ايه رايكوا فى عودة الحضرى للاهلى؟؟؟؟

السلام عليكم ورحمة الله وبركاته

طبعاااا معظمنا شااف الحضرى مع مدحت شلبى فى مساء الانوار

والراجل بكى واعترف بغلطه وقال لو رجعت بيا الايام مش هعمل كده ولا هسيب الاهلى وانا بحب الاهلى .........

ومحدش يقول مبادىء لان التسامح من اهم المباىء اللى المفروض نمشى عليها وربنا بيغفر الذنوب والاهلى قبل كده سامح محمد فاروق بعد ماهرب ورجع تانى وهانى سعيد اللى كان على وشك اللعب فى الاهلى هرب منه فى الناشئين وغيرهم

واهم حااااجه صالح سليم ذات نفسه لو كان موجود كان اول واحد هيرجعه الاهلى لانه عطى الاهلى كتير وخد معاه بطولات كتير



اتمنى اعرف رايكوا نفر نفر سواء اهلاوى او زملكاوى فى عودة الحضرى واياكوا حد يدخل الموضوع وما يقولش رايه


بييييييييييييييييييييس

شكرااا لرايك يا ماااااااان

وانا كمان اتمنى عودة الحضرى للاهلى بس فنيا الحضرى قدامه بالكتييير سنتين وهيبطل فالمفروض من مصلحة النادى انهم يجهزوا حارس جديد سواء شريف او احمد عادل او حتى ابو السعود عشان المستفبل

والحضرى يعلنوا انهم سامحوه ويرجع يدخل الاهلى عادى خاااالص زى اى ابن من ابنائه ويعمل مباراة اعتزاله بتى شيرت الاهلى


وبييييييييييييييييييس

انا اهلاوى طبعا

لكن من باع مره يبيع الف مره

وبعدين ازاى هو الوقت بيقول كده وهو لسه منتمى للاسماعيلى يعنى حتى ما اشتراش وقفه الاسماعيلى وجماهيره جمبهم ما رجع وملقاش فرقه تاخده

الخيانه فى الدم لا يمكن تروح ابدا

osama_tgt كتب:

محدش يقدر ينكر ان الحضرى احسن حارس جه فى مصر وافريقيا
بس انا من رأيى ان الاهلى يسامحه بس ما يلعبش للاهلى تانى
ويسيبوا الشباب تكبر وتاخد خبره وتكمل مشوار حراسه مرمى الاهلى
اصل مهما كان الحضرى اخره سنتين لعب ويفلسع
السنتين دول ياخد الخبره فيها الشباب ويكملوا بقى

موضوعك زيك يا اهلاوى
والحدق يفهم

شكرااا لرايك يا حدق

the red baron كتب:

انا اهلاوى طبعا

لكن من باع مره يبيع الف مره

وبعدين ازاى هو الوقت بيقول كده وهو لسه منتمى للاسماعيلى يعنى حتى ما اشتراش وقفه الاسماعيلى وجماهيره جمبهم ما رجع وملقاش فرقه تاخده

الخيانه فى الدم لا يمكن تروح ابدا

شكرا لرايك يا مااااان

بس المسامح كريم بردو حتى لو مش هيرجع يسامحوه

انا مع رجوع الحضرى مليون الميه
الحضرى غلط واعترف بغلطه ولكن
انا مع ادارة الاهلى فى رجعوعه
من عدمه لان الاهلى لايقف على
لعيب ويارب يرجع اومحمود ابو السعود
يكون حارس كويس المهم الاهلى وخلاص
لو الحضرى رجع يبقا عشان الاهلى يبقا كويس
وبس

الفتى المنتظر كتب:

انا مع رجوع الحضرى مليون الميه
الحضرى غلط واعترف بغلطه ولكن
انا مع ادارة الاهلى فى رجعوعه
من عدمه لان الاهلى لايقف على
لعيب ويارب يرجع اومحمود ابو السعود
يكون حارس كويس المهم الاهلى وخلاص
لو الحضرى رجع يبقا عشان الاهلى يبقا كويس
وبس

منور يا معلم

شكرااا لرايك اللى فى الجون اهم حاجه الاهلى وبس

لو عشان الاهلي يبقي انا مع عدم عودة الحضري للاهلي
جه الوقت لحارس جديد , ادينا شوفنا امير واللي حصله
كان كل مايلعب ماتش مايكملوش , لما كان الحضري بيتصاب يعني
وده بسبب ان مكنش فيه جاهزيه للحراس
انما الوقتي بنشوف شريف شويه و احمد عادل شويه وان شاء الله ابو السعود لو جه حارس ممتاز

والحضري فعلا غلط غلطة عمره انه يبيع النادي الاهلي بالرخيص
ولو ع التسامح ,,, اوكي المسامح كريم
بس مايرجعش الاهلي تاني
اللهم الا اذا ممكن ماتش اعتزاله يكون فريقه اي كان هو مين ويكون الاهلي الطرف الاخر من المباراة
يعني مايلعبش مع الاهلي حتي في مباراة اعتزاله
واعتقد ان كون الاهلي يكون طرف في مباراته الاخيره ده هيكون اكبر شرف ليه بعد اللي عمله

واللي عمله الحضري في القناة ده من وجهة نظري ,انه فيه مشاكل بينه وبين الاسماعيلي
وهو شايف ان حراسة مرمي الاهلي غير متزنه
فقال انا لو عملت الشويتين دول هجمع بعض الجمهور وربما الاداره حوليا

ولا عشان انتم دمايطه زيوا بتقفوا معاه

دي وجهة نظري الشخصية واحترم وجهات النظر الاخري

لا ميدو انا دمياطى اقول ان الاهلي يسامحه لكن ميرجعش يلعب للاهلي
لازم الاهلي يطلع من ناشئيه حراس كويسين
وشكرا جد ا للحضري على خدماته اللى عملها للاهلي ويبقي الحضري رمزا من رموز الاهلي
ده راي
شكرا ليك