بنت دمياط

دا دي اللى كنت بسمعها عند ام ساميه بتاعت الزبادي))

يلا اللى عليه الدور يقول

tفاكر يا هالك اليوم اللى جيت وكنت بايت فيه عندكم
وكل شويه اسمع حد بيخبط و اقوم افتح ملاقيش حد
وانتا تقولى ده احمد(العفريت) بيسلم عليك
هههههههههههههه

ههههههههههههه
فاكر يا سنيبر فاكر هههههههههه

هو موقف حصل قدامى وصراحه
اتفزعت جدا
واحده قريبتنا كان فى بيتها عفاريت وجن
وفجاه لقيت النيش كله
والفخار الى فيه بيتكسر
ولقيت اصوات عجيبه
وقريبتنا دى صوتها اتغير
وانا كنت هاموت من الرعب
وفجاه فتحت القران لقيت الى بيصرخ وومتعصبه
والله كنت نازله الدرس نسسيت اخد الفلوس والمذكره ونزلت اجرى
والله كان يوم
ربنا يجعل كلامنا خفيف عليهم

ههههههههههههههههههههههههههههههههههه

يا عينى متاكده هتعرفى تنامى يا عينى

مش فكرتك رعب وباليل

ايوة اخيرا افتكرت

هما فيه موقفين ماشي...........

الأول..كنت انا وماما مروحين من عند جدو الساعة 10 مساء من غير ماخالو يوصلنا

وبعدين وصلنا علي معدية ايمن اللي قدام بيتنا واللي الحمد لله عمرها ما اسعفتنا

المهم واحنا فالطريق ليها كان فيه مجموعة كلاب سودة كبيرة جدا في الحجم وكانو بيتخانقو وصوت

نباحهم فظيع ومرعب..انا بقا وبمنتهي الشجاعة سبت ماما وجريت ووصلت بسرعة للمعدية لقيت المركب

موجود الحمدلله ركبت وسبت ماما جت علي مهلها..

الموقف التاني..كنت في ثالثة ثانوي..وكان فيه مواطن بيقف يستناني فالاستراحة اللي قدام بيتنا

يفضل ماشي ورايا ويركب المعدية معايا وبعدين العربية وينزل يوصلني لبوابة المدرسة

استمر علي الحال دة 5 شهور صامت..وبعدين لقيتو مرة وقف في طريقي وقالي لو سمحتي يا آنسة الورقة دي

وقعت منك الصبح..بصيتلو باندهاش وسيبتو ومشيت..بابا اياميها كان موجود مش مسافر بس لو كنت قولتلو

بجد كان ممكن يقتل الشخص دا لأنو بيغير جدا علي أهل بيتو..المهم لقيتو بعد كدة جه عند المدرسة

وقالي بصوت عالي أنا آسف ..بردة مرديتش..وبعدين لقيتو ركب العربية معايا ووقف استناني

في شارع المعدية وكنت لوحدي لقيتو قرب عليا وقالي بصي ماهو انتي هتسمعيني يعني هتسمعيني

ومش هسيبك تمشي المرة دي لو عملتي ايه..انا لسة فاكرة احساسي يوميها حسيت اني سخنت واتجمدت في مكاني

وبعدين جريت بأقصي سرعة لغاية ماوصلت عند أستاذ كنت باخد عندو درس في نفس الشارع

هوة حرام الشخص دا كان بيتكلم بأدب ومحاولش مرة يضايقني بالجامد بس وجودو في ا لشارع واصراره

علي انو يكلمني بالعافية..كان حقيقي شيء مرعب ..الأغرب انو فضل يمشي ورايا لبقيت السنة بس صامت

ولغاية أولي كلية بس الحمد لله زهق ولقي مفيش فايدة ويأس واختفي تماما

هههههههههههههههههه

اكيد مجنون طبعا

الدور عليك يا أبو البرانين

اشجينا وشمتنا فيك

اقول انا بقي

بصوا يا ولاد كنت فى اولى اعدادى تقريبا وراجع مروح من المدرسه وراكب ميكروباص وركبت فى الكرسي الاخير وجنبيى راجل شكله هادىء ومسالم ووديع ( وهى دى الناس اللى يتخاف منها )

الراجل ده كان شكله صعيدى , اسمر , لابس جلبيه ومعاه لفه من ورق الجرايد , تعرفوا فيها ايه هاقولكم

العربيه اتحركت والراجل بكل هدوء وسكينه فتح اللفه اللى معاه وطلع منها ايه يا ترى ههههههه

1- سكينه
2- مقص
3- جرجير
4-منشار حدادى

وبلاش ذكاء وحد يقولى ده جناينى ولا حلاق اه مش ناقص ذكاء

وفجاه وبدون اى مقدمات وعلى حين غره اخد الجرجير وبدا يقطعه بالمقص ويرمى من الشباك

والسواق لاحظ ويزعق ويقول يا جماعه يا الى ورا محدش يرمى حاجه من الشباك لو سمحت

وانا بقي بقيت لا عارف اتحرك ولا اتكلم فى حاله من الدهشه والذهول

وفجاه اللى كنت خايف منه حصل والجرجير خلص يا خراااااااااااااابي الجرجير خلص قلت اه

هيدور عليا انا بقي وهابقي شرايح

وفجاه دورلى وشه وابتسم ابتسامه من بتوع الساحره الشريره اللى بييجوا فى الكارتون زمان

وفجاه اخد المقص وبدا يقص فى الايشارب بتاع الست اللى كانت راكبه قدامنا والست حست وصوتت



وفجاه العربيه وقفت ومع انى كنت فى الكرسي الاخير لقيتنى اول واحد بره ازاى محدش يسالنى

والناس فضلت ضرب فيه والسواق اول ما شافه قاله يا بن ( .........) هو انت تاااانى

ههههههههههههههه وفضلت اضحك بهستيريا لغايه ما وصلت البيت


الموقف التانى

باصطاد بالشبكه باليل مع خالى واصحابه بطريقه الجرف لكن لازم ننزل بالليل

ايامها مكنش فى مواسير كنا بندخل جوه خالص الشبكه على كتفنا ونبدا نفترق وناخد بيها قوس كبيرحوالى 100 متر ونطلعها

وفجاه وانا جوه الكلام ده الساعه 2 بالليل لقيت حاجه ماسكه فى رجلى ايه هى الله اعلم ولو كان حد شافنى وقتها كنتوا هتعرفوا انى تقريبا جريت على وش المياه هههههههه وموقف عمرى ما هنساه

ههههههههههههههههههههههههههه

يا مساء الرعب
ههههههههههههه

هههههههههه تحفة الموقف الأول متخيلة منظرك وانتا فأولي اعدادي وبراءة الأطفال في عينيك

بس بردة انتا غلطان ليه مضربتش الست وقولتيلها سيبيه يعملك نيو لوك

والموقف التاني دا مش عارفة ليه خفت منو

يابني دي الجنية الحولة ووقعت في غرامك من أول طشة.. ليه تكسر قلبها من أول لقاء

كدة بردة ياسونة ياقاسي متسألش فيا

هههههههههههههههههههههههههههههههههههههه

علي فكرة انا طفيت فريد مخصوص عشان استمخ قدام رعب ابو البرانين الغالي

انا هفضل نصاية كمان ماتيجو نرغي في احد المواضيع الحيوية التي تهم الفرد والمجتمع

شفتم طريقتى هى دى ازاى تروى قصه مش انتم

اتعلموها بقي

اديب والله يابارون من يومك

طيب ماشي

نتكلم فى حاله المجتمع بعد الثوره وانتشار الاتجاه الاشتراكى وهيمنته على الحركه الناصريه

معلش انت الاستاذ الكبير

واحنا الطلبه لازم نتعلم منك

وامال فين المشاركه

the red baron كتب:

طيب ماشي

نتكلم فى حاله المجتمع بعد الثوره وانتشار الاتجاه الاشتراكى وهيمنته على الحركه الناصريه

يا حياتي دا المواضيع دي لعبتي

دا انا دارسة الاشتراكية من يوم ما ماركس حبي الوحيد فكر في الموضوع دا

جميل معاكو
طب منشوف هل فعلا الثوره فادت مصر ولا لا
ولا نتكلم فى الواد اللى مات فى لبنان

لأة خلينا في الثورة افضل

hitman كتب:

هههههههههههههههه
ازيكم يا جماعة

الله يسلمك ياهيت مان والله ليك وحشة يامواطن