تخاريف

كنت فى السجن الادبى وبعدين كنت محتاج كفاله انى اخرج والكفاله كانت خاطره
مكنتش ناوى انشرها لانها هبله بس المشرفه شمس شجعتى
ونشرتها يارب تعجبكوا
وقصتها انى كنت قاعد فى يوم فالشقه كانت متبهدله شويه حوليا
وفتحت جهاز الكمبيوتر فلقيت سطح المكتب مترتب ومتأنتك
فقولت

ياسلام لو الواحد يبقى زى الكمبيوتر وبالاخص سطح المكتب ايقونات ايقونات

عندك ايقونه سله المهملات ممكن تحذف فيها جميع الذكريات

وعندك ماى كمبيوتر بس تكون حاطت فيها شويه العاب وفيديوهات

وبلاش تحط شويه الصور اللى كل ما تشوفهم تنزل عياط

وسيب صور اخوك واصحابك ما انت ياما عيشت معاهم اجمل الاوقات

وطبعا لازم تسيب فيروز ويانى والست ومنير ومتنساش تعمل فولدر خاص بالرباعيات

وعندك النت اللى بقى واجب مقدس كل يوم تدخل الفيس وتفتح طبعا الاميلات

وتلف لفه على المنتدى وتنهى الجوله بشويه شات

والجميل فى الامر انك ممكن تعمل لنفسك تحديثات

وتمحى من عندك جميل الامراض والفيروسات

ومتخافوش مش هنطبق مبدأ المساواه لان اكيد هيبقى فينا الفيستا والاكس بى والسيفين
واللى هيبقى ماشى بصخر واللى هيبقى ماشى بلاب توبات

وطبعا بالنسبه للحكم متخافوش هنجيب اتقل جهاز فينا وهنمسكه الحكم
بس يكون جهاز معمر يعد له قيمه قرن قرنيين كده من غير ما يغير ويندوز
ولا تتسجر توخشله فيروسات

وبالنسبه للمعونه مش مشكله تجيلنا حسابات على الربيد شير واهى تبقى أأمن من الدورالات

وتتقسم طبعا قسمه العدل بمبدأ احمد مكى ان الكبير لازم يظبط علشان يظبتكم ويخلى مزاجكم عالى الثبات

طب والناس اللى هاتخدر هنعملهم ايه انا بفكر ف كام برنامج كده يعلو الرامات ويظبطوا البروسيسور ويخلو الجهاز فى حاله من السبات

متستغربوش الامر سهل وبسيط لو عندك شويه زعل ببرنامج بسيط يتظبط ولو هنجت ف يوم من الايام بضغطه ذر تترستر

بس ياترى احنا نقدر نكون زى سطح المكتب كشفيين كل اورقنا كده قدام الكل
ولا الطبع هو الطبع ولازم نستخبى فى فولدرات جوه فولدارات وعمر حقايقنا فى يوم ما تطل؟؟؟

والله ممكن نبقى زى سطح المكتب لو الحياه زى سطح المكتب

فعلا لو الحياه زى سطح المكتب

حلوة الخاطرة دي يا هلك شكراً ليك .

اه لو الحياه سطح مكتب

كنت عملت delete لحاجات كتير

وعملت update لنفسي

وعملت scan لنفسي

10/10

يا خالد

مهى المشكله انها اعقد من كده

اروح اعمل اقتباس لردى من السجن الادبى واجى احطه هنا تانى ولا ايه تخاريف 282238

عموما انت عارف رأيى وبجد احلى حاجة عجبتنى فى كتاباتك الاحساس القوى اللى ممكن يكون نابع عن تجربة ما ..

بالتوفيق يا هلك دايما ان شاء الله .. تخاريف 166815