ليست مشكلة القمامة ....بل ثروة القمامة أحب أعرف أخبار الزبالة في شارعك أيه ؟

شكرا يا عمر على الموضوع ولكن احب اقول ان الشارع اللى انا فيه كل يوم بيتكنس لانه شارع صناعى وكله تصنيع فشىء طبيعى يتنضف كل يوم بالليل واحب اعرف الصوره دى فين وشكرا يا كبير

لا الحمد لله الزبالة عندنا بتتشال يوميا وربنا يدمها نعمة
بس فى شوارع تانية بجد فظيعة الشارع عبارة عن زبالة اصلا
بس والله الناس هى المسؤولة بنسبة 60 % لان مش بيحطوها فى اماكنها كل واحد يستقرب ويرميها جنبه ويعمله كوم جديد والنتيجة بتكون كدة المناظر الى بنشوفها كفاية بس الناس الى بترمى من بلكونتها ولا كأن دة شارع ملك الناس كلها
ربنا يهدينا جميعا بجد
البلد بقى حالها فى منتهى السوء من كل ناحية

هدير محمد الدبسى كتب:

شكرا يا عمر على الموضوع ولكن احب اقول ان الشارع اللى انا فيه كل يوم بيتكنس لانه شارع صناعى وكله تصنيع فشىء طبيعى يتنضف كل يوم بالليل واحب اعرف الصوره دى فين وشكرا يا كبير

شكراً يا هدير على ردك , الصورة أكيد حتة في مصر , أعملي بحث في جوجل على كلمة زبالة هتلاقي نصف الصور من مصر

جيرسى كتب:

لا الحمد لله الزبالة عندنا بتتشال يوميا وربنا يدمها نعمة
بس فى شوارع تانية بجد فظيعة الشارع عبارة عن زبالة اصلا
بس والله الناس هى المسؤولة بنسبة 60 % لان مش بيحطوها فى اماكنها كل واحد يستقرب ويرميها جنبه ويعمله كوم جديد والنتيجة بتكون كدة المناظر الى بنشوفها كفاية بس الناس الى بترمى من بلكونتها ولا كأن دة شارع ملك الناس كلها
ربنا يهدينا جميعا بجد
البلد بقى حالها فى منتهى السوء من كل ناحية

المشكلة ان فى بعض صناديق القمامة موجودة والاقي القمامة مرمية على الارض جنب الصندوق
مش عارف الناس بتتعب لما ترمي فى الصندوق
حتى كمان تلاقي صناديق اللقمامة على الكورنيس تلاقي الصندوق فاضي واكياس الشيبسي وما يلزم منه مرمية على الارض
ده ثقافة شعب
لازم في توعية وثقافة
شكرا يا عمر

الغلط مش في الحكومة بس عمر لكن في الشعب نفسه ....الناس هي اللي بترمي الزبالة يعني تلاقي واحد راكب عربية او ميكروباص وتلاقيه بيرمي ورقة من الشباك رغم انه ممكن يسيبها لما ينزل في اقرب مكان ويرميها لكن للاسف ده مش بيحصل ......وعندنا مثلا في الكلية تحس انك في مقلب زبالة طيب دول طلبة الجامعة اللي المفروض يكون تفكيرهم راقي ومتحضر ومع ذلك شوف كمية الزبالة اللي هما بيرموها ...واكتر حاجة بتستفزني صناديق الزبالة يعني تمشي في الشارع تلاقي الناس رامية الزبالة جنب الصندوق طيب ليه مش بيرموها جوه مش عارفة ؟؟؟؟

انا والله بضايق لما الاقي برامج اجنبية بتتكلم وحش عن مصر وانها دولة ....رغم ان رئيس وزرائها نظـــــــــــــــــــــــــــــــــــــــــــــــــــــــــــيف

شكرا عمر ع الموضوع