هتشوفه شاب مصري كووول من بره*** بس حقيقته تافه ولا له ف حاجه بالمره
كنت ف ام الدنيا هتشوف كتير مناظر***راسم انه واصل بس ده بيتظاهر
شايل الفوووووون ومسقط بنطلون***ويعاكس ف دي ودي ويمد ايد حنون
وتلاقي ع طوول شغال ميسدات***يبعت كلمني تقوله رصيد يقولك هات
ويعيش دور الواصل دايما قدام البنات***ويفرح اوي جدا لما يعمل العلاقات
ولما توقع تدبس طب ادفعيلي شيكاتي***ويبقي عايش حمله وكل حاجه هاتي
معاه شهااااده جامده بس عاطل***ومحدش يعرف ياخد منه لا حق ولا باطل
اي حاجه سلف ع طول بتتصادر***ويوقعك انت وهو يخلع م المخاطر
وينفض شايف نفسه مش بتاع اوامر***تعمل ده يافلان ويبقي هو اللي آآآآمر
ويقولك يابني انا شاب استايل***محلتوش حاجه بس معاه موبايل
متاخدش منه دايما غير مقالب***ومن حركاته تعرف انه سالب
سالب فلوسك سالب حياتك***ولو طولت شويه ممكن يسلبلك مراتك
اوعي تفكر مره انه شاب كووول***ده ع طووول شااااب جندووول
وتشوف منظر تاني ده ابن وزير***مااااشي مقضيها بجد بس عاله ع الغير
شاب روش قشطه طحن بيس موت***لو عايز حاجه منه عدي عليه وفوت
فل حبس ايه يا فالف ايه يا نجم يا مان***بس قبل ما تتحبس رجعها اوام
شوفت بره لانسر قدام الجامعه واقفه***مجتش بالمرسيدس دماغي منها قافله
بكره رايح لفيلاتنا ف شرم***الحرارة 30 والدنيا بقت حر
مش فيلة معادي ولا فيلة مارينا ***اصل دادي زمزاء باعها للناس جنبينا
بس دادى هيجيبهملى***وال4 فيلل اللى فى امريكا سايبهملى
ده غير المجوهرات اللى مامى شايلاهملى***وغير الارانب اللي ف حسابي عاينهمولي
مبيعملش حاجه لحاله ***دايما دادي اللي يعملهاله
دايما صوته عالي عشان يلفت الانتباه***ويعملها ع نفسه لو سمع صوت ماماه
وتحس من افعاله انه شاب خمسه***دايما يحكي يقول ورافع صوابعه الخمسه
اوعي تزعل تتضايق دي مناااااااظر بس لمسه***واحمد ربك ع حالك ده الموت ف همسه
تحياتي (احمد خضر)
الثلاثاء 14 ديسمبر 2010 - 22:13
