كلنا عارفين مسرحية (( الملك هو الملك ))
اللي ألفها الكاتب المبدع السوري سعدالله ونوس - الله يرحمه
فيه اغنية في المسرحية ديه للعبقري محمد منير وهي بعنوان
(( طفي النور يا بهية )) من كلمات احمد فؤاد نجم
وانا بسمع الاغنية ديه في اليومين دول مع اني اصلا شايفة المسرحية من زمان
مش عارف ليه بقيت مقتنع بكلمات الاغنية ديه و برضو مش مقتنع في نفس الوقت
مش عارف اقتنع ازاي
بمعنى ادق
ايوة انا شايف تجاوزات فظيعة و ظلم كتير و ناس بتغتني و تتكسب بشكل غير مشروع على قفا ناس تانية بس عشان هما .... و من خلال استغلال ....
و عايشين حياتهم بالطول و بالعرض عشان هما...
بس في نفس الوقت مش قادر اظلم الكل من الناس ديه (( الكل اللي قصدهم الشاعر احمد فؤاد نجم في اغنيته ديه .... و مش حاسميهم برضو
يا ترى انتم مقتنعين برضو بالحالة اللي بتوصفها الاغنية ديه و للا لأه ؟؟
و للا احنا منحاول نحط غشاوة على عينيينا عشان نهرب من الحقيقة ؟؟؟!!!
----------------------------------
(( طفي النور يا بهية ))
طفي النور
طفي النور يا بهية
طفي النور
كله عساكر دورية
جوزك راجع من سوقه
راكبه الهم و بيسوقه
نطوا العسكر من فوقه
دورية ورا دورية
طفي النور
طفي النور يا بهية
طفي النور
كله عساكر دورية
جوزك سارح على غيطه
بيلضم همه في خيطه
ازحوا العسكر على حيطه
يلعبوا عسكر حراميه
طفي النور
طفي النور يا بهية
طفي النور
كله عساكر دورية
خالك راجع من مكة
طلعوا العفاريت في السكة
الف ولاد الجّنية
طفي النور
طفي النور يا بهية
طفي النور
كله عساكر دورية
ولدك رايح على عكا
يفتح سكه على سكه
طلعوا عليه سدوا السكة
واتحاصر رايحة وجاية
ايدي النور يا بهية
كل العسكر
الأربعاء 8 سبتمبر 2010 - 3:28
