سؤااااااااااااااااااااااااااااااااال

تفتكروا ان الكلام بيحل مشاكل وبينفع ولاايه؟
ياريت يا شباب اللي يجاوب يكون عنده دليل على كلامه عشان يقدر يقنعنا

بصي يا لولا اللي بيبقي متضايق او عنده مشكله بيحس نفسه اضعف انسان في الدنيا وبيحس نفسه لوحده اوي
تخيلي بقه في نفس الوقت ده لما يلفي حد بيقرب منه ويطبطب عليه ويفكر معاه ويوصل لحل او لو حتي ماوصلش بس يكفي انه مش هيحس انه لوحده
ومجرد ان حد يفكر معايا بصوت عالي ممكن هو يبقي عنده فكره متجيش في بالي
ممكن يكون عقله انضج واكبر من عقلي
يعني الكلام اكييييييييد هيريح وهيفيد جداااا
شكرا ياحبي علي السؤال

اكيد الكلام من العوامل الاساسية اللى بتساعد فى حل كتير من المشاكل
لانه بيوضح وجهة نظر الانسان وبدون الكلام الناس ممكن تفهم اى حاجة غلط والمشكلة تزيد

اكيد يا هولو الكلام بيحل المشاكل والكلام يكون مهم لما تسمعيه من حد بترتحيله لان مش اى حد يقول كلام يبقى ينفع انا عن نفسى يا هولو لما بكون متضايقه من حاجه بحكى لاصحابى ويفدونى كتييييييييييييييييييير

هو الكلام سلاح ذو حدين ممكن يريح اوى وممكن يوجع اوى وممكن اللى قدامك يفيدك بنصيحته لو عدك مشكله وممكن يضلك ويقولك كلام يكون مش فى مصلحتك وساعتها انت ممكن تسمع كلام اى حد لانك بتبقى ضعيف اوى ومابيبقاش فى تفكير

والله ياهولو الكلام بيحل المشاكل
لما ينتج عنه فعلا فعل بس
للاسف الايام دى الناس بقيت بتكلم كتير
بس على الفاضى لان مفيش فعل
فى الكلام يفيد لما ينتج عنه فعل

ااكيد طبعا هى المشاكل جية منين
من الكلام
واكيد الكلام هو اللى بيحل طالما النفوس صافية من كل شىء سيء
شكرا يا هوللو على موضوعك الرائع

انا بختلف مع اللى ردو تقريبا كلهم .الكلام عمره مابيحل مشاكل لو مكنش مع الكلام ده فعل لحل المشكله مش اقعد اتكلم وخلاص مينفعش و فى معظم الاحيان مع ان الكلام بيكون ضرورى الا ان الفعل بيبقى مفعوله اقوى و اكيد مفيش حد حل مشكله قبل كده بمجرد الكلام من غير ماياخد خطوه لتنفيذ الكلام ده.