أستفتاء للبنات فقط .

من رايي ان القسم ده تابع للبنات ومواضيع البنات فقط ...بالنسبه لي شيفه انه من الافضل انه يكون عامل زي اوضه مخصصه للبنات فقط في وسط البيت الكبير "المنتدى " عشان كده بفضل عدم المشاركه من الشباب في القسم ده ....

اه بقى
عشان يبقى الحزب بتاعنا لوحدنا
مش عايزين جواسيس

معلش انا متطفل

بس احنا كمان عايزين قسم لوحدنا

العنوان بيوضح الاجابه
للبنات فقط
يعنى يلا كل الشباب بره
علشان هنقفل الباب

يا صلاة النبي يا صلاة النبي
ايه الجمال ده يا عمر
عاوز تخلي القسم للبنات
وفقا للعدالة وانت كادمن المنتدى انك تخصص قسم للشباب مساوي لقسم البنات علشان تكون عادل وانك متفرقش بين الشباب والبنات
ده القيادة الصح اللى مفروض على اى مدير منتدى اعمله
وان لو الادمن اعمل قسم للشباب علشان اكون عادل ومكنش مجامل للبنات اكتر من الشباب ويبقي ان كده عادل مش للشباب انك تعمل قسم للشباب بل عادل بينك وبين ضميري
والسؤال هل انت يا عمر هتعمل قسم للشباب ؟
انت عارف اجابتى من زماااااااااااااااااااااااااااااااااااااااااااااااااااااااااااااااااااااااااااااااااااااااان
ولو معملتش القسم للشباب يبقي مفروض انك تظل الامر كما هو عليه ويكون القسم للبنات والشباب وكده انت عادل بردو
لكن انك متخليش القسم للبنات فقط وطبعا هتلغي اى موضوع يحمل اسم اى شباب فده اعتقد انه الظلم لنفسه
انا عارف ان اللى باقوله حاجة بسيطة لكن العدل ميفرقش بين الحاجة الصغيرة والكبيرة
فالعدالة هو مفروض ان يوجد فى ضمير كل انسان يخاف الله فى ادارة اى حاجة ان يكون عادلا فى ادارته ولا يجامل طرف على طرف اخر
ده الادارة الصحيحة الا تجامل طرف على طرف الاخر
وده اللى باعمله فى حياتى وفى ادارتي لاى حاجة فى الوقت الحالي وفى المستقبل القريب علشان لما اموت على الاقل اللى يعرفوني هيعرفوا ان الحريف لم يجامل طرف على اخر واننا اكون عادل فى حياتى مع الناس
لانك كادمن مسؤل عن اى عضو وعضوة فى المنتدى ووبما انك مسؤل عن اى عضو او عضوة طبقا للادارة الصحيحة والعادلة لابد ان تعمل قسم للشباب ويبقي انت كده تكون عادل لانك لو معملتش قسم للشباب فانت كده بتكون مجامل
واللى بيجامل دلوقتى هيجامل لما يكبر
والا تظل القسم للبنات والشباب معا
انا عارف ان كلامى يزعل بس العدالة اللى اتربيت عليها والحمد لله لم تغب عني ولن تغب تحتمل اننا اقول راي حتى لو كانت حاجة صغيرة جدا زى قسم للبنات فقط
اللى بيكون عادل هو صغير بيكون عادل وهو كبير ويموت وهو معروف بالعدالة
والعكس اللى بيبقي مجامل وهو صغير ويظلم حد هيعمل وهو كبير ويظلم الناس وكده يموت وهو مش مرتاح
العدالة هو اساس الحياة
فبدون العدالة تبقي الحياة لغابة
وانت ضميرك يا عمر هل تكون عادلا وتعمل قسم للشباب وكده تكون فى نص وكانك مثل الميزان كافة للشباب وكافة للبنات
هشوف انت يا عمر هل الكافتين تكون متساوية ولا هيكون كافة التانية تكون فارقة بالكفة الاولي
صدقني انا خايف عليك يا عمر انك متكنش عادل فى ادارتك للمنتدى
والاول والاخر انت حر فى منتداك
بس انا قولت راي واجري على الله
قلت راي بدون خوف
لاننا مبخفش الا من ربنا بس

هو فيه قسم للبنات في المنتدي؟؟؟؟

طالما كدا بقا يبقي إحنا عايزين قسم لينا لوحدنا ويكون إسمه Gangsters يللا بقا ههههههههههههههه....

قوموا للشباب للثورة على الادمن
ونعمل مظاهرات ضد قرار الادمن ونطالب بحقنا
احنا الشباب بناخد حقنا
عاوزين قسم للشباب ونقوم بمظاهرة قدام بيت الادمن
وانا اكون اول متظاهرين قدام بيت الادمن لمطالبة بقسم لينا
ونجيب لافتات تطالب بحقنا فى قسم للشباب
هو احنا قليلين
داحنا ناكل الظلط
اطالب الشباب بثورة ضد الادمن لمطالبة بذالك
اعمل ايه انت عارف يا عمر انت غالي عليا قد ايه
ولذلك اعمل مظاهرة قدام بيتكم لمطالبة بقسم للشباب

يا تري هل اشوف استفتاء قادم من الادمن
يقول
يا بنات تتمنوا وجود شباب فى المنتدى ولالا ؟
ده الاستفتاء القادم

والله مهو تريقة عليك يا عمر
علشان متفكرش اننا باتريق
وعمري ما اتريق على حد

وهل في قسم للشباب ولالا

ههههههههههههههههههههههههههههه ايوه كده
اه طبعا مش عايزين تطفل الصبيان ههههههههههههههههههه
ايوه كده فيه عدل

انتوا بسم الله ما شاء الله موجودين فى كل مكان
قسم اسلامى
قسم الضحك للصبح
قسم
قسم


حتى كمان قسم للشكاوى موجودين في
حتى علبة الدردشة موجودين فيه
انا مش عارف الفكرة دى جت لعمر ازاي
بجد مش عارف

على فكرة انا باقول راي بما يرضي الله
ولا اننا انتقدك زى ما يدور فى عقلك الان
لا والله
لكن القرار بالنسبة ليا عادى
مش هيحصل ليا اى حاجة لان فى الاول والاخر حاجة بسيطة خالص جداااااااااااااااااااااااااااااااااااااااااااااااااااااااااا
بس قلت كلامى من باب العدالة كادمن انك تعمل قسم للشباب او يبقي الحال البنات والشباب مع بعض

Hollo كتب:

من رايي ان القسم ده تابع للبنات ومواضيع البنات فقط ...بالنسبه لي شيفه انه من الافضل انه يكون عامل زي اوضه مخصصه للبنات فقط في وسط البيت الكبير "المنتدى " عشان كده بفضل عدم المشاركه من الشباب في القسم ده ....

والله دة اللى كنت هقولة يا هوللو
انا معاكى فى كلامك دة

الشباب اللي لا مؤاخذة اللي عايزيين قسم للشباب يا ترى عايزينه ليه
يناقشوا اخر عبوات جيل ولا يناقشوا ازاي ياخدوا غسيلهم فومين

انتوا محسسنى يا بنات انكوا مغلوبين على امركم
انتوا بسم الله ما شاء الله كل الاقسام مليانة بالبنات
سيبونا حاجة
واللى بتضايق من وجودنا فى القسم بتاسف ليكم طبعا
احنا اخوات فى المنتدى
مفيش فرق بين الاخوات فى الاقسام
على العموم احترم القرار واتمنى ان عمر ينفذ ما طلبته منه
اتمنى ذلك
شكرا يا مناصر البنات
بقيت يا عم مناصر البنات
عقبال متناصر الشباب