هو احنا بنحب ليه ؟

مش عارف ابدأ ازاى ولا اقول ايه

هو احنا بنحب ليه

عشان نتجرح فى الاخر بنحب العذاب

ليه كل حاجه حلوة زى ماحماده هلال قال عمرها قصير

بنحب ليه عشان تحس ان الدنيا سودة لحظة الفراق

بنحب عشان نبطل نثق فى اى حد لما اللى بيبحبك يخونك

بنحب عشان نذل نفسنا بكلمة مفيش كرامة بين اتنين بيحبو بعض

بنحب عشان نلاقى اختيارنا اللى متأكدين ميه فى الميه انه صح وفى الاخر نتصدم

بنحب عشان نمشى فى طريق ووفى الاخر نكتشف انه ملوش نهايه مع انك وصلت لاخر الطريق

بنحب عشان نحس بالامان وفجأة تلاقى نفسك وحيد

بنحب عشان نحلم باجمل انسان وفجأة تصحى تلاقيه ضربك بسكينة

بنحب عشان يبقى الندم صديق والحزن ونيس واليأس طريق

بنحب عشان تفقد قلبك اللى سلمته لحد كنت فاكر انه يستاهله

يعنى ايه انسان يتخلى عن حبه لسبب هايف
يعنى ايه يضحى بيه عشان عند
ايعنى ايه حب عمره كام سنة يضيع فى ثانيه

يعنى مفيش حاجه اسمها حب

حد يقولى احنا بحب ليه ؟؟؟؟؟؟؟

الحب هو هوا جميل بنشمه ولكن لابد ان مشاعرنا لا تندفع اندفاع غير طبيعى لانك ممكن تحب حد مش كويس وبالتالى تصدم فيه
شكرا يا دريم على الموضوع

عمر كتب:

كلمات جامدة وإحساس عالي أوي..بس أنا شايف إن عمر الواحد ما هيتألم الألم دا يا دريم لو أحسن الأختيار , لو أختار الروح مش الشكل ..والروح هنا مش فيلم رعب لأ الروح الطيبة ودي أهم حاجة .

المشكلة ياعمر ان الاختيار صح ومظبوط بس العند بيضيع كل حاجه

شكرا على مرورك وكلماتك الجميلة

professional كتب:

الحب هو هوا جميل بنشمه ولكن لابد ان مشاعرنا لا تندفع اندفاع غير طبيعى لانك ممكن تحب حد مش كويس وبالتالى تصدم فيه
شكرا يا دريم على الموضوع

تمام يالؤى
شكرا على مرورك

ليه كل ده
احنا بنحب عشان عايزين نحب بنحب عشان الحب ده قدر مش بايد اى حد
بنحب عشان قلوبنا هى الى بتختار
بس الى بيحب بجد وحب حقيقى
مش بيعند ولا بيضحى بحبيبه عشان حاجه تافهه
الى بيحب بجد بيتحمل اى حاجه عشان الى بيحبه مهما كانت صعبه
وزى ما بقول محدش عارف الخير فين وبكره فيه ايه