stop
أنت الأن غير مسجل
للتمتع بمزايا أكثر , كن إيجابياً وقم بالتسجيل

stop

منتدى شباب بجد
 
الرئيسيةالبوابةاليوميةس .و .جبحـثالتسجيلدخول

شاطر | 
 

 التفرقة العنصرية بين الولد والبنت من ساعة الولادة !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الحريف
عضو أسطـــــــــورة
عضو أسطـــــــــورة
avatar

ذكر
عدد الرسائل : 22039
العمر : 28
المزاج : الحمد لله على كل حال
نقاط : 37349
تاريخ التسجيل : 01/04/2009

مُساهمةموضوع: التفرقة العنصرية بين الولد والبنت من ساعة الولادة !!    الأحد 26 سبتمبر 2010 - 4:37

السلام عليكم

طبعا يا عيني دايما البنات كالعادة تفضل تقول

" بيفرقوا بينا في المعاملة انا واخويا وااااء وااااء !!!! "

طيب تعالوا نشوف كدا مع بعض التفرقة بتبقى ازاي ؟

لما البيبي بيتولد بنشوف معاملة الناس ليهم وعلى مر المراحل بالشكل دا :

البنت بيتقالها :

يا خلاسي على الجمال ، ايه الحلاوة دي ، شبة مامتها ، امورة ، ربنا يخلي ، لبسوها خرزة زرقا

دا غير الحلقان والسلاسل الدهب والفلوس الي بتنزل عليها ترف

الولد بيتقاله :ايه الوحاشة دي ، طالع لجدو ربنا يرحمه ، هو اقرع ليه ؟ ، خد بالك منه علشان مينحرفش ، مناخيرة مبعجرة

وطبعا لا في دهب ولا فلوس واخره بزازه معفنة يفضل يعضعض فيها


مرحلة ما بعد الطفولة :

البنت :
نفسك في ايه يا كتكوتة ، ايه العسل دا ، خدي يا حبيبتي اشتري لوليتا ، بابا مبسوط منك علشان بتذاكري ، عسولة

دا غير الدولاب الي مليان فساتين وجيبات اشي بينك واشي فوشيا .... واشي اكسسوارات ودلع وعرايس لعبة

الولد :
نقطنا بسكاتك يلاه ، يا ابني انت مش لسه واخد جنية ، خد ياد اشتريلي علبة سجاير ، ايه الواد المتشرد دا، بابا مخنوق منك ولما يرجع هيقطع الشبشب عليك علشان قالك متنزلش ونزلت

دا غير الدولاب الي مليان تيشرتات مقطعة وشورتات مفلوقة من كتر لعب الكورة

مرحلة الشباب :

البنت :
كبرتي وبقيتي عروسة ، خدي يا حبيبتي اشتريلك حاجة علشان متبقيش قليلة في وسط اصحابك ، ايه العسل دا ، موزة ، هز يا وز ، يا غزال ، ايه الجمال دا ، ايه الرقة دي ، تتجوزيني يا حياتي ، ؟

دا غير الدولاب المليان تونيكات وبرفنات وباديهات واشربات يفتحوا محل
دا غير المعاكسات الي في الشارع وهي بس تشاور لميكروباص او تاكسي دا اذا باباها مجبلهاش عربية

الولد :
كبرت ولسه اهبل ، لسه بتمد ايدك وبتقول هات مش مكسوف على نفسك ؟ ، الاجرة يا كابتن - دا اذا الميكروباص وقفله اصلا - ، عايز عربية يا روح ... على ايه على فلاحتك اوي ؟
روحت الجامعة النهاردا يا حيلتها ؟ ، فاشل ، تعالى قابلني لو فلحت ، بتعاكس بنت الجيران طيب تعالى بقى نحلقلك ظلبطة

دا غير الدولاب الي معشش فيه العنكبوت ومفيهوش غير بنطلون جينز وتي شيرت مهربد

ولما يجي يركب يقف في الشمس لغاية لما الجيل الي على شعره يتحرق بشعره ومفيش حاجة عايزة تقفله

مرحلة ما بعد الشباب :

البنت :

اامري يا مدام ، تحت امرك يا استاذة ، ونعم الاحترام ، ايه الشياكة دي

دا غير الدولاب الي مليان فساتين وجزم وشنط و كريمات ومكياجات

الولد :

الفلوس الي عليك يا عم ، هتروح مني فين ، اقف في الطابور يا استاذ ، انت شايل الهم ليه مفيهاش حاجة القبض اتأخر ، ايه يا عم نفس القميص والبنطلون طول السنة ؟

طبعا مفيش دولاب اصلا ويا دوب مسمارين على الحيطة يعلق الي حيلته عليهم

مرحلة كبار السن :

البنت :
رضاكي علينا يا حجة ، ست بركة ، ابوس ايدك يا ماما ترضي عني ، مقدرش ازعلك الجنة تحت رجلك ، ايه النور دا ، مهما كبرتي مش بيبان عليكي

الولد :

كبرت وخرفت ، ايه يا عم الحج مالك ؟ ، العضمة كبرت ، بقيت خرع يا راجل ؟ بقيت رجل جوة ورجل برة ، عاش محروم وهيموت مشموم

وبكدا نعرف ان فيه تفرقة فعلا

الرجوع الى أعلى الصفحة اذهب الى الأسفل
mido.tork
عضو ماسي
عضو ماسي
avatar

ذكر
عدد الرسائل : 2885
العمر : 28
البلد : عشـــاق القـــمر , ءامان يا لالالي
الهوايات : اهوي النفس يهدي , ام يذل النفوس
المزاج : عمـــري ضـــايع ... شـــايف ايـــه ؟
نقاط : 3166
تاريخ التسجيل : 15/04/2010

مُساهمةموضوع: رد: التفرقة العنصرية بين الولد والبنت من ساعة الولادة !!    الأحد 26 سبتمبر 2010 - 13:16


حرييييييييييييييييييييييييييييييييييييييييييف والله اضحكتني وكنت مخنوق فعلا
ربنا يسعدك زي ما خلتني ضحكت وكالعاده يا مان موضوع ممتاز
الرجوع الى أعلى الصفحة اذهب الى الأسفل
حب للأبد
عضو ماسي
عضو ماسي
avatar

انثى
عدد الرسائل : 1064
العمر : 25
البلد : دمياط
الهوايات : لنفسى
المزاج : عالى وتمام
نقاط : 1186
تاريخ التسجيل : 05/09/2009

مُساهمةموضوع: رد: التفرقة العنصرية بين الولد والبنت من ساعة الولادة !!    الأحد 26 سبتمبر 2010 - 13:41

تفرقه هههههههههههههههههههههه تسلم الايادى يا لوئا موضوع جميل جدا
الرجوع الى أعلى الصفحة اذهب الى الأسفل
رجل المستحيل
عضو نشط
عضو نشط
avatar

ذكر
عدد الرسائل : 55
العمر : 24
البلد : راس البر
الهوايات : راس البر
المزاج : عفوا سيدتى اذا كانت انفك فى السماء فان النجوم تحت قدمى
نقاط : 66
تاريخ التسجيل : 16/11/2009

مُساهمةموضوع: رد: التفرقة العنصرية بين الولد والبنت من ساعة الولادة !!    الثلاثاء 28 سبتمبر 2010 - 16:52

هودا الحال اللي ماشي اليومين دول وعلي طول وحياتك وقاعدين يقولو تفرقة تفرقة تفرقة وطلع في الأخر احنا اللي مظلومين.شكراعلي الموضوع الجميل.
الرجوع الى أعلى الصفحة اذهب الى الأسفل
 
التفرقة العنصرية بين الولد والبنت من ساعة الولادة !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
stop :: القسم العام-
انتقل الى: