stop
أنت الأن غير مسجل
للتمتع بمزايا أكثر , كن إيجابياً وقم بالتسجيل

stop

منتدى شباب بجد
 
الرئيسيةالبوابةاليوميةس .و .جبحـثالتسجيلدخول

شاطر | 
 

 احنا مش كلاااااااااااااااااااااااب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زوجي قرة عيني
عضو ماسي
عضو ماسي
avatar

انثى
عدد الرسائل : 2398
العمر : 27
البلد : قلب زوجي
الهوايات : موسيقي كلاسيك ~ رسم ~ مدونة Hindart للفنون
المزاج : سعيدة برضا الله ثم رضي زوجي الصالح
نقاط : 2522
تاريخ التسجيل : 26/11/2009

مُساهمةموضوع: احنا مش كلاااااااااااااااااااااااب   الخميس 27 يناير 2011 - 17:47






برغم اننا مكنتش من مؤيدي الثورة دي الأول وبقول نغير نفسنا الأول .. لكن لما الشعب يتحرك ويقول رأيه بصراحة

ويطالب بأبسط حقوقه وينضرب ويتهان ويندبح ..يبقي لا وألف لا لأي حد يعاملنا علي اننا كلاب وملناش حق نتكلم ولا نطالب بحقوقنا

شيء بشع بجد لما شبابنا وزرعة عمرنا تتهان وتندبح ويتداس عليهم والحكومة واقفة تتفرج عليهم انا مش فاهمة مستنيين ايه

كلنا خرجنا وقولنا لأة مش عايزينكو ارحلو امشو ومع ذلك محدش فيهم استعني ولا حتي طلع فالتليفزيون يقول بيان

ولا يعبرنا كأننا كلاب وبنعوي ومحدش مستعني يسمعنا ودلوقتي طالبين التفاوض لمدة 3 أيام هههههههههه ياللغباء

مسرحية فمنتهي السذاجة منهم الأول تعتيم اعلامي تام وبعدين نشر أكاذيب ودلوقتي طالبين تفاوض

خلاص يا حكومة احنا كبرنا واتفطمنا معدناش ناكل مالكلام دا البلد بتولع خلاص لازم يقتنعوا ان الأوان فات

ومعدش فيه تراجع واللي بدأه الشعب هيكمل رغم أنوفهم جميعا أخيرا معدتش هسخر وأقول الفاتحة عالرجالة

لا مصر لسة فيها رجالة ..رجالة بتضحي بنفسها وبروحها عشان احنا نعيش ..الغريب ان فالوقت اللي الشباب فيه بتندبح

وبتراق دماؤهم فيه ناس تانية ولا علي بالها وبتقول ماليش دعوة ..مش فاهمة مستنيين ايه عشان يشاركو ..

اللي بيندبحوا وبيتهانوا فالشوارع دول فيهم أبويا وأمي وأخويا وأختي لو مكنتش هتحرك دلوقتي هتحرك امتي

عدت عليا ساعات يأس وبكا وقولت هوة ليه ربنا سايبنا كدا استغفر الله العظيم يارب..بس فعلا ان الله لا يغير مابقوم حتي يغيروا ما بأنفسهم ..

من ظلم البلد وركودها كنت بقول الحل السفر والسعي فبلاد الله ..بس لو تسمعوا اتصالات المغتربين بالخارج

اللي احنا مفكرينهم بيعبوا الفلوس في زكايب والله كلامهم يبكي الصخر ..أيوا بيتهانو وبيتبهدلو وبييجي عليهم غرامات تقطم الوسط

وبيتعاملو معاملة الكلاب وبيقولو نفسنا الحال فمصر يتغير ونلاقي بلد نرجع ليها احنا تعبنا بقا ..اليومين اللي فاتو دول عدوا

كأنهم سنين وكل لحظة فيها عرفت الناس حاجات مكنتش تحلم انها موجودة أصلا..ايه الظلم والطغيان دا ..

دا فيه منتقم جبار هيروحو منو فين ..وفيه شعب فضل غلبان وساكت وخلاص ابتدي يفوق .. مسلطين علينا كلابهم بس خلاص مبقيناش بنخاف ..

خلاص زي مابيقولو قضي الأمر

فوقوا ياناس فوقوا يا شباب بكرة الجمعة يومكم وعيدكم بكرة يوم الغضب الأكبر

كلنا لازم نشارك فيه مش بس اللي مكتوب فبطاقته ذكر لااااااا العبارة دي غلط لأن اللي فالشوارع دلوقتي الستات قبل الرجالة

دي انتفاضة أمة و شعب بأكمله مش مجرد ناس بتردد شعارات ..وكلنا لازم نشارك ..

وهنشارك باذن الله

هنشارك


الرجوع الى أعلى الصفحة اذهب الى الأسفل
عمر
عضو أسطـــــــــورة
عضو أسطـــــــــورة


ذكر
عدد الرسائل : 8564
العمر : 29
البلد : دمياط
الهوايات : شطرنج - رياضة (حديد-لياقة-جري-سباحة بظروفها) - قراءة ..كفاية عليكوا كدا
المزاج : الحمد لله
نقاط : 8691
تاريخ التسجيل : 18/11/2008

مُساهمةموضوع: رد: احنا مش كلاااااااااااااااااااااااب   الخميس 27 يناير 2011 - 18:01

سلم لسانك يا بنت دمياط .. كلام عشرة على عشرة
المشكلة دلوقت أن كله مقدم رجل ومأخر التانية ..أول إمبارح كان ميدان التحرير في مصر مثلاً كان فيه تجمع مبيحصلش إلا بعد مباريات كرة القدم
دلوقت مفيش فيه غير عساكر وخيال ناس معظمهم مخبرين ..محدش عارف دي هتبقى تظاهرة زي كل مرة ولا فيه حاجة جديدة هتحصل ..بس أدينا لازم تبقى في أيد بعض واللي يقدر على أنه حتى ينشر الكلام يعمل كدا .
الرجوع الى أعلى الصفحة اذهب الى الأسفل
http://www.stop.1talk.net
tomorrow
عضو معلــــم
عضو معلــــم
avatar

انثى
عدد الرسائل : 4572
نقاط : 4689
تاريخ التسجيل : 23/02/2009

مُساهمةموضوع: رد: احنا مش كلاااااااااااااااااااااااب   الخميس 27 يناير 2011 - 18:50

تسلمى يا قمر ع الكلام المؤثر ده
بس اهو كلامك ده بيعتبر catharsis عن اللى جواكى مش اكتر
والتظاهر اللى الشعب بيعمله ده للاسف ما له قيمة عند حكومتنا
ولا حياه لمن تنادى
اكيد بتشوفى اللى بيحصل ع القنوات الاخبارية والمهزلة اللى بتحصل
كأنك عايشة ف دولة محتلة من ردود افعال رجال الامن مع الشعب
لك الله يا مصر

الرجوع الى أعلى الصفحة اذهب الى الأسفل
The game
عضو ماسي
عضو ماسي
avatar

ذكر
عدد الرسائل : 1305
العمر : 28
البلد : Utopias
الهوايات : Bad Boys
المزاج : ذى الفل
نقاط : 1450
تاريخ التسجيل : 01/12/2009

مُساهمةموضوع: رد: احنا مش كلاااااااااااااااااااااااب   الخميس 27 يناير 2011 - 19:36


ممكن حد يجاوبنى على الاسئله دى:

يا ترى ممكن كل دا يفيد البلد بحاجه؟ او حتى يفيد الناس بحاجه فيما بعد؟ بمعنى تانى يا ترى اللى حصل ف تونس دا هيفيد او هيفيد فيما بعد؟

يا ترى اللى هيجى بعد النظام الفساد دا لو حد عرف يعمل حاجه اصلا ممكن يغير كل اللى فات ؟ او حتى يهتم بالشعب ويحكم على كيقهم؟

يا ترى الحاكم التونسى الجديد ممكن يعرف يحكم البلد بعد اللى حصل ؟ هل لو حصل تتدخل من الخارج ممكن ايه يحصل ؟

يا ترى لما البلد تتفرق هيكون من مصلحه مين ؟

يا ترى بقى ذنب الناس اللى ماتت ف الشوارع من الشرطه ؟ والناس ايه؟

هل بعد كل دا هيحصل تغير حقيقى ؟ يعنى الحياه زبادى ف الخلاط وشغل وفلوس وغنى وعربيات واكل وشرب كويس ؟

يااااااااااااااااااااريت اللى يجاوبنى يكون كلامه واضح علشان الفهم بقى صعب شويه

للاسف الغلبان هو اللى بيروح ف الرجلين علشان مصالح كل واحد يا ريت كل واحد يفكر بعقله وميسلمش دماغه لناس ليها مصلحه

ارجو الرد من شباب بجد
الرجوع الى أعلى الصفحة اذهب الى الأسفل
thesniper
عضو ماسي
عضو ماسي
avatar

ذكر
عدد الرسائل : 2603
العمر : 28
البلد : دمياط
الهوايات : live for nothing or die for something.
المزاج : If our love was a fairy tale I would charge in and rescue you On a yacht baby we would sail To an island where we’d say I do
نقاط : 2315
تاريخ التسجيل : 22/11/2008

مُساهمةموضوع: رد: احنا مش كلاااااااااااااااااااااااب   الخميس 27 يناير 2011 - 20:23

لقد اسمعت اذ ناديت حياا ولكن لا حياه لمن تنادى
الرجوع الى أعلى الصفحة اذهب الى الأسفل
http://www.facebook.com/profile.php?id=702059935&ref=pro
يسقط مبارك
عضو مميز
عضو مميز
avatar

عدد الرسائل : 110
نقاط : 185
تاريخ التسجيل : 30/11/2010

مُساهمةموضوع: رد: احنا مش كلاااااااااااااااااااااااب   الخميس 27 يناير 2011 - 21:02

لماالشعب التونسي قام على بن علي يا ترى قام ليه؟ قام الشعب التونسي يدا واحدا لاسقاط بن علي
اللى بيقارنوا بين بن علي ومبارك نسوا ان بن علي لما وجد ان الشعب فى هياج عمل ايه قام باقالة الحكومة كلها وقام بعدة اجراءات تفيد الشعب ورغم ذلك هاج الشعب
انما عندنا مبارك لا اقال الحكومة ولاعمل حاجة بل نظيف يدعو الامن للحفاظ على المصالح الحكومية
يا ترى دول عندهم دم عندهم احساس البلد مش عاوزينكم قاعدين ليه ؟
لما تلاقي هتافات ارحل يا جمال مع بابا ) يا ترى لما يشوف كده هيكون احساسه ايه
يا جماعة البلد دى منهوبة ومسروقة مصر غنية والله بخيراتها وانا مع تمورو فى كلامها ان بردو عاوزين نغير من انفسنا مع تغيير الحكومة
اما جيم وكلامه 000 البلد ضايعة وبايظة والحياة صعبة ومقرفة وزمن ده زمن صعب والفساد منتشر والسرقة على عينك يا تاجر والرشاوى انتشرت وغلاء الاسعار --- وباسئلك كشاب انت تقدر تجوز الان ؟ تقدر تجيب شبكة وبيت وتعيش مراتك فيما بعد حياة سليمة
البلد مخنوقة ومتدهورة البلد دى ممكن ترجع بخيراتها احنا عندنا سياحة بتجيب اموال كثيرة عندنا قناة السويس عندنا حاجات كتيرة
احنا بقينا كلاب امام العالم
لينا منقومش كلنا ونضرب اى شخص مهما كان مين لنطالب بحقنا ونسقط الرئيس ويحصل بن على او يروح فى اى داهية
الرجوع الى أعلى الصفحة اذهب الى الأسفل
يسقط مبارك
عضو مميز
عضو مميز
avatar

عدد الرسائل : 110
نقاط : 185
تاريخ التسجيل : 30/11/2010

مُساهمةموضوع: رد: احنا مش كلاااااااااااااااااااااااب   الأربعاء 2 فبراير 2011 - 23:26

الشعب قام على ايد واحدة اتمنى انها تظل على يد واحدة احنا لا عاوزين الاستقرار وحياة جديدة بدون مبارك وكفاية عليه كده قاعد 30 سنة كفاية اوى وكتر خيره على تعبه وعاوزين رئيس جديد مش من الحزب الوطنى لاننا زهقنا من الحزب ده
عاوزين جديد
الرجوع الى أعلى الصفحة اذهب الى الأسفل
 
احنا مش كلاااااااااااااااااااااااب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
stop :: القسم العام-
انتقل الى: