stop
أنت الأن غير مسجل
للتمتع بمزايا أكثر , كن إيجابياً وقم بالتسجيل
stop
أنت الأن غير مسجل
للتمتع بمزايا أكثر , كن إيجابياً وقم بالتسجيل
stop
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

stop

منتدى شباب بجد
 
الرئيسيةالبوابةأحدث الصورالتسجيلدخول

 

 خطوات الخطوبة للشباب

اذهب الى الأسفل 
2 مشترك
كاتب الموضوعرسالة
الحريف
عضو أسطـــــــــورة
عضو أسطـــــــــورة
الحريف


ذكر
عدد الرسائل : 22039
العمر : 35
المزاج : الحمد لله على كل حال
نقاط : 37349
تاريخ التسجيل : 01/04/2009

خطوات الخطوبة  للشباب  Empty
مُساهمةموضوع: خطوات الخطوبة للشباب    خطوات الخطوبة  للشباب  Icon_minitimeالأربعاء 21 يوليو 2010 - 22:54



النهاردة هقولكم على الخطوات اللى لازم العريس يتبعها وهو رايح يخطب ..


بعد الشر عنكم يعنى طبعا زى ما كلنا عارفين الشاب منكم اد ايه ما بيحبش يقدم


على الخطوة دى اللى بتجيبله قشعريرة فى جسمه ..

وسكر وضغط وفقر دم وفقر جيوب ..


لكن فى ناس بتبقى مضطرة تعمل الخطوة دى واللى يحصل يحصل وده بيبقى


نتيجة لسبب واحد ..


وهو انه يلاقى والدته طول النهار قاعدة نايمة رايحة جاية عمالة تعيط وتنهنه وترزعه


كلمتين فى العضم من اللى يجيبوا هشاشة عظام ..


وتقوله :



" نفسى افرح بيك قبل ما اموت يا ابنى "


" نفسى اشوف عيالك بيجروا حواليا واشيلهم على كتفى "
او


انها تكون محتاجة واحدة تشيل وتحط وتنضف وتطبخ ببلاش ..


وتقوله :


"نفسى تجيبلى عروسة بنت حلال وتشيل عنى بقى وتريحنى من قرفك "


فى الحالة دى بس بيضطر الابن يتنازل عن حريته ..


ويضحى علشان الام تعيش وبينتحر وامره الى الله ..



ويقول :



لامه من غير نفس شوفلنا واحدة تعيش وابقى اعملى فيها اللى انتى عايزاه ..


وربنا يقدرنا على فعل الخير ..


النهاردة بقى اليوم اللى هتروح فيه مع ماما علشان تتخطب ..


اقصد تخطب ..


حاول تعتمد على نفسك وتطلع هدومك بنفسك وتوفق الالوان مع بعض من غير كل


شوية ما تنادى على ماما وتعلها اكتر ما هى معلولة منك ..


وحاول انك تبعد عن لبس البدل والقمصان والكرفتات


والبس الهدوم النيو لوك اللى بنات اليومين دول بتتهوس بيها ..



يعنى مثلا شورت وفانلة مقطعةاو فانلة عليها رسومات ميكى ماوس وقطط وكلاب

..


يعنى ده دليل على انك شخصية ليفة ..


" اقصد أليفة "




وابعد خالص مالص عن الشرابات والجزم الحاجات دى ..



بقت موضة بريحة بتطلع روايح مش مستحبة ..
كمان ما ننساش الشعر يضرب فى الخلاط ..


شوية جلة على حبة صابون غسيل على كيسين كلور الوان وشوف النتيجة ..


هتلاقيه زلبطة ناصعة البياض ايون الزلبطة اليومين دول موضة ..


الشعر موضة قديمة واللى عنده شعر يا ياخده موس زيرو ..


يا يحط شوية جاز على حبة اوكسجين ويولع ..


خلصنا من الشعر وبقينا تمام نلبس حظاظة ..


ولو معندناش نجيب حتة قماش من بتوع المطبخ ناخد منها حتة ونربطها على ايدينا


تبقى حظاظة ..


نحط بقى كولونيا خمس خمسات وكده نبقى بقينا عال العال ..


وتخرج تاخد ست الحبايب انججيه ..


( يعنى ايد فى ايد )



وعلى بيت العروسة عدل .. اول ما تلاقى ابو العروسة تسلم ..


وكلك ثقة واستعمل الفاظ اليومين دول ..


اللى بتخلى البنات تقول ان الشاب ده ،، استايل وابن ناس ..


يعنى" هالو اونكل" ،، "هالو تنت "


"هاو ،، ار ،، يوووووه عليكم وعلى ريحتكم "

كده يعنى وبلاش سلام المعلم طربقها وشغل الجزراين ده ..


ساء الخير يا مودام .. ساء الخير يا عمى ..


" دستور يا اهل الدار "



لحسن يتصدموا ويفتكروا انك عليك عفريت ولا حاجة ..


ادخل برجلك الشمال ..


لان اليمين بطلت وبقت" اولد فاشون "


الشمال بتاعة السليبر ،، اما اليمين بتاعة البولغ والبنص ..


اول ما تقعد تحاول تقعد قعدة جديدة بلاش ام رجل على رجل دى ..


أحسن العروسة تقول عليك من ايام عبد الوهاب والابيض واسود ..


غير ،،


احنا بقينا فى عصر ال" l c d" ابو سبعة وتلاتين بوصة ..


تجنب الوشوشة كل شوية مع الست مامتك علشان ما يقولوش ابن امه ..


وبلاش فى كل حاجة يقولها ابو العروسة تبص لمامتك وتغمزلها ..


اتكلم انت وخليك جرىء ..


حتى لو مامتك معجبهاش الكلام ..


براحتك ،،، وابقى اترزع فى البيت عادى دى ماما ..


المهم يبان ان عندك شخصية ،، معملية مستفزة اقصد "فزة "


واول ما تلاقى العروسة خارجة بصينية المشروبات ..


بلاش تبحلقلها وبص فى الارض ..


عارفين انك بجح وعينك يدب فيها 60000 رصاصة ..


بس معلش تعالى على نفسك


ولم عينك وبحلق فى السقف ..



واعمل خجول بدل ما العروسة ،، تتلخم وتوقع الصينية عليك ..


وتبوظلك الطقم او يقوم ابوها يلكملك ..


كمان مش عايزين طفاسة ..


ولا عايزين طقم الاسنان يبان خالص ..


يعنى هما شفطتين عصير وبس ..


ولو كان فيه جاتوه او اى حاجة حلوة ..


سيب الطبق مكانه واكبح مشاعرك الطفسية والمطبخية دلوقتى


وبلاش تمسح الاطباق مسح ..


علشان ميقولوش عليك مفجوع ومشفتش الحاجات دى فى بيتكم ..


لازم تبين ان عينك مليانة ..


اول ما ابو العروسة يبتدى كلامه بجملة ..


( نيجى للمهم )


تعرف علطول انه هيبتدى الامتحان ..


ولازم تركز وتجاوب بتقدير جيد مع مرتبة وملل الشرف ..


ومش اى مرتبة مرتبة اسفنج مش تنجيد ..


( الشبكة )

اول ما تسمع الكلمة دى ..


ما تفتكرش شبكة الصيد ..


لا هو يقصد شبكة للقرش اللى هيجوزهالك ..


يعنى الدبل والمحبس والحنفية اللى هتفضل تنقط وتخر على نفوخك ومش هتلاقى


جلدة تسد بقها بيها ..


ابعد عن الاجابة بتاعت :


(( انا تحت امركم ))

لحسن ساعتها هتسمع انواع من المعادن غريبة ..


وعمرها ما مرت على ودنك ..


زى الالماظ ،، والسولتير ..


ساعتها ما توافقش وافتكر زمان ايام الشبكة اللى كانت طقم حلل نحاس ..


وقلهم مفيش داعى للمصاريف ..


الشبكة دى هدية من العريس للعروسة بقيمتها ..


وطبعا انت عارف قيمتها عندك اد ايه ..


وكل واحد وتقديره ..


نيجى ( للشقة )

تسمع ابراج ،، فيلل ،، شقة بجنينه ..


اعمل فيها عبيط وطنش ..


وقلهم عندى شقة بمنافعها ..


اوضتين ،، وصالة ،، وعفشة ميه ..


يعنى هما هينهبوا


اهو على الاقل انت هتبقى طورت" نظرية" عش العصفورة ..


( العربية )

اول ما يسالوك على العربية ..


قلهم ناوى ادخل جمعية بنفرين واقبض الاخر ..


واشترى واحدة بالقسط 27 او سيات ..


ولو مش عاجبهم ..


يبقوا يركبوها تاكسى على حسابهم ..


واتحجج ان البلد بقت زحمة ومفيش اكتر من المواصلات والعربيات الكارو ..


( الفرح )

هنعمله فين ؟؟


قلهم السطوح عندنا كبير ويساع بدل من الواحد الف ..


حاسسهم انهم هيعملوا فرح بنتهم فى "الاستاد "


ولو ام العروسة اتحشرت وقالتلك :


بنتى لازم يتعملها فرح فى دار ،، او فندق ،، او نادى ..


ولا كانها الاميرة ديانا ..


قلها بس بس طلبك عندى ..


" مركز الشباب اللى جنب بيتكم "

وكام لمبة على كام كرسى بقى فرح ..


ولو اتكلمت قلها ان المنظرة ملهاش داعى ..


واول ما تلاقى ابو العروسة بيرفع ايده وبيقول سمعونا زغروطة ..


تعرف انك عريس لقطة وقعتلهم من السماء ..


وساعتها بص للعروسة واعمل فيها توم كروز ..


توم ،، مش بصل كروز ..

ولو انها يا حسرة عليها ( بصل ،، توم ) .. هتعيط يعنى هتعيط ..


وابقوا اعزمونى فى الفرح انا بس ..


(( أحسان لا شفقة ))


خطوات الخطوبة  للشباب  62621 خطوات الخطوبة  للشباب  62621 خطوات الخطوبة  للشباب  62621 خطوات الخطوبة  للشباب  62621
الرجوع الى أعلى الصفحة اذهب الى الأسفل
the mysterious
عضو معلــــم
عضو معلــــم
the mysterious


انثى
عدد الرسائل : 3410
العمر : 32
البلد : بلدي هي المكان اللي هكون فيه سعيده
الهوايات : ( الرسم ..الكمبيوتر )
المزاج : تمااااااام...الحمد لله
نقاط : 3809
تاريخ التسجيل : 25/06/2010

خطوات الخطوبة  للشباب  Empty
مُساهمةموضوع: رد: خطوات الخطوبة للشباب    خطوات الخطوبة  للشباب  Icon_minitimeالخميس 22 يوليو 2010 - 22:27

خطوات الخطوبة  للشباب  166815 خطوات الخطوبة  للشباب  62621 خطوات الخطوبة  للشباب  166815 خطوات الخطوبة  للشباب  62621

سلمت يداك يا حريف.
الرجوع الى أعلى الصفحة اذهب الى الأسفل
 
خطوات الخطوبة للشباب
الرجوع الى أعلى الصفحة 
صفحة 1 من اصل 1
 مواضيع مماثلة
-
» أثناء الخطوبة لا تكذب ولا تتجمل
» نصائح الخطوبة---- خشوا يا بنات
» تهنئة للأخ محمد سمير الهجام بمناسبة الخطوبة
» عاوز تخلى والد حبيبتك يوافق على الخطوبة خش بسرعة وخد الخطوة دى .................؟؟
» سبع خطوات بسيطة لحل كل مشا كلك

صلاحيات هذا المنتدى:لاتستطيع الرد على المواضيع في هذا المنتدى
stop :: القسم العام-
انتقل الى: