stop
أنت الأن غير مسجل
للتمتع بمزايا أكثر , كن إيجابياً وقم بالتسجيل
stop
أنت الأن غير مسجل
للتمتع بمزايا أكثر , كن إيجابياً وقم بالتسجيل
stop
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

stop

منتدى شباب بجد
 
الرئيسيةالبوابةأحدث الصورالتسجيلدخول

 

 GOOD NEWS : هقرفكوا فعيشتكوا

اذهب الى الأسفل 
3 مشترك
كاتب الموضوعرسالة
الحريف
عضو أسطـــــــــورة
عضو أسطـــــــــورة
الحريف


ذكر
عدد الرسائل : 22039
العمر : 35
المزاج : الحمد لله على كل حال
نقاط : 37349
تاريخ التسجيل : 01/04/2009

GOOD NEWS   : هقرفكوا فعيشتكوا  Empty
مُساهمةموضوع: GOOD NEWS : هقرفكوا فعيشتكوا    GOOD NEWS   : هقرفكوا فعيشتكوا  Icon_minitimeالأحد 11 يوليو 2010 - 20:45

GOOD NEWS


تقدم
برنامج هاقرفكو فى عيشتكو
اعداد و تقديم :الانسة ملبسة







سيداتى انساتى سادتى
اسعد الله مساؤكم بكل خير



اهلا و سهلا بيكم فى برنامجنا



هاقرفكو فى
عيشتكو



صقفوا صقفوا



ازيكوا و عاملين ايه اتمنى تكونوا بخير



هنبداالحلقة مع برنامجنا الرخم
اوى


ودى حلقة استثناية



وضيف الحلقة اليوم


الفساد


صقفواصقفوا
والاستاذ فساد تحدث على كل مايدور داخل الشارع الكروى المصرى


ملبسة:فى البدايه تحياتى لحضرتك واسف انى حاخد من وقتك دقائق



الفساد:تحياتى ليك انسة ملبسة والشعب المصرى كله وكل سنه وانتم طيبين



ملبسة:وحضرتك بخير بس كل سنه واحنا طيبين على ايه يافندم ؟



الفساد:ههههه اه اسف شكلك جديدة على الموضوع ده اصلى ده موسم بالنسبه ليا والشغل كتير اوى اليومين دول



ملبسة:بالفعل يافندم انا لسه فى بدايه مشوارى
نخش فى الحوار
ملبسة:لماذا يتم الزج باسم حضرتك فى اغلب القضايا التى تثار فى الوسط الكروى المصرى؟



الفساد: والله ده بحمد وفضل الله الواحد بيجتهد وفى الاخر كل واحد بياخد على قد تعبه



ملبسة : وهل وقت حضرتك يسمح لكل هذا القضايا؟



الفساد: والله الواحد بيحاول ينسق الامور حبه من هنا وحبه من هنا عشان الدنيا تمشى عشان نرضى جميع الاطراف



ملبسة:لكل اسم نحمله معنى ومفهوم محدد ولكن بعد بحث عن معنى لاسم حضرتك لم افلح فى ايجاد معنى واضح له ؟



الفساد : هههههههه ايه ياولية اسمى واضح جدا ومعناه الفهلوه وتفتيح المخ وتسليك الامور.



ملبسة : ولية ايه الظاهر من اسلوبك انك جاهل ماهو مؤهل حضرتك الدراسى؟



الفساد: اما صحيح هبلة. ياهبلة انا معايا شهادات كتير من اكتر من وزير وشخصيات مهمه فى البلد وانا اسمى لوحده شهاده



ملبسة : ماعلينا ماحقيقه تورطك فى ملف ام درمان المقدم للفيفا من قبل الاتحاد المصرى لكره القدم؟



الفساد: الحقيقه الكلام كتر اوى فى الموضوع ده فى الفتره الاخيره وحقيقه شرف لا انفيه فى ناس حلوه من اتحاد الكوره قاعدوا معايا عشان اظبط ليهم شويه حجات كده باظت منهم باين وماعرفوش يصلحوها شوفت بقى ياسيدى كل حاجه عليا فى البلد دى



ملبسة :ربنا يكون فى عون حضرتك بس مافهمتش ممكن حضرتك توضح اكتر



الفساد: هههههههه مش بقولك شكلك هبلة و جديدة على المصلحة دى. انا اقولك يا مدندشة بعد الصداع اللى حصل بعد الماتش ومش عارف بيقولوا مين ضرب مين اتحاد الكوره كان عايز يعمل ملف عشان يوديه للبتاعه دى بتاعه الكوره فى العالم بس فامنفعش والليله باظت منهم بس راحوا قصدونى فى الخدمه دى روحت انا مظبط ليهم الجو وخليت الناس فى البلد كلها مبسوطه تعرفى كنت عايز اقولهم ان الماتش حيتعاد بس بصراحه صعبوا عليا ههههههههه



ملبسة :بعد وقت كبير على غيابك ظهرت علينا من جديد فى موضوع الاتهامات التى خصت اتحاد الكره باهدار المال العام؟



الفساد:الحقيقه انا مقدرش اتكلم فى الموضوع ده دلوقتى احتراما للقضاء المصرى واانا واثق من عدالته بس الموضوع كبر على الفاضى ايه يعنى كام عشوه والنوم كام ليله فى فندق فخم يعنى هو الواحد ماينفعش ينضف شويه لازم كله شتيمه وتزوير مافيش فلوس واختلاس ابدا



ملبسة:يعنى مايقال عن وجودك فى هذا القضيه هل هو صحيح ؟



الفساد: قولتلك مش حقدر اوضح دلوقتى بس على راى المثل اللى مابيشوفش من الغربال مايجبش فيه خضار لحسن يقع هههههه



ملبسة: اسمك بيتردد فى معظم دول العالم ولكن حضرتك مش شايف فى وجودك ان ده بعيد عن الكوره شويه؟



الفساد: انا ليا الشرف انى دخلت فى الكوره المصريه وبقوه فى الوقت اللى فات وفى الحقيقه كل الناس اتعودت عليا وانا حبيتهم اوى بصراحه ناس مافيش اطيب من كده انا فكرت انى اشوف عرض كويس فى اى بلد محتاج شغل كبير وابعت ابنى الصغير عشان ياخد على الاحتكاك الخارجى واللعب فى الاجواء السهله الاول بس بصراحه الناس هنا متمسكين بيا ودى الحاجه اللى مخليه الواحد يفضل القاعدة هنا وارفض كل العروض رغم قوه المقابل يعنى فلوس كتير



ملبسة: وايه حقيقه دخولك طرف فى انتخابات نادى الزمالك الاخيره؟



الفساد: برضه سؤال ماينفعش اقول فى حاجه عشان القضيه دلوقتى فى المحكمه ولكن مصر كلها شافت كل حاجة فى التلفزيون



ملبسة:ماهى قصه ناجى جدو بوضوح؟



الفساد: الشغل كله انا اللي عملته فى منطقه اسكندريه مع نادى اتحاد اسكندرية واتحادالكورةغير كده ماليش دعوه


ملبسة:وهل لك يد فى التشويش على قنوات الجزيره الرياضيه؟



الفساد:مش عارف ليه كل بلوه تيجى على دماغى مالى انا ومال التشويش انا راجل بتاع فساد وبس ماليش دعوه بالعب العيال ده



ملبسة: بعيد عن الكوره ماهى اهم صفقاتك السياسيه؟



الفساد: انتى عبيطة فعلا باين عليك الهبل احنا متفقناش على كده قولنا شويه فى الكوره وبس عشان هى مش



ناقصة استعباط ابوس راس اهلك ملناش دعوة بالسياسة



ملبسة :خلاص خلاص ياعم فى ايه محسسنى انى بتكلم مع وزير التضامن الاجتماعى




ملبسة:طب سؤال اخير



الفساد: قولى ياهبلة وخلصينى



ملبسة : ( فى سرها طبعا ) ربنا يصبربنى عليك سؤالى ايه علاقتك بمقتل خالد سعيد؟



الفساد: انتى مش حتسكتى غير لما ادخل المعتقل على ايد اهلك ان شاء الله انا غلطان اعمل حوار مع واحدة هبلة زيك سلام ياهبلة قصدى ياابلة



ملبسة :و فى النهاية لازم نشكر ضيفنا الفساد و الى لقاء اخر فى حلقة قادمة من برنامجكوا الرخم اوى




هاقرفكو فى عيشتكو




ضيف الحلقة القادمة




(كابتشن جدو)








مع العلم اتصلنا به عن طريق فريق الاعداد والمخرج ولكن مبيردش علينا ولكن اوعدكم حنفضل نقرف فيه بااتصالاتنا لحد مانعمل معه الحلقة




ولنا لقا لمن يعيش

منقول
الرجوع الى أعلى الصفحة اذهب الى الأسفل
rozy
عضو نشط
عضو نشط
rozy


انثى
عدد الرسائل : 87
العمر : 34
البلد : مصر
المزاج : الحمد لله علي كل حال
نقاط : 95
تاريخ التسجيل : 29/04/2010

GOOD NEWS   : هقرفكوا فعيشتكوا  Empty
مُساهمةموضوع: رد: GOOD NEWS : هقرفكوا فعيشتكوا    GOOD NEWS   : هقرفكوا فعيشتكوا  Icon_minitimeالأحد 11 يوليو 2010 - 20:57

ههههههههههههههههههه

فكرة طريفة جدااااااا

وموضوع كويس واسئلة حلوة سلمت يداك
الرجوع الى أعلى الصفحة اذهب الى الأسفل
حب للأبد
عضو ماسي
عضو ماسي
حب للأبد


انثى
عدد الرسائل : 1064
العمر : 32
البلد : دمياط
الهوايات : لنفسى
المزاج : عالى وتمام
نقاط : 1186
تاريخ التسجيل : 05/09/2009

GOOD NEWS   : هقرفكوا فعيشتكوا  Empty
مُساهمةموضوع: رد: GOOD NEWS : هقرفكوا فعيشتكوا    GOOD NEWS   : هقرفكوا فعيشتكوا  Icon_minitimeالإثنين 12 يوليو 2010 - 15:15

GOOD NEWS   : هقرفكوا فعيشتكوا  166815 GOOD NEWS   : هقرفكوا فعيشتكوا  166815 سلمت الايادى يا لؤى ومنتظرين كل جديد GOOD NEWS   : هقرفكوا فعيشتكوا  62621
الرجوع الى أعلى الصفحة اذهب الى الأسفل
 
GOOD NEWS : هقرفكوا فعيشتكوا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
stop :: القسم العام-
انتقل الى: