يا ترى لو جاتلك الفرصة هتوقع على البيان ولا هتخاف ؟...بيان التغيير

لو حصل ووقعت هل هيحصل من التغير حاجة ام يبقي الحال على ما هو عليه
والمتضرر يروح يرمى نفسه فى البحر
هل هيحصل تغييير لو وقعت يا عمر
شكرا يا عمر

مهو المشكلة يا عمر ان الشعب عنده سلبية فظيعة
زمان اوى كان لما حاجة بس بسيطة غلت مثلا فى اى سلعة كان بتتعمل ثورة فظيعة علشان حاجة ارتفعت سعرها
انما الان يا عمر واسف على اللفظ اللى هاقوله ومحدش يزعل مننا
بناخد على قفانا
الحكومة بتدى كل مواطن على قفاه فالاسعار بتغلي ويقولك ان اسعار العالمية غلت وده مش صحيح
القضية كلها ان البلد متسلمة الى 4 مجرمين حرامية بياكلوا قوت الشعب الغلبان فاصبح الناس محبطين واصبح السرقة على عينك يا تاجر يا عمر
انت عارف ايه الحل يا عمر
مش توقيع بس لان التوقيع على البيان الف او الفين او 100 الف مش هيكفى
الحل هى ثورة الشعب والجيش على الفاسدين فى هذا البلد
سعتها هتلاقي تغيير
وان كان ليا عمر هيحصل ثورة كبيرة لان البلد على صفيح ساخن يا عمر
وفى اى لحظة هيكون فى انفجار مش بس مصر لا فى الدول العربية وخاصة لبنان وما يحدث من مناورات مع اسرئيل وصواريخ اللى اتضربت على ايلات واللى بيتهموا مصر اللى عملتها
فالقادم ليس احسن بل الاسوء
وربنا يستر على الشعب المصري الغلبان المطحون فى دول مصر المخروبة
اسف على الاطالة
شكرا يا عمر

انا وقعت من زمان يا عمر
وبالنسبه للناس اللى بتقول هو انا يعنى لو وقعت هيحصل ايه فيه حاجه هاتتغير؟؟
اقولهم ان لو فيه صخره موجوده واحنا قعدنا ننقط عليها بنقط ميه هل هاتتكسر دلوقتى؟؟
طبعا لا مش هتتكسر الا بعد فتره انت متعرفش امتى؟ بس عندك يقين انها هاتتكسر حتى لو مش هاتتكسر فى زمنك يبقى اسمك ساهمت فى تكسيرها بنقطه الميه اللى انت نزلتها عليها

هنخاف من ايه يا عمر
لو الحكومه مش موافقه على البيان ده
مش هتسمح بيه من البدايه ولا ان اى حد ينشره

التغيير اللى عامله البرادعى
الدولة هتعمل كالاتى
يا اما هيتمسك قبل الانتخابات وهيورطوه فى كام قضية زى ايمن نور وبكده يخلصوا منه
او يمسكوا اى حاجة مؤيدين
او حاجة اخرى هيخلوه يترشح قدام الرئيس او جمال مبارك وكده يفوز الرئيس مبارك وبكده يخسر
وسواء ده او ده هيكسب الحزب الوطنى اللى هو الرئيس مبارك او ابنه
وامن الدولة هيشتغل كتير فى الايام الجاية
متقلقش يا عمر امن الدولة شغال مش بيكست وبيجهزوا الموضوع ده من الان وفقا للتعليمات
فانا قلت من الاخر سواء مضيت او ممضيتش
الحال واحد وهيكسب مرشح الحزب الوطنى
البرادعى مجرد ديكور دميقراطية فقط لا غير لكن لن يغير شىء علشان منظر البلد مش اكتر

وفى انتخابات مجلس الشعب هيكسب نواب الوفد وهيكونوا فى مجلس لا يقل عن 15 نائب وفدى فى انتخابات مجلس الشعب
لان فى صفقة بين السيد البدوى رئيس الوفد مع الحكومة
واللى يقول غير كده ميعرفش حاجة خالص

وعلى المتضر ر ان يضرب دماغه فى الحيط

sir_mohamed awad كتب:

هنخاف من ايه يا عمر
لو الحكومه مش موافقه على البيان ده
مش هتسمح بيه من البدايه ولا ان اى حد ينشره

بتهيألك فيه اعتبارات لمكياج الديموقراطية

وفيه كل يوم والثاني خبر للقبض على شباب من اللي بيجمعوا البيان دا وبيوزعوه