تكلم عن نفسك سياسيا (ارجو التثبيت)

تكلم عن نفسك سياسيا المقصود منها التحدث عن انتماءك السياسى لماذا اختارته واشرحه
وتكلم عن نفسك بتفضل اى سياسه الان فى العالم وما هو الحاكم المفضل ليك حاليا
ابدأ بنفسى
انا بفضل السياسه المتبعه الان فى انجلترا اى الحكم الملكى الدستورى وافضل حياه الملكيه
والديمقراطيه لان مفيش دوله متقدمه الا وبها حريه والدول المحكومه بنظام حكم فردى دوله متخلفه حضاريا
وجدت ان مصر كانت تعيش فى حريه ايام الملكيه انعدمت فى عهد البكباشى ناصر
والتى بدأت فى العوده تدريجيا منذ عهد السادات ولكنها لم تعود مثل ايام الملكيه
تجدنى من اشد منتقدى الحزب الوطنى والحكومه ولكن حين يعيب احد من الدول الاخرى فى مصر
او رئيسها اتضايق لاجله لانه يعيب فى مصر والمصريين
اى سياسه افضلها الان اكيد بريطانيا العظمى
افضل حاكم افضله هو (الملكه اليزابيث الثانيه)
شكرا ليكم منتظر الردود
sir_mohamed awad

محمد منصور كتب:

موضوع ممتاز اخى محمد و تم تثبيته
بالنسبة لى لا ارى اى نظام سياسى حالى او سابق يمكن ان يضمن تطبيقه السلام و الرقى و الرخاء لمصر
فى الحقيقة...يجب علي السياسين الدخول فى نقاس حول ايجاد نظام سياسى جديد يقوم على مبادئ مستقاة من عدى انظمة سياسية تم تجربتها و اتضح فشلها او نجاحها
لذلك
فأذا جمعنا من التجربة الأشتراكية و من التجربة الشيوعية و التجربة اليسارية فى امريكا الجنوبية......و غيرها من النظم مثل النظام الرأسمالى
قد نستطيع فى النهاية ايجاد نظام امثل......و لكن يجب علينا ايضا ان نجعل الدين الأسلامى هو المصدر الوحيد...وليس الرئيسى للتشريع
و فى النهاية....فى اى نظام سياسى عموما
اذا صلحت النوايا و كانت هناك شفافية و عدل و مساواة و قانون...فالنجاح سيكون حليف هذا النظام
ا

شكرا يا منصور على الرد بس اختلف معاك فى نقطه الفكر الاشتراكى المتفرع من الفكر الشيوعى
يتنافى تماما مع الفكر الاسلامى يعنى احنا كمسلمين مينفعش نكون اشتراكيين
ليه ده موضوع لوحده احالو ان شاء الله ان اكتبه فى السياسى

عمر كتب:

موضوع فعلا مميز وفكرة أكثر من رائعة , أنا كاتب إن انتمائي السياسي إسلامي مستقل , بمعنى التشريعات والقوانين لازم تكون مستقاة بشكل رئيسي من الدين الإسلامي , لكن أنا مش تحت لواء مظلة جماعة معينة زي الأخوان مثلاً مع احترامي الشديد ليهم وفرحتي بكل شيء بيعملوه , وتفكيرهم قريب جداً لتفكيري . السياسة عندي زي رقعة الشطرنج لازم اللي يمسك منصب سياسي يكون عارف كل قطعة بتتحرك أزاي , الصحة قطعة والتعليم قطعة والدفاع والأمن الداخلي وإدارة اللعبة الخارجية ..إلخ , في نظري مفيش نظام أنا مقتنع بيه أو واخده كمثل يحتذى بيه , لكن سابقاً ممكن الرسول وكيف حول أمة ترعى الغنم إلى أمة ترعى الأمم في 23 عام , عمرو بن الخطاب في قوته وعدله ورحمته , محمد الفاتح (محمد بن مراد) وذكاء وإمكانيات نادر إنها تتوفر في قائد , محمد علي ( في الدهاء السياسي , لكن بختلف معه في الأهداف) , أنور السادات (أشتغل صح أوي لكن أتغر ومال للأستعراض بعد نصر أكتوبر)

شوف يا عمور انت بتحب الاخوان بس لو لو وصلوا للحكم البلد هتفسد لفكرهم الفاشل
هيعملوا زى ما عمل الضباط الاحرار دخلوا على الشعب حنيه وعطف وخوف على مصالحهم وبعدين
عاشوا فى القصور وركبوا احسن العربيات
شكرا ليك

المشكله يا منصور ان الاشتراكيه ملهاش مزايا وفكره اننا نأخذ من كل تجربه سياسيه المزايا
فكره رائعه لفشل هذه النظم فى القضاء على الفقر
شكرا ليك

محمد منصور كتب:

sir_mohamed awad كتب:

المشكله يا منصور ان الاشتراكيه ملهاش مزايا وفكره اننا نأخذ من كل تجربه سياسيه المزايا
فكره رائعه لفشل هذه النظم فى القضاء على الفقر
شكرا ليك

اخىا لكريم
انا ارى ان الأشتراكية لها العديد من المزايا
مثل القضاء على الأقطاع
طبعا هذه نقظة خلاف كبيرة بينى و بينك .......و لكن الخلاف لا يفسد للود قضية

الاختلاف فى الرأى لايفسد للود قضيه زى ما قولت ولكن الاشتراكيه ليها مزايا من وجهه نظرك
وانا احترم وجهه نظرك كأخ لكن صدقنى الانظمه الاقتصاديه فاشله سواء اشتراكيه او رأسماليه
شكرا ليك

اما بالنسبه لعمر فايد صدقنى الاخوان مش ملائكه وهيعملوا كده ل وصلوا لحكم مصر وده امر مستبعد
ان شاء الله وانا مفضلش ان يحكمنا اصحاب الذقون
شكرا

بالنسبه لعمر فايد الملكيه يا عمر هى الحل
انجلترا مملكه وكانت تحكم العالم
اسبانيا مملكه وحكمت امريكا الجنوبيه
السويد والنرويج والدنمارك ممالك واغنى مننا
متلعبش مع sir_mohamed awad

عمر كتب:

لا يا شيخ , وهما حكموا لأنهم كانوا ملكيين ولا كان عندهم تطور تكنولوجي , وأساطيل غزت العالم . ومتنساش إن ملك فرنسا إندبح , وشكلي هعمل فيك زيه .

والله التطور التكنولوجى وصلوا له من الحريه المتوفره من المناخ الديمقراطى فى الملكيه
وبعدين ملك فرنسا لويس السادس عشر اندبح لانه كان طرطور ساب زوجته الملكه مارى انطوانيت
تتدخل فى الحكم مع الازمه الاقتصاديه التى مرت بها فرنسا فى تلك الفتره الزمنيه
ولما نابليون حكم عمل ايه حولها لامبراطوريه ونودى به وبأسرته اباطره لفرنسا
وبعدين حكم ملكى دستورى افضل من حكم اخوانى جمهورى
لو عايز تتذبحنى you can try

السلام عليكم

انا لست منتميا لاى حزب ولا جماعة الاخوان المسلمين
لاننى ارى ان الاحزاب جميعها لا تخدم كثير من الذين يؤيدونها
وعلى سبيل المثال ارى ان الاخوان المسلمين ليسوا ملائكة فعندهم اناس لا ينتمون للاخوان المسلمين بصلة وللاسف هم يضحكون على الشباب ويزرعون فيهم ان الحكومة كافرة وان قيادة الاخوان هم الاصلح وان من يخرج عن جماعة فهو فاسد وليس متدينا
الاخوان المسلمين ليست دينيا وانما سياسية من الدرجة الاولى
فهناك منهم الفاسد وقليل منهم الصالح
اى جماعة او حزي يؤيد الديمقراطية الحقيقية ويساعد بقدر الامكان على انخفاض الاسعار و كثير من الامور فانا مؤيد ليها لكن اذا كان هناك صراعات وهمية على السلطة وتبادل الاتهامات فانا ارفض ذلك ولا اعتبر نفسى مؤيدا لا من قريب ولا من بعيد
انا الللى يهمنى البنية التحتية لاى مجتمع من ديمقراطية حقيقية وليست وهمية واحترام حقوق الانسان الى اخره
انا اللى يهمنى المواطن البسيط المصرى
يهمنى يكون سعيد يكون مبسوط
يعيش حياة جميلة
يعيش ويكون مرتاح
يعيش وملقيش واحد يبحث فى الزبالة على لقمة عيش علشان ياكلوها
يوميا ارى ذلك وانا ماشى وانا باسمع حكايات كثيرة
لا يهمنى صراعات على السلطة ومين الغلط ومين الصح
انا اللى يهمنى المواطن الكادح الغلبان اللى بيتعب لكى يحصل على قوت يومه
انا لست سياسيا انما يهمنى مصلحة المواطن الغلبان اللى انا منهم
اى حزب او جماعة يحقق هذه المتطلبات فانا اول واحد يؤيدها ويقف بجانبه
شكرا ليك على الموضوع

شكرا ليك يا حريف على ردك وهو رد ايجابى من الدرجه الاولى
بالنسبه لعمر فايد انت تقهقرت بعد ما وجدت انك تستند على ادله ضعيفه امام العبد لله والملكيه
شكرا ليكم

موضوع جميل ورائع $

شكرا ليك يا المارد على ردك الرائع