انك وصلتى الى انتى بتتمنيه
والهدية ليكى




الف مبروووووووووووووووووووووووووووووووووك يا بنت دمياط

بشكرك يابروف ياغالي علي اهتمامك

دايما بتحرجني بذوقك بجد والله

وطبعا أنا متأكدة انك فرحان..عشان انتا بابا حريف اللي بيفرح بنجاح أولاده

وكمان التورتة فظيعة وتجنن..بس دي محتاجة سلم عشان أطلع عليه وأقطعها

واسمحلي اني أبقي أقتسمها مع هالك ..عشان هوة كمان شطور وعمل كويس في الامتحان النهاردة

ربنا يكرمك يارب ويوفق كل الطلبة ويسعد قلوبهم بالنجاح والتفوق

الاستــ ــاذ كتب:

بجد ربنا يوفقك,ويحقق ليكى كل الى بتتمنيه ,,بنـــــت دمـيــــــــــــــــــاط

الاحساس بالنجاح جميـــــل .. لكن الاروع هو النجاح بتفـــــوق ..

وانتظرى الهديــــــــــــ ـــــــه ...

بشكرك جيوكنده على موضوعك [/color][/center]

الله يبارك فيك يا أستاذ..

ويارب يوفقك انتا كمان ويرزقك الخير والبركة في كل حياتك

ويحقق ليك كل اللي بتتمناه وبتحلم بيه

وأنا عايزة الهدية تكون جامدة وفظيعة ماشي..هه..وكمان لازم تجيب هدية لهالك كمان ..خلاص اتفقنا

بشكرك من كل قلبي علي اهتمامك..ربنا يخليك يارب

الف مبرررررررررررررررررررررررررررررررررررررررررررررررررررررررررروك
علي فكره يا بنت دمياط ذا جيم واسنيبر والديفل اعدوا يجروا ورايا في الكليه علشان يضربوني
علشان انا الي مضيقهم من الحزب بتاعنا
بس ميعرفوش يعملوا حاجه مع حزبنا هههههههههههههههههههههههههه
والف مبروك تاني

يا خبر معقول

ما اكونش اول المهنئين دى ما كانتش عداوه دى اللى كانت بينا
ههههههههههههه


الف الف مبروك من اخوكى ابو البرانين ويا رب دايما بنجاح وتفوق

phantom كتب:

الف مبرررررررررررررررررررررررررررررررررررررررررررررررررررررررررروك
علي فكره يا بنت دمياط ذا جيم واسنيبر والديفل اعدوا يجروا ورايا في الكليه علشان يضربوني
علشان انا الي مضيقهم من الحزب بتاعنا
بس ميعرفوش يعملوا حاجه مع حزبنا هههههههههههههههههههههههههه
والف مبروك تاني

بيجروا وراك
ليه انتوا بتلعبوا القط والفار هههههههههههههههههه

اهنى بردو اخويا هلك
الف مبروك يا جميل
وربنا يكرمك يارب

the red baron كتب:

يا خبر معقول

ما اكونش اول المهنئين دى ما كانتش عداوه دى اللى كانت بينا
ههههههههههههه


الف الف مبروك من اخوكى ابو البرانين ويا رب دايما بنجاح وتفوق

انتا عارف بقا لو كنت أتأخرت في التهنئة أكتر من كدا

بجد بقا ومش هزار كنت هكحورك..كدا متبقاش أول واحد تهنيني..ماشي ماشي

يابني دانا عدوتك اللدودة يعني المفروض انتا أكتر واحد يفرحلي..بس انتا شكلك بقيت طيب ونسيت العداوة

وبعدين فين الهدية... أنا عاوزة هدية ماليش دعوة..وكمان هدية لهالك ..وياريت تكون نقدا....ولا نقبل الدنانير(الفلوس الفضة)

phantom كتب:

الف مبرررررررررررررررررررررررررررررررررررررررررررررررررررررررررروك
علي فكره يا بنت دمياط ذا جيم واسنيبر والديفل اعدوا يجروا ورايا في الكليه علشان يضربوني
علشان انا الي مضيقهم من الحزب بتاعنا
بس ميعرفوش يعملوا حاجه مع حزبنا هههههههههههههههههههههههههه
والف مبروك تاني

أوعي تسكت ليهم يافانتوم احنا عيال جامدة أوي ومش بنخاف

احنا اللي يقال علينا ياجبل مايهزك ريح........

وميرسي كتييييييييييييييييير علي تهنئتك الغالية جدا

والله أسعدت قلبي للغاية...سلااااااااااااااااااااااااااااااااااااااااااام

هالك هابقي معاه يوم الخميس لما يوصل بالسلامه

وانتى هديتك عندى انتى تؤمرى من العين دى قبل العين دى

احلى طبق كشرى بالشطه لبنت دمياط

احلى حاجة بوكيه ورد لاحسن اخت بنت دمياط

the red baron كتب:

هالك هابقي معاه يوم الخميس لما يوصل بالسلامه

وانتى هديتك عندى انتى تؤمرى من العين دى قبل العين دى

احلى طبق كشرى بالشطه لبنت دمياط

طب متخليه طب اندومي بالهمبرجر

بص ومش بهزر بجد أنا عايزة هدية ..أي هدية..حتي لو وردة بيضاء تقطفها من جونينة الكلية اللي عمري ماشفتها..بسمع عنها بس

وتعطي الهدية دي لهالك يوم ماتشوفو..أحنا عاوزين كلنا نشجعه ونرشيه عشان يبقي شطوووور علي طول ويرفع راسنا ..خلاص يا أبو البرانين اتفقنا

والله شكلك جلدة ومش هتجيب حاجة

professional كتب:

احلى حاجة بوكيه ورد لاحسن اخت بنت دمياط

لو سمحت يابروف أنا عاوزة البوكيه يكون ورد أبيض مش أحمر