مظلومة.......... اعمل ايه؟

اولا احب اشكر كل الناس القائمين على المنتدى و خصوصا محمد بربر.

ثانيا الموضوع اللى هكلمكم عنه كان نفسي اكتبه من يوم النتيجه ما ظهرت انا فى رابعة انجليزي والحمدلله انا واحده من عشرات الناس اللى اتظلموا بطريقه مهينه في نتيجة الامتحانات فبعد ليالي طويلة من السهر والتعب وحرقة الدم اللى شفناها فى التيرم الاول افاجأ بانى اقل واحده في اصدقائي مع العلم انى و بشهادة الدكاترة واصدقائي من الناس اللى بتذاكر.

المهم مش ده اللى ضايقني اللى فعلا حسسني بالقهر هو احساس المظلوم اللى مش قادر ياخد حقه فلو قررت اعيد تصحيح ورقي فالدكتور هيستقصدنى و لو كلمت الدكتور برضه هيستقصدنى او هيرد ان اكيد انا اللى غلطانه مع انى حاولت الاربع سنين اللى فاتوا انى اعمل كل حاجه اصحابي بتوع الامتيازات قالولى اعملها.

مذاكرة وذاكرت محاضرات وحضرت كتب و جبت حل وحليت ورقت الاجابة ونظمتها حتى المواد اللى الدكاتره ما شرحوهاش احنا ذاكرناها سوا فى حيث انى انا نزلت واصدقائي الحمدلله طلعوا. والله العظيم انا مش بحقد على حد انا بس نفسي اسال سؤال واحد ليييييييييه.

ليه انا وناس زييى كتير من اللى بيتعبوا نفسهم من اول السنة بيتظلموا الظلم ده فى حين ان فى ناس كتيييير جدا ما بنشوفهومش طول السنة ونفاجأ بانهم من الاوائل.

ومع كل ده مالناش الحق في اننا نقول احنا مظلومين.

انا اسفة لو كنت طولت عليكوا او كنت مملة بس انا بس عايزة رد على اسئلتي علشان انا معدتش قادرة اذاكر زي الاول لاني حاسة انها بقت مسالة حظ وبس.
وكمان انا كتبت الموضوع ده لاني عارفة ان فيه ناس كتير زيي واتمنى انهم يقولولي عملوا ايه.

اولا اهلا بيك يا روبى
انا لؤى (الحريف)
انا رابعة انجليش
انا اتظلمت زيك بالضبط وعلى الفكرة انا مقتنع بكلامك وده اقل كلام ممكن تقوليه
على الفكرة الكلية عبارة عن حظ وقدر مكتوب
وليس معنى ان نتيجتك حاليا وحشة انك فاشلة
لالالالالالالالالالالالالالالالالالالالالالالالالالا
واللله العظيم الكليات بتمشى بالحظ وده حاجة معروفة
وانا حكتلك اللى حصل معايا هتضحك كتير
على الفكرة فى درجات كتيرة مش حلوة فى كتير من المواد
لا تفقدى الامل وحاولى انك تعملى عليك
وانسى صدقينى اوعى تفتكرى النتيجة اعتبرى التيرم التانى منفصل عن التيرم الاول واجتهدى واعبرى المطبات والحواجز اللى تواجهك
واعرفى معلومة ان كلنا بنواجه مطبات ومصاعب ولكن الشاطر اللى يعدى منها على خير
فاالتوفيق ليكى وللجميع
ومتزعليش ربنا اللى رايد هيكون
فاهلا بيك كاخت وصديقة لينا وللقسم انجليش

مساء الخير يا روبى

كل امتنانى لكلماتك الرقيقة واللى اكيد مش نستحقها لكن خلينى اقولك 3 جمل صغيرة جدا استفدتهم فى كليتنا

1/ مش كل من مسك قلم وذاكر يطلع الاول أو حتى يجيب تقدير كويس .. هناك أشياء أخرى

2/ الكلية شهادة وفى عصرنا ده لا تنفع اى شهادة ... يعنى لسه لستة طويلة عريضة من دورات اللغة والكمبيوتر والتنمية والادارة .. علشان خاطر الواحد من المصريين الغلابة زينا يشتغل فى شركة او مكان محترم

3/ لكل انسان نصيب .. وخير نصيب هو القناعة .. والحمد لله فى السراء والضراء احسن كلمة نواجه بيها الدنيا دى ... ولولا السىء ما استمتعنا بالأحسن


روبى .. انا عملت فى يوم تحقيق صحفى عن مشكلة كل الكلية شايفاها

العميد حولنى للتحقيق وهو اللى حقق معايا

يعنى حكم وخصم فى ان واحد .. تخيلى

بس الحمد لله .. هو فين وأنا فين النهاردة ..

روبى .. انا سعيد بمشاركتك وتشريفك لنا فى قسمنا

وربنا يوفقك يارب

محمد منصور كتب:

اولا بارحب بيكى يا روبى فى المنتدى
وانا زميل ليكى فى رابعة انجليش
بالنسبة لاكلامك ده انا مقتنعة بيه جدا و موافق عليه جدا
لكن
لازم تعرفى حاجتين مهمين
االأولى.....ان كل انسان بياخد نصيبه و بس
الثانية.....ان فيه بعض البنات فى دفعتنا (و اكيد انتى تعرفيهم كويس) بيعملوا حاجت تندرج تحت بند (النفاق) لبعض الدكاترة (اللى اكيد كمان تعرفيهم)... و بالتالى دايما بيبقى فيه تمييز ليهم عن باقى الدفعة
و الكلام ده بنشوفه فى مواد زى مواد الدكتور اسلام و حمدى...و شفناه الترم اللى فات مع الدكتور زكى عبد الله
على كل
نصيحتى ليكى انك تعملى اللى عليكى الترم ده....و اهو ترم و يعدى
و مش معنى ان نتيجتك ماكانتش ضمن توقعاتك يبقى انتى فشلتى
لو بصيتى لنتيجة تالتة انجليش هاتعرفى ان نتيجتك كويسة جدا
تحياتى ليكى

كلام خطير جدا

وواقعى

تالته انجليزي
متفكرونيش بتالته انجليزي واللي جرالها
بصي يا بنتي انتي تعملي اللي عليكي وتذاكري وتحضري(ده لو صدفت يعني ولقيت حد جه في ميعاده) احضري وربنا يوفقك ويوفقنا يارب
والله يابنتي انا كان هيجرالي حاجه يوم النتيجه انا لما شفت نتيجه اصحابي مابقتش ادور بقه علي امتياز ولا اي تقدير انا كنت بقول يارب انجح نضيف بس,في حين ناس تانيه ربنا يصلح حالها طبعا بس بصراحه معرفش جابو التقديرات دي منين,مش بقلل منهم والله بس اللي بنشوفو منهم ومن تقديراتهم قبل كده يقول ان دي مش تقديراتهم السنه دي وانه حظ زي مابتقولي
هقولك ايه بس ولا ايه...احنا زيك والله بس هنعمل اللي علينا وربنا مش هيضيع تعبنا ان شاء الله
ربنا معاكي ان شاء الله ومعانا بردو :106:

اهلا بيك يا روبي
موضوعك جاي علي الجرح زي ما بيقولوا لما تسمعي من كل الدكاترة ان تصحيح الامتحانات تم بواسطة معيدين لا عمرهم درسوا المادة ولا يعرفوا عنها حاجة وبدون تواجد نموذج اجابة اتأكدي انك في فصول اداب دمياط ولما تسألي وايه العمل يهزوا دماغهم ويقولولك عليكي وعلي التظلمات"لسان حالهم بيقول ده اللي حصل واخبطي دماغك في اتخنها حيطة" ولما تروحي تدفعي عشة جنيه ونص وتكتبي تظلم وتقولي يارب وتستني وتستني وتستني وفي الاخر لا حس ولا خبر اتأكدي انها كانت غلطة عمرك يوم ماكتبتي في رغباتك اداب دمياط
انا تالتة انجليزي مذبحة القلعة زي ماقال عمر وقياسا علي كلامه وبرده ده اللي قربت اقتنع بيه خدي درس واتوكلي علي الله هتطلعي من الأوائل

بجد يا جماعه انا متشكره جدا على مشاركتكم كلكم وده يشجعنى انى استمر معاكم
انا كنت عارفه ان دى مش مشكلتى لوحدى بس ماتخيلتش المراره اللى كلنا حاسين بيها وعلشان كده انا هفضل احاول ان شاءالله وربنا معايا

محمد منصور كتب:

ا]
لازم تعرفى حاجتين مهمين
االأولى.....ان كل انسان بياخد نصيبه و بس
الثانية.....ان فيه بعض البنات فى دفعتنا (و اكيد انتى تعرفيهم كويس) بيعملوا حاجت تندرج تحت بند (النفاق) لبعض الدكاترة (اللى اكيد كمان تعرفيهم)... و بالتالى دايما بيبقى فيه تمييز ليهم عن باقى الدفعة
و الكلام ده بنشوفه فى مواد زى مواد الدكتور اسلام و حمدى...و شفناه الترم اللى فات مع الدكتور زكى عبد الله
على كل

كلامك منطقى جدا واضف اليه الناس اللى ليهم حد ففى الكنترول يطلعلهم نتيجه رائعه

عمر كتب:

ويجي الناصحين الترم دا يقولوا "حاكم إحنا الترم دا عرفنا اللي بيخدوا دروس وطلعنا عنيهم" , أتراي الفالحيين نجحوا وأدوا تقديرات لبتوع دروس وأحنا اللي بنحضرلهم الي طلع عنينا . حاجة كدا قلة أدب في قلة أدب . لكن أهي سنة وتعدي .

والله ياعمر انا حاسه انهم بيفتكرونا احنا اللى بناخد دروس

الحريف كتب:

لا تفقدى الامل وحاولى انك تعملى عليك
وانسى صدقينى اوعى تفتكرى النتيجة اعتبرى التيرم التانى منفصل عن التيرم الاول واجتهدى واعبرى المطبات والحواجز اللى تواجهك
واعرفى معلومة ان كلنا بنواجه مطبات ومصاعب ولكن الشاطر اللى يعدى منها على خير
فاالتوفيق ليكى وللجميع
ومتزعليش ربنا اللى رايد هيكون
فاهلا بيك كاخت وصديقة لينا وللقسم انجليش

متشكرة يا لؤي ان شاء الله هحاول من تانى

Mohamed Berber كتب:

1/ مش كل من مسك قلم وذاكر يطلع الاول أو حتى يجيب تقدير كويس .. هناك أشياء أخرى

2/ الكلية شهادة وفى عصرنا ده لا تنفع اى شهادة ... يعنى لسه لستة طويلة عريضة من دورات اللغة والكمبيوتر والتنمية والادارة .. علشان خاطر الواحد من المصريين الغلابة زينا يشتغل فى شركة او مكان محترم

3/ لكل انسان نصيب .. وخير نصيب هو القناعة .. والحمد لله فى السراء والضراء احسن كلمة نواجه بيها الدنيا دى ... ولولا السىء ما استمتعنا بالأحسن

متشكرة جدا لكلامك يا محمد وخصوصا انى بحترم رايك جدا. بس هى كل المشكله ان الواحد ممكن يخرج من الكليه محبط ومش عايز يعمل اى حاجه بس ان شاءالله هنفضل نحاول

متشكرة جدا على ردك يا شيماء
و شكرا يا بياتريس بجد جبتى الواقع بس هو السؤال كانوا بيعملوا لينا كليه ليه لما هى هتبقى مجرد فصول لا فيها معامل صوتيات ولا اى نشاطات من اى نوع كانوا شاطرين بس يقولولنا
"انتوا لازم تشكروا محسن جبر اللى كان بيفكر فى كل ابناء دمياط وعملهم الكليه دى"

حسبي الله ونعم الوكيل

ايييييييه الرعب ده يا جماعه
بالراحه علينا شويه

ياعيني
نعمل الي علينا والباقي علي ربنا
وان شاء الله الي ربنا يجيبه خير..
ادعولنا..

متزعليش يا الاء يمكن نصيبكم يبقى احلى مننا ان شاء الله
على الاقل انتوا بقى عندكوا ما يسمى بالكليه و ان شاء الله لما تبقى فى سنه رابعه هتبقى كل حاجه اتظبطت
ما تخافيش

لو قعدت اشكرك يا روبى من هنا لبكرة مش هيكفى
لان بجد انتى فتحت الموضوع الى كلنا كنا بنحاول نصبر نفسنا بان احنا ما نفتكروش او نتكلم فيه
انا مع الكلام الى كل الاعضاء قالوه بلا استثناء لانه كله كلام واقعى وحقيقى ومفيش فيه اى مبالغات
مش هضيف غير ان يكفينى ان الى مزاكرين يوم الامتحان الصبح وكاتبين صفحة ولا صفحتين يتساووا بالناس الى كانوا بيعيوا وبيجيلهم امراض ايام الامتحانات من كتر الضغط والتعب والقلق وهقول حاجة واحدة كمان (حسبى الله ونعم الوكيل) )(ربنا عليه احسن عوض)
اه بالمناسبة انا تالتة انجليزى بردة

متشكره جدا على ردك يا جيرسي واتمنى ان الردود على الموضوع ده تكون ريحتك زى ما ريحتنى لاننا كلنا بنعانى معاناة واحدة
والحمدلله على كل شئ

مش عارفه أقولك ايه
بس (ربنه ينتقم من الظالم)
وعموما كلنا في الهوي سوي
أنا كمان 3 انجليزي
وكويس فعلا ان انت اتكلمتي في الموضوع دا
عموما هي كوسسسسسسسسسسسسسسه

متزعلوش يا جماعه. الواحد تعب و إجتهد وكتب اللي الدكتور قال عليه إنما في حاجه لا يمكن ننكرها إن مفيش دكتور صحح الترم ده. وأنا فـ 3 إنجليزي برضه وكل اللي كتب كتييير جاب تقديييير واللي كتب قليل جاب مقبول .. أصل مش معقول إن لما الدكتور يصحح بعد الحل اللي حليته يديني مقبول أو ض ليييه؟ محلتش حاجه ؟

( إنا لانضيع أجر من أحسن عملا ) صدق الله العظيم
لا تعليق سوى الضمير يا من تحملوا رسالة العلم