كل يوم تدخل تكتب نكتة جديدة...نكتة اليوم ... موضوع متجدد. ارجو التثبيت

هقولكم نكته بس للاسف مفيش حد هيفهمها غير الباد بويز


مره فله قابلت طنونه عارفين ايه اللى حصل؟؟

الطنونه كانت كبيره شويه ؟؟
هههههههههههههههههههههههههههههههه
كملوا انتوا بقى؟

اقتباس :

مسـطول وقفتـه لـجنـة ,

قا لو ا لـه : اركـب البـوكـس

قالهـم: لا والله بيتنا قـريـب

كان فيه واحد صعيدى قال لمراته :تعالى يا وليه اعلمك الحساب......تعرفى

واحد:عصاية

تنين: حواداية

تلاتة: ردل غراب

اربعة:عواجاية

والخمسة :حلاجاية

والستة : حوداية مجلوبة

والسبعة: جرطاس

والتمانية: جرطاس مجلوب

والتسعة: حلاجاية بدلاية

والعشرة: عصاية وجارها زلطة

عمر كتب:

واحدة بتقول لجوزها انهادة الخميس وعايزة صوتى يجيب للسما .. قلها روحى وانتى طالق

الفلاحين خايفين يقولوا نكت على بلدياتنا فرقموا النكت وقعدوا على القهوة أمام بلدياتنا ..
واحد منهم يقول 3 الفلاحين يضحكوا..
واحد ثانى يقول 7 .. يضحكوا..
راح واحد بلدياتنا قام وقال 5 فلم يضحك أحد
...فقال لهم ليه ما ضحكتوش
فردوا عليه.. أصل إلقاءك وحش

واحد غبى لقى قرد فى الشارع .فراح لعسكرى المرور وقاله اوديه فين . قاله وديه جنينه الحيوان فراح ورجع تانى يوم لعسكرى المرور والقرد معاه. قاله العسكرى مش قولتلك وديه جنينه الحيوان. فرد عليه الغبى ما انا وديده امبارح جنينه الحيوان النهارده هوديه السينما

واحد صعيدى ماشى مع واحد لبنانى فسمع الاذان بيأذن فقاله تعالى نصلى قاله انا مسيحي مينفعش قاله وايه يعنى ما انا صعيدي

واحد ساكن فى الدور التاسع وتحتيه بقال كل شويه الراجل صاحب البقاله ينده عليه ويقول له تليفون ليك وكل شويه الراجل يفضل يطلع وينزل يرد على التليفونات واحد صاحبه شافه فقال له ما تشتريلك موبايل احسن اام الراجل اشترى الموبيل واده للبقال وقال له اى حد يتصل بيه اندهلى

واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر ...الباقي(12)قرش ورماهم على الارض وقال له خذ الباقي، فاخرج الرخم قرش من جيبه ورماه فوق ال( 12) قرش وقال للجرسون كمان واحد فول

مشاهدة المزيد

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"

مره في أمريكي و فرنسي و صيني حبو يجربوا صدى أصواتهم عند
شلالات نياجرا........الأمريكي قال هلوووووو الصدى قال هلوووووووو ووووو ووووو ..
الفرنسي قال بونجور الصدى قال بونجوور ووو ووور..
الصيني قال شنج لونج هنج.. الصدى قال : هـــــــــــــــاه بتقول اِيه

في حمار يشاهد سباق خيول أم زعل على حالو وقال
ياريتيني كملت دراستي

واحد بلديتنا ماسك عيالو و نزل ضرب و تعذيب فيهم سالوا جارو حرام عليك كد. هو فيه ايه؟ قالــــــــــــوا ولاد المفتريه مشغلين المروحه علي تلاته و هما اتنين بس

واحد و هوا بيموت بص لمراتة بصه رومانسيه و قالها لما اترفدت كونتي معايا
و لما عييت وقفتي جنبي ولما فلست برضوا كونتي معايا و دلوقتى لسا جنبي مسك ايدها بحنيه
و قالها مش عارف ليه حاسس انك نحس

إتنين صحاب قاعدين مع بعض في البلكونة
الأول :واحد وقع من الدور التالت لقى إيه؟
التاني : مش عارف.
الأول : لقى حتفه. طب واحدوقع من الدور
الرابع لقى إيه؟
...التاني : مش عارف.
الأول : لقى مصرعه. طب واحد وقع من الدور الخامس لقى إيه؟
التاني : مش عارف.
الأول : لقى ربه. طب واحد وقع من الدور السادس لقى إيه؟
التاني :مش عارف.
الأول:لقى اللي وقعوا قبله.
التاني راح سايبه ونط من البلكونة
مشاهدة المزيد

ظابط بيسأل عسكرى :السهرة إيه النهاردة
قاله:اخترنا لك
رد الظابط:أيه!!!؟
العسكرى:إخترنا لسياتك ياباشا!!!

واحد راح يخطب واحده وبياكل لبان
ابوها قاله فيه حد يجى يخطب واحده وفى بؤه لبانه
قاله ده ضرورى بعد مادخن ! ابوها قاله انت بتدخن ؟
قاله: وقت ماشرب بس ! رد ابوها : وانت بتشرب كمان ؟
قاله : لما العب قمار بس ! قاله وبتلعب قمار من امتى ؟
...قاله : من ساعه ماطلعت من السجن ! قال ابوها : وانت كنت مسجون ليه ؟
قاله
: عشان قتلت ابو واحده اتقدمت ليها .. ورفضنى
قال ابوها : على بركه الله نقرا الفاتحه

واحدة بتلعب استغماية مع خطيبها قالت له لو لقتنى هتبوسنى لو ملقتنيش انا ورا الباااااب

صعيدى دخل راسه فى قفص الاسد الحارس قاله انت بتعمل ايه يا بويا قاله يا عم ما تخافش واحنا هناكله

تسلم ايدك خد دى بقى
واحدبلديتنا مسكوه بيزور فلوس فبيأل الضابط
اموت واعرف عرفتو الزاى الضبط قاله
ابن الجزمه هو فى ورقه بــ65 جنيه