فيما بعد الكلية ...الذكريات لم تصنع بعد .

انا سعيدة جدا انى اكون اول واحدة ترد فالموضوع الرائع دا

بجد بشكرك يا عمر احساسك الجميل اللى دخل قلوبنا

وفعلا المنتدى هو الوسيلة الوحيدة اللى هتخلى الكلية مش ذكرى حلوة عشناها

المنتدى دايما هيعيشنا فى فى نفس جو الكلية

وبجد انا فعلا اتعرفت ع ناس كتيييييييييييييييييييير جدا فالكلية

بس المهم انك تخرج من الكلية بحد يحبك بجد يكفينى شخص واحد صادق الاحساس

يمكن اكون غريبة فى رأيى

بس صدقونى انا حبيت ناس كتير بس طلعت للاسف متستاهلش

المهم يارب يجمعنا المنتدى دايما ع خير

ودايما نقتكر بعض رغم مشاغل الحياة

ياريت منبقاش ذكرى فى المنتدى وفى الكلية كمان يكفينا اننا ندخل نطمن ع بعض

ونعرف اخبار بعض

بعتذر ع اطالتى بس بجد موضوعك جميل يا عمر وتروح وترجع بالسلامة

يااااااااااااااااااااه

بلاش تفكرنى اخيرا هاخلص منكم ههههههههههههههه

بجد والله كلمه اخوات قليله عليكم وكل واحد عارف نفسه بدون الااشاره لحد

وربنا يوفقك فى الرحله وترجع بالسلامه يا عمر

ومنتداك فى ايد امينه ( مين امينه دى ) قصدى فى ايد الباد بويز ربنا يستر

اقتباس :

ومهما مشاكل الحياة خلتنا نبكي ممكن لو بصينا على صورة واحدة هنا أو موضوع كتبنا فيه تعليق من قلبنا تتحول الدموع دي لفرحة وضحكة صافية منورة .

عجبتني أوي الجمله دي .. أجمل ذكريات أكيد هتبقي في الكليه و هنا يا عمر و فعلاً عندك حق في كل اللي إنتا قلته .. ربنا يجمعنا دايماً ع الخير ولا يفرقنا أبداً

بشكرك يا عمر ع الموضوع الرائع جدا ، يمكن تستغرب لما اقولك انى بقيت بتكسف انى اعبر عن زعلى ان الكليه هتنتهى وكل واحد هينشغل بحياته ، لانى كل اما اجيب السيرة دى احس ان الموضوع مش فارق عند الناس بس بجد انا قضيت ف الكلية احلى ايام عمرى بحلوها ومرها ، اتعرفت ع اصحاب من احلى الشخضيات وبقينا اكتر من اخوات لدرجة اننا بقينا حافظين بعض وبنحس ببعض من غير مانتكلم ،كل مكان ف الكليه ليه معايا ذكرى ، وفاكرة كل موقف مر علينا ومقالبنا وهزارنا وضحكنا حتى اوقات زعلنا وبكانا ليها ذكرى محفورة ف عقلى وف قلبى بس برجع واقول ان مهما الدنيا هتفرقنا اكيد لينا منتدانا اللى بمثابة بيتنا كلنا هنتقابل فية وهنسال ع بعض وهنبقى ع تواصل انشاء الله

بشكرك يا عمر انك ساعدتنا نطلع جزء من اللى جوانا

ذكريات جميلة
طبيعى الحياة هتاخدنا الى مكان بعيد
بس يبقي التليفونات والمقابلات تقرب البعيد
الكلية مكان نتجمع فيه
لكن لما تتخرج من الصعب انك تقابل كل اصحابك
ربنا يسهلكم وتتخرجوا
فالشباب لما يتخرجوا هيشوفوا الجيش
والبنات ربنا يسهلها ويلاقوا عرسان
انا عرفت اعضاء كتير ومن الشباب سكوربيون والبارون وبلاك ايجل وفانتوم ومامادو وعيون وسنيبر والزمالكاوى وجيم وعمر والهجام والفتى المنتظر ومحمد عوض وعمر عوض والاستاذ
ومن البنات كتير
فعلا المنتدى عرفنا باصدقاء جمال اوى
واكيد يا عمر سعيد بمعرفتك مهما حصل لانك انسان محترم وده المهم بالنسبة ليا
واللى عرفتهم اخواتى
مهما زعلنا من بعض بس هم اخواتى بجد
شكرا يا عمر

لا

SCORPION كتب:

لا

لا ده ليا انا ؟

اه طبعا لا باعلى صوت

حتى انت بارون بتقولها ليا ؟
مكنش العشم يا بارون

على اد مهو موضوع قيم على اد مهو اثر فيا جامد جدا

مش عارفه هتصدقوني لو قلتلكم اني كل يوم بتخيل اليوم اللي هفارق فيهم اللي بحبهم ومصاحباهم ف سنه رابعه!

والله بتمنى اليوم ده ميجي خالص عليا

مع الالم اكتريه صحابي من رابعه شيمو وهوللو وكوين وكتير

وانا للاسف هعيش على الذكريات ف كل ركن من الكليه
ومعتقدش انه ممكن يحصل اتصال تاني بيني وبينهم عشان اللي هيشتغل واللي واللي
مش حسه ان المنتدى برده هيبقى صله اتصال قويه
انا مدايقه جدا من كل قلبي بسسب الفراق ده
مع ذلك شكرا يا عمر ع الموضوع ...... بس فعلا مش قادره اقول اكتر من كده
الناس دي عمري م حبيت زيهم

انا بقا الكلية دى بالنسبة ليا زى ماتقولو كدة مشوار حياة
الكلية انا قبلت فيها ناس جدعة كتير وناس وحشة كتير بس
انا من وجهة نظرى اننا مش هنزعل من حاجة لان البيحب حد بيحبو على طول يعنى لو بتحب واحد صحبك معاك فى الكلية هتتقبلم لو كل اسبوع مره وممكن تفضلو واصحاب وتتقبلم حتى بعد الكلية
ولكن المشكلة ان مفيش اصحاب بجد عشان كدة خيفين انكم متشفوش بعض تانى انا بصراحة الكلية مش فارقة معايا لانى ليه اتنين اصدقاء حقيقين البثق فيهم بجد وهما جرانى كمان يعنى متفرقش سينا من سونيا مش معنى كدة انى مليش اصحاب فى الكلية انا ليه كتير جدا ولكن صداقة واقت وتعدى بس الكلية بصراحة زادتنى خبرة فى الحياة قابلت فيها شخصيات رجالة هما صحيح قليلين بس موجودين وعرفت النوعيات التانية والحمد لله عرفت اتعامل معاهم وكمان الكلية دى بالنسبة ليا تحدى كبير لانى داخلها بعد مشاكل كبيرة والحمد لله على كل شئ

مش انت لوحدك يا عمر اللي بتفكر في الموضوع ده
انا دايماً بفكر فيه وبزعل أوي لما بفتكر ان احنا مش هانشوف بعض تاني
لكن المنتدى ده يا عمر ان شاء الله هيبقى في قلوبنا بكل اللي فيه وعلى رأسهم انت طبعا يا عمر
ربنا يديم المحبة والود ويكمل السنة دي على خير
ويا رب تتحقق امانينا كلنا ونتخرج

فى البداية احب اشكرك على الاحاسيس الجميلة دى والتى يشعر بها الكثير منا .

كل شخص منا فعلا بيفكر هيعمل اية بعد الكلية ,وكيف يتلاقى مع اصحابة ,وكانت الاجابة سرعان ما تاتى حاملة معها خيبة امل كبيرة ,ولكن مع وجود المنتدى اصبح الامر يسير لابسط الحدود.

اصحاب كتير سالونى انت ممكن تزعل بعد الكلية ما تنتهى ؟
بصراحة كان ردى عليهم بــــــــ لا .وكنت دائما ما اقنع نفسى بان الامر عادى وليست هناك اية صعوبة ,ولكنى سرعان ما كنت اشعر بالشوق والحنين الى كل شخص اعرفه على الرغم من ان فترة الكلية لم تنتهى بعد.


ويحضرنى قول الشاعر:-

ان لم يكن صفو الوداد طبيعة فلا خير فى ود يجىء تكلفا.
ولا خير فى خل يخون خليلة ويلقاة من بعد المودة بالجفى.
وينكر عيشا قد تقادم عهدة وينكر سرا كان بالامس فى خفى.
سلام على الدنيا ان لم يكن بها صديق وفى يصدق الوعد مخلصا.

جميل كلامك يا عمر لانه من قلبك اوى .... كل حرف كتبته انا معاك فيه ... بتمنى كلنا .. بعد الكلية .. نتقابل ولو بشكل شهرى .. نطلع رحلة سوا ... نحضر مناسبات بعض ... نساعد بعض ... لانكو اصحاب جدعة اوى وجميلة اوى بجد

أممممممممممممممممممم أحم أحم
كنت قاعد مع الرجاله اصحابى فى مره عند واحد صاحبنا وكنت انا والاستاذ مقضينها
تصوير، لدرجة ان صاحبنا الى كنا عنده وهو بيحط الغدا كنا بنصوره حتى واحنا بناكل
كنا بنصور ،صورنا كل حاجه . والاقعده كانت جميله جدا.وضحكنا ضحك،خمسه وخميسه الله اكبر


قام ابو خالد قايل للاستاذ خلاص بقه كفايه كده يا جماعه .بس برده فضلت انا والاستاذ نصور
فرد عمر بجمله منستهاش لحد دلوقتى وقال لابو خالد
سيبهم سيبهم انت بعد كده هدور ع الصور دى و هتحب تاخدها ولو هتدفع فلوس

معاك حق يا عمر بس الخوف ان حتى الفلوس متقدرش تخلينا نشوف ونرجع احلى مواقف وزكريات بينا
تسلم ايدك ع الموضوع

الحمدلله الحمدلله الحمدلله

اكيد كل واحد فينا هيكون فى مكانة مرموقة
حلوة مرموقة دى هههههههههههههههههههه واكيد هنفتكر بعض لانها عشرة جميل مع بعض كاخوات مهما كان بينا من خلافات
ربنا يحميكم

freekeko كتب:

أولا حمد الله ع السلامة يا عمر
ثانيا ربنا يسامحك وجعت قلوبنا ... كلنا كنا بنفكر ف الموضوع دا و محدش فينا قادر يتكلم فيه
كل ما أفتكر إن خلاص كلها أقل من شهرين و خلاص أيام الدراسة هتخلص أتصدم ... بقالى 17 سنة
بدرس بس خلاص كده !! أصحابى اللى متعودة أشوفهم دايما و نخرج نتغدى ف أى حتة و نقعد ع الكورنيش
خلاص مش هنقدر نتقابل بنفس الشكل و نقعد سوا !!
كلنا حاسين بكده عشان كده بنحاول دايما نتصور ف كل مكان و أى وقت ... بنحاول نخلق ذكريات تعيش معانا
بشكل شخصى بقى عارفة إن الحياة هتاخدنى بسرعة أوى ... شهرين و5 أيام من دلوقتى هتجوز و أتنقل لبيت جديد و حياة جديدة أنا هشيل مسئولية كبيرة كده ؟؟ لسه مش مستوعبة
قلقانة شوية من التغيير " يظهر إنى طلعت حزب وطنى " بس مش خايفة ... واضح إن الحب إنى بيقتل الخوف
عارفة إنى إن شاء الله هحاول دايما أدخل ع المنتدى و لو بشكل مش منتظم عشان أتطمن على ناس كتير عرفتهم ف
الكلية و اتشرفت بإنى أعرفهم ... ربنا يجمعنا دايما على خير

الف مبروك يا فريكيكو وربنا يتمم على خير
وربنا يوفقك