كلام في الحب

بسم الله الرحمن الرحيم

فتحت اللعبه

اللعبه بتاعتنا ان كل واحد يدخل يقول رايه في الحب
طبعا كلها وجهات نظر

لا مش كده وبس يا حبايبي ياشاطرين
ده لسه كل واحد هيسال اللي بعده سؤال في الحب
اي سؤال يخطر علي باله
واللي يجاوب ياريت مايخجلش ماهو هايسال هو كمان

انا من وجهة نظري ان الحب هو شريان الحياة


وسؤالي للي بعدي وربنا معاه وياريت وشه ما يحمرش من الكسوف

(ايه راي اقرب اصدقاءك في حبيبتك او حبيبك)

ازلا اللعبة دى حلوة اوى وبشكركجدا عليها
ثانيا رايى فى الحب انه اعظمواطهر واجمل احساس ممكن الانسان يحسة
رايى اصدقائى فى حبيبى انه راجل بمعنى الكلمة
اشكرك

انا اللي باقدم الشكر ليكي علي مرورك وعلي رايك
انتي فعلا عندك حق لان الحب فعلا اسمي احساس
ربنا يكتب ليكم السعاده والهنا انتي وحبيبك

بس نسيتي تسالي سؤالك

عايزين اساله محرجه ياجماعه

السؤال للعضو التالي (لو حبيبك/حبيبتك شك فيك/ي هتعمل/ي ايه؟)

اولا اسفة انى نسيت اسال السؤال
بس هجاوبك على سؤالك لوشك فيا هعمل ايه
اولا لو لو بيحبنى بجد وحبى مالى قلبه عمرة مهيشك فيا
بس هنفرض انه شك فيا اكيد هحزن جدا وهثبتله انه غلطان وانى معملتش الحاجة الى خلته يشك فيا وبعدين هبعد شويه لحد مايحس بغلطه وهأخد موقف جامد علشان معدش يشك فيا وبعدين هسامحة
سؤالى
لو اهللك رفضوا حبيبتك لاى سبب مع ان حبيبتك انسانه محترمة وكويسة ومففيش مبرر انه يرفضوا مثلا ردففعللك هيكون ايه

هتحدي الدنيا كلها
هتحدي اهلي ونفسي واهلها
هتحدي اي حد ممكن يقف في طريق حبنا
الحد الوحيد اللي مش هقدر اني اتحداه حبيبتي نفسها
لان وقتها سعادتها فوق سعادتي وفوق اي شئ

سؤالي...........................
بتحب / ي واحد/ه
الحد ده بيحب حد تاني
صديقه / صديقتها بيحبك اوي

العمل ايه ؟؟؟؟؟؟؟؟؟

بشكرك انك بترد على سؤالى
اولا سؤالى كان ليه سبب لانى دى حالتى او مشكلتى وحبيت اخد رايك فيها
انا بجد من قلبى هتمناله السعاده مادام بيحب غيرى وهحاول انساه وهتمنى انها تكون كويس معاه وتحافظ عليه واكيد ربنا هيعوضنى بالى يحبنى بجد ويكون حب متبادل لان الحب الحقيقى هو المتبادل بين الطرفين تضحية وعطاء
سؤالى
لو حبيبك اتخلى عنك تعمل ايه

يعني هتعملي زي المثل (خد اللي يحبك وماتخدش اللي تحبه)

يعني ممكن صديقه اللي بيحبك ده يكون له نصيب في قلبك ؟؟؟

ردي علي سؤالك (امووووووووووووووت ,,, او بمعني اخر ... هكون عايش ميت)

سؤالي عن الصديق ده ؟؟؟

اسفه انا مفهمتش السؤال ممكن توضحوهالى اكتر
معلش الظاهر فهمى بطىء شويه

سؤالي كان
بتحبي واحد وهو بيحب واحده غيرك
(صديق حبيبك بيحبك اوي) ؟؟؟؟؟؟؟؟

انتي جاوبتي عن حبيبك انك تتمنيله السعاده
وقلتي اكيد ربنا هايعوضك بحد يحبك
بس ما قلتيش صاحبه اللي بيحبك ده هتعملي ايه معاه ؟
ممكن تعتبريه هو اللي ممكن ربنا يعوضك بيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سوري سؤالي طويل شويه

اكيد لا مينفعش علشان هيبقى الموضوع صعب خاصه لو هما اصحاب اوى وعلاقتهم جامده مع بعض
كمان هو عمرة مهينسى انى فى يوم كنت بحب صاحبة
عموما هى بترجع لطبيعه الشخصيات
يعنى لو شخصيات محترمة وعاقله وكده ممكن يمشى الموضوع
بس من رايى تنساهم هما الاتنين حبيبها وصاحبه

اعتقد ان اللي بيحب بينسي لحبيبه ماضيه

عموما هي وجهات نظر

بس انتي لسه بتعتبريها حبيبها وصاحبه (المفروض حبيبها واللي بيحبها)



بس فين سؤالك ؟

لو بتحب حقيقي بجد
يبقي اتحدي كل الصعب
خليك فارس التحدي للنهايه
اوعي ترفع الرايه البيضا وتنهزم

طيب ايه رايك في الكلام ده ؟