stop
أنت الأن غير مسجل
للتمتع بمزايا أكثر , كن إيجابياً وقم بالتسجيل

stop

منتدى شباب بجد
 
الرئيسيةالبوابةاليوميةس .و .جبحـثالتسجيلدخول

شاطر | 
 

 خطة إحياء المنتدى .. أفكارك تهمنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مدير المنتدى
Admin
avatar

ذكر
عدد الرسائل : 340
نقاط : 347
تاريخ التسجيل : 18/11/2008

مُساهمةموضوع: خطة إحياء المنتدى .. أفكارك تهمنا   السبت 23 يوليو 2011 - 17:51

بسم الله الرحمن الرحيم

سلام عليــــــــــــكم



أيه الحكاية ؟

المنتدى مات ومحتاج قبلة حياة .

أيه اللي فكرك بيه ؟

دا :



روبرت ماردوخ والفضيحة اللي بتمر بيها كبرى مؤسساته الصحفية News of the world في بريطانيا بسبب التجسس على حسابات المشتركين في الجريدة قرأت مرة تانية نبذة عن حياته الأعلامية وأزاي طموحه وصله أنه يكون إمبراطورية إعلامية في استراليا بلده الأم وبريطانيا اللي درس فيها وأمريكا اللي أخد الجنسية فيها وسنه 54 سنه لأن غير مسموح لغير المريكان بعمل قنوات محلية أمريكية .

مالك وماله ؟

الراجل دا إمبراطورية إعلامية في خدمة الصهيونية وإسرائيل مش لأنه يهودي الأصل فقط لكن لإيمانه بفكرة الصهيونية العالمية وترويجه لها .. بدأ إمبراطوريته الأعلامية بالصحافة الصفراء وصحف الجنس لكن مش دا فقط اللي خلاه ينجح لأن سهل أي حد يعمل دا لكن ذكاءه وصياغته للأخبار ومعرفة أيه اللي بيثير اهتمام الناس وصياغته بشكل مرة محترم ومرة غير أخلاقي بالتدريج بنا إمبراطوريته خطوة خطوة .. وكنت قلت قبل كدا إني عايز أخلى المنتدى والمجلة راية صغيرة لا تُرى بالميكروسكوب أمام آلة إعلامية ضخمة زيه , لكن مشاكل الحياة خدتني كالعادة , ولما قرأت الخبر الحماس ملاني فجأة أني أستغل أي أداة تحت أيدي علشان أساهم ولو بكوب ماء في ملأ نهر يقف أمام هذا الرجل وأمثاله .

همممم طيب ناوي على أيه ؟

3 أهداف ..

أ) أصحي المنتدى وأرجع رجل الأعضاء ونجيب دماء جديدة وزوار جدد ليه .

ب) أرجع المجلة في ميعادها بدأً من يوم 17 الجاي بنفس الاتقان والمشاركة اللي من أعضاء المنتدى .

ج) توظيف المنتدى والمجلة في تعزيز قيم لطالما أردنا نشرها وتقديم رؤية ما نعتقد أنه أقرب للصواب في ديننا ووطننا .


كلام مش بطال أيه هي خطة عملك ؟

هنا بقا ييجي دور بنك الأفكار مش هدخل أقول واحد اتنين تلاتة لكن هقول كل اللي عندي على الورق وكل واحد يدخل يقول أي فكرة عنده برضه على الورق ونجمع كل الأفكار دي ونبدأ ترتيب الأولويات وتنفيذها واحد اتنين تلاتة ..

كلام جميل .. أيه أفكارك ؟

من غير ترتيب .. كان فيه مسابقة بين الأعضاء في غرفة الشات كانت من الزميل العزيز محمد بربر اتعملت قبل كدا لكن حصل اللي حصل ومتفعلتش ومكانش ليها جايزة , نفس الفكرة هترجع تاني والجايزة في النهاية هتبقى كارت شحن ب5 لو بنت فازت هتدي رقمها لبنت من المنتدى من اللي هنختارهم وهي تنقلها الرصيد ولو ولد أنقله أنا الرصيد ..

هنوزع ورق في بداية الترم الأول في الكلية كدعاية للمنتدى ورجالتنا موجودين لسا في الكلية

هنبعت لأعضاء المجموعة الخاصة بالكلية على الفيس وعددهم 400 عضو واللي مسمعوش عن المنتدى هبعتلهم فرد فرد والمجموعة الخاصة بالمجلة وعددهم 400 عضو وهبعت إيميل جماعي لكل أعضاء المنتدى وعددهم حوالي 1500 لكن دي خطوة هتتأجل شوية لما نشيل الصدا اللي في المنتدى الأول , يعني نقلب في المواضيع ونرجع التفاعل والردود تاني بحيث اللي ييجي ميحسش أنه دخل بيت مليان خيوط عنكبوت .

هنرجع المواضيع اللي كانت بتزيد الألفة بين الأعضاء زي الورد اليومي اللي كنا بنحفظه سوا من القرآن

همممم أفكاركم أنتوا بقا بنك الأفكار مفتوح استرسلوا في الكلام ولو كانت حتى أفكار منتقصة أكيد هتلاقي اللي هياخد طرف الخيط منك وتتبلور الفكرة ..

المنتدى في أيام عزه كان بيت بيجمعنا ياما حلينا مشاكل بعض ياما هنينا بعض وعزينا بعض ياما طبطبنا على بعض وساعات اتخانقنا وزعلنا من بعض .. لكن كان دايماً أداة بتخلينا نحس دايماً أننا مش لوحدنا من الأخر محتاجين أفكار ترجعنا منقدرش نقوم من قدام المنتدى من تاني .. ودي المرحلة الأولى



دع العنان لخيالك وشاركنا بافكارك







الرجوع الى أعلى الصفحة اذهب الى الأسفل
http://stop.1talk.net
fulla
عضو ذهبي
عضو ذهبي
avatar

انثى
عدد الرسائل : 848
العمر : 27
البلد : مصر،،، دمياط،،،وأفتخر
المزاج : فل والحمد لله
نقاط : 885
تاريخ التسجيل : 11/04/2009

مُساهمةموضوع: رد: خطة إحياء المنتدى .. أفكارك تهمنا   السبت 23 يوليو 2011 - 19:20

بحييك يا عمر على طرحك للموضوع وطريقة صياغته(وخاصة الخاتمه) وأكيد معاك حق في كل حرف كتبته، ان شاء الله المنتدى هيرجع زي الاول واحسن ... ربنا يوفق الجميع
الرجوع الى أعلى الصفحة اذهب الى الأسفل
DARK MAN
عضو معلــــم
عضو معلــــم
avatar

ذكر
عدد الرسائل : 3144
العمر : 25
البلد : دمياط
الهوايات : كتابه شعر ..... فوتوشوب ........ كره قدم
المزاج : متقلب احيانا
نقاط : 3427
تاريخ التسجيل : 21/10/2009

مُساهمةموضوع: رد: خطة إحياء المنتدى .. أفكارك تهمنا   السبت 23 يوليو 2011 - 19:27

والله يا عمر انا معاك ف اى حاجه بس المنتدى ده يرجع انا حتى خاشش تحدى مش واحد ابن حلال ع ان المنتدى هيرجع زى الاول وبالنسبه للورق اللى فى الكليه انا كنت هستأذنك ف ده
وربنا يقدم اللى ف الخير
وسلام خلص الكلام
الرجوع الى أعلى الصفحة اذهب الى الأسفل
http://amrhasuopa.blogspot.com/
عمر
عضو أسطـــــــــورة
عضو أسطـــــــــورة


ذكر
عدد الرسائل : 8564
العمر : 28
البلد : دمياط
الهوايات : شطرنج - رياضة (حديد-لياقة-جري-سباحة بظروفها) - قراءة ..كفاية عليكوا كدا
المزاج : الحمد لله
نقاط : 8691
تاريخ التسجيل : 18/11/2008

مُساهمةموضوع: رد: خطة إحياء المنتدى .. أفكارك تهمنا   السبت 23 يوليو 2011 - 20:09

fulla كتب:
بحييك يا عمر على طرحك للموضوع وطريقة صياغته(وخاصة الخاتمه) وأكيد معاك حق في كل حرف كتبته، ان شاء الله المنتدى هيرجع زي الاول واحسن ... ربنا يوفق الجميع

أول مشاركة من فلة يا سلام يا سلام لأ كدا أنا متفائل أننا هننجح إن شاء الله حمد الله على السلامة وإن شاء الله يرجع أحسن من الأول

DARK MAN كتب:
والله يا عمر انا معاك ف اى حاجه بس المنتدى ده يرجع انا حتى خاشش تحدى مش واحد ابن حلال ع ان المنتدى هيرجع زى الاول وبالنسبه للورق اللى فى الكليه انا كنت هستأذنك ف ده
وربنا يقدم اللى ف الخير
وسلام خلص الكلام

تمام يا معلم مع بداية الترم إن شاء الله هجيبلك الورق توزعه إن شاء الله والدماء الجديدة اللي هتنضخ في المنتدى هتكون مهمتك يا باشا .. يلا منفعة متبادلة هتبقى أنت وزير الأعلام بتاع الكلية يا مشرف قسم كليتنا


--------------------------------------


دا اللي كنت أقصده بالراية الصغيرة قدام الراية الكبيرة , صفحة من مجلة شباب بجد العدد الخامس :



ودا اللي اقصده بأفكار الأعضاء :

عاوز تزود نقاطك في المنتدى

حملة الرفع والتذكير

الهدف الأول .. تنشيط المنتدى

لما يبقى فيه بيت أو محل جديد عايزين نجدده علشان يجذب الزباين أول حاجة هنعملها هنشيل خيوط العنكبوت والصدأ والعفش اللي فيه وننضفه , هندهن الحيطان ونركب أرفف جديدة هننضف قدام عتبة المحل ونعمل ديكور ونحط زرع وبعدها تيجي خطوة عرض السلع ..

يعني أيه .. المنتدى فيه مواضيع قيمة جداً لكن دلوقت مرمية في (سفند العرس) الصفحة الساتة والسابعة مواضيع فيها نقاش جميل جداً بيبين روح المتدى والناس اللي فيه عاملة أزاي وفيه مواضيع ملهاش لازمة أو مكررة طلعت على السطح , وفيه مواضيع ليها لازمة لكن ماتت لأن مفيش أعضاء ومفيش نقاش يرويها . هنعمل أيه ..

نفس اللي كان أسكوربيون عمله أول ما مسك قسم دردشة .. الفترة اللي للأسف أدى فيها حماس وجهد كبير لكن مكانش فيه عوامل مهمة تانية زي تجديد الدماء والدعاية للمنتدى والتفاعل بين الأعضاء لكن مش معنى كدا أنه عملها في الفاضي بالعكس الراجل نضف قسم دردشة وحوله حاجة تانية فدا الصدأ فيه قليل ومش هيحتاج تنضيف كتير .. فالهدف الأول مننا هو تنشيط المواضيع الجديدة خصوصاُ للأعضاء الجداد ومتستهونش حتى ولو كلمة "شكراً على الموضوع" 14 حرف منك هيحسسوا اللي كتب الموضوع أن فيه روح في المنتدى مهوش بيت أشباح , هيحسسوه أن اللي كتبه أو نقله بيتقرا , هيخلوا عين الزائر الجديد أو العضو القديم تعرف أن فيه حركة في المنتدى فهيتشجع ويجيب أفضل ما عنده ...


الرجوع الى أعلى الصفحة اذهب الى الأسفل
http://www.stop.1talk.net
stop
عضو أسطـــــــــورة
عضو أسطـــــــــورة
avatar

انثى
عدد الرسائل : 7159
العمر : 25
الهوايات : مع نفسي
المزاج : تمام جداااا
نقاط : 5859
تاريخ التسجيل : 18/11/2008

مُساهمةموضوع: رد: خطة إحياء المنتدى .. أفكارك تهمنا   الأحد 24 يوليو 2011 - 0:14

ايه الكلام الجامد دا ....... وبالنسبه لحكايه الشحن للبنات ابقى حاولى الرصيد وهضرب أنا عليه و أقولك أنى حولته
الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: خطة إحياء المنتدى .. أفكارك تهمنا   الأحد 24 يوليو 2011 - 0:47

المنتدي ده - شـبـاب بجد - مفيش أي كلمه تليق بقيمته .. له قيمه عاليه .. جوه كل واحد فينا .. هنا كنا بنلعب .. هنا كنا بنذاكر و بنساعد بعض أيام الإمتحانات .. هنا إتولدت أحلامنا .. هنا كنا بنسأل ع بعض .. هنا إتخاصمنا .. هنا إتصالحنا .. هنا كنا بنتجمع كل عيد و نعيد ع بعض .. هنا روحنا .. هنا ذكرياتنا .. هنا كنا عيله

المكان ده عامل زي البيت .. بيت العيله .. كل واحد فينا حط فيه طوبه .. بنيناه و بقي أجمل ما يكون .. والله والله و أتحدي أي حد ف الكلام ده .. المنتدي ده فيه أفكار إبداعيه و حاجات مش موجوده ف منتديات تانيه .. هنا فيه عقول ذريه بجد .. بس مع إحترامي لكل العقول دي .. المفروض العقول مبتركنش .. العقول دايماً شغاله .. بس اللي حصل ان العقول ركنت ..




طب ايه مبررك انك ركنت!!! ..


معلش بقه يا ريس إنتا عارف إن الدنيا مشاغل و الأيام أساساً بقت شبه بعضها و ربنا ما يرميك ف ضيقه ولا يحوجك لحد

- ماشي ماشي ممكن تكون فعلاً مشغول بس أكيد مش طول الوقت مهو مش معقول ع طول بتمارس مجهود عضلي و خلاص مخك وقف ..!! خلاص مبقتش بتفكر ولا بيخطر ع بالك فكره عايز تخرجها .. خلاص معندكش كلام تقوله!!



طب إديني مبرر تاني .. !!!

ممممم أقولك يا اسطي .. مهو تلت اربع الأعضاء ركنو اشمعنه جاي تكلمني انا..؟ عايزني يعني أخش المنتدي و أتخيل ان فيه حد و أعد أكلم ف نفسي .. !!

- طب هقولك يا سيدي .. لما انتا بتكون ف البيت لوحدك بتعمل ايه .. !! ممكن تتفرج ع التليفزيون او تقرا كتاب او تجيب ورقه و قلم و تشخبط أو ترسم أو تكتب أو بتفكر بصوت عالي .. صح؟؟ مش كده إنتا بتكلم نفسك برضه ولا بتهيألي ..! دي زي دي بالظبط .. ده بيت و ده بيت برضه .. بلاش دي يا سيدي .. خش حتي عشان تفيد نفسك ولو شخبطت و كتبت حاجه وانتا مفكرها هبله ممكن تطلع حلوه و تفيد بيها غيرك .. إعتبر المنتدي صاحبك زي الكتاب فيه كل حاجه أو حتي نوته بتكتب فيها اللي جواك ...




مفيش شك ان الدنيا اتغيرت و أخدتنا من بعض "شويه" بس مش معني كده ان خلاص بقه ايامنا الحلوه انتهت و نعيش ف الذكريات و نجيب قرطاس حرنكش و طبق ترمس و نفتكر و نقول ياااااااااااااه كانت ايام .. أيام ايييييييييه؟؟؟ الأيام دي كانت لسه إمبارح .. مش من بعيد .. اللي مشغول فينا مش هيفضل مشغول ع طول .. اللي غايب عننا مسيره هيرجع ..



أنا هشارك و هرجع زي الأول و أحسن و من نحيه الأفكار عندي بدل الفكره 1000

الرجوع الى أعلى الصفحة اذهب الى الأسفل
point of view
عضو ماسي
عضو ماسي
avatar

انثى
عدد الرسائل : 1491
العمر : 28
البلد : مصر
المزاج : ماشى الحال
نقاط : 1542
تاريخ التسجيل : 22/04/2009

مُساهمةموضوع: رد: خطة إحياء المنتدى .. أفكارك تهمنا   الأحد 24 يوليو 2011 - 3:21

تسلم يا عمر ع انك هترجعنا تانى للحياة ...
وانا معاك انت ومسعد ف أراءكم جدا لازم نرجع زى الاول ومانقول دى ذكريـــــــــــــات
تعرف وانا بتابع الردود افتكرت موضوع ( بنت دمياط ) الموضوع دا لية معايا احلى ذكريات لاننا كنا حافظين معادنا وبندخل نتكلم ونضحك ونهزر ونتناقش ف موضوعات مهمة جدا وساعات كانت بتبقى تافهة هههههههه بس برضه كانت حلوة
بفتكر رمضان وايامة ع المنتدى لما كنا ندخل الشات بوكس ف السحور ونستأذن واحد ورا التانى عشان اللى هياكل واللى هيشرب يااااااااااااااااااه والله احلى ايام
فين ايام لما كنا بنعمل منافسات بين شلة الباد بويز والبرايفت جيرلز
ولا ايام العتاب والمدح ولما كنا نشتغل بعض
تعرف كانت ايام حلوة وان شاء الله هتعود كنا بنتكلم ونهزر ومحدش بيفهم التانى غلط وصلت بينا الحاله ان بقينا نقف لبعض ع الغلطة حتى لو اللى غلط مكنش يقصد او متضايق وحب يفضفض مابقيناش بنعزر بعض ، يمكن لاننا اتحطينا تحت ضغوط كتير
بس انا برضه معاكم وهنرجع احسن من الاول
معلش طولت عليكم بس لو سرحت اكتر من كدا هكتب مجلدات مهو فعلا دا بيت العيله
الرجوع الى أعلى الصفحة اذهب الى الأسفل
عمر
عضو أسطـــــــــورة
عضو أسطـــــــــورة


ذكر
عدد الرسائل : 8564
العمر : 28
البلد : دمياط
الهوايات : شطرنج - رياضة (حديد-لياقة-جري-سباحة بظروفها) - قراءة ..كفاية عليكوا كدا
المزاج : الحمد لله
نقاط : 8691
تاريخ التسجيل : 18/11/2008

مُساهمةموضوع: رد: خطة إحياء المنتدى .. أفكارك تهمنا   الأحد 24 يوليو 2011 - 11:43

Scorpion كتب:
المنتدي ده - شـبـاب بجد - مفيش أي كلمه تليق بقيمته .. له قيمه عاليه .. جوه كل واحد فينا .. هنا كنا بنلعب .. هنا كنا بنذاكر و بنساعد بعض أيام الإمتحانات .. هنا إتولدت أحلامنا .. هنا كنا بنسأل ع بعض .. هنا إتخاصمنا .. هنا إتصالحنا .. هنا كنا بنتجمع كل عيد و نعيد ع بعض .. هنا روحنا .. هنا ذكرياتنا .. هنا كنا عيله

المكان ده عامل زي البيت .. بيت العيله .. كل واحد فينا حط فيه طوبه .. بنيناه و بقي أجمل ما يكون .. والله والله و أتحدي أي حد ف الكلام ده .. المنتدي ده فيه أفكار إبداعيه و حاجات مش موجوده ف منتديات تانيه .. هنا فيه عقول ذريه بجد .. بس مع إحترامي لكل العقول دي .. المفروض العقول مبتركنش .. العقول دايماً شغاله .. بس اللي حصل ان العقول ركنت ..




طب ايه مبررك انك ركنت!!! ..


معلش بقه يا ريس إنتا عارف إن الدنيا مشاغل و الأيام أساساً بقت شبه بعضها و ربنا ما يرميك ف ضيقه ولا يحوجك لحد

- ماشي ماشي ممكن تكون فعلاً مشغول بس أكيد مش طول الوقت مهو مش معقول ع طول بتمارس مجهود عضلي و خلاص مخك وقف ..!! خلاص مبقتش بتفكر ولا بيخطر ع بالك فكره عايز تخرجها .. خلاص معندكش كلام تقوله!!



طب إديني مبرر تاني .. !!!

ممممم أقولك يا اسطي .. مهو تلت اربع الأعضاء ركنو اشمعنه جاي تكلمني انا..؟ عايزني يعني أخش المنتدي و أتخيل ان فيه حد و أعد أكلم ف نفسي .. !!

- طب هقولك يا سيدي .. لما انتا بتكون ف البيت لوحدك بتعمل ايه .. !! ممكن تتفرج ع التليفزيون او تقرا كتاب او تجيب ورقه و قلم و تشخبط أو ترسم أو تكتب أو بتفكر بصوت عالي .. صح؟؟ مش كده إنتا بتكلم نفسك برضه ولا بتهيألي ..! دي زي دي بالظبط .. ده بيت و ده بيت برضه .. بلاش دي يا سيدي .. خش حتي عشان تفيد نفسك ولو شخبطت و كتبت حاجه وانتا مفكرها هبله ممكن تطلع حلوه و تفيد بيها غيرك .. إعتبر المنتدي صاحبك زي الكتاب فيه كل حاجه أو حتي نوته بتكتب فيها اللي جواك ...




مفيش شك ان الدنيا اتغيرت و أخدتنا من بعض "شويه" بس مش معني كده ان خلاص بقه ايامنا الحلوه انتهت و نعيش ف الذكريات و نجيب قرطاس حرنكش و طبق ترمس و نفتكر و نقول ياااااااااااااه كانت ايام .. أيام ايييييييييه؟؟؟ الأيام دي كانت لسه إمبارح .. مش من بعيد .. اللي مشغول فينا مش هيفضل مشغول ع طول .. اللي غايب عننا مسيره هيرجع ..



أنا هشارك و هرجع زي الأول و أحسن و من نحيه الأفكار عندي بدل الفكره 1000


وعلشان منعيش نفسنا في الوهم لازم كل خطوة من الخطوات دي تتعمل بشكل متوازي , سواء تنضيف المواضيع و تنشيط الجيد والمميز منها مرة تانية و إنشاء مواضيع جديدة بأفكار جديدة , أو سواء ضخ دماء جديدة في المنتدى وعمل دعاية ليه وإلا هنبقا ماشيين بنعرج .. شكراً على الروح دي وحتى اللي الجيش خدهم زيك أنت وصابر وعبد المعز وحامد مش طالبين منهم أكتر من الأيام القليلة اللي بييجوا فيها مينسوش ييجوا يسلموا .


point of view كتب:
تسلم يا عمر ع انك هترجعنا تانى للحياة ...
وانا معاك انت ومسعد ف أراءكم جدا لازم نرجع زى الاول ومانقول دى ذكريـــــــــــــات
تعرف وانا بتابع الردود افتكرت موضوع ( بنت دمياط ) الموضوع دا لية معايا احلى ذكريات لاننا كنا حافظين معادنا وبندخل نتكلم ونضحك ونهزر ونتناقش ف موضوعات مهمة جدا وساعات كانت بتبقى تافهة هههههههه بس برضه كانت حلوة
بفتكر رمضان وايامة ع المنتدى لما كنا ندخل الشات بوكس ف السحور ونستأذن واحد ورا التانى عشان اللى هياكل واللى هيشرب يااااااااااااااااااه والله احلى ايام
فين ايام لما كنا بنعمل منافسات بين شلة الباد بويز والبرايفت جيرلز
ولا ايام العتاب والمدح ولما كنا نشتغل بعض
تعرف كانت ايام حلوة وان شاء الله هتعود كنا بنتكلم ونهزر ومحدش بيفهم التانى غلط وصلت بينا الحاله ان بقينا نقف لبعض ع الغلطة حتى لو اللى غلط مكنش يقصد او متضايق وحب يفضفض مابقيناش بنعزر بعض ، يمكن لاننا اتحطينا تحت ضغوط كتير
بس انا برضه معاكم وهنرجع احسن من الاول
معلش طولت عليكم بس لو سرحت اكتر من كدا هكتب مجلدات مهو فعلا دا بيت العيله

شكراً يا خلود على الروح دي وبإذن الله بإذن الله يرجع تاني كدا وأحسن
الرجوع الى أعلى الصفحة اذهب الى الأسفل
http://www.stop.1talk.net
Hollo
عضو أسطـــــــــورة
عضو أسطـــــــــورة
avatar

انثى
عدد الرسائل : 9868
العمر : 27
نقاط : 10571
تاريخ التسجيل : 04/04/2009

مُساهمةموضوع: رد: خطة إحياء المنتدى .. أفكارك تهمنا   الأحد 24 يوليو 2011 - 22:10

ايون ايون يا زعيم خليك انت كده اقعد لم ف ردود الناس وتصقيفهم.. يلا ربنا يزيدك وبلاش احنا يا ابو 203
وطبعا ايتها الجماهير العريضه اذا كنتم امام شاشة الجهاز سواء نت راوتر او وصله هتشوفو الموضوع ده بعنيكم واوووووعا تغير المحطه .. واذا كنتم خارجين مع حد من اللي شاف الموضوع وحكالكم يبقي هتسمعو عنه ويا خبر النهارده بفلوس بكره ينزل عليه اوكازيون... اما بقي اذا كنتم نايمين يبقي حان الوقت عشان تغمض عينيك ...
واحب افكركم بان رقم الاسعاف 123 ورقم الشرطه 122 ورقم رئيس جمهورية شباب بجد الزعيم عمر هو 203 الله يسهلووووو انا مش بحسد انا بنؤ بس

احم احم ... استظرفت واستلطفت كتير ماهو الطبع بيغلب التطبع يبقي اتكلم جد بقي

المنتدى هنا مقدرش اقول كان وكان وكان لان محدش فينا يقدر يتجرد من اسمه الكامل ولا يقول انا كان اسمي فلان او فلانه .. وده برده بينطبق على بيتنا ده اللي جمعنا ف عز فرحتنا وازمتنا وياااااما مرت علينا فيه اوقات متتنسيش ...ومواضيع لسه محفوره ف عقولنا وقلوبنا متتنسيش ... وناس برده اتعرفنا عليهم او علاقتنا اتعززت بيهم .. ناس متتنسيش ...

عشان كده واجب علينا نصحصح كده بعد نومه طويييله .. اي نعم الواحد لما بينام كتير بيقوم مدشدش وحاسس ان جسمه بقي 245689 حته ونص فبياخد نفس كده ويحاول يفوق شويه بشويه لحد ما بيحس بنشاط بيملى كل كيانه وبتكون جواه طاقه مختلقه من الراحه اللي اخدها ... دايره مستمره ملهاش اول من اخر ... نحس بنشاط وبعدها ننام عشان نقوم والعكس ... عشان كده بقي ناخد نفس عمييييييييييييييق ونسمي الله ونتجمع علي حق الله .... يلا بينا

الرجوع الى أعلى الصفحة اذهب الى الأسفل
fulla
عضو ذهبي
عضو ذهبي
avatar

انثى
عدد الرسائل : 848
العمر : 27
البلد : مصر،،، دمياط،،،وأفتخر
المزاج : فل والحمد لله
نقاط : 885
تاريخ التسجيل : 11/04/2009

مُساهمةموضوع: رد: خطة إحياء المنتدى .. أفكارك تهمنا   الأحد 24 يوليو 2011 - 22:53

الله يسلمك يا عمر ويسلم لمتنا في الخير دايما ياااااااااارب
ومعلش لو كنت ببعد شويات بس أهو في الآخر برجع لآني بجد بحس اني هنا في وسط اخواتي
و يللا هناخد النفس العميق زي ما قالت لولايتي ونقول "بسم الله الرحمن الرحيم"
الرجوع الى أعلى الصفحة اذهب الى الأسفل
stop
عضو أسطـــــــــورة
عضو أسطـــــــــورة
avatar

انثى
عدد الرسائل : 7159
العمر : 25
الهوايات : مع نفسي
المزاج : تمام جداااا
نقاط : 5859
تاريخ التسجيل : 18/11/2008

مُساهمةموضوع: رد: خطة إحياء المنتدى .. أفكارك تهمنا   الإثنين 25 يوليو 2011 - 0:01

اقتباس :
نفس عمييييييييييييييق

ايووووة فكرتينى بالاعلان الجديد بتاع استرجل واشرب بيرل صديقنا حسام لما تلاقى نفسك هتعيط خد نفس عميق وهووووووووب علشان الهوب ما يخليش الدمعه تفط :p
الرجوع الى أعلى الصفحة اذهب الى الأسفل
عمر
عضو أسطـــــــــورة
عضو أسطـــــــــورة


ذكر
عدد الرسائل : 8564
العمر : 28
البلد : دمياط
الهوايات : شطرنج - رياضة (حديد-لياقة-جري-سباحة بظروفها) - قراءة ..كفاية عليكوا كدا
المزاج : الحمد لله
نقاط : 8691
تاريخ التسجيل : 18/11/2008

مُساهمةموضوع: رد: خطة إحياء المنتدى .. أفكارك تهمنا   الإثنين 25 يوليو 2011 - 16:00

Hollo كتب:
ايون ايون يا زعيم خليك انت كده اقعد لم ف ردود الناس وتصقيفهم.. يلا ربنا يزيدك وبلاش احنا يا ابو 203
وطبعا ايتها الجماهير العريضه اذا كنتم امام شاشة الجهاز سواء نت راوتر او وصله هتشوفو الموضوع ده بعنيكم واوووووعا تغير المحطه .. واذا كنتم خارجين مع حد من اللي شاف الموضوع وحكالكم يبقي هتسمعو عنه ويا خبر النهارده بفلوس بكره ينزل عليه اوكازيون... اما بقي اذا كنتم نايمين يبقي حان الوقت عشان تغمض عينيك ...
واحب افكركم بان رقم الاسعاف 123 ورقم الشرطه 122 ورقم رئيس جمهورية شباب بجد الزعيم عمر هو 203 الله يسهلووووو انا مش بحسد انا بنؤ بس

احم احم ... استظرفت واستلطفت كتير ماهو الطبع بيغلب التطبع يبقي اتكلم جد بقي

المنتدى هنا مقدرش اقول كان وكان وكان لان محدش فينا يقدر يتجرد من اسمه الكامل ولا يقول انا كان اسمي فلان او فلانه .. وده برده بينطبق على بيتنا ده اللي جمعنا ف عز فرحتنا وازمتنا وياااااما مرت علينا فيه اوقات متتنسيش ...ومواضيع لسه محفوره ف عقولنا وقلوبنا متتنسيش ... وناس برده اتعرفنا عليهم او علاقتنا اتعززت بيهم .. ناس متتنسيش ...

عشان كده واجب علينا نصحصح كده بعد نومه طويييله .. اي نعم الواحد لما بينام كتير بيقوم مدشدش وحاسس ان جسمه بقي 245689 حته ونص فبياخد نفس كده ويحاول يفوق شويه بشويه لحد ما بيحس بنشاط بيملى كل كيانه وبتكون جواه طاقه مختلقه من الراحه اللي اخدها ... دايره مستمره ملهاش اول من اخر ... نحس بنشاط وبعدها ننام عشان نقوم والعكس ... عشان كده بقي ناخد نفس عمييييييييييييييق ونسمي الله ونتجمع علي حق الله .... يلا بينا


ياااااه أخيراً جا الكلام المهم (اللي نقعد نقراه نقراه ومنوصلش بعده لحاجة)

وبعدين دا أنا غلبان وتقييمي 19 بس أحم شكراً على التحميس والتشجيع وإن شاء الله التشبيه اللي قولتيه دا يتطبق وشدي حيلك معانا بقا

الرجوع الى أعلى الصفحة اذهب الى الأسفل
http://www.stop.1talk.net
manu.morotta
عضو جديد
عضو جديد


عدد الرسائل : 25
نقاط : 23
تاريخ التسجيل : 25/07/2011

مُساهمةموضوع: رد: خطة إحياء المنتدى .. أفكارك تهمنا   الإثنين 25 يوليو 2011 - 23:34

كنت ديما اصحابي يتريؤوا عليا ويقولولي ايه المنتدي ده اللي انت عليه 24 ساعه ... انت مابتزهئش منه ؟...

كنت ديما ارد عليهم ... المنتدي ده زي اسره مصغره , فيه اخوات واصحاب واحباب وشباب وبنات بجد اتعرفت بيهم وماندمتش علي اي لحظه اضيتها معاهم ... بل بالعكس انا بالشكر الظروف اللي جمعتني بيهم !

طيب تصدقوا بالله انا الكمبيوتر بتاعي عطلان من شهور ومش فاضي اني اصلحه , ومع ذلك لازم افضي نفسي كل فتره وادخل المنتدي من اي مكان ... سواء اكتب موضوع جديد او ارد ع موضوع عجبني , او حتي اطمن ع الناس واشوف مين اللي دخل وينتابني القلق ليه ده مادخلش من فتره وياتري اخباره ايه ...
وبصراحه بيضايقني اوي كل لما ادخل والاقي الدنيا واقفه وزي ما قولت يا عمر العنكبوت معشش في المكان ...

انا اتكلمت كتير في الفاضي المره دي ... بس ان شاء الله دخلتي الجايه ان شاء الله هاتكون بفكره او تفاعلات ...

واخيرا باحييك يا عمر ع النشاط ده اللي بتحاول تعمله واللي اكيد اكيد هاينشط بقيت الاعضاء كمان ...

بيـــس يا بوتكز ...

اها ملحوظه اخيره ... انا من المنصوره مش من دمياط يا دووووود
الرجوع الى أعلى الصفحة اذهب الى الأسفل
DARK MAN
عضو معلــــم
عضو معلــــم
avatar

ذكر
عدد الرسائل : 3144
العمر : 25
البلد : دمياط
الهوايات : كتابه شعر ..... فوتوشوب ........ كره قدم
المزاج : متقلب احيانا
نقاط : 3427
تاريخ التسجيل : 21/10/2009

مُساهمةموضوع: رد: خطة إحياء المنتدى .. أفكارك تهمنا   الثلاثاء 26 يوليو 2011 - 20:34


اقتباس :
تمام يا معلم مع بداية الترم إن شاء الله هجيبلك الورق توزعه إن شاء الله والدماء الجديدة اللي هتنضخ في المنتدى هتكون مهمتك يا باشا .. يلا منفعة متبادلة هتبقى أنت وزير الأعلام بتاع الكلية يا مشرف قسم كليتنا


صدق انى والله ةنسيت حكايه الاشراف دى ياااااااااااااااااااه الدنيا مشاغل

وبعدين انا اللى هعمل الورق عشان هيكون اعلان ع فكره ف دماغى وهيكتب كالعاده
الراعى الرسمى
منتدى شباب بجد
الرجوع الى أعلى الصفحة اذهب الى الأسفل
http://amrhasuopa.blogspot.com/
عمر
عضو أسطـــــــــورة
عضو أسطـــــــــورة


ذكر
عدد الرسائل : 8564
العمر : 28
البلد : دمياط
الهوايات : شطرنج - رياضة (حديد-لياقة-جري-سباحة بظروفها) - قراءة ..كفاية عليكوا كدا
المزاج : الحمد لله
نقاط : 8691
تاريخ التسجيل : 18/11/2008

مُساهمةموضوع: رد: خطة إحياء المنتدى .. أفكارك تهمنا   الثلاثاء 14 فبراير 2012 - 17:45

DARK MAN كتب:

اقتباس :
تمام يا معلم مع بداية الترم إن شاء الله هجيبلك الورق توزعه إن شاء الله والدماء الجديدة اللي هتنضخ في المنتدى هتكون مهمتك يا باشا .. يلا منفعة متبادلة هتبقى أنت وزير الأعلام بتاع الكلية يا مشرف قسم كليتنا


صدق انى والله ةنسيت حكايه الاشراف دى ياااااااااااااااااااه الدنيا مشاغل

وبعدين انا اللى هعمل الورق عشان هيكون اعلان ع فكره ف دماغى وهيكتب كالعاده
الراعى الرسمى
منتدى شباب بجد

والواد دا راح فيــــــــــــــــــــن !؟
الرجوع الى أعلى الصفحة اذهب الى الأسفل
http://www.stop.1talk.net
NIRMEEN
عضو معلــــم
عضو معلــــم
avatar

انثى
عدد الرسائل : 4375
العمر : 26
البلد : دمياط
الهوايات : شباب بجد
المزاج : تمام الحمد لله
نقاط : 4789
تاريخ التسجيل : 06/03/2009

مُساهمةموضوع: رد: خطة إحياء المنتدى .. أفكارك تهمنا   السبت 28 أبريل 2012 - 1:05

انا لما قرات الكلام عيطت بجد والله العظيم فعلا المنتدي ده بيت وكنت بحبه جامد اوي واللي خلاني اعيط ان ناس كتيرة مبقتش موجوده حتي انا بقالي سنة مكنتش بفتحه ياااااااااااااه يارب نتجمع تاني ان شاء الله والمنتدي يرجع احسن من الاول
الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: خطة إحياء المنتدى .. أفكارك تهمنا   الأحد 27 مايو 2012 - 14:21

إحياء المنتدي ده عامل زي الثوره بالظبط .. كلنا طلعنا فلــول D:
الرجوع الى أعلى الصفحة اذهب الى الأسفل
مدير المنتدى
Admin
avatar

ذكر
عدد الرسائل : 340
نقاط : 347
تاريخ التسجيل : 18/11/2008

مُساهمةموضوع: رد: خطة إحياء المنتدى .. أفكارك تهمنا   الخميس 14 يونيو 2012 - 1:50

мεso كتب:
إحياء المنتدي ده عامل زي الثوره بالظبط .. كلنا طلعنا فلــول D:








الرجوع الى أعلى الصفحة اذهب الى الأسفل
http://stop.1talk.net
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: خطة إحياء المنتدى .. أفكارك تهمنا   الخميس 14 يونيو 2012 - 1:57

ليك شوقـه يا كبيــر .. حبيب هارتي و فاقع مرارتي

ويلكم باااااك .. يارب بالتوفيق
الرجوع الى أعلى الصفحة اذهب الى الأسفل
ART
عضو ماسي
عضو ماسي
avatar

ذكر
عدد الرسائل : 1304
العمر : 28
البلد : دمياط بلدى .... والقليوبيه مسكنى
الهوايات : . . . .
المزاج : مثل أطوار القمر
نقاط : 1470
تاريخ التسجيل : 17/03/2009

مُساهمةموضوع: رد: خطة إحياء المنتدى .. أفكارك تهمنا   الخميس 14 يونيو 2012 - 20:44

أحــــم أحـــــــم
لا وأنا الى داخل بقول القى نظره يااااااااااااااااااااااه
أنا فجأه حسيت لما شوفت كلامكم ان ايام الكليه كلها مرت قدام عينى بحلوها وبمرها
ياربى . ده الواحد شاف هنا ايام ما يعلم بيها الا ربنا
ياما بسبب المنتدى سهرت لصبح وياما ضحكنى وفرحنى وياما ملى قلبى احزان
وياما فضلنا فى الكليه نتكلم عنه ونروح نتكلم من خلاله
ولا ضحكنا ع المواقف الى كانت بتحصل بسببه ههههههههههههههههههههههه.
بس مش عارف بجد ..................
ع العموم ربنا يقدم الى فيه الخير ويوفق كل واحد فيكم بيكتب حاجه هنا بهدف المنفعه
ويجمعنا ع الخير وفى رضا ربنا يا رب

وسلامى لاحلى اصحاب واحلى اعضاء

الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: خطة إحياء المنتدى .. أفكارك تهمنا   الخميس 14 يونيو 2012 - 20:54

ART كتب:
أحــــم أحـــــــم
لا وأنا الى داخل بقول القى نظره يااااااااااااااااااااااه
أنا فجأه حسيت لما شوفت كلامكم ان ايام الكليه كلها مرت قدام عينى بحلوها وبمرها
ياربى . ده الواحد شاف هنا ايام ما يعلم بيها الا ربنا
ياما بسبب المنتدى سهرت لصبح وياما ضحكنى وفرحنى وياما ملى قلبى احزان
وياما فضلنا فى الكليه نتكلم عنه ونروح نتكلم من خلاله
ولا ضحكنا ع المواقف الى كانت بتحصل بسببه ههههههههههههههههههههههه.
بس مش عارف بجد ..................
ع العموم ربنا يقدم الى فيه الخير ويوفق كل واحد فيكم بيكتب حاجه هنا بهدف المنفعه
ويجمعنا ع الخير وفى رضا ربنا يا رب

وسلامى لاحلى اصحاب واحلى اعضاء


مر مين يا عم اللي كان فـ الكليـه .. إنتا هتعيش علينا

يا ريتها ترجع تانــي بس .. ده إحنا كنا بنعمل عمايـل
الرجوع الى أعلى الصفحة اذهب الى الأسفل
ART
عضو ماسي
عضو ماسي
avatar

ذكر
عدد الرسائل : 1304
العمر : 28
البلد : دمياط بلدى .... والقليوبيه مسكنى
الهوايات : . . . .
المزاج : مثل أطوار القمر
نقاط : 1470
تاريخ التسجيل : 17/03/2009

مُساهمةموضوع: رد: خطة إحياء المنتدى .. أفكارك تهمنا   الخميس 14 يونيو 2012 - 21:05

мεso كتب:
ART كتب:
أحــــم أحـــــــم
لا وأنا الى داخل بقول القى نظره يااااااااااااااااااااااه
أنا فجأه حسيت لما شوفت كلامكم ان ايام الكليه كلها مرت قدام عينى بحلوها وبمرها
ياربى . ده الواحد شاف هنا ايام ما يعلم بيها الا ربنا
ياما بسبب المنتدى سهرت لصبح وياما ضحكنى وفرحنى وياما ملى قلبى احزان
وياما فضلنا فى الكليه نتكلم عنه ونروح نتكلم من خلاله
ولا ضحكنا ع المواقف الى كانت بتحصل بسببه ههههههههههههههههههههههه.
بس مش عارف بجد ..................
ع العموم ربنا يقدم الى فيه الخير ويوفق كل واحد فيكم بيكتب حاجه هنا بهدف المنفعه
ويجمعنا ع الخير وفى رضا ربنا يا رب

وسلامى لاحلى اصحاب واحلى اعضاء


مر مين يا عم اللي كان فـ الكليـه .. إنتا هتعيش علينا

يا ريتها ترجع تانــي بس .. ده إحنا كنا بنعمل عمايـل

عليا أنا برده يا واد ده احنا دفنينه سوا
بس تعرف يا أبوالمساعيد لو ترجع تانى اوبااا
وترجع بقى مترجعش بكره الى جاااى احلى واحلى إن شاء الله
الرجوع الى أعلى الصفحة اذهب الى الأسفل
мεso
عضو أسطـــــــــورة
عضو أسطـــــــــورة
avatar

ذكر
عدد الرسائل : 12021
العمر : 27
نقاط : 13082
تاريخ التسجيل : 18/02/2009

مُساهمةموضوع: رد: خطة إحياء المنتدى .. أفكارك تهمنا   الخميس 14 يونيو 2012 - 21:08

أيونز كده متبصش لورا بص قدامك عدل .. طب كنا دفنناه فين بس قوللي كده أحسن نسيت
الرجوع الى أعلى الصفحة اذهب الى الأسفل
 
خطة إحياء المنتدى .. أفكارك تهمنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
stop :: القسم العام-
انتقل الى: