على فكرة بحبك أوى يا ربنا

أنا عارف يا ربنا إنك كبير، كبير أوي، أكبر م البيت ده، ودكان عم سيد كمان، والشارع كله، عشان كده مارضيتش ابعت الجواب ده لجدي بيومي وبعتتهولك انتا، عارف ليه؟

عشان أنا أصلا متدايق من جدي، نفسي تخليه كويس معايا، ومايقعدش دايما يقوللي كل بإيدك اليمين، والبت مني برضه، كل شويه يقوللي ماتكلمهاش تاني، كل شويه... كل شويه، مش عارف بيزعل أوي كده ليه، مني بت حلوه خالص وباباها بيحبني أنا أكتر واحد، بيجيبلي بلالين وشكولاته، وبياخد كمان مني في أيده وهوه رايح أي حته، المره اللي فاتت كانت عامله ضفاير صغيره، كانو رايحين فرح بتاع ناس قرايبهم، جدي بيومي مارضيش يخليني اروح، قاللي انهم مش عازمينا، بس مني قالتلي تعالي.

قاللي كتير اوعي تلعب مع مني عروسة وعريس، ماكنتش عارف يعني إيه، سألت مني. خدتني من إيدي تحت بير السلم، وقالتلي أنا ماكنتش عارفة زيك وسألت مها بنت خالتي، أصلها كبيرة أوي وفى رابعة إبتدائي، مني قالتلي علي كل حاجة، جابت شوية رمل وفرشتهم وقالتلي ده السرير و قلعت فستانها وقالتلي دي المخدة، مني راحت مقلعاني القميص وقالتلي اعمل زي مانا باعمل، حسيت بحاجات حلوه بس كنت خايف احسن جدي بيومي يشوفنا أو أخوها رشاد كمان.
جدي بيومي كان بيحب الفلوس أوي وكان بيخبيها في حتت عجيبة، مره لقيته بارمها رفع الفتلة وحاططها في أزازة فاضية من بتاعة الشربات وحاططها فوق الدولاب، كان بيديني ربع جنية بس كل يوم. وساعات نص، وكمان ماكانش بيرضي يجيبلي الشكولاته اللي انا بحبها، بيقوللي انها بتبوظ السنان، طب ماهي مني بتاكل كل شويه شكولاته.. كل شويه شكولاته وسنانها لسه حلوه، علي فكره جدي بيومي مابيحبنيش، مابيرضاش يديني النص جنيه إلا لما اسمعله لغاية جدول خمسه، بيرفع النص جنيه لفوق وبيحنسني بيه، ولو اتلخبطت زي كل مره عند خمسه في تسعه بيحطه في جيبه تاني، كرهت جدول الضرب وكرهت النص جنيه بتاعه.

أنا عارف يا ربنا انك خدت السنه اللي جايه بابا فووووق فوق أوي، السنه اللي هيه بقالها كتير دي، خدته من زمان، قعد معاك فوق عند النجوم الصغيره، بس مش عارف جدي بيومي بيضحك عليه ولا إيه؟ مره يقوللي انك خدته فوق ومره يعملوا كحك ويروحو يبصو عليه تحت! سألت جدي بيومي هوه بابا فوق ولا تحت، جابلي مصاصه وشربني عصير وقعد يعيط.

مش انتا يا ربنا اللي خلقت كل حاجه، وكمان العربيه الكبيره اللي داست علي بابا وخلته يخر دم، ماخليتوش ياخد باله ليه؟ كان بيحبني وبيطبطب عليه، جدي بيومي بيقوم يجري ورايا بإيد المقشه المكسوره عشان بالعب، بيقوللي ماتتنططش، وانا ماباتنططش، انا بالعب، وعشان كمان عرفت هوه بيخبي الملبس فين، في جيب بالطو قديم متعلق ع الشماعه في الأوضه اللي جوه، وعشان عرفت كمان إنه عايز يتجوز نوال اللي بتيجي كل اسبوع تروقله الشقه وتغسله هدومه وتعملله فته العدس اللي بيحبها، بس مش عارف ليه كل يوم الصبح يجيب ورقة جرنان ويمسح الصورة اللي متعلقه وفيها قرآن، ماكانش بيمسحها قبل كده.

مش عارف ليه جدي بيومي بيزعأ لماما في التليفون، ومش عارف ليه كمان بيشتم عمي فوزي وعمي مصطفي، أنتا عارف أنا بحبك ليه؟ عشان انتا مابتزعأليش، عشان انتا كل حاجه عندك حلوه، زمان بابا دلوقتي قاعد في حته حلوه أوي، لو ماكانتش حلوه كان رجع، مش صح؟ انتا خته عشان كان بيزعل ماما كتير؟ أو خته عشان بتحبني وعايز بابايا انا بس يروح الجنه، مش صح؟ انتا عارف يا ربنا انا رسمتك في كراسة الرسم بس جدي بيومي قاللي دي سمكه، ومره تانيه رسمتك وجدي بيومي قاللي دي عصفوره، خدها علقها علي الحيطه وحط عليها لزق أبيض من اللي يبلزق بيه الفلوس، ومره رسمت بت حلوه جدي بيومي راح مقطعها، أنا بازعل منه ياربنا عشان مابيحبش البنات الحلوين.

هاقوللك علي حاجه ياربنا بس تبقي سر، جدي بيومي بيقعد يزعأ وهوه نايم، وبقه بيقي مطبق، مابفهمش حاجه من كلامه، بيقعد يتفتف وماباعرفش انام في حضنه خالص، لما باقوم أروح الحمام بالليل بالاقيه حاطط بقه في كوباية ميه، بخاف منه أوي وكل ماجي أشد بقي عشان أحطه زيه في الكوبايه مايرضاش يتخلع، وكان كمان بيشيل معاه مشط، ماعرفش كان بيسرح إيه؟ لما كان بيقلع الطاقيه كان بيبقي زلبطه خالص، ماعندوش قصه زي بتاعتي ولا ضفاير زي بتاعة مني، كان كل شويه ياخد من الدوا، التلاجه كان فيها دوا كتير أكتر م الأكل، كان بييجي أبو سيد يديله كل يوم حقنه، بعد الأكل علي طول، ساعات كان بياخدها في الصاله أو في البلكونه، وكل مااعمل حاجه تزعله يقوللي هاجيبلك أبو سيد، مره كسرلي اللعبه بتاعة التليفون، ماكانش حد بيكلمني، كنت برن واكلم نفسي،، بعد كام يوم طلعلي اللعبه اللي كسرهالي من ورا البالطو، ورجعت تاني ألعب بالتليفون أبو سماعة حمرا وجرس فيه أغنية السلامو عليكو، وكان كمان بيخبي الربع جنيه المخروم في ودنه ويروح مطلعه من بقه، ماهي ودنه كانت واسعه وبقه كمان، مره جاب صوره لواحد حلو ورفيع وواقف بمايوه مع اصحابه وقدامه بحر وقاللي إن ده يبقي هوه، كان بيكدب عليه ومرضيتش أقول له كده عشان مايضربنيش بإيد المقشه، مش اللي بيكدب بيروح النار، أومال ماختش جدي بيومي النار ليه؟ دا مره جاب صوره لعريس له قصه وواحده حلوه أوي واقفه جنبه ولابسه عروسه وقاللي إن هوه العريس والعروسه تبقي ستي، كان بيكدب كتير أوي يا ربنا، وماكانش بيحب القطط، كان بيكرههم ماعرفش ليه وهما شكلهم حلو وضهرهم ناعم وعنيهم جميله، أكيد مابيحبهمش عشان هما حلوين وهوه وحش، مابرضاش اقول له كده عشان مايزعلش مني ويخاصمني، بيبقي طيب خالص قبل ماينام بس، بيبقي صوته واطي وكلامه حلو، لكن أول ما يصحي من النوم بيقعد يزعأ، وساعات الصبح كان يبعتني أجيب فول من العربية اللي واقفه عند أول الشارع، كل مره كان يقوللي أقول للراجل يتوصي، وكل مره كان يقوللي الراجل ضحك عليك عشان انتا عيل صغير.

ماعرفش ليه جدي بيومي كان بيوعدني بحاجات كتير ويرجع تاني في كلامه، قاللي قبل كده لو نجحت في كي جي تو هاوديك مسرح العرايس، ولما نجحت قعدني قدام التلفزيون وقاللي إن المسرح زحمه والناس هناك بتدوس علي بعضها، لكن هنا قاعدين في البيت وحاجه حلوه خالص، عايزين شاي نعمل، عايزين كيكه م التلاجه نجيب، أصل في المسرح مافيش تلاجات، جدي كان عارف حاجات كتيره أنا مش عارفها، وكنت ساعات كتير باسمع كلامه، مش كده أبقي انا شاطر؟

مش عارف ليه جدي بيومي كان مابيحبش الواد كريم صاحبي، مره كنت في الحمام وقال له ان أنا مش موجود، كان بيكدب وبيقوللي ماتكدبش، وانا ماكنتش باكدب، أنا كنت باعمل زي مابيعمل، هاتوديني الجنه بقي ولا هاتوديني النار؟

علي فكره أنا بحبك أوي يا ربنا.
- عم يا عم هوه أنهو صندوق بيودي جوابات عند ربنا؟ الازرق ولا الاحمر!!

الله على براءة الاطفال جميلة اوى يا محمد بجد انا كنت مبسوطة اوى وانا بقرا التوبيك ربنا يستجيب لدعاة ويهديلة عم بيومى ويحفظ جدول الضرب تمام وميغلطش علشان ياخد براءة ويجيب الشيكولاتة اللى بيحبها ههههههههه والله صعبان عليا

ربنا يسعدك ويحبك يا محمد

زائر

فعلا الله عليك
موضوع رائع جدا يا جميل
فعلا تستحق التقدير والثناء
فعلا عم بيومى ربنا يهديه
سلامى ليك

أنا حاليا فى حالة كده ... غريبة
مش لاقيه كلام خالص
كلمات المديح بتتضائل قدام اللى عايزه أقولهولك يا محمد
ربنا يوفقك و يكرمك ... و يحبك

انا مستغربة اللى انا قرأته دة لانها حاجة جديدة من نوعها لكن مش مستغربة ان القصة الجميلة دى انت اللى كاتبها

جزاك الله كل خير يا محمد

بجد جميله جداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا يا محمد

روعه مش عارفه أقول لك ايه عشرة علي عشرة

فداء كتب:: الله على براءة الاطفال جميلة اوى يا محمد بجد انا كنت مبسوطة اوى وانا بقرا التوبيك ربنا يستجيب لدعاة ويهديلة عم بيومى ويحفظ جدول الضرب تمام وميغلطش علشان ياخد براءة ويجيب الشيكولاتة اللى بيحبها ههههههههه والله صعبان عليا

ربنا يسعدك ويحبك يا محمد

ويسعدك ويحبك ويوفقك يا فداء .. كل شكرى

جاااااااااااااااااااااااااامده اوى وشدتنى جداااااااااا
بس هو لسه فى اطفال بالبراءه دى ؟؟
ميرسى يا محمد على ابداااااااااااعك
ربنا يوفقك ويحبك على فكرة بحبك أوى يا ربنا 977193

حلوة يا بربر , ومكتوبة بمشاعر صافية على الأخر

رائعه يا بربر شئ متوقع مش كاتب مثلك
شكرا على التوبك الجميل على فكرة بحبك أوى يا ربنا 302692

الحريف كتب:: فعلا الله عليك
موضوع رائع جدا يا جميل
فعلا تستحق التقدير والثناء
فعلا عم بيومى ربنا يهديه
سلامى ليك

بمحبتى

freekeko كتب:: أنا حاليا فى حالة كده ... غريبة
مش لاقيه كلام خالص
كلمات المديح بتتضائل قدام اللى عايزه أقولهولك يا محمد
ربنا يوفقك و يكرمك ... و يحبك

ويسعدك دايما يا فريكيكو

أشكرك

شمس كتب:: انا مستغربة اللى انا قرأته دة لانها حاجة جديدة من نوعها لكن مش مستغربة ان القصة الجميلة دى انت اللى كاتبها

جزاك الله كل خير يا محمد

وجزاكى محبته ورحمته وتوفيقه

stop كتب:: بجد جميله جداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا يا محمد

روعه مش عارفه أقول لك ايه عشرة علي عشرة

وردك أجمل يا ستوب

عمر كتب:: حلوة يا بربر , ومكتوبة بمشاعر صافية على الأخر

فين كتاباتك يا عمر ولا انت عشان ادمن بقى وكدة على فكرة بحبك أوى يا ربنا 661769

ميرسى ليك يا كبيييير

ram كتب:: رائعه يا بربر شئ متوقع مش كاتب مثلك
شكرا على التوبك الجميل

ده احنا غلابة والله

ميرسى يا رام على تشريفك التوبيك

على فكره انا بمدح فيك مش حسد ولا حاجه ههههههههههه

ram كتب:: على فكره انا بمدح فيك مش حسد ولا حاجه ههههههههههه

ربنا يخليكى يا رام ... الناس المحترمة اللى زيك شور مش تعرف امراض القلوب

تقبلى كل التحية

شكرا بربر على التعليق ومازلت بقول انته شخصيه رائعه وكاتب له مستقبل باهر

بجد مش عارفه اقول ايه.......
تحفه تحفه تحفه
ربنا يوفقك يارب

رام :: مودتى

شيمو :: تقديرى

دايما مبدع يابربر ربنا يوفقك وتبقى نجم كده ان شاء الله والانسان الرائع لازم يكتب كلام رائع زيه

سبحان الله كتب:: دايما مبدع يابربر ربنا يوفقك وتبقى نجم كده ان شاء الله والانسان الرائع لازم يكتب كلام رائع زيه

شكرا شكرا

مليوووووووووووووووووووووون شكر

ربنا يخليكى

» شوفو انتقام ربنا من الجزائريين ربنا كبير
» بحبك يارب... بحبك اوى
» سرير خاص للاطفال المشاغبين , فكرة مجنونة !
» فكرة جديدة يا رب تعجبكم ...ادخلوا شاركوني
» حركة لا للتجنيد الإحباري - فكرة عامة