stop
أنت الأن غير مسجل
للتمتع بمزايا أكثر , كن إيجابياً وقم بالتسجيل

stop

منتدى شباب بجد
 
الرئيسيةالبوابةاليوميةس .و .جبحـثالتسجيلدخول

شاطر | 
 

 جمعة الخلاص 4 فبراير

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
The game
عضو ماسي
عضو ماسي
avatar

ذكر
عدد الرسائل : 1305
العمر : 28
البلد : Utopias
الهوايات : Bad Boys
المزاج : ذى الفل
نقاط : 1450
تاريخ التسجيل : 01/12/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 19:13

Hollo كتب:
خلاصه الكلام يا محمد ومع احترامي ليك لانك عارف ان اختلاف الراي لا يفسد للود قضيه وربنا يديم الاخوه

لا انت ولا انا ولا اي حد الوقتي يقدر يحدد مين فينا صح ومين فينا غلط .. الوضع الحالي مفرق تفكير الكل ومقسم الاراء بين مع وضد ...بس اللي بيحصل ف البلد الوقتي انت واثق انه مهزله كبيره بكل المقاييس .. وزي ما قلتلك قبل كده .. يا تري ايه دور الريس وسط المهازل دي كلها والدمار ده كله .. تفتكر هيتفرج علي الاخوات وهما بيقتلو بعض لمده كام يوم ؟؟؟



طبعا اكيد ربنا يديم الاخوه بس انتى عارفه ان الاستقرار هو اللى هيبين كل حاجه وساعتها الفاسد لازم يتحاسب واكيد الريس هيخرج يتكلم

او اى مسئول . بس ف مشكله عندنا بجد ان الناس خلاص شايفه ان اللى ف الميدان دول عاوزين يخربوها وممكن يخرجوهم بالقوه او باى حاجه

تانيه لانهم حسوا او عرفوا ان الناس دول مش مصرين ومعتبرنهم بجد اعداء ومتامرين على الشعب . بجد دا اللى اتقلى وبجد اكتر دا شى محزن

حتى لو انهم متامرين وفيهم اجانب وناس خاينين بس بردوا دول بشر . انا بس حبيت انقلك فعلا فكر الناس فالقاهره دلوقتى وربنا يستر علينا
الرجوع الى أعلى الصفحة اذهب الى الأسفل
يسقط مبارك
عضو مميز
عضو مميز
avatar

عدد الرسائل : 110
نقاط : 185
تاريخ التسجيل : 30/11/2010

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 19:14

لما وزير الداخلية امر بانسحاب الشرطة واحراق المراكز واخراج البلطجية
يا ترى مين المسؤل عن كده؟
الرجوع الى أعلى الصفحة اذهب الى الأسفل
The game
عضو ماسي
عضو ماسي
avatar

ذكر
عدد الرسائل : 1305
العمر : 28
البلد : Utopias
الهوايات : Bad Boys
المزاج : ذى الفل
نقاط : 1450
تاريخ التسجيل : 01/12/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 19:28



وعلى يدى انا شوفت والظباط و العساكر بتولع ف القسم والمركز وخارجين يعيطوا صح ؟ وكمان خرجوا البلطجيه علشان يضربوهم وياخدوا

سلاحهم صح؟ على فكره وزير الداخليه هو اكبر فاسد وخاين بس بردوا دا مش معناه ان كل الظباط والعساكر خانوا البلد

انا شفت الناس وهى بتحرق المركز والبندر اقسم بالله والعساكر وظباط خارجه تعيط مش لاقيه حد يجيب مطافى ولا اسعاف ودى شهاده حق
الرجوع الى أعلى الصفحة اذهب الى الأسفل
يسقط مبارك
عضو مميز
عضو مميز
avatar

عدد الرسائل : 110
نقاط : 185
تاريخ التسجيل : 30/11/2010

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 19:34

يا جيم الحريق من الداخل وليس من الخارج يعنى عملية مدبرة مدبرة وهذه هى الاوامر من الفاسد حبيب العادلي الذى اراد ان يدمر البلد فخطط لذالك
الرجوع الى أعلى الصفحة اذهب الى الأسفل
(Ahmed)
عضو ماسي
عضو ماسي


ذكر
عدد الرسائل : 1425
نقاط : 1764
تاريخ التسجيل : 05/09/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 19:47

The game كتب:

مش عارف ابدا منين والله بس هبدا بجانب العقل والواقع

طبعا انا مش نازل بجد الخطاب امبارح رضى كل الاطراف المصريه اللى بتخاف على مصر مش الناس اللى ليها مصالح شخصيه والناس
كلها اكيد فاهمه دلوقتى مين اللى ضد مصر ومين اللى معاها

اما بقى بالنسبه للعقل فلو سمحت كل واحد بيتكلم يقول مش عارف ايه يجاوبى على الاسئله دى:

لو الراجل دا مشى بكره الصبح هيحصل ايه؟

حاجه من اتنين الناس هتفضل واقفه بردوا وتقول عاوزين الباقى يمشى ( النائب والوزاره)

او هيوافقوا ويعملوا لجنه علشان انتخابات شعبيه لتحديد مين الرئيس صح

يعنى انتوا عاوزين تقنعونى ان الشعب يقعد 6 شهور من غير فلوس ولا اكل لحد ان شاء الله متبقوا تيجيبوا واحد يمسك

صح دا العدل والحريه ان الناس مصالحها تتوقف وتجوع وتسرق وتنهب علشان سيادتكوا عاوزين همجيه ف نقل السلطه مش بالعقل

انتوا مش فاهمين ان الشعب المصرى ف كتير غيركوا حاله على اده ورزقه يومى يعنى يعمل ايه بقى ؟

وبالحق انا شايف ان الحريه اللى تخلى شابه او شاب يشتم واحد اكبر منه مش اسمها حريه دى اسمها قله تربيه

انا مسئول على كل كلمه كتبتها ومقتنع بيها محدش قالهالى ولا حد بالبلدى ماليلى دماغى وكمان ميشرفنيش ان اقعد اكل واخد فلوس من اعداء

وكل همى نفسى وبس مش لناس تانيه كتير اكتر من 80 مليون بشر

وعلى فكره انا مش ضد الشباب اللى نزل يوم 25 يناير انا كنت معاهم بس لما تبقى مصلحه شخصيه وافكار امريكيه هى المحركه يبقى لا

وبقولها لالالالالالالالالالالا باعلى صوتى وعلى فكره شباب 25 يناير انسحبوا بالفعل من ميدان التحرير بعد خطاب الرئيس اما بقى الناس اللى

لسه موجوه فشوفوا دول مين ؟؟؟؟؟ يا عاقلين ياللى يهمكوا مصلحه الناس


الرجوع الى أعلى الصفحة اذهب الى الأسفل
(Ahmed)
عضو ماسي
عضو ماسي


ذكر
عدد الرسائل : 1425
نقاط : 1764
تاريخ التسجيل : 05/09/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 19:54

يسقط الارهابي مبارك كتب:
انا مش عاوزة الاخوان يوصلوا الى الحكم يا اوبست
اناعاوزة اختار الرئيس اللى عاوزه مش تزوير وارهاب وكان مصر دى عزبة
انا اسئلك سؤال هل انت كشاب تعرف تجوز -- هل عندك الامكانيات المادية من شقة وشبكة --- الخ هل تقدر تجيب الحاجات الان؟
الاجابة لا مع ان غيرك من اولاد المسؤلين عندهم فيلا مش شقة
الرئيس كفاية عليه كده هو ضحك عليكم بكلامه المعسول حتى تقولوا كده
يا جماعة مش هينفذ اى كلام قاله

الحررررررررررررريف متخفي ورا الطرحه البيضا مبروووووووك الحجاب
الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 19:58

Hollo كتب:
شعب جبان وعاطفي والعاطفه فعلا بتؤدي للغباء والهمجيه .. بنجاح منقطع النظير نجح ف انه يعمل حرب اهليه ..هي دي القياده؟؟؟ ولا هو مبدأ فرق تسد ف الزمان ده بقي ميه ميه وعال جدا؟؟؟؟؟؟؟؟؟؟ ... وقالوها زمان ..كلام الليل مدهون بزبده يطلع عليه الصبح يسييييييييييييييييح

لازم تتقبلي الرأي الآخر لإنك مش عايشه في الوطن ده لوحدك .. و تحترمي الرأي ده كمان و ميبقاش في ألفاظ زي دي .. متهينيش صاحب الرأي ده بأي صوره من الصور ...

إحنا بنتكلم أهه و بنتحاور و عايزين نوصل لـ حل مش غباء و همجيه زي ما بتقولي


الحرب الأهليه كده أو كده موجوده و هتيجي .. لما يمشي الأحزاب هتقطع في بعض و كله هيقتل في بعضه.


كلام الليل مدهون بزبده يصبح عليه الصبح يسيح .. صح؟؟ طب ده إحنا حتي بعد ما مطالبنا اتنفذت مسبناش الصبح ده يطلع عشان نشوف الزبده هتسيح ولا لأ ...!!!

لازم فرصه .. و تكون الفرصه الأخيره .... شكراً

الرجوع الى أعلى الصفحة اذهب الى الأسفل
NmNma
عضو ذهبي
عضو ذهبي
avatar

انثى
عدد الرسائل : 809
البلد : ام الدنيا
نقاط : 903
تاريخ التسجيل : 24/08/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:00

اولا انا بحى كل الشباب الى قاموا بالثورة دى وبجد كانوا قادة للتغير الى حصل و لكن خلاص المفروض مطالب كتير لنا اتحققت يبقى عايزين ايه وكمان بنقول مش عارفين نعيش طيب واحنا الوقت فى ظل الازمة دى عارفين نعيش ومحدش عارف امته هتنتهى اتكلمنا عن البطالة والفقر والفساد والامن والامان والوقتى الناس الى بتشتغل عارفة تروح شغلها وغلاء الاسعار الوقت مفيش ارتفاع اسعار
الوقت عايشين بامان خلاص احنا حققنا كتير
انا بجد بحترم الراجل ده جدااااا وخاصة بعد خطابه الاخير
الرجوع الى أعلى الصفحة اذهب الى الأسفل
(Ahmed)
عضو ماسي
عضو ماسي


ذكر
عدد الرسائل : 1425
نقاط : 1764
تاريخ التسجيل : 05/09/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:04

The game كتب:
smile كتب:
و لو حسنى مبارك دلوقتى جا خبر وفاته هيحصل ايه فى البلد .....

هنعد نعيط و نفتكر انجازاته و بعدين مش هنعين رئيس بما انه مفيش حد بعده و مين عدل يمسك البلد ؟؟!


تفتكرى ان الظروف دى ذى دى؟؟؟؟؟؟

كان هيتعين رئيس مجلس الشعب اللى بدوره هيعلن عن انتخابات مش بقى نسبها للاهواء كل واحد مش عاوز حاجه يحتج ويعملها

يعنى لو انا عندى شويه ناس انزل بيهم لميدان التحرير واحتج على الرئيس الموجود وبس مع انه حقق 98% من المطالب

لو احنا شعب ومعارضه ذكى كنا دخلنا ف نقاش وحوار ذى مهو طلب ونقول لا عاوزين مثلا نغير بدل مادتين 4 او 5 او100

بس بالحوار مش بالهمج واللى يلحق. تفتكروا هو طلب الحوار ليه مع المعارضه ؟ اكيد علشان المناقشه مش علشان نقول لالالالا

لازم الكل يفهم ثوره تونس منجحتش

لو حد يسمع عن الثوره الفرنسيه فدى قعدت اكتر من 20 سنه من فوضى ف البلاد وبعدين جه عمو نابليون الديكتاتور اه فاهمين ولا لا

يعنى ف الفوضى البقاء هيبقى للاصلح ذى الغابه او بمعنى ادق للاقوى وبس مش الحريه ولا الشعب

الوقت دا لازم نتكاتف فيه كلنا ايد واحده علشان البلاد بسم الله ما شاء الله اعدائنا كتيييييييييييييييير اوى منهم العربى ومنهم الاجنبى

لو سمحتوا اى حد شايف ان دا غلط يفهمنى الصح

تسنحق تقيييييييييييييييييييييييييييييييييييييييم و رفع القبعه
الرجوع الى أعلى الصفحة اذهب الى الأسفل
The game
عضو ماسي
عضو ماسي
avatar

ذكر
عدد الرسائل : 1305
العمر : 28
البلد : Utopias
الهوايات : Bad Boys
المزاج : ذى الفل
نقاط : 1450
تاريخ التسجيل : 01/12/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:13


اخر حاجه انا هقولها معلش استحملونى

بلاااااااااااااااااااااااااااش سوال التعجيز المصرى وانا اش ضمنى انه هيعمل كده ؟؟؟؟؟ لو اقعدنا نقول كده مش هنخلص

لان ببساطه انا بردوا هقول وانا اش ضمنى ان اللى انتوا بتقولوه دا صح ؟ مهو خلاص بقى لبانه ف بق كل واحد لالالالالالا

لازم نعطى الثقه علشان الناس تشتغل ولو مانجزتش نبقى نتكلم مش نفترض وخلاص .

الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:14

ردي ع عمر ..


بص يا بومبو .. أنا مبغلطش في اللي اتظاهرو لما قلت عليهم عيال .. لانهم فعلاً عياااااااااال .. يعني ايه واحد عنده 20 سنه و دي الأغلبيه من الناس اللي اتظاهرت لسه متخرجش حتي و بياخد مصروفه من أبوه و أمه و لسه ما مرش بأي حاجه عشان يتشكي و يعيط و يتظاهر .. يعني ايه لما بعض من شويه العيال دي قليله الأدب يمسكو يفط بيشتمو الريس مهما كان فيه .. تحب احط الصوره اللي انتا بعتهالي ؟؟؟!! .. الراجل ده مهوش طاغيه عشان نعمل معاه كده ,, مهوش صدام ,, مهوش بوش ,, مهوش ,, و مهوووووووش ..


يعني ايه معظم اللي قاعدين لو محتاجين زي ما بتقولو .. لسه بياكلو لحد دلوقتي ازاااااااااااااااي من غير شغل بقالهم 8 ايام .. مين الممول .. الناس دي لمؤاخذه بتخش الحمام فين !!!!!!!!! .. دول يا راجل جايبين خيم و بيعملو شاي و كإنهم طالعين رحله ... أنا بقول معظمهم مش كلهم .. في ناس فعلاً محتاجه و طالع تربنتيكهم .. بس مستغلين ..


الفراغ السياسي يا معلم هيخليك زي تونس و يمكن لبنان كمان .. في تصارع ع السطله و تقتيل و دبح و عما تختار لك رئيس بقه و تجرب و تثور و الدنيا تتنيل .. طب هتاكل منين .. هنعمل ايه لما المصالح كلها تقف .. ؟؟؟ أنا بشتري كرات الشحن النهارده بـ 15 جنيه .. السجاير الكيلوباترا اللي محشيه شاي دي بقت بـ 7 جنيه .... دي عينه بسيطه للي هيحصل لو مشي دلوقتي.


الحرب اللي في ميدان التحرير بالطوب دي بعد ما يمشي هتبقي سلاح و قرف.

إنتا عارف عشان تشكل حكومه انتقاليه لازم تبقي ازاي؟؟؟ لازم تجمع كل طوائف الشعب و من كل الأحزاب .. تخيل كميه الفوضي و الخلافات اللي هتحصل بين القوي السياسيه و بينها الحزب الوطني كمان مش بستثنيه ولا بخرجه من اللعبه لإنه مهما كان حزب.


اللي بيحصل دلوقتي هو عين العقل .. بعد ما البرلمان يتحصل سطوه الحزب الوطني و اغلبيته هتروح و ساعتها هناخد حقنا و صوتنا هيوصل .. انما اللي بيحصل دلوقتي فوضي بكل المقاييس

و برضه شويه عيال اللي عملو الثوره دي .


و قلت و هفضل أقول ان العصر ده هو اكتر عصر فيه حريه .. و لو مكنش عندك حريه مكانش زمانك دلوقتي بتعبر عن رأيك و تكتب زي ما تحب .. لولا الحريه اللي الشباب دول فيها مكانوش جمعو بعضهم لميدان التحرير بكل الكم ده .. و تيجو تقولولي مفيش حريه !!!!!!!!!


عايزين مطالب أوكي .. خلاص الراجل هينفذ قبل ما يمشي .. بس نديله فرصه بقه .. خلاص احنا عرفنا الطريقه لو حصل حاجه ؟؟ هناخد المترو كلنا و نروح التحرير و أنا أولكو ..
الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:16

The game كتب:

اخر حاجه انا هقولها معلش استحملونى

بلاااااااااااااااااااااااااااش سوال التعجيز المصرى وانا اش ضمنى انه هيعمل كده ؟؟؟؟؟ لو اقعدنا نقول كده مش هنخلص

لان ببساطه انا بردوا هقول وانا اش ضمنى ان اللى انتوا بتقولوه دا صح ؟ مهو خلاص بقى لبانه ف بق كل واحد لالالالالالا

لازم نعطى الثقه علشان الناس تشتغل ولو مانجزتش نبقى نتكلم مش نفترض وخلاص .


العقل بيقول كده .. و أنا معاك..
الرجوع الى أعلى الصفحة اذهب الى الأسفل
zzzzamalkawy
عضو ماسي
عضو ماسي
avatar

ذكر
عدد الرسائل : 2187
العمر : 28
البلد : مصر
الهوايات : الكوره ثم الكوره ثم الكوره
المزاج : الحمد لله
نقاط : 2309
تاريخ التسجيل : 13/08/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:23

يا شباب كل حته وكل مكان فيه الصح وفيه الغلط وفيه الحلو والوحش ومفيش حاجه كامله لان الكمال لله وحده
بصراحه بحيي كل الشباب على ردودهم هنا بس بلاش نخلى حماستنا تسبقنا وبدل ما نبص للامور بعقلنا
هنبصلها بالحماسه الزايده او بشكل تانى ...

لو بصينا على خطاب الرئيس امبارح هنلاقى انه كلام موزون وكلام عاقل جدا والراجل بصراحه عداه العيب
مش معنى كده انى مع الريس ..انا لا معاه ولا ضده انا مع مصلحه الشعب اللى هوه نواه الوطن
خلينا نحط مصلحه الشعب ده ادام عنينا ونفكر بعقلنا هنلاقى ان مصلحتنا اننا نتكاتف كلنا ايد واحده
خلينا نتكاتف ايد واحده ونخلى الثوره دى ليها ناتج عملى وده مش هيحققوا الحكومه ولا الريس لواحدهم
لازم احنا كمان نساعدهم على ده

ناس كتير مش موافقه ان الريس يعد وان هو المشكله وان هو صاحب العقل المدبر للخراب ؟؟
طب ما هو بقاله 30 سنه معملش حاجه؟؟ يعنى ال 9 شهور دول اللى هيعمل فيهم؟؟

اه هيعمل وهيعمل كمان بعد اللى حصل هقولكم ليه ..هو ببساطه غير النظام وجاب
ناس بتشتغل بدل ناس بتسرق وبتنهب وناس خاينه ودول كانوا نفوذ كبير صعب انه كان يحركها من مكانها
والشباب هما اللى قدروا ينضفوا البلد دى ..يعنى احنا ساعدناه على كده

رايى ان نسيب الناس دى تشتغل ونديهم فرصتهم وشهر 11 كل واحد يدى صوته
للى هو شايفه الانسب للبلد دى ..بس ندى فرصه للاستقرار والامن

حاجه اخيره ..حد شاف المؤتمر الصحفى للمتحدث الرسمى للبيت الابيض من شويه ؟؟

اقولكم انا ايه اللى حصل انهم موافقين ان الريس يمشى وشن هجوم على الريس بطريقه غريبه
وده خلى واحد من الصحفيين اللى موجودين يسالوا انت كده بتدى اوامر مش نصيحه..للاسف قالوا اه ده امر!!
شئ غريب مش كده!!
طب منين امبارح كانوا عايزينوا يعد وبيؤيدوه ومنين دلوقتى عايزينه يمشى؟ مش ملاحظين التناقض؟!

فكروا يا شباب كويس قبل اى حاجه وبلاش حماستنا وعصبيتنا فى الراى تسبقنا


اسف للتطويل ..
الرجوع الى أعلى الصفحة اذهب الى الأسفل
Hollo
عضو أسطـــــــــورة
عضو أسطـــــــــورة
avatar

انثى
عدد الرسائل : 9868
العمر : 28
نقاط : 10571
تاريخ التسجيل : 04/04/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:32

Scorpion كتب:
Hollo كتب:
شعب جبان وعاطفي والعاطفه فعلا بتؤدي للغباء والهمجيه .. بنجاح منقطع النظير نجح ف انه يعمل حرب اهليه ..هي دي القياده؟؟؟ ولا هو مبدأ فرق تسد ف الزمان ده بقي ميه ميه وعال جدا؟؟؟؟؟؟؟؟؟؟ ... وقالوها زمان ..كلام الليل مدهون بزبده يطلع عليه الصبح يسييييييييييييييييح

لازم تتقبلي الرأي الآخر لإنك مش عايشه في الوطن ده لوحدك .. و تحترمي الرأي ده كمان و ميبقاش في ألفاظ زي دي .. متهينيش صاحب الرأي ده بأي صوره من الصور ...

إحنا بنتكلم أهه و بنتحاور و عايزين نوصل لـ حل مش غباء و همجيه زي ما بتقولي


الحرب الأهليه كده أو كده موجوده و هتيجي .. لما يمشي الأحزاب هتقطع في بعض و كله هيقتل في بعضه.


كلام الليل مدهون بزبده يصبح عليه الصبح يسيح .. صح؟؟ طب ده إحنا حتي بعد ما مطالبنا اتنفذت مسبناش الصبح ده يطلع عشان نشوف الزبده هتسيح ولا لأ ...!!!

لازم فرصه .. و تكون الفرصه الأخيره .... شكراً


علي فكره يا Scorpion انت مفهمتش ردي كما يجب ان يكون
ومعرفش ليه انت اخدت الكلام علي انه تجريح لاي واحد صاحب راي هنا ...
انا لما اتكلمت علي الهمجيه والغباء مقصدتش صاحب الراي ايا كان بس افتكر لو انت فتحت التي في وشفت المناظر هتعرف كنت اقصد ايه من ردي .. انا واعيه كويس جدا لكل كلمه قبل ما بكتبها وبقولها... وعموما مش مشكلتي انك اخدت الكلام ع نفسك او علي غيرك لاني بوجه كلامي بوجه عام واللي عايز يستشفه باي طريقه يبقي اوك يفهمه بالطريقه اللي تريحه ..

اه ع فكره كلام الليل مدهون بزبده دي .. يا ريت تبقي تشوف ان الناس اللي وراه هما اللي مستنوش الصبح يطلع.. مش الشعب ..
وف نهاية كلامي ..... لا شكر على واجب
الرجوع الى أعلى الصفحة اذهب الى الأسفل
DARK MAN
عضو معلــــم
عضو معلــــم
avatar

ذكر
عدد الرسائل : 3144
العمر : 26
البلد : دمياط
الهوايات : كتابه شعر ..... فوتوشوب ........ كره قدم
المزاج : متقلب احيانا
نقاط : 3427
تاريخ التسجيل : 21/10/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:37

Scorpion كتب:
The game كتب:

اخر حاجه انا هقولها معلش استحملونى

بلاااااااااااااااااااااااااااش سوال التعجيز المصرى وانا اش ضمنى انه هيعمل كده ؟؟؟؟؟ لو اقعدنا نقول كده مش هنخلص

لان ببساطه انا بردوا هقول وانا اش ضمنى ان اللى انتوا بتقولوه دا صح ؟ مهو خلاص بقى لبانه ف بق كل واحد لالالالالالا

لازم نعطى الثقه علشان الناس تشتغل ولو مانجزتش نبقى نتكلم مش نفترض وخلاص .


العقل بيقول كده .. و أنا معاك..



هو ده الصح اكيدد
الرجوع الى أعلى الصفحة اذهب الى الأسفل
http://amrhasuopa.blogspot.com/
mr.ahlawy
عضو ماسي
عضو ماسي
avatar

ذكر
عدد الرسائل : 1216
العمر : 26
البلد : OM-ELDONIA
الهوايات : AHLAWY
المزاج : ؟؟؟؟؟؟
نقاط : 1427
تاريخ التسجيل : 06/05/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:44

حراااااااااااااااااااااااااااااااام كفااااااااااايه بقى عملكوا كل اللى يقدر عليه واللى ينفع يتعمل

ارحموا مصر بقى انتوا لسه هتنزلوا الجمعه كمااااااااان ارحمووووووووونا

داحنا كنا عايشين فى حرب عصابات

انتوا مش فاهمين انتوا كده بتعملوا ايه يا جماعه والله

برادعى مين ده اللى مايعرفش حاجه عن مصر وبتقارنوه بمبارك اللى حارب فى 73

واخواااااااان ايه دوووووول اللى مايعرفوش حاجه عن الاسلاااام (اقصد القاده بتوعهم طبعا زى صابر بيه ابو دقن عيرره اللى ظهر دلوقتى وواقف ماسك الميكروفون ونازل شتيمه فى مبااارك هو ده الاسلام يا خويا)
انما الناس اللى ماشيين وراهم دول بيصعبوا عليا والله العظيم لانهم حاطين عقولهم فى الثلاجه وماشيين يقولوا امين وخلاص

والله العظييييييييييم لو مبارك سمع كلامهم ومشى بكره مصر هتضييييييييييييع



على فكره انا من مؤيدى شباب 6 ابريل وكلنا خالد سعيد الواعيين والمثقفين اللى ليهم مطالب محدده ولما الريس حققهالهم مشوا من ميدان التحرير

ومش عايزه يرشح نفسه تانى ولاعايز جمال ابنه بس لازم نحترمه لانه احد اسباب السلااااااام اللى احنا كنا عايشين فيه قبل 25 يناير واللى تقريبا مش هنشوفه تااااانى وخليكوا فاكرين الكلمه دى


الريس امبااارح عمل الصح والكلام العاقل و وقال الخلاصه ومينفعش يعمل غير كده والله

وياااااااريت حد يقولى مين اللى ممكن يبقى رئيس مصر بعده بس اوعوا تقولوا البرادعى او ايمن نوووور
الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:50

Hollo كتب:
Scorpion كتب:
Hollo كتب:
شعب جبان وعاطفي والعاطفه فعلا بتؤدي للغباء والهمجيه .. بنجاح منقطع النظير نجح ف انه يعمل حرب اهليه ..هي دي القياده؟؟؟ ولا هو مبدأ فرق تسد ف الزمان ده بقي ميه ميه وعال جدا؟؟؟؟؟؟؟؟؟؟ ... وقالوها زمان ..كلام الليل مدهون بزبده يطلع عليه الصبح يسييييييييييييييييح

لازم تتقبلي الرأي الآخر لإنك مش عايشه في الوطن ده لوحدك .. و تحترمي الرأي ده كمان و ميبقاش في ألفاظ زي دي .. متهينيش صاحب الرأي ده بأي صوره من الصور ...

إحنا بنتكلم أهه و بنتحاور و عايزين نوصل لـ حل مش غباء و همجيه زي ما بتقولي


الحرب الأهليه كده أو كده موجوده و هتيجي .. لما يمشي الأحزاب هتقطع في بعض و كله هيقتل في بعضه.


كلام الليل مدهون بزبده يصبح عليه الصبح يسيح .. صح؟؟ طب ده إحنا حتي بعد ما مطالبنا اتنفذت مسبناش الصبح ده يطلع عشان نشوف الزبده هتسيح ولا لأ ...!!!

لازم فرصه .. و تكون الفرصه الأخيره .... شكراً


علي فكره يا Scorpion انت مفهمتش ردي كما يجب ان يكون
ومعرفش ليه انت اخدت الكلام علي انه تجريح لاي واحد صاحب راي هنا ...
انا لما اتكلمت علي الهمجيه والغباء مقصدتش صاحب الراي ايا كان بس افتكر لو انت فتحت التي في وشفت المناظر هتعرف كنت اقصد ايه من ردي .. انا واعيه كويس جدا لكل كلمه قبل ما بكتبها وبقولها...وعموما مش مشكلتي انك اخدت الكلام ع نفسك او علي غيرك لاني بوجه كلامي بوجه عام واللي عايز يستشفه باي طريقه يبقي اوك يفهمه بالطريقه اللي تريحه ..

اه ع فكره كلام الليل مدهون بزبده دي .. يا ريت تبقي تشوف ان الناس اللي وراه هما اللي مستنوش الصبح يطلع.. مش الشعب ..
وف نهاية كلامي ..... لا شكر على واجب

أنا أخدته ع انه تجريح لإنه فعلاً كده .. و الحمد لله بفهم كويس جداً حضرتك

طالما إنتي واعيه لردك و عارفه قلتي ايه ملكيش مني غير كل احترام و تقدير و دي وجهه نظرك يا Hollo
الرجوع الى أعلى الصفحة اذهب الى الأسفل
عمر
عضو أسطـــــــــورة
عضو أسطـــــــــورة


ذكر
عدد الرسائل : 8564
العمر : 29
البلد : دمياط
الهوايات : شطرنج - رياضة (حديد-لياقة-جري-سباحة بظروفها) - قراءة ..كفاية عليكوا كدا
المزاج : الحمد لله
نقاط : 8691
تاريخ التسجيل : 18/11/2008

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:54

اقتباس :
بص يا بومبو .. أنا مبغلطش في اللي اتظاهرو لما قلت عليهم عيال .. لانهم فعلاً عياااااااااال .. يعني ايه واحد عنده 20 سنه و دي الأغلبيه من الناس اللي اتظاهرت لسه متخرجش حتي و بياخد مصروفه من أبوه و أمه و لسه ما مرش بأي حاجه عشان يتشكي و يعيط و يتظاهر .. يعني ايه لما بعض من شويه العيال دي قليله الأدب يمسكو يفط بيشتمو الريس مهما كان فيه .. تحب احط الصوره اللي انتا بعتهالي ؟؟؟!! .. الراجل ده مهوش طاغيه عشان نعمل معاه كده ,, مهوش صدام ,, مهوش بوش ,, مهوش ,, و مهوووووووش ..

نمسك الكلام دا من أول الصورة اللي بعتهالك اللي هي المفروض الاستشهاد الوحيد على ان اللي طلعوا الثورة دي (أيوة الحاجة اللي بالملايين على مستوى جميع المحافظات اسمها ثورة) قلالات الأدب , أي حاجة في الدنيا ليها شذوذ وأي حد ممكن يطلع في النص بطريقة مش مؤدبة لما نتكلم نتكلم على الشكل العام , الشكل العام اللي شفناه كلنا في ميدان التحرير ناس محترمة الشكل العام اللي حضرته امبارح واوله ويوم الجمعة ناس محترمة ورافعة لافتات فيها كلام محترم , الشكل العام أن مش "العيال" بس اللي اتظاهروا رجالة وستات وأطفال وشيوخ خرجوا ودول كانوا اكتر من الشباب لو كنت نزلت امبارح كنت هتشوف دا , لو حولت على اللي بيتلق عليهم مولوتوف وغازات مسيلة للدموع مش عارف جابوها منين دلوقت هتعرف , الشكل العام أن الناس زهقت طهقت وحركهم "العيال" دول ..المعيلة يا سيد مسعد مش بالسن المعيلة بالتصرفات , وإن كانت بإنهم بياخدوا أو مبياخدوش مصروفهم فسيدتك معملتش جرد وشفت مين فيهم بيشتغل ومين لأ ..ولو حصل وكان أغلبهم مبيشتغلش فدا يبقى في حجر بابا مبارك مش يبقى لوم عليهم ..ويبقى ساعتها حقهم يتظاهروا ...هو فعلاً مش صدام ومش بوش ومش شارون بس برضو مهوش آله ومهوش "بابا" ومهوش كبير العيلة ...ومصر مش عزبة علشان يبقى دا كبيرها واللي يعمل كدا في شعبه ويسيب كلابه الشرطة أول مرة والبلطجية والمأجورين تاني مرة عليهم (اللي داقت بيهم الدنيا كلها علشان يروحوا يتظاهروا في التحرير بالمناسبة) يستحق أنه يمشي غير مأسوف عليه .

اقتباس :
يعني ايه معظم اللي قاعدين لو محتاجين زي ما بتقولو .. لسه بياكلو لحد دلوقتي ازاااااااااااااااي من غير شغل بقالهم 8 ايام .. مين الممول .. الناس دي لمؤاخذه بتخش الحمام فين !!!!!!!!! .. دول يا راجل جايبين خيم و بيعملو شاي و كإنهم طالعين رحله ... أنا بقول معظمهم مش كلهم .. في ناس فعلاً محتاجه و طالع تربنتيكهم .. بس مستغلين ..

فيه جوامع بتهيألي ممكن يخشوا فيها الحمام ..فيه بيوتهم يروحوا ويرجعوا منها ..فيه أهالي ميقلش دورهم عنهم كانوا بيجيبوا ليهم أكل وبطاطين لأن القضية واحدة ..فيه ناس كانت طالعة ومعاها أكلها جاهز ..فيه بعبع أسمه الأخوان كان بيشارك ودول مش سهلين ويا رب متمسكليش في حتة أن الأخوان اللي هتعتبرهملي أرهابيين و رجس من عمل الشيطان هما اللي ورا الموضوع دا لأنهم منزلوش إلا في اليوم التالت تقريباً ...كان شباب مصر أتحر ورجالتها ...حتة أنهم طالعين رحلة الواحد المفروض أنه لما ينزل مظاهرة يصوم 7 أيام ومينامش علشان يعجبك ...المفروض يفضل واقف زي البجم ..المفروض أن المحتاج بس هو اللي يتظاهر , هل الناس اللي بيتظاهروا علشان حقي وحقك وإن حتة مخبر ممعهوش إعداداية يشدك من قفاك علشان قانون طواريء حطه بابا حسني دول بيتكلموا في رفاهيات ..أكيد لأ .

اقتباس :
الفراغ السياسي يا معلم هيخليك زي تونس و يمكن لبنان كمان .. في تصارع ع السطله و تقتيل و دبح و عما تختار لك رئيس بقه و تجرب و تثور و الدنيا تتنيل .. طب هتاكل منين .. هنعمل ايه لما المصالح كلها تقف .. ؟؟؟ أنا بشتري كرات الشحن النهارده بـ 15 جنيه .. السجاير الكيلوباترا اللي محشيه شاي دي بقت بـ 7 جنيه .... دي عينه بسيطه للي هيحصل لو مشي دلوقتي.

أظن دا كلام ووصف مش في محله ..لأن شوية العيال هما هما اللي أثبتوا في وقت المحنة ووقت ما النظام أطلق المجرمين من السجون وأطلق كلابه يسرقوا وينهبوا في البلد , أثبتوا قد أيه أحنا شعب متحضر ونقدر نحمي ونحافظ ونخاف على بعض ونساعد بعض ..بينوا إن الحرب الأهلية مبدأتش تحصل غير دلوقت لما بدأ يسرب المرتزقة بتوعه عليهم ..الحرب الأهلية اللي بتتكلم عليها دي عمرها ما هتحصل لو نفذ طلباتنا من غير استخفاف بعقل الناس وعمل حكومة آتلافية انتقالية لكن اللي عنده شهوة السلطة عمره ما هيفكر كدا ..أما كروت الشحن فوصلت ل18 كمان مش 15 , بس دي حاجة مؤقتة ..المطالب كبيرة ومش هتيجي على معلقة دهب هتيجي بشد الحزام شوية , لكن الثورة دايماً يصنعها العظماء وينعم بها ......
اقتباس :


و قلت و هفضل أقول ان العصر ده هو اكتر عصر فيه حريه .. و لو مكنش عندك حريه مكانش زمانك دلوقتي بتعبر عن رأيك و تكتب زي ما تحب .. لولا الحريه اللي الشباب دول فيها مكانوش جمعو بعضهم لميدان التحرير بكل الكم ده .. و تيجو تقولولي مفيش حريه !!!!!!!!!

الحرية اللي بتتكلم عليها دي هي حرية أنك تتكلم وبس أنما تعمل هتتشد من قفاك ...ميدان التحرير اللي بتتكلم عليه دا أنا كنت فيه يوم 26 بعد الثورة بيوم ..كان ميدان أشباح , كل اللي فيه أمن مركزي وشرطة ومخبرين , دي الحرية اللي بتتكلم عنها ..كان مئات معتقلين ..حرية أيه اللي قفلت الدستور ومنعت عمرو أديب وهددت كل برامج التوك شو وطردت فهمي هويدي من الأهرام , وأخيراً قفلت الجزيرة ..الحرية دي ديكور يضحك بيه على الناس برا ويخدر الناس اللي عايزة تصوت جوا , لكن لما انقلب الكلام فعل طلع الوش الحقيقي ...وتحيا الحرية .
الرجوع الى أعلى الصفحة اذهب الى الأسفل
http://www.stop.1talk.net
zzzzamalkawy
عضو ماسي
عضو ماسي
avatar

ذكر
عدد الرسائل : 2187
العمر : 28
البلد : مصر
الهوايات : الكوره ثم الكوره ثم الكوره
المزاج : الحمد لله
نقاط : 2309
تاريخ التسجيل : 13/08/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 20:55

لا النرفذه ولا العصبيه هتجيب نتيجه..اهم حاجه لازم نهدى عشان نقدر نختار وعشان نفدر نتحاور
وياريت مننساش ان احنا اخوات وزملاء ومصريين وقبل كل ده مسلمين
الرجوع الى أعلى الصفحة اذهب الى الأسفل
Hollo
عضو أسطـــــــــورة
عضو أسطـــــــــورة
avatar

انثى
عدد الرسائل : 9868
العمر : 28
نقاط : 10571
تاريخ التسجيل : 04/04/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 21:00

Scorpion كتب:
Hollo كتب:
Scorpion كتب:
Hollo كتب:
شعب جبان وعاطفي والعاطفه فعلا بتؤدي للغباء والهمجيه .. بنجاح منقطع النظير نجح ف انه يعمل حرب اهليه ..هي دي القياده؟؟؟ ولا هو مبدأ فرق تسد ف الزمان ده بقي ميه ميه وعال جدا؟؟؟؟؟؟؟؟؟؟ ... وقالوها زمان ..كلام الليل مدهون بزبده يطلع عليه الصبح يسييييييييييييييييح

لازم تتقبلي الرأي الآخر لإنك مش عايشه في الوطن ده لوحدك .. و تحترمي الرأي ده كمان و ميبقاش في ألفاظ زي دي .. متهينيش صاحب الرأي ده بأي صوره من الصور ...

إحنا بنتكلم أهه و بنتحاور و عايزين نوصل لـ حل مش غباء و همجيه زي ما بتقولي


الحرب الأهليه كده أو كده موجوده و هتيجي .. لما يمشي الأحزاب هتقطع في بعض و كله هيقتل في بعضه.


كلام الليل مدهون بزبده يصبح عليه الصبح يسيح .. صح؟؟ طب ده إحنا حتي بعد ما مطالبنا اتنفذت مسبناش الصبح ده يطلع عشان نشوف الزبده هتسيح ولا لأ ...!!!

لازم فرصه .. و تكون الفرصه الأخيره .... شكراً


علي فكره يا Scorpion انت مفهمتش ردي كما يجب ان يكون
ومعرفش ليه انت اخدت الكلام علي انه تجريح لاي واحد صاحب راي هنا ...
انا لما اتكلمت علي الهمجيه والغباء مقصدتش صاحب الراي ايا كان بس افتكر لو انت فتحت التي في وشفت المناظر هتعرف كنت اقصد ايه من ردي .. انا واعيه كويس جدا لكل كلمه قبل ما بكتبها وبقولها...وعموما مش مشكلتي انك اخدت الكلام ع نفسك او علي غيرك لاني بوجه كلامي بوجه عام واللي عايز يستشفه باي طريقه يبقي اوك يفهمه بالطريقه اللي تريحه ..

اه ع فكره كلام الليل مدهون بزبده دي .. يا ريت تبقي تشوف ان الناس اللي وراه هما اللي مستنوش الصبح يطلع.. مش الشعب ..
وف نهاية كلامي ..... لا شكر على واجب

أنا أخدته ع انه تجريح لإنه فعلاً كده .. و الحمد لله بفهم كويس جداً حضرتك

طالما إنتي واعيه لردك و عارفه قلتي ايه ملكيش مني غير كل احترام و تقدير و دي وجهه نظرك يا Hollo

اوك
الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 21:23

اقتباس :
نمسك الكلام دا من أول الصورة اللي بعتهالك اللي هي المفروض الاستشهاد الوحيد على ان اللي طلعوا الثورة دي (أيوة الحاجة اللي بالملايين على مستوى جميع المحافظات اسمها ثورة) قلالات الأدب , أي حاجة في الدنيا ليها شذوذ وأي حد ممكن يطلع في النص بطريقة مش مؤدبة لما نتكلم نتكلم على الشكل العام , الشكل العام اللي شفناه كلنا في ميدان التحرير ناس محترمة الشكل العام اللي حضرته امبارح واوله ويوم الجمعة ناس محترمة ورافعة لافتات فيها كلام محترم , الشكل العام أن مش "العيال" بس اللي اتظاهروا رجالة وستات وأطفال وشيوخ خرجوا ودول كانوا اكتر من الشباب لو كنت نزلت امبارح كنت هتشوف دا , لو حولت على اللي بيتلق عليهم مولوتوف وغازات مسيلة للدموع مش عارف جابوها منين دلوقت هتعرف , الشكل العام أن الناس زهقت طهقت وحركهم "العيال" دول ..المعيلة يا سيد مسعد مش بالسن المعيلة بالتصرفات , وإن كانت بإنهم بياخدوا أو مبياخدوش مصروفهم فسيدتك معملتش جرد وشفت مين فيهم بيشتغل ومين لأ ..ولو حصل وكان أغلبهم مبيشتغلش فدا يبقى في حجر بابا مبارك مش يبقى لوم عليهم ..ويبقى ساعتها حقهم يتظاهروا ...هو فعلاً مش صدام ومش بوش ومش شارون بس برضو مهوش آله ومهوش "بابا" ومهوش كبير العيلة ...ومصر مش عزبة علشان يبقى دا كبيرها واللي يعمل كدا في شعبه ويسيب كلابه الشرطة أول مرة والبلطجية والمأجورين تاني مرة عليهم (اللي داقت بيهم الدنيا كلها علشان يروحوا يتظاهروا في التحرير بالمناسبة) يستحق أنه يمشي غير مأسوف عليه .

الثوره بتاعه "العيال" دي كان ليها مطالب ع ما أظن مش كده !!!! .. حل وزير الداخليه و البرلمان و اصلاحات اقتصاديه و كانو طالعين عشان كده .. و فضلو أعدين لليوم الثالث صامدين عشان مطالبهم تتم و كان كل فئات الشعب اتجمعو و كل القوي السياسيه نزلت مع الشباب .. و فعلاً الريس طلع و قال كل مطالبكو مجابه .. بعد بقه ايه اللي حصل .. ليه بعد المطالب بإسقاط النظام و المطالب المعروفه دي يطلبو اسقاط الرئيس .. ليه !!!!! إديني سبب واحد غير ان القوي السياسيه شافت شغلها عشان مبارك يمشي .. ده كل حاجه في خطابين متتاليين طلبتها منه نفذهااااالك .. المستفيد الأكبر ان حسني يمشي و يحصل فراغ سياسي من غير حكومه و رئيس هم القوي السياسيه ..عشان تبقي اللعبه بينهم هم و بس و مفيش فيها كبير .. و يطحنو في بعض بالطرق النشروعه و غير المشروعه في ظل عدم وجود نظام يقدر يوقف الفوضي المترتبه ع ان اللعبه تكون في ايد الأحزاب و بس من غير تنظيم.


اقتباس :
فيه جوامع بتهيألي ممكن يخشوا فيها الحمام ..فيه بيوتهم يروحوا ويرجعوا منها ..فيه أهالي ميقلش دورهم عنهم كانوا بيجيبوا ليهم أكل وبطاطين لأن القضية واحدة ..فيه ناس كانت طالعة ومعاها أكلها جاهز ..فيه بعبع أسمه الأخوان كان بيشارك ودول مش سهلين ويا رب متمسكليش في حتة أن الأخوان اللي هتعتبرهملي أرهابيين و رجس من عمل الشيطان هما اللي ورا الموضوع دا لأنهم منزلوش إلا في اليوم التالت تقريباً ...كان شباب مصر أتحر ورجالتها ...حتة أنهم طالعين رحلة الواحد المفروض أنه لما ينزل مظاهرة يصوم 7 أيام ومينامش علشان يعجبك ...المفروض يفضل واقف زي البجم ..المفروض أن المحتاج بس هو اللي يتظاهر , هل الناس اللي بيتظاهروا علشان حقي وحقك وإن حتة مخبر ممعهوش إعداداية يشدك من قفاك علشان قانون طواريء حطه بابا حسني دول بيتكلموا في رفاهيات ..أكيد لأ .

للدرجه دي الناس دي فاضيه و معاها فلوس تعطل مصالحها عشان تعتكف كده ؟؟؟ طب مش وارد الأكل ده يخلص ؟؟ مش وارد الفلوس تخلص ؟؟ هيجيبو منين ..؟؟ .. لأ مبقولش انه يقف زي البجم لكن يا أخي ميبقاش كل الشعب بيتظاهر و بقي محتاج دلوقتي و ع فكره بقه في ناس كتير اوي في اللي اتظاهرو دول مستريحين جداً و مش محتاجين بس نزلو سند للثوره دي ..و ده مش عيب .. ولا حرام


اقتباس :
أظن دا كلام ووصف مش في محله ..لأن شوية العيال هما هما اللي أثبتوا في وقت المحنة ووقت ما النظام أطلق المجرمين من السجون وأطلق كلابه يسرقوا وينهبوا في البلد , أثبتوا قد أيه أحنا شعب متحضر ونقدر نحمي ونحافظ ونخاف على بعض ونساعد بعض ..بينوا إن الحرب الأهلية مبدأتش تحصل غير دلوقت لما بدأ يسرب المرتزقة بتوعه عليهم ..الحرب الأهلية اللي بتتكلم عليها دي عمرها ما هتحصل لو نفذ طلباتنا من غير استخفاف بعقل الناس وعمل حكومة آتلافية انتقالية لكن اللي عنده شهوة السلطة عمره ما هيفكر كدا ..أما كروت الشحن فوصلت ل18 كمان مش 15 , بس دي حاجة مؤقتة ..المطالب كبيرة ومش هتيجي على معلقة دهب هتيجي بشد الحزام شوية , لكن الثورة دايماً يصنعها العظماء وينعم بها ......

دول لو مش شويه "عيال" مكانوش أعدو كده من غير شغل في ميدان من غير ايتها مسئوليه .. لما يبقي واحد لسه في كليه متخرجش أو اتخرج حتي .. لسه مشتغلش و لا داس في الدنيا ولا طلع عينه ولا جرب ولا اي حاجه و لسه عويل و انا بشدد ع كده .. ده ازاي؟؟ .. مش بقلل من عقل "العيال" دي .. لالالالالالالالا بالعكس ده كلامهم موزون و محكوم كويس جداً و طلباته مباحه بس معندوش الخبره للوصول لحل و دايماً طماع .. يعني احنا اهه وصلنا لحل و برضه مش مقبول بيه .. مش شويه شباب أو عيال هي اللي هتمشي البلد .. لازم نسيب الكلام ده للمتخصص فيه. إحنا في ناس سبقانا بمراحل في المجال ده تقدر تتكلم ..


اقتباس :
الحرية اللي بتتكلم عليها دي هي حرية أنك تتكلم وبس أنما تعمل هتتشد من قفاك ...ميدان التحرير اللي بتتكلم عليه دا أنا كنت فيه يوم 26 بعد الثورة بيوم ..كان ميدان أشباح , كل اللي فيه أمن مركزي وشرطة ومخبرين , دي الحرية اللي بتتكلم عنها ..كان مئات معتقلين ..حرية أيه اللي قفلت الدستور ومنعت عمرو أديب وهددت كل برامج التوك شو وطردت فهمي هويدي من الأهرام , وأخيراً قفلت الجزيرة ..الحرية دي ديكور يضحك بيه على الناس برا ويخدر الناس اللي عايزة تصوت جوا , لكن لما انقلب الكلام فعل طلع الوش الحقيقي ...وتحيا الحرية .

طيب يا سيدي أديك عملت و وصلت لنتيجه كل الناس بتقول في العالم كله كان مستحيل تحصل .. يبقي دي مش حريه لما قدرت !!! .. كلنا عارفين ان الدستور وراه لعبه كبيره جداً أبعد من النظام .. دوشه رجال أعمال مع بعض .. و عمرو أديب كل الناس عارفه ان اللي ورا اعاده ف بيته احمد عز .. برامج توك شو ايه يا رااااجل ده الناس واخده راحتها فحت .. الجزيره اظن النهرده مفضوحه فضيحه ملهاش زي بعد وثائق ويكيلكس .. طب قول لي اشمعنه الدوله الوحيده اللي مبيجيش عنها اخبار ع الجزيره هي قطر سواء خير او شر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اشمعنه مصر دايماً بتتصدر العناوين ؟؟؟؟ يعني قناه الجزيره دي هي الملاك الطاهر البرئ المنزل من السما اللي هيخصلنا ؟؟؟؟!! شيلااااااااه يا جزيره .. الحريه ثبت لكو النهرده اظن انها مش ديكور زي ما بتقولو ..


يا جماعه في الآخر احب اقول لكو انا معدتش عايز الريس مبارك و لا حتي عايز ابنه .. انا بس مع الاستقرار لحد معاد الانتخابات .. و مع خروج مشرف لراجل قضي حياته في خدمه بلده .. سواء اختلفنا او مختلفناش في النقطه دي .. بس انا مش هبقي جزار أبداً


عدل سابقا من قبل Scorpion في الأربعاء 2 فبراير 2011 - 21:25 عدل 1 مرات
الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 21:24

Hollo كتب:
Scorpion كتب:
Hollo كتب:
Scorpion كتب:
Hollo كتب:
شعب جبان وعاطفي والعاطفه فعلا بتؤدي للغباء والهمجيه .. بنجاح منقطع النظير نجح ف انه يعمل حرب اهليه ..هي دي القياده؟؟؟ ولا هو مبدأ فرق تسد ف الزمان ده بقي ميه ميه وعال جدا؟؟؟؟؟؟؟؟؟؟ ... وقالوها زمان ..كلام الليل مدهون بزبده يطلع عليه الصبح يسييييييييييييييييح

لازم تتقبلي الرأي الآخر لإنك مش عايشه في الوطن ده لوحدك .. و تحترمي الرأي ده كمان و ميبقاش في ألفاظ زي دي .. متهينيش صاحب الرأي ده بأي صوره من الصور ...

إحنا بنتكلم أهه و بنتحاور و عايزين نوصل لـ حل مش غباء و همجيه زي ما بتقولي


الحرب الأهليه كده أو كده موجوده و هتيجي .. لما يمشي الأحزاب هتقطع في بعض و كله هيقتل في بعضه.


كلام الليل مدهون بزبده يصبح عليه الصبح يسيح .. صح؟؟ طب ده إحنا حتي بعد ما مطالبنا اتنفذت مسبناش الصبح ده يطلع عشان نشوف الزبده هتسيح ولا لأ ...!!!

لازم فرصه .. و تكون الفرصه الأخيره .... شكراً


علي فكره يا Scorpion انت مفهمتش ردي كما يجب ان يكون
ومعرفش ليه انت اخدت الكلام علي انه تجريح لاي واحد صاحب راي هنا ...
انا لما اتكلمت علي الهمجيه والغباء مقصدتش صاحب الراي ايا كان بس افتكر لو انت فتحت التي في وشفت المناظر هتعرف كنت اقصد ايه من ردي .. انا واعيه كويس جدا لكل كلمه قبل ما بكتبها وبقولها...وعموما مش مشكلتي انك اخدت الكلام ع نفسك او علي غيرك لاني بوجه كلامي بوجه عام واللي عايز يستشفه باي طريقه يبقي اوك يفهمه بالطريقه اللي تريحه ..

اه ع فكره كلام الليل مدهون بزبده دي .. يا ريت تبقي تشوف ان الناس اللي وراه هما اللي مستنوش الصبح يطلع.. مش الشعب ..
وف نهاية كلامي ..... لا شكر على واجب

أنا أخدته ع انه تجريح لإنه فعلاً كده .. و الحمد لله بفهم كويس جداً حضرتك

طالما إنتي واعيه لردك و عارفه قلتي ايه ملكيش مني غير كل احترام و تقدير و دي وجهه نظرك يا Hollo

اوك

الرجوع الى أعلى الصفحة اذهب الى الأسفل
SAM
عضو ماسي
عضو ماسي
avatar

انثى
عدد الرسائل : 1813
العمر : 22
البلد : My school only
الهوايات : القراءة-النت-الالعاب-الكتابة-المنتديات والتعرف علي اصدقاء اكتر ومضايقة مون ودارك وفانتوم وكده كفاية
المزاج : تمام اخر حاجة الحمد لله
نقاط : 2190
تاريخ التسجيل : 12/02/2010

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 21:46

Scorpion كتب:
مش هروح طبعاً .. لإن دي - و ده رأيي الشخصي و حقي - ثوره عياااااااااال .. يعني ايه واحد عويل لسه بياخد مصروفه من أبوه و أمه و لسه مكملش حتي 20 سنه يطلع يتظاهر و يسب و يطلب !!!!! .. للأسف الشباب أفكاره اتسممت و باعو دماغهم .. و الكسبان من كل اللي بيحصل ده القوي السياسيه .. الناس اللي قالتلك لازم نعمل زي اخواتنا في تونس .. تونس دلوقتي يا تري الحال انصلح فيها؟؟؟!! .. تونس مش خسرانه حاجه و مش مطمع خارجي لأي حد .. إنما مصر !!!!


الشعب المصري ده شعب فرعون .. في بدايه المظاهرات كانو بيطالبو بإسقاط النظام و مطالب واضحه..زي::

اقاله وزير الداخليه .. حل البرلمان .. إصلاحات اقتصاديه .... مش ده اللي كان مطلوب ولا بتهيألي !!!


بعد ما الراجل قال لنا مااااااشي هعمل لكو كل ده قمنا هووووب إتفرعننا عليه و قلنا - لأ - الشعب يريد اسقاط الرئيس و كلام قله أدب كتير عن الريس و ميلقش أبداً بهيبته و ان الريس ده لحد ما يمشي هو ابونا ..


و مش هتعرفو قيمته إلا لما يمشي .. و أحب أقول لكو بعد حسني مبارك مصر خلاااااااااص انتهت سواء جه ابنه او حد تاني ..


أنا بتأسف للريس ع كل اللي حصل و كل كلمه زباله اتقالت عنه و في شخصه .. و بقول له هنفضل فاكرينك غصب عننا بعد ما تمشي لإن اللي جاي مش أحسن زي ما الناس بتحلم .. هنمر بفراغ سياسي كبير و حرب أهليه و مش بالطوب زي ما بيحصل دلوقتي في التحرير لالالالالالالالالالالا .. هتبدأ بين القوي السياسيه و بعضها و بالسلاح و ساعتها احنا اللي في الوسط.


مصر 85 مليون يا اللي بتتكلم .. مش 300 ألف في ميدان هم اللي هيحددو مستقبلي و مستقبل اي حد .. ناس كتير نفسها تنزل تقول لأ .. و ناس كتير نفسها تنزل تقول آه بس متقدرش عشان بيفكرو ..

التغيير ميجيش فجأه كده .. الإنتخابات لسه عليها كام شهر .. و خلاص احنا عرفنا الطريق لو حصل حاجه .. عرفنا ازاي نثور و نعبر و نجيب حقنا...


دي ثوره عياااااااااااااااااااااااااااااااال .. لما شويه سيس من بتوع الفيس و عوله لسه بـ بامبرز و معندهمش مسؤوليه يثورو و يحددو مستقبل شعب بحاله ..


ربنا يهدي ..

معاك يا سكوربيون ف كلامك هما شكلهم عجبهم الموضوع بتاع المظاهرات دي زي ما يكونوا اطفال شافوا حاجة عجبتهم ومسكوا فيها بقي ومش راضيين يسبوها حتي لو وحشة بس دول اطفال مفيش لوم عليهم انما الشباب الواعي المثقف المفروض انه يفكر شوية بقي وميمشيش ورا ناس عمالة تهيج الموضوع علشان تحقق اطماعها ومطالبها خلو مصر فوق كل حاجة ارجووووووووكم كفاية حرااااااااااااااام احنا تعبنا
الرجوع الى أعلى الصفحة اذهب الى الأسفل
عمر
عضو أسطـــــــــورة
عضو أسطـــــــــورة


ذكر
عدد الرسائل : 8564
العمر : 29
البلد : دمياط
الهوايات : شطرنج - رياضة (حديد-لياقة-جري-سباحة بظروفها) - قراءة ..كفاية عليكوا كدا
المزاج : الحمد لله
نقاط : 8691
تاريخ التسجيل : 18/11/2008

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 21:55

اقتباس :
يا جماعه في الآخر احب اقول لكو انا معدتش عايز الريس مبارك و لا حتي عايز ابنه .. انا بس مع الاستقرار لحد معاد الانتخابات .. و مع خروج مشرف لراجل قضي حياته في خدمه بلده .. سواء اختلفنا او مختلفناش في النقطه دي .. بس انا مش هبقي جزار أبداً

كويس وفرت عليا جدل كبيـــــــر ...
الرجوع الى أعلى الصفحة اذهب الى الأسفل
http://www.stop.1talk.net
NIRMEEN
عضو معلــــم
عضو معلــــم
avatar

انثى
عدد الرسائل : 4375
العمر : 26
البلد : دمياط
الهوايات : شباب بجد
المزاج : تمام الحمد لله
نقاط : 4789
تاريخ التسجيل : 06/03/2009

مُساهمةموضوع: رد: جمعة الخلاص 4 فبراير   الأربعاء 2 فبراير 2011 - 22:38

معاك يا سكوربيون ف كلامك هما شكلهم عجبهم الموضوع بتاع المظاهرات دي زي ما يكونوا اطفال شافوا حاجة عجبتهم ومسكوا فيها بقي ومش راضيين يسبوها حتي لو وحشة بس دول اطفال مفيش لوم عليهم انما الشباب الواعي المثقف المفروض انه يفكر شوية بقي وميمشيش ورا ناس عمالة تهيج الموضوع علشان تحقق اطماعها ومطالبها خلو مصر فوق كل حاجة ارجووووووووكم كفاية حرااااااااااااااام احنا تعبنا[/quote]

اطفال وعيال دي حاجة جميلة جدا!!! ما نقول بقي حضانات احسن لو كان قصدك يا سام علي مظاهرات النهاردة اقولك اللي واقفين معظمهم بلطجي وناس اخدين رشاوي واتفرجي علي القنوات واتأكدي انما بقي لو قصدك علي المظاهرات اللي قبل كده فمعلش ده من حقهم ققولك الشعب تعب فخرج يطالب بحقوقه الناس اللي ماتت دي دمها راح علشان مين مش علشاني وعلشانك وعلشان جيل جديد يعيش في سلام وحرية ولا انتي ايه رايك ؟؟ الشعب اللي طلع يعمل مظاهرات ده ناس مثقفة ومحترمة برده ومعظمهم جامعات وموظفين وبنات وستات وشيوخ نازلين علشان تعبوا من انهم مهما اتكلموا محدش بيسمعهم والكل ف غفلة مش بيراعي مصالحهم اتخنقوا من الغلاء والفقر والتعليم الفاشل والروتين والمستشفيات اللي مينفعش الكلاب تتعالج فيها والاغذية والادوية اللي بتتعب اكتر ما بتشفي كل دي اسباب خلت الشعب المصري يتظاهر ويتخلي عن بيته والاكل والمصلحة وينزل هما كده كده معظمهم لا كان بيشتغل ولا كان بياكل كويس فمفرقتش معاهم كتير قالو احنا كده كده ميتين يبقي اموت بكرامه احسن ما اموت وانا جبان انا اللي مزعلني حاجة ان الرئيس مطلعش للشعب الا متأخر اوي اوي اوي للدرجة دي كرامتنا متهانة واحنا قليلين عنده ليه مخرجش ريح الناس بقرارات سريعة علشان يهدو استني للساعة 12.20 علشان يهديهمبعد يوم الجمعة واللي حصل فيه الناس خرجت في مظاهرات سلمية ومتجمعيين بلافتات حتي لو مش عايزة الرئيس كانت باحترام مش كل الناس وحشة علي فكرة بس للاسف الشرطة ضربتهم وناس تم اعتقالهها والباقي الكل عارفة فاستمروا بقي واللي مات واللي حرق كل ده من غيظهم اللي خرجوا دول بيعبروا عن شعب كامل قضي حياته بيحترم الرئيس بس للأسف الرئيس كان المفروض يتفقد احوال شعبه يباشر علي الوزراء مش يسبهم لحد ما وصل بينا الحال لكده الكل بيقول يقعد مايمشيش ماشي يقعد ويمشي بكرامته بعد 7 شهور بس بعد ايه بقيل الحكومة ومش كلهم كمان في وزراء برده لسه موجودين من الحكومة القديمة اللي استمروا بعد خطاب الرئيس الاول والتاني فاض بيهم وطفح الكيل معدوش بيصدقوا خلاص حاسين انهم اتخدعو جامد فقرروا يستمروا لحد ما يجيبو مطالب وحقوق اكتر بالنسبة للقنوانت وكده الصور اصلا بتدل علي اننا في حالة ثورة مش محتاج الوضع اعلام وبرامج وحوار انا وانتي وهو وهي عايزين حقوق ومن حقنا ناخدها ونعبر عن رأينا نديه فرصة ماشي بس مش انا لوحدي اللي اقول كده ده مجرد رأي في ملايين عايشن في مصر غيري مش عايزين كده كل واحد حر بس الوضع اللي وصلنا ليه مفروض نحاول نهدي علشان الامان يرجع دهاهم مطلب احنا عايزينه وان شاء الله نرجع احسن واقوي من الاول طولت في الكلام معلش وللحديث بقية ..........

الرجوع الى أعلى الصفحة اذهب الى الأسفل
 
جمعة الخلاص 4 فبراير
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
stop :: القسم العام-
انتقل الى: