إلى كل هؤلاء المفتونيين بأوباما ....صور ولا تعليق

يا أخ سالم , زي ما وضحت في ردي , أوباما مش عمر بن الخطاب , لكن أوباما فرصة للي يستغلها , وأسرائيل والأعلام اليهودي أستغلوها أحسن أستغلال وطلعولنا لسانهم , هات الراجل اللي هو أساسا مسيحي فمؤمن بالتوراة ولبسوا طاقية اليهود وصورة , على تيشيرت مكتوب عليه أنا بحب سديروت وصورة , على كام صورة مع سياسيين إسرائيليين . وأدي الصور دي للمنتديات العربية وشوف هيعملوا أيه , يشتموا ويسبوا في الراجل فتترفعلوا التقاريير , شوف دي شعبيتك ودا الكلام اللي بيتقال عليك بين العرب .
يعني الراجل سياسي , وفي حملة أنتخابية , وعدونا أشطر مننا , وأذكى مننا وبيعرف يستخدم سلاح الدعاية كويس , يبقى متلومش الراجل , لومني ولوم نفسك أننا مقدرناش نوصله قبلهم , إننا معملناش لوبي يدي صورتنا الصحيحة للأعلام قبلهم , بعدين رئيسك نفسه بيسلم على الناس دول ودا غلط بالرغم من أنها سياسة , لكن أنت هتلوم الراجل كأنه مننا , لأ مش مننا . الراجل قلت وبكرر , فرصة وأكيد هنشوف مرحلة تغيير نسبي في سياسة أمريكا تحت أيده الفكرة أزاي هنستغلها . لكن اللي أنا شايفه , أننا وئدناها حتى قبل ما تبدأ وطلعناه "خادم اليهود"! بالرغم من أنه رفض دعم أي لوبي ليه في حملته الأنتخابية , أنا مشض من المفتونيين بأوباما . لكن بزعل أوي لما نضيع الفرص ونبص على كل حجاة كأنها أسود في أسود و نقول مفيش فايدة .

زائر

زائر

يا عزيزى اوباما مش مختلف كثيرا عن سابقيه
ولكن سيكون التفاوض هو عنوانه مش زى بوش اللى كل حاجة حرب عنده
وهو يعلم ان سياسة بوش كان اخر عهده الحذاء الطاير من عمنا منتظر
فهذا رد فعل كل العرب ضد الطاغى بوش
ايضا هو لم يتكلم عن القضية الفلسطينية خوفا من اسرائيل

عمر كتب:: يا أخ سالم , زي ما وضحت في ردي , أوباما مش عمر بن الخطاب , لكن أوباما فرصة للي يستغلها , وأسرائيل والأعلام اليهودي أستغلوها أحسن أستغلال وطلعولنا لسانهم , هات الراجل اللي هو أساسا مسيحي فمؤمن بالتوراة ولبسوا طاقية اليهود وصورة , على تيشيرت مكتوب عليه أنا بحب سديروت وصورة , على كام صورة مع سياسيين إسرائيليين . وأدي الصور دي للمنتديات العربية وشوف هيعملوا أيه , يشتموا ويسبوا في الراجل فتترفعلوا التقاريير , شوف دي شعبيتك ودا الكلام اللي بيتقال عليك بين العرب .
يعني الراجل سياسي , وفي حملة أنتخابية , وعدونا أشطر مننا , وأذكى مننا وبيعرف يستخدم سلاح الدعاية كويس , يبقى متلومش الراجل , لومني ولوم نفسك أننا مقدرناش نوصله قبلهم , إننا معملناش لوبي يدي صورتنا الصحيحة للأعلام قبلهم , بعدين رئيسك نفسه بيسلم على الناس دول ودا غلط بالرغم من أنها سياسة , لكن أنت هتلوم الراجل كأنه مننا , لأ مش مننا . الراجل قلت وبكرر , فرصة وأكيد هنشوف مرحلة تغيير نسبي في سياسة أمريكا تحت أيده الفكرة أزاي هنستغلها . لكن اللي أنا شايفه , أننا وئدناها حتى قبل ما تبدأ وطلعناه "خادم اليهود"! بالرغم من أنه رفض دعم أي لوبي ليه في حملته الأنتخابية , أنا مشض من المفتونيين بأوباما . لكن بزعل أوي لما نضيع الفرص ونبص على كل حجاة كأنها أسود في أسود و نقول مفيش فايدة .

فري فري فري جوووود يا عمر . رد في الصميم يا معلم . فعلا الأعلام الصهيوني بحركة زي دي ممكن يضرب عصفورين بحجر . وأوباما هو التغيير والأمل فعلا . لكن منتفألش بيه أوي فعلا إلى كل هؤلاء المفتونيين بأوباما ....صور ولا تعليق 447175

إلى كل هؤلاء المفتونيين بأوباما ....صور ولا تعليق 447175

لقد ادليت بدلوى فى هذا الموضوع سابقا
و هذا هو ردى

الهوس بأوباما.. والتعويل عليه

بقلم ياسر عبد العزيز ٢٥/ ١/ ٢٠٠٩
لا بأس إن شاركت الجماهير العربية، ونخبها أيضاً، فى حفلات الهوس الجمعى بالرئيس الأمريكى الـ ٤٤ باراك حسين أوباما، ولا ضير فى أن تكون منطقتنا جزءاً من عالم وقف مشدوهاً معجباً بما أنجزه هذا الشاب الأسود، وبما حققته بلاده بقبولها طموحه واستيعابها طاقته، لكن الإشكال ينشأ حين يتحول هذا الهوس تعويلاً؛ فالفارق كبير بين المناقب الشخصية واشتراطات الحكم واعتبارات السياسة.

لا شك أن أوباما رجل محظوظ، تجمعت لديه عوامل كثيرة للبروز وحصد الإعجاب والنجاح؛ لعل أهم تلك العوامل أنه أتى بعد أحد أسوأ الرؤساء الأمريكيين قاطبة، وأنه حول مشكلته العرقية وضعف مستواه الاجتماعى إلى طاقة مفعمة بالأمل والطموح، فى مجتمع تأسس على فكرة اغتنام الفرص واتساعها فى معظم الأحيان وتكافئها فى بعضها.

وقد ساعد الرجل نفسه كذلك، حين عرف كيف يخاطب الإعلام ويلعب على مشاعر الجمهور، وحين أتقن دوره كمشروع زعيم عالمى، وليس مجرد مرشح لرئاسة دولة، وإن كانت أقوى الدول وفق معايير النظام العالمى الجديد.

ومنذ قتل الرئيس الأمريكى الـ ٣٥ جون كيندى، فى نوفمبر ١٩٦٣، لم يحظ زعيم سياسى آخر فى هذا البلد بما حصده أوباما من تفاؤل وحسن استقبال. ووصل الأمر إلى نشوء مصطلحات جديدة تعبر عن حال الهوس الصارخة بهذا الزعيم الجديد؛ ومنها مصطلح «أوبامانيا» Obamania، أى «الأوبامية»، وكذلك «الأوباميون» Obama-cons، فضلاً عن وقوع الملايين من الجماهير داخل أمريكا وخارجها فى غرامه، على حد وصف منافسه الجمهورى جون ماكين.

لطالما قيل إن الصحفيين الأمريكيين عادة ما يميلون إلى تأييد المرشح الرئاسى الديمقراطى بحكم أن غالبيتهم من الليبراليين، لكن الهوس الذى حل فى صفوف الإعلاميين فى الانتخابات الرئاسية الأخيرة كان الأكثر وضوحاً على الإطلاق. كان اسم أوباما هو الأكثر تردداً فى تاريخ الإنترنت؛ إذ تم رصد تكراره على المواقع أكثر من ٥٠٠ مليون مرة، وكان الرجل أكثر من حظى بالألقاب؛ ومنها: «المرض المعدى»، و«هدية العالم لأمريكا»، و«ماكينة الأحلام»، و«النجم الساطع»، و«النجم الصاعد بسرعة الصاروخ»، و«النجم فوق العادة».

كولين باول الوزير السابق فى الإدارة الجمهورية المنصرفة انضم إلى مؤيدى أوباما، وأوبرا وينفرى التى بنت أمجادها كإعلامية تليفزيونية على الحياد، قالت: «لم أعد محايدة حيال هذا الرجل»، وبكت لأن «جدها لم يحضر تنصيب هذا الرجل الأسود رئيساً للولايات المتحدة».

شعارات أوباما عن «الحلم» و«التغيير» والقدرة على إنجاز التغيير Yes, we Can، باتت أيقونات وعناوين مراحل فى حياة الشعب الأمريكى وسواه من الشعوب.

يوم التنصيب شهد خروج أكبر عدد من صحف العالم المهمة عن حيادها حيال الحدث الكونى المهم. حدث هذا انطلاقاً من الولايات المتحدة، التى كتبت صحفها «الأمل وليس الخوف»، و«نعم هو»، و«التاريخ»، و«أمريكا تعود إلى مجدها»، و«أوباما».

ولكن الهوس امتد أيضاً إلى أهم الصحف الأوروبية: «اليوم تعيد أمريكا بناء نفسها» كما قالت «الجارديان»، و«أنت الأب» كما قالت «صن» على لسان ابنة الرئيس العتيد، و«وعود أوباما» كما قالت «تايمز»، و«يد التاريخ» كما نشرت «ديلى ميل»، و«أمريكا تولد من جديد» كما جاء فى «ميرور».

وفى أقصى الشرق أيضاً قالت «ديلى يومورى» اليابانية إن «أوباما يصنع التاريخ»، وهكذا فعلت «تايمز أوف إنديا» فى الهند.

أجرى موقع مواعدة غرامية أوروبى مشهور استطلاعاً كبيراً للرأى بين نساء أوروبيات عن أكثر الرجال جاذبية جنسية من وجهة نظرهن، فيما كان المتنافسون نجوماً وسياسيين مرموقين من عينة ريتشارد جير وبراد بيت وغيرهما، والغريب أن الهوس بأوباما امتد إلى هذه المنطقة أيضاً، فتصدر الرجال فى هذا الشأن الحميم كذلك.

كان خطاب تنصيب أوباما إضافة جديدة إلى قدراته البلاغية والسياسية ودليلاً آخر على براعته وحنكته؛ إذ خفض الرجل أسقف الأمل، سواء فيما يتعلق بالرفاه والخدمات فى الداخل، أو فيما يتعلق بالنفوذ والتأثير والتغيير فى الخارج، ومع ذلك فقد حصد الإعجاب والتفهم والصيحات المؤيدة بل الدموع، من أكبر حشد شهده التاريخ أمام كاميرات التليفزيون وربما أيضاً أمام شاشاته.

ثمة حقيقة واضحة لنا فى هذا الجزء من العالم؛ وهى أن أوباما يحظى بالإعجاب والهوس ويعزز التفاؤل، وثمة ما يجب أن يكون واضحاً أيضاً؛ وهو أنه لا توجد أى مؤشرات إلى أن أوضاعنا ستتحسن بمجرد انخراطه فى التعاطى مع مشكلات الشرق الأوسط.

لا شك أن أى إدارة لأزمات الشرق الأوسط ومشكلاته من قبل رجل جالس فى البيت الأبيض لن تكون أسوأ من تلك التى حصلنا عليها من بوش الابن، لكن التعويل على أوباما، رغم كل هذا الهوس، يلزمه الكثير من العمل؛ إذ إن الله لا يساعد سوى هؤلاء الذين يساعدون أنفسهم.

لا يخلو أوباما من مناقب وسمات تفوق واضحة، لكن الإعلام أيضاً نفخ صورته وعزز الهوس به. ويبدو أن شعوب منطقتنا، وبعض نخبها، راحت مع موجة الهوس الساحرة هذه تبنى آمالاً عريضة وتشيد أحلاماً عن حلول ناجعة لمشكلات أعيت المنطقة والعالم لعقود.

ويمكن القول إن صفاً عربياً مشقوقاً كما هو حاصل الآن، وأوضاعاً فلسطينية مهشمة، وعراقاً مأزوماً محتلاً ومرهوناً لقوى إقليمية مغرضة، وأنظمة تراوح بين التقادم والاستبداد، ومنطقة تفتقد الرؤية وتعوزها القدرة وتعجزها الوسائل لن تنال من أوباما سوى الهوس، الذى لن يكون بمقدورنا التعويل عليه.

اذا كان حسنى بيسلم عليهم
وابو الغائط ماسك ايد ليفنى بكل حنان وحب وهما نازلين من ع السلم ( ده لو ايد مراته مش هيمسكها كده )
مش عايزين اوباما يلبس الطاقية اليهودية !!!!!!!!!!

انا شايف اانا اتكلمنا على اوباما كتير اوى
وبنتعشم انه يبقى رئيس عادل والكلام ده وانه يبقى هو الامل فى التغيير
ونسينا ان امريكا دولة مؤسسات مش رؤساء

بنحلم بعدل ورحمة اوباما وبنتكلم عليه كتير ليه؟
مش شايفين ان ده ناتج من اننا مش قادرين نغير اللى عندنا
فبنحلم بمعاملة كويسة من رئيس دول عدوة ( مهما صدعوا دماغنا وقالولنا انها صديقة )

لله الامر من قبل ومن بعد

إلى كل هؤلاء المفتونيين بأوباما ....صور ولا تعليق Elmalikfaroukf3

كون اوباما يدعم اسرائيل ده سياسه اللى اختاروه رئيس وغصب عنه هيدعم اسرائيل
لان اليهود فى الولايات المتحده زى السرطان منتشر فى كل جزء من الدوله
وبعدين سبب قوه اقتصاد الولايات المتحده يرجع لهجره اليهود اليها بعد الحرب العالميه الاولى
لعدم اقتناعهم بدور بريطانيا فى انشاء وطن قومى لهم بعد ظهور نجم الولايات المتحده كدوله عظمى
مش عارف ليه اوربا وامريكا بتدعم اسرائيل من ان تعاملاتهم مع العرب كبيره جدا تصل لمليارات عديده

sir_mohamed awad

عشان نعرف مييين دول و ازاي نعاملهم

اوباما يعني مسلم اوي؟؟؟؟عشان نقول ولا نعاتبه هو يهودي وزيه زي اي رئيس وخاصة لامريكا فلازم يدعم امريكا باليهود هو ممكن فعلا يتفاوش او يمنع قوات احتلال من بلد محتلة مثلا وهو ممكن برضه يعمل حاجات كويسة بس برضه اكيييييييييد لازم يدعم بلده اللي هو رئيسها وطبعا بلده دي اكترها يهود فبالتالي هيدعم اليهود وعلي راي محمد سمير اذا كان حسني مبارك بيسلم عليهم و بيمسك ايد لفني يبقا اوباما هنيجي عليه وتقف ونقول شوفوا اوباما؟؟؟؟؟؟؟؟؟؟؟؟؟
وعامة اليهود طبعهم معروف وربنا ذكرهم في القران بان هم ملهومش عهد وانهم بينقضوا العهد ...يس اهو الناس بتتفائل باي حاجة جديدة عل الاقل عشان الظروف اللي احنا عايشين فيها دي وان شاء الله باوباما من غير اوباما ان شاء الله الحق هيظهر مهما طال بقا كام رئيس ولا غيره وان شاء الله الامل كبير سواء اوباما موجود او لاء

يا جماعه فكر اذاى تكسب من الى قدامك قدر المستطاع مش اذاى تمسك عليه اخطاءه
هوا ايه الفرق بين السياسى والرقاصه ما الاتنين بيرقصوا بس فيه فرق بسيط ان الرقاصه بتلعب بوسطها والسياسى بيلعب على الحبال والاتنين بيكسبوا فى النهايه من الزبون
فيه كلام كتير عاوز اكتبه بس مش هكتبه هنبح ظورى على الفاضى ومنه ان السياسى بيبقى ماشى غلط لما يتغرلا فى نفسه ويستبيح لنفسه الخطوط الحمرا وينسى هدفه الاساسى ويفتكر انه مسموح له كل الطرق الممكنه اكيد انك لازم تحافظ على سماتك وملامحك وحجات كتير اوى اوى اوى اوى اوى ....................................

شكراً للأخوة الكرام على أرائهم , لكني مازلت مصراً أن النصر من عند الله وليس من عند أوباما

إن أوباما مثل أجداده سيظل عدوا للإسلام والعرب ،قبل أن يمسك الحكم قال إن اسرائيل تدافع عن نفسها
هذا أقل شئ، أما عن سلامه مع اسرائيل فهذا لا يعنينا في شئ لأن"كل عز بغير الله ذل"
شكراٌ على الموضوع

أبو خالد كتب:: إن أوباما مثل أجداده سيظل عدوا للإسلام والعرب ،قبل أن يمسك الحكم قال إن اسرائيل تدافع عن نفسها
هذا أقل شئ، أما عن سلامه مع اسرائيل فهذا لا يعنينا في شئ لأن"كل عز بغير الله ذل"
شكراٌ على الموضوع

عايز أعرف تعليقك يا أبو خالد بعد الخطاب , هل لمست في الراجل تغيير , ولا زيه زي غيره برضه ؟

دايما بسمع مثل اسمه اللى تفتكره موسى يطلع فرعون ومش هعلق اكثر من كده .... تكرمواااا

» لا تعليق
» بدون تعليق
» بدون تعليق
» صورة و تعليق .... سياسى
» كم شخص من هؤلاء فى حياااتك .... !؟