معرفش ليه صابني السكوت
وأتولد جوايا خوف مالهوش حدود
فجاء بكيت
وقلمي قال أنى انتهيت
و أتجمدت فيا المشاعر
وكرهت أكون موصوف بشاعر
ولقتني بسال 100 سؤال
ذلتني ليه يوم الحروف
وأيدتني بالظروف ؟؟
جرحتني ليه يوم الحروف
وعايشتني ليالي خوف ؟؟
وسكت ليه !!
ورضيت أعيش جوه السجون
زنزانة أسوارها الورق
أخرتها لازم تتحرق
ويتحرق جواها أحساس أتولد
علشان يموت
ويوم ميلاده
كان بيصرخ ألف صوت
صرخة عذاب حب أتعدم
وصرخة للظلم الجريء
وصرخة كانت للوطن
وصرخة للقلب الجريح
وصرخة من صوت الضمير
وصرخة للطفل الشهيد
وبعد ما صابني السكوت
وراجعت من تاني الحساب
لقيت مالوش فايده الكلام
لسه العذاب من حب مات
ولسه مظلوم م الزمن
ولسه مسلوب الوطن
ولسه مخروس الضمير
والطفل ومولود للشهادة
يبقي كفاياك يا صوت بيصرخ في الجبل
لا فيوم هايتهد الجبل ولا لسه جوانا أمل
كان لازم افهم انه ده صوت الصدى
وافرض على قلمي السكوت
واكسره لو يوم صرخ أو كان له صوت
منقووول
الإثنين 1 يونيو 2009 - 15:08
