رمضانك أحلي في شباب بجد,واسأل مجرب من رمضان اللي فات

السلاااااااااااااااااااام عليكم
ازيكم ياشباب ؟؟ يارب تكونو بخير ومستعدين لرمضان
و كل سنة وانتم طيبين وبخير يارب ورمضان كريم علينا كلنا

أكيد كلنا متفقين اننا قصرنا في حق منتدانا ده كتيييير أووووووووي وكل واحد كان عنده حاجة شاغلاه عنه ... بس احنا مش هنعاتب ولا هنسأل ليه وحصل ايه ؟؟؟
احنا هننسي كل الكلام ده وهنفكر في النعمة اللي جايه لينا بكرة او بعده ان شاء الله

وهي " شـهـــــــر رمـضـــــــــان "

ياتري استعديتو لرمضان ؟؟؟ ولو استعديتو .. عملتو ايه ؟؟؟
طبعا اقصد بالاستعداد هو الاستعداد النفسي والروحي
انا عن نفسي حطيت هدف أدامي لرمضان السنة دي وهو " ليكن رمضان البداية "
بمعني ايه؟؟؟
كل واحد فينا نفسه يتغير ويبقي أحسن وعنده عادة عاوز يبطلها وحاجه تانيه عاوز يتعلمها ويواظب عليها
طب ما تيجو نعمل كده فعلا ويبقي رمضان هو البداية للتغيير ده والثبات عليه كمان ان شاء الله

طيب يعني ايه المطلوب دلوقتي ؟؟؟ ما هو كل الكلام ده عارفينة

المطلوب اننا في الموضوع ده هنساعد بعض علي التغيير ده وعلي الثبات عليه بإذن الله

إزاااااااااااااااااااااااااااااي؟؟؟؟

يعني حضرتك هتدخل كل يوم أو حسب ما وقتك يسمح تدخل تقولنا انت عملت ايه النهاردة
يعني مثلا......

- تابعت برنامج ولقيت انك استفادت منه ...طب ماتقولنا عليه ونستفيد كلنا وانت تاخد الثواب
-صليت التراويح في مسجد والشيخ صوته حلو وحسيت انك حبيت الصلاة زيادة معاه ... طب ماتدلنا علي المسجد وتكسب فينا ثواب
-نزلت النهارده جمعية رسالة او خير دمياط او اي جمعية وقدرت تساعد حد بوقتك وتعمل خير وحسيت براحة غريبة وانت بتسعد غيرك ...طب ما هو الدال ع الخير كفاعله عرفنا المكان والتجربة بتاعتك وبدل ماتاخد ثواب لوحدك ناخد كلنا
-قرأت النهاردة آية معينة في القرآن وحسيت ان فيها معني جميل وحبيت تشاركنا بيه
- ذكر أو دعاء سمعته وحسيت انه لمس قلبك أوي

وغيره وغيره من عشراااااااااات النعم اللي ربنا بينعم بيها علينا في رمضان

الفكرة ياشباب مش ان كل واحد يقول عمل ايه وخلاص
لا .... الفكرة ان لو حد فينا حس ان عزيمتة فترت في نصف الشهر زي مابيحصل لينا كلنا يلاقي حد يدله علي خير يعلي همته من تاني ويثبته بأمر الله

ياااااااااارب الموضوع يعجبكم وتشاركوني فيه
وربنا يبلغنا رمضان ويقدرنا علي صيامه وقيامة ويرزقنا فيه العتق من النار اللهم آمين