هتساعدوووووووووووني؟؟؟؟

تمام

انا يا رجاله هبقى فى الاستاد فى اخر ملعب يوم الجمعه زى ما اتقال فوق من 9ل10 ونص و لو فى حد ميعرفنيش يبعتلى رساله بس وانا ابعتله رقمى و نظبط الموضوع اوك

والله كنت بفكر امبارح ياترى هتعملوا زى السنة الى فاتت ولا لا
بس الحمد لله طلعتوا عند حسن ظنى
ان شاء الله خير ويا رب يجازيكى عننا كل خير
ربنا يكرمك دايما يا شيمو

يااااااااااااااااه يا شيمو فكرتينى بالموضوع ده
انا فاكر الموضوع السنة اللى فات لانه موضوع رائع بيكون فى ذاكرتى
يا جماعة احنا فى مجتمع انتشر فيها الفساد وانتشر فيها البعد عن الدين وانتشر كل الجرائم الللى بنشوفها كل يوم على النت وعلى الصحف والمجلات
فاحنا عاوزين نستغل شهر رمضان احسن استغلال لانه شهر فيه النفحات العطرة الجميلة واللى فيها ثواب عظيم
صدقونى احنا ماشيين ببركة ربنا
كلنا ماشيين ببركة ربنا لان ربنا شاهد ومطلع على كل ما نفعله
ونحن شباب وبنات مثقفين متعلمين من اصول محترمة فلابد ان نتعاون على الخير
والاخت شيمو ربنا يحفظها انسانة محترمة تحب الخير واللى بتعمله لازم نشجعه ونقف معاها لان الموضوع ده لم يكتمل يبقي اقول على الدنيا السلام
وان شاء الله هيكتمل وهيحقق بوقوفنا مع بعض
وان شاء الله اعمل ليكم موضوع وهو ما فضل الصدقة فى شهر رمضان
واختم بحديث لحبيبي ونور قلبي سيدى ابا القاسم رسول الله صلي الله عليه وسلم عندما قال
الدال على الخير كفاعله
اتبرع ولو 5 جنيه سيضاعف لك الاجر من عند الله
وموضوع رائع
وصدقينى انتى عملتى اللى عليكى وفى حالتين ليكى اجر ثواب يا شيمو
وشبابنا وبناتنا فى المنتدى هيساعدوكى باذن الله
ولكى كل الشكر على هذا الموضوع الجميل

جزاكم الله خير يا احلي شباب
ربنا يقدرني واكون معاكم باذن الله
بس انا عندي اقتراح صغنتوت مش عارفة هيكون رأيكم فيه ايه
ايه رايكم بدل مايكون الخير ده قاصر علي اعضاء المنتدي بتاعنا ونعمل في حدود 30 او 40 شنطة نتعاون مع جمعية خيرية واهو بكده التبرعات تروح لأكبر عدد من الناس اللي فعلا محتاجة ده
ونساهم معاهم بفلوسنا وجهدنا ؟

اقتراح رائع يا بيتريس وده حاجة جميلة بس بينى وبينك لما احنا كاعضاء نعمل حاجة مع بعض افضل مع نشترك مع جمعية
بيكون شعور جميل ان ده عمل لاعضاء كلية اداب
بس اقتراحك جميل يا بيتريس

Beatrice كتب:

جزاكم الله خير يا احلي شباب
ربنا يقدرني واكون معاكم باذن الله
بس انا عندي اقتراح صغنتوت مش عارفة هيكون رأيكم فيه ايه
ايه رايكم بدل مايكون الخير ده قاصر علي اعضاء المنتدي بتاعنا ونعمل في حدود 30 او 40 شنطة نتعاون مع جمعية خيرية واهو بكده التبرعات تروح لأكبر عدد من الناس اللي فعلا محتاجة ده
ونساهم معاهم بفلوسنا وجهدنا ؟

وانا راي من راي بياتريس

لان كده هنساعد ناس اكتر والخير هيستمر لبعد رمضان يعني مش هيكون شهر واحد في السنة

وبدل ما نساعد اسرة مرة في شهر نساعدهم طول السنة و اكيد هيكون الثواب اكتر

يا ريت فعلا تفكروا في الاقتراح ده وجزاكي الله خيرا يا شيمو ع الفكرة

تمام يا شيمو وربنا يجعله ف ميزان حسناتنا يااااااااااارب

وربنا يخليكى وتفضلى دايما تسعى ف الخير وتشاركينا معاكى فية

اكيييييييييييييييييييييييييييد هنساعدك بإذن الله تعالى موضوعك رائع جدا وربنا يقدرنا دوما على فعل الخير
سلمت يداكى ياشيمو يا قمر وفكرتك جميله جدا

shemo كتب:

شكراااااااااااااااااا لكل الناس اللي ردت واللي بعتت رسايل كمان وربنا يقدرنا يارب نعمل حاجه كويسه

وبالنسبه لراي البنوتات ...بياتريس ونور....
طبعا ربنا يكرمكم ع الفكره دي ..بس انا عندي وجهه نظر ..يعني انا اصدي من الموضوع ده انه اصحاب بيعملو حاجه مع بعض هي حاجه بسيطه انا عارفه بس الفكرة كمان ان لو حتي كل واحد خد مثلا 3 او 4 شنط لناس قريبه منه هيبقي حاجه كويسه لان المفروض طبعا اننا بنبدا بالناس القريبه مننا
وبالنسبه للجمعيه فاعتقد ان لو حد حابب يشارك فيها ويشارك معانا مش هتبقي صعبه لاننا طالبين مبلغ صغير

وربنا يكرمكم يااااااااااارب ياشباب ونقدر نكمل ان شاء الله

لسسسسسسسسسسسه مستنيه ردودكم ......

كلامك صح وانا موافق عليه
احنا شباب جامعين مش ناقصين لا ايد ولا رجل
وكل واحد هيبنى حياته
مش هنقدر نساهم بانفسنا فى هذا الموضوع
فانا موافق على كلامك

بعتذر عن تاخر في الرد طبعا فكره اكثر من رائعه ولازم تبقي ال 25 شنطه 50 يعني نزود مجهودناااا

يلا ياشباب وبنات ده وقت الخير وافضل ايام ربنا رمضان

بنصرف كتير علي حاجات مش بتفيدنا ولا بتزودناا لكن دي هتزودنا حسنات

تخيلونا الناس دي هتدعيلنا قد ايه !!!!!!!!!!!!

وحتي لو مدعوش احنا اخدنات الثواب من ربنا

ربنا يوفقنا كلنا وخاصه القائمين علي العمل الخيري ده


بجد وحشتوني كلـــــــــــــــــــــــــــــــــــــــــكم يارب تكونوا بخير
MR.YASSIN

اسف اننا بتكلم كتير اوى
احنا عاوزين نوسع الموضوع برة اعضاء منتدى شباب بجد
اللى مشترك فى الفيس بوك نحاول ننشر الكلام ده
على الاقل يبقي احنا بناخد ثواب
اخواننا اللى بيروحوا يتفسحوا فى بورسعيد وياكلوا فى مطاعم ب 1000 و 2000 جنيه
الاكل بيروح انما الصدقة عند ربنا لا تذهب
اعتبروا بالمبلغ ده انك تصرفوا على مرضك مش كنت هتصرفها
في ناس فقراء كتير اوى
فى حديث للنبي صلي الله عليه وسلم
والله لا يؤمن والله لا يؤمن والله يؤمن من بات شبعان وجاره جائع وهو يعلم
فالايمان اعلى مرتبة فى الجنة باذن الله
احنا لما بنجى رمضان تلاقي الحلويات موجودة وتلاقي فراخ ولحمة وحاجات كتير
فى غيرك تعبان ومش لاقي لقمة عيش
فى العيد تلاقي بيتفور وبسكويت وكعك واشكال والوان من الحلويات
وغيرك مش لاقى لقمة عيش

الدمياطة فيها فقر كثير
وبقولها عدد الفقر ما يقرب من 40 فى المئة
اخوانا فى محافظات فاكرين ان دمياط زى باريس غنية جدا وبيلعبوا بالدولات
انا افتكر موقف مع دكتورة اسماء الشربينى فى مرة كانت واقفة فى الكلية فكلمت معانا
عارفين بيتكلموا معانا فى ايه
متصورة ان الشعب الدمياطى كله عندهم موبليات مع انى اللى كانوا واقفين معى لا يوجد واحد بيشتغل فى موبليا وتتكلم على موبليا شكلها ايه
فى الدمياطة فقراء كثيرون جدااااااااااا
فنتعاون ونحاول ننشر ايضا موضوعات على الفيس بوك
نحاول نستفيد من الفيس بوك
انا بصراحة بشوف الفيس وبصراحة مبلقيش فيه الا الهلث والكلام الكتير والصور اللى لا تجوز نشرها
ابعض الحاجات اللى شفتها فى الفيس
نحاول نستفيد من الفيس بحاجة وننشر هذا الموضوع لعل وعسي حد يتبرع لاى مكان يكون فى تبرع لرمضان

محمدسميرهجام كتب:

تم التثبيت كاعلان وفقة لرغبة الاخت شيمو

ان شاء الله نشارك

اللى ثبته هو مدير المنتدى مش انت يا هجام لاننا عارف ان عمر هو اللى ثبته قبلك
انا بارجع الحق لاصحابها بحق الله

موضوع جميل جداااااااااا وفكرة بجد اجمل اروع

وان شاء الله ربنا يقدرنا على فعل الخير

شكرااااااااا شيمو وشكرااااااااااا حامد وشكراااااااااااا بجد للى هيشاركوا معانا
وشكراااااااااااااااااا لكل واحد تعب فى العمل ده
وان شاء الله ربنا هيجازيكوا كل خير