هوللو تقول علي مسؤليتها ...الحق حق " تم تعديل العنوان "

تمااااام يا هوللو لان بجد فعلا المنتدى بقى سخيف بسبب سخافه شويه اعضاء مش بيحبوا يمشوا بنظام
و ياريت بجد كل واحد يحترم نفسه علشان الباقي يحترمه
و بصراحه كده مافيش غير حلين يا المنتدى ده يتعدل بان ناس معينه تتعدل يا يتقفل و منتدى تانى يتعمل بس بنظام من الاول
لان الي بيحصل هنا ده مهاااااااازل
و طبعا العنوان ميزعلش في حاجه بالعكس ده كده تمام و مينفعش حد يزعل من الحق

كيف انا ديفل مان شخصيا و يقوم مشرف القسم العام وكلنا عارفيه بممارسه الاديموقراطيه والسلطه الطاغيه بحذف موضوعي لاني من البادي بويز؟؟؟؟ كيف هذا هل هذه منافسه شريفه لا طبعا وبما انها مبقتش شريفه يبقي خلاااص من هنا ورايح وداعا للشرفيه كي يثبت انه الاقدر لا طبعاا نحن الاعلي واقلولها قوه علي الاقل انا منافس شريييييييييف وعقلاني غير كداا احب اقولكم قنبله من العيار الثقل لان اسم ايجيبت لوفرز اصلا مسروق من الفيس بك واتاكدوا بنفسكوا طبعا كلنا بنحب مصر ولكن هوه استغل ثورة اعضاء المنتدي علي الجزائر وكسب النقطه دي يعني الباد بويز مبيحبوش مصر؟؟ يعني الباربي مبيحبوش مصر؟؟ وطبعا مش هجيب سيرة بقيه الاحزاب لاني لسه مش معترف بيها ولعدم انضمامها رسميا وفعليا وطريقه تكويه للاعضاء باي تمن طبعا عارفنها ليكون له الاغلبيه انتظروا تغيير كبير ومحدش يزعل مهما كان وايضا فيه خلافات كبيرة بس قراري هيكون نهائي

تمااااااااااااااااااااااام ياهولو معاكى حق فى كل كلمة انتى قولتيها
الحق حق بجد انا احترمتك جدا بعد المووضوع ياريت كلنا نبقى زيك ويكون الحق حق ولو مين اللى هيزعل
شكرا ليكى ياهولو
د

شكرا لهوللو على اهتمامها وتخصيص جزء من الموضوع للقسم بتاعى وده شرف كبير ليا طبعا ان عضوة مهمة زى هوللو تتكلم عن القسم
الف شكر لهوللو على الموضوع بجد فرحت لما شفت القسم واسمى كمان شئ يفرحنى جدا وصيغة الاحترام جميلة جدا وواضحة فى الكلام
الف شكر لكل اعضاء المنتدى
وربنا يسهل على كل شئ

اولا انتوا مكبرين الموضوع اوي اوي

والي يتعمل من فوق الطربيزه من تحت الطربيزه عاااااااااااادي

لان اساس لحد الان مشفوتش اي حركه ايجابيه لاي حزب من الاحزاب

غير مشاركة الباربي جيرلز لينا ف اللي بيخالف القانون ف موضوع

" كل يوم هنعد مواضيع "

وان شاء الله ف ف حالة تمرد للباد بويز ع الادمن لاتخاذ قرار ما

وشكرا ع الموضوع يا هولو

الاحزاب تتنافس من اجل تحقيق الديمقراطيه
وبعدين صاحبتك اللى اتبعت ليها رساله انها انضمت لحزب محبى مصر من غير ما تعرف
كان ممكن ترفض وتدخل وتقول انا مش معاك فى الحزب وتعمل مشكله
وممكن هى عملت كده انا معرفش لانى مش متابع
المهم لما الهجام يدعو لعضو فى الحزب بتاعك انه ينضم للحزب بتاعه
ده مش شىء مشين او غلط لو انتى واثقه من نفسك ومن حزبك ومدى فعاليته
مش هتكبرى الموضوع كده
اما بالنسبه لقسم سهر للصبح لازم نعذر الاعضاء
عضو قدراته العقليه متقدرش تعمل موضوع او مكبر دماغه او بيكسل
ينقل موضوع من منتدى تانى خلاص القيامه مقامتش
شكرا على موضوعك

اولا شكرا للايجابيه اللي شفتها ف الردود اللي فعلا ماشيه بمبدأ الحق حق

اما بقي بالنسبه لرد العضو sir_mohamed awad فعندي تعقيب لردك ....

انت قلت ....

اقتباس :

الاحزاب تتنافس من اجل تحقيق الديمقراطيه
وبعدين صاحبتك اللى اتبعت ليها رساله انها انضمت لحزب محبى مصر من غير ما تعرف
كان ممكن ترفض وتدخل وتقول انا مش معاك فى الحزب وتعمل مشكله
وممكن هى عملت كده انا معرفش لانى مش متابع
المهم لما الهجام يدعو لعضو فى الحزب بتاعك انه ينضم للحزب بتاعه
ده مش شىء مشين او غلط لو انتى واثقه من نفسك ومن حزبك ومدى فعاليته
مش هتكبرى الموضوع كده
اما بالنسبه لقسم سهر للصبح لازم نعذر الاعضاء
عضو قدراته العقليه متقدرش تعمل موضوع او مكبر دماغه او بيكسل
ينقل موضوع من منتدى تانى خلاص القيامه مقامتش
شكرا على موضوعك

اولا بالنسبه للعضوه اللي جت لها الرساله هي اصلا وقفتني تستفسر مني ع اللي بيحصل ده ولو انت قرات الموضوع كويس اصلا هتعرف اني مقلتش ان اعضاء حزب محبي مصر مجبورين علي ده
انا اتكلمت ع الطريقه فياريت تقرا الموضوع تاني لو وقتك يسمح طبعا

ثانيا بقي الحمد لله واثقه ف حزبي ومدي فاعليته اللي هتشوفوها قريب اوي اوي اوي ومش كلام او صور او شعارات وبس ... لكن لو انت مخدتش بالك بقي ان الموضوع كبير من نفسه .. وانا مش مكبراه ولا حاجه يبقي اسمح لي اقول لك انك كده بتبعد عن مبدأ الحق حق ... يا ريت تبقي تقرا ردود الاعضاء اللي قبلك كويس اوي قبل ما ترد اصلا عشان تعرف ان ده الحق اللي مبيزعلش حد واني مش عشان كتبت موضوع عشان حزب تاني ابقي كده ثقتي ف حزبي مهزوزه او كبرت مواضيع
دي اسمها كلمه حق وتفاعل سليم مش مجرد اني اطبل ورا اي حد وخلاص

اما بقي ثالثا بالنسبه لردك ع سهر للصبح فده قانون ولو انت بتتكلم فعلا عن القدرات العقليه يبقي في اقسام ف المنتدي اعتقد انها تسمح بكتابه او نقل مواضيع من منتدي تاني
لكن احنا مش هنمشي القسم علي مزاجنا لانه قانون واللي مش اد القانون ميكتبش بقي خالص احسن ما يكتب وينحرف عن قانون وضعه الادمن بنفسه .. لو كلنا مشينا بكلمتك بتاعت القيامه مقامتش دي يبقي ع الدنيا السلامه ان شاء الله

شكرا هوللو على موضوعك


و الحق ما بيزعلش حد ....

بجد يا هوللو انت جادعه جدا وأنا احترم صراحتك دى وأهنيكى عليها.
اتمنى مزيد من التقدم للباربى جيرلز اللى انا منهم بس للاسف فشلت اعمل التوقيع المهم ان الموضوع بجد بيحصل ولازم الاعضاء يعرفوا ايه اللى بيحصل.

هو الموضوع بجد
انا اول لما قريته كنت مفكره هزار والله
اللى بيحصل ده سورى فى الكلمه يعنى استهبال .

انا عرفت من اول ما بدأوا موضوع الاحزاب دة
وهى مش هتعدى على خير
بلاش كدة
مش كل حاجة ممكن تكون حلوة تقلبوها سلبية ووحاشة كدة
ربنا يصلح الحال
وبلاش نفقد احترامنا لبعض بسهولة
والكلام عام وللكل واولهم نفسى

فاكرين يا جماعة العضوة كريزي لما حصل بيني وبينها مشاكل بسبب ما تبثه من الفاظ مسيئة وحاجات تصل الى درجة الاباحة
كل الاعضاء اللى كانوا موجودين قالولي سيبك منها لانها مجنونة
واستغربتوا اننا طالبت بطردها
دلوقتي يا هوللو مش لاقي حاجة تعمليها انك تتكلمي عن الاحزاب وان الاخ محمد الهجام بيستغل ال ايه تحكمه فى انه مشرف على القسم العام في عمل حزب المجبين مصر
ما هذا الهراء الذي وصلنا اليها
هل وصلنا ان احنا نتكلم فى موضوع صغير اسمه الاحزاب
يا هوللو الاحزاب في المنتدى مش الاحزاب الميتة زي حزب الوفد وحزب الوطني والاحرار --- الخ
ده احزاب في المنتدى
واخدة بالك يا هوللو فين ؟
في المنتدى
المنتدى مجرد تسلية نشوف اصحابنا وحبايبنا
انا مبدافعش عن الصديق الهجام
انا ياما اختلفت معاه
لو اعدلكم انا اختلفت معاه كام مرة هتستغربوا
لكن عيب انك تلمحي في موضوع عن الهجام لان كلنا فاهمين كويس اوي وانا منهم قصدك على مين
وبعدين بتقولي الحق حق
هو اللى حق حق
هو احنا بناخد حقك في ايه
حق ايه
مش فاهم يعني حق حق
واللى يطق يتفلق )
دي الفاظ تتقال من عضوة في الاول بنت
عيب عليك يا هوللو انك تقولي الكلام ده
مش الكويس كالبنت تقول كلام ده
المنتدى ما هو اللى تجمع بين الاصحاب وافادة واستفادة
ان احنا نوقع بعض علشان احزاب
اقسم بالله انا باخد كلام بهزار
ويمكن الكل يعلم ان اعضاء باد بويز كلهم اصحابي
عمري ما تنقشت معاهم عن الحزب
مجرد باهزر معاهم اقولهم يا باد بويز
صحبتك اللى اتبعت رسالة بالحزب بدل ما تقوليها ان ده مجرد تسلية وتغير الجو
للاسف وقعتي معاها فى نقسش التفكير الغير سليم
الهجام راجل محترم وده اسمه الحق حق
مش الحق حق في الاحزاب
احنا وصلنا الى نفكر بالتفكير ده
انا والله لسه شايف الموضوع واستغربت ان هوللو هى عاملةى الموضوع ده
استغربت ان هوللو بتفكر بتفكير ده
استغربت ان هوللو اللى ملئت الموضوعات هزار في كلامها انها توصل بالدرجة دي الى التفاهة انها تتكلم عن الاحزاب وان الهجام يمارس سلطته
ده كلام فارغ وعيب يا جماعة
الاعضاء بيضحكوا عليك يا هوللو
انا فكرته هزار
نصيحة بلاش تفكر بالاهواء ده وبالحاجات لان بصراحة بتقلل من فكر هوللو عند الاعضاء

حكاية موضوعات منقولة
انا ميهمنيش منقولة ولا غير ان اللى يهمني قيمة الموضوع
نص الموضوع بيقول لي
متزعلش يا هوجو
انت عارف اننا باسميك هوجو سافيز على اسم الرئيس الفنزويلي هوجو شافيز
والمنتدي بيهبط طالما افكارنا وصلت الى الدرجة ان نعمل موضوع عن الاحزاب
لازم نفكر افكارنا

الاحزاب ما هى الا تسلية
كل سنة وانتوا طيبين

نظرا لان فكرة الاحزاب دى فكرتى فانا اسف جدا لعرضها على شلتى اولا وعلى المنتدى ثانية

دى كانت فكرة للتهريج والهزار
لكن الموضوع يبقي بجد ويخلى الاعضاء يبقى بينهم مشاكل واحنا داخلين على عيد لا والف لا

انا غلطان عملت زى (اسف على التعبير) اللى ادى لاطفال علبة كبريت وسابهم لوحدهم وما توقعش انهم ممكن يسيئوا استخدامها

والنتيجة نار تاتى على الاخضر واليابس

محمد وهولو ارجوكم ما ينفعش كده احنا داخلين على عيد وما حدش لازوم يزعل من حد

انا اسف لو كنت اسات التعبير فى حاجة من اللى انا قلتها بس بجد اول ما شفت المواضيع دى ندمت على فكرة الاحزاب دى انا اسف

محمدسميرهجام كتب:

ياجماعة انا مصدوم جدا

هولو احنا فى بينا هزار جامد وانتى عملتى معايا كذا موقف جامد فى علبة الدردشة وكان المفروض ازعل منهم بس خدتهم عادى ومزعلتش منك

لانك كنتى بتهزرى معايا

وعليه انتى ادتينى الضوء الاخضر انى اهزر معاكى ..

قسما بالله لما كنا فى الدردشة وقلت لعضوة معاكى فى الباربى انها تدخل معايا وتسيبك .. قسما بالله كنت بهرج وبغيظك يعنى- بشغلها معاكى -

من باب العشم بس فوجئت انك مشيتى وسبتى الدردشة فقلت ان النت فصل عندك بس مخدتش بالى خالص انك زعلتى

انا كنت بهرج بجد كنت بهرج والمفروض انك عارفة كده لان فيه بنا هزار وعشم

مكنتش واخد بالى انك واخدة حكاية الاحزاب بالجدية دى كلها

ياجماعة احنا بنهرج انتو نسيتو ولا ايه ؟

وفيها ايه يعنى لما ابعت للناس ادعيهم للاشتراك فى الحزب ايه المشكلة

بعتلهم للانضمام فى شبكة منافية للاداب مثلا - واسف جدا ع التشبيه -

ده اسلوب دعاية ميزعلش اى حزب تانى

لان اصحابى فى الكلية مش موجودين فى المنتدى طب اجيب اعضاء منين

الباد بويز شلة وباربى كمان شلة كان طبيعى انى ابعت رسايل خاصة

ايه اللى يضايقك هنا ؟



وبخصوص رسالة التهنئة على دخول الحزب اللى بعتها للعضوة اللى مش فاكر هى مين

اكيد بعتهالها غلط وانا معذور لانى من كم الرسايل اللى بعتها واللى استقبلتها مبقتش عارف انا ببعت لمين بالظبط فالرسالة اكيد اتبعتت غلط او

حصل لخبطة عندى انا فى المعلومات والاسماء ولو كنت لاحظت الغلط وانى بعت رسالة - مبروك على دخولك الحزب -

لواحدة لسه موافقتش انها تدخل معايا الحزب ..

برضه مكنتش هعتذر لانى بدعيها لدخول حزب محبى مصر ومش بدعيها لدخول سفارة اسرائيل

وبعدين لو هى مكنتش موافقة كانت ممكن تبعتلى فى رسالة تقولى مش موافقة - تلفت انتباهى للغلط ع الاقل

وكمان انا مكنتش عارف تحديدا مين الناس اللى فى الباربى لانى مدخلتش قريت الاعضاء المشتركة فى حزب الباربى فكنت ببعت لبنات مشتركة

فى الباربى فعلا وانا والله مكنتش اعرف انهم مشتركين معاكى

بدليل ان نيرمين قالتلى انها مشتركة فى الباربى ومش هينفع تدخل معايا قلتلها طيب عادى وتقدروا تتأكدوا منها كمان

ياجماعة انا ابعد مايكون عن سوء النية والمفروض انكو عارفين كده انتو لسه مش هتعرفونى النهاردة


انا مصدوم يا جماعة بجد

هولو لما انتى مش قابلة هزارى وتقيل على قلبك ليه كنتى بتهزرى معانا فى الاول ؟؟

ومينفعش بأى حال من الاحوال انك تقولى اللى يزعل م الحق يتفلق ويطق ده تجريح واضح

مينفعش لغة الحوار توصل لكده نهائى

وتقريبا الاخت شيرين بتقول عليا سخيف ومش محترم

وألاء بتقول عليا كذاب

وديفل - المفروض انه صاحب اصحابى - بيقول انى مسحت رد ليه

والله ياعم انا لحد الوقتى ما مسحت اى موضوع او رد فى القسم العام كله ده حتى صاحبك الخضر كان قالى امسحله رد ولسه ممسحتوش

ممكن تكون تقصد عمر ادمن المنتدى والمشرف الاساسى ع القسم العام اللى انا شمرفه دلوقتى بشكل مؤقت

وبتقول انى استغليت الفرصة ان الناس مضايقة م الجزاير عشان اضم اعضاء واوحد التوقيع

طب ازاى واسم الموضوع - حزب محبى مصر انشر اى خبر يخص مصر صفحة مصر المتجددة -

هل ياترى كتبت اسم كارهى الجزائر كل الاعاضء يشتموا الجزاير .. اكيد لأ

بس هو موضوع الماتش اللى فارض نفسه على كل حاجة فى مصر تليفزيون وراديو وجرايد ومجلات

فأكيد اغلب الاخبار والصور فى الموضوع هتبقى عن ماتش الجزاير واللى حصل فيه وكذلك التوقيع

واكيد كل ده بمرور وقت قصير هيتغير والحزب هيمارس عمله الطبيعى



حتى البرنس مسلمتش من لسانه .. حتى البرنس

وشارمى بتقول لازم الاعضاء يعرفوا ايه اللى بيحصل ؟؟

هوا انا يا اخت شارمى بعمل مؤامرة للانقلاب على حكم حزب باربى جيرلز لجمهورية منتدى شباب بجد ؟

او مثلا انا شخص خبيث ومجرم حرب لازم كل العضوات يخافوا منه ويحذروا الوقوع فى فخه ؟؟

ايه ده

ايه اللى بيحصل ده

لما انتى يا اخت هولو مش قابلة هزارى قوليلى عشان اعرف ان مفيش عشم وانى بقيت - فجأة - تقيل على قلبك

عشان مجيش بحسن نية اهرج معاكى وبعدها تزعلى من هزارى زى ما حصل

ناقشينى .. انقدينى

انما المسألة توصل لدرجة التجريح فيا والصاق الموضوع كله - بهتانا وزورا - باسم الحق

لا التجريح عمره ما كان قولة حق - وياريت تجريح بسبب حاجة تستحق -

ده شىء مؤسف

احزاب فى المنتدى .. كل حزب فيه اعضاء مش شرط كل عضو فى حزب يكون عدو للعضو فى الحزب التانى

هى احزاب لبنان ولا ايه ؟؟


فكرة بسيطة اساسها شلة رابعة انجلش - اللى بتشرف انى اعرفهم - ماعدا الديفل ده

هى اللى ابتكرت الفكرة الجميلة دى

احزاب معمولة فى الاساس للهزار والتقارب وشغل الوقت وتنشيط المنتدى

ايه اللى خلاكى تخديها بجد اوى كده وتزعلينى عشانها وتخلينى ازعل منك وتزعلى منى

حاجة غير متوقعة نهائى منك او من صحباتك اللى ردوا

بجد انا مصدوم


هولو - شيمو - الاء - سمايل - شيرين

انتو ناس بتردوا على خواطرى وقصايدى وعارفين انى راجل شاعر واحساسى عالى ونقى وصافى النية

مسألتوش نفسكو

ازاى واحد شاعر او احساسه عالى يفكر بخبث ومكر وخسة وخيانة بالطريقة اللى انتو صورتوها دى

ليه مسألتوش نفسكو السؤال ده

انا مستحقش كده خالص وكل الردود دى صعبة اوى عليا

مكنتش اتوقع ان فيه ناس مش بتحبنى كتير كده

شيمو وهولو والاء وشارمى وسمايل وديفل

طالما كل دول مش قابلنى


انا لازم ارحل فى صمت غير مأسوف عليا

يمكن اتابعكو من بعيد بس صدقونى مش هقدر اكتب تانى

واكيد هبلغ عمر بانسحابى وهخليه يعين مشرفين تانيين غيرى

والسير عوض وسنايبر بجد انتو ناس لازم اشكرها انكو فى وسط كل الردود دى مش شتمتونى

قضيت وقت لذيذ معاكو وذكرياتى هنا كلها جميلة برغم اللى حصل النهاردة

صدقونى

هفتقدكم

سلام

بس يا عم الحج هترجع والا اجبلك الاعضاء كلهم قدام بيتك اللى انا معرفش مكانه اساسا
خلي في بيتك يا راجل
وميهمكش نقد حد
تقبل النقد زي العبد لله
ال تمشي ال
هتمشي علشان حاجة ان احنا بنهزر مع بعض
المنتددى هزار وحب واحترام وافادة
خليك
انت حر انت عارف الحريف كويس

the red baron كتب:

انا غلطان عملت زى (اسف على التعبير) اللى ادى لاطفال علبة كبريت وسابهم لوحدهم وما توقعش انهم ممكن يسيئوا استخدامها

اتمنى ان الامور ترجع لنصابها
ويا جماعة لازم نراعي شعور بعض
انا باشوف للاسف مفيش بعض الاعضاء مبيراعوش شعور الغير
اللى بينتقد بيجرح مش بينتقد ولازم يتحكم في اهوائنا
احنا مش داخلين في حرب
مشاكل في حياتنا العامة
مش محتاجين كلنا مشاكل في المنتدى اللى احنا بنريح اعصابنا فيه بنشوف اصحابنا واخواتنا
عاوزين كلنا نضع في اعيننا التوحد ضد الجزائريين وناخد من اللى حصل رسالة ان كلنا نبقي على قلب بعض ونخاف على شعور بعض
اى كلمة بتكتب متكنش بتجرح
احنا اخوات في منتدى محترم