النهارده ..

النهاردة

غير كل يوم

النهاردة مجاش فى الاخبار

ولا هييجى

لا فيه امطار

ولا اسرار

ولا مزيف

ولا حقيقى

النهاردة جديد نوفى

لا فيه حد هيغفل

ولا هينام

لا فيه يا خوفى

ولا خيانة

ولا انتقام

النهاردة مش مجرد يوم

ده مجموعة أيام

النهاردة كله حب

وخير

وامل

وانسجام

النهاردة عنوانه الراحة

والاستراحة

وتلوين الاحلام

ولا حوادث

ولا كوارث

ولا رخامة

ولا زحام

لا فيه هنجيب فلوس منين

ولا بكام

النهارده

النهار .. ده

زى ما قلت فوق

مش هييجى

ما تفوق

النهار .. ده

مات

قبل ما ينولد

جوه بطن الشمس

النهار .. ده

كان بالأمس

البـعـيـد

ياحبيبتى

يوم ما هقدر اقابلك

بااللمس

مش هيبقى بس نهار

ده هيبقى

عيد

جميلة جدا يا محمد تسلم ايديك ومختلفة منك لان فيها روح تفاؤل ...يارب دايما

بصيص امل جاى من بعيد

حلوة جدا جدا

ياسمين

ساد ستانزا

أشكركو يا بناتيت

اخييييييييييييييييييرا لاقيت حاجة من كتابات محمد كلها تفاؤل

بجد حلوة قوى .......منتظرين المزيد

النهار .. ده .. هييجي .. الكل بيدور عن النهار .. ده .. في اللي لقاه و اللي لســـه

دعـوه للتفاؤل .. فعلاً أول حاجه فيها تفاؤل من مده يا بومبو .. و كووووول آخر ثينج وربنا

عايز اللي بعده ع طوووول يللا متركنش .. إنزل بالجديد أول بأول و متحرمناش منك تاني .. بــيــــــس يا ريس

» ماتـــش النهارده ..
» عنوان يومك النهارده ::::
» الدنيا علمتك ايه النهارده؟!!!
» موقف حصلك النهارده
» ايه الي تتمني انه يحصل النهارده