stop
أنت الأن غير مسجل
للتمتع بمزايا أكثر , كن إيجابياً وقم بالتسجيل

stop

منتدى شباب بجد
 
الرئيسيةالبوابةالتسجيلدخول

شاطر
 

 لو القطر اتاخر اديله رنه

اذهب الى الأسفل 
كاتب الموضوعرسالة
الحريف
عضو أسطـــــــــورة
عضو أسطـــــــــورة
الحريف

ذكر
عدد الرسائل : 22039
العمر : 31
المزاج : الحمد لله على كل حال
نقاط : 37349
تاريخ التسجيل : 01/04/2009

لو القطر اتاخر اديله رنه  Empty
مُساهمةموضوع: لو القطر اتاخر اديله رنه    لو القطر اتاخر اديله رنه  Icon_minitimeالأربعاء 21 يوليو 2010 - 22:38


وانا بقرأ مجلة حريتى لقيت عنوان غريب
بيقولوا ان هيقضوا على كوارث القطارات بالمحمول
انا الخبر شدنى قولت ايه ده تقنية جديدة طلعت ولا ايه....!
وحلفت انى اقرا الموضوع

واتارى الامر مش عملية تقنية لأ
دا رئيس هيئة السكك الحديدية باين مش لاقي حل ولا عارف
يتصرف في مصايب القطارات

راح عمل تعاقد على شراء الفي تلفون محمول
لتوزيعها على السائقين والمراقبين للتواصل فيما بينهم
قال هو دا اللى هيمنع حدوث حوادث القطارات

يعنى لو السواق اداله رنة يبقي جاى في السكة
لو رنتين يبقي يرجع القطر اللى ماشي و يوقف علشان في قطر تانى داخل
طب افرض بقي لو شبكة الموبيل واقعة.....هنعمل ايه!
ولا لو مفيش رصيد
اقولهم احسن يعملوا خدمة جديدة يسموها
" اوعى السريع ..شكرا"

الحل ده يا جماعة مش حل جذرى خالص
وممكن نلاقي بعد كدا دخلنا في مصايب مش مصيبة واحدة بس
دا غير التكاليف اللى هتبقي عبء على الوزارة وبدون اى جدوى
او حل للمشكلة

طب بدل تكلفة الموبيلات دى وتلاقي كل واحد عايز الموبيل
بكاميرا واللى عايزه بينور
ورئيس السواقين يقول مليش دعوة عايزه بـ كرت ميمورى

كنا وفرنا الفلوس دى ونظبط مرتبات الناس دى زى ما قال
دكتور عبد المجيد محمد
وكنا عملنا اعادة تأهيل للسواقين والادارة كلها بتاعت
السكك الحديدية وتحديث القطارات والمعدات
زى ما قال استاذ الطرق والمرور اسامة محمد

وبعدين انا عايز اعرف ليه معهد "وردان" للسكة الحديد
والمقام علي 150 فداناً

اللى كانت مهمته الأساسية هي تدريب وتطوير كفاءة العاملين
تم تعطيله لأسباب مش عرفنها
مش الاولى ان الدولة ترجع تفتحه تانى وتطوره

يا جماعة انا عايز اعرف امتى هنحاول نحل المشكلة من الاساس...؟
ونشوف ايه هى عيوبها ونصلحها بدل ما بنروح ندور
على اسهل الطرق واللى مفيش فيها افادة خالص



طيب ما تيجوا نشوف الحكومة الى عمالة تقول وتعيد وتتكلم
بانها عايزة جيل من الشباب قادر على حمل اعباء الدولة
والتوجه بها الى اعلى مستويات التقدم

وان زى ما التطور الزراعى والصناعى موجودين
برضوا التطور التكنولوجى لا يقل قيمة عنهم

عارفين في واحد اسمه
سعيد محمد عبدالحميد النجار "31 سنة"
خريج كلية العلوم من جامعة القاهرة

له دراسات بحثية علي أكثر من 2000 نبات طبي عربي وهندي
الراجل عمل براءة اختراع لعلاج جديد لانفلونزا الخنازير
بس كالعادة محدش عبره

زى ما قال كدا الروتين القاتل والممل سواء في أكاديمية البحث العلمي
أو الجهات البحثية الأخري
مع ان العلاج رخيص وملهوش اى اثار جانبية

يعنى هو دا جزاء اللى يعمل اى حاجة حلوة لازم نعاقبه دايما...!

تلاقى اوراقه وبراءة الاختراع وقفت على دمغة ب 10 قروش مثلا
ولا مجبش معاه ال 4 صور 4×6 جاب 3 بس
زى ما ياما بيعطلوا ويرجعوا ناس ويطلعوا عين اللى جايبنهم
مزاج مش اكتر

بس هقول ايه
مهو لو كان عايز تصريح يفتح كباريه
كان زمان التصريح في جيبه من قبل ما ينوى حتى"

انا عايز اعرف حاجة مين المسؤال اللى نروحله ...؟
نقوله يلاقى لينا حل في المشاكل اللى بتقابلنا دى
طبهم ليه بيعملوا كدا ..؟!
وامتى الحال هيتغير..؟

الرجوع الى أعلى الصفحة اذهب الى الأسفل
محمد ابوتريكة
عضو مميز
عضو مميز


عدد الرسائل : 175
نقاط : 316
تاريخ التسجيل : 11/03/2010

لو القطر اتاخر اديله رنه  Empty
مُساهمةموضوع: رد: لو القطر اتاخر اديله رنه    لو القطر اتاخر اديله رنه  Icon_minitimeالأربعاء 11 أغسطس 2010 - 7:55

لو القطر اتاخر اديله رنه  62621
الرجوع الى أعلى الصفحة اذهب الى الأسفل
 
لو القطر اتاخر اديله رنه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
stop :: القسم العام-
انتقل الى: