واحد ماشى مع خطيبته وأخر انسجام فقالها "عارفة أيه هو الحب وأية الجواز؟"
قالته "لا " قالها: "الحب زى النجوم الجميلة اللى في السماء"
قالتله"طب والجواز؟" قالها:"دى الحفرة اللى واحنا بنبص على النجوم بنقع فيها.."
واحد متجوز وقاعد في البيت وبيبص كتير في عقد الزواج، مراته قالت له: "بتبص
في عقد الزواج ليه يا حبيبي؟" قالها: "مش عارف يا حياتي المأذون كتب فين
تاريخ انتهاء العقد
واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد: تاخد بتاعتي؟؟
واحد قاعد في أمان الله بيقرا الجرنال، وفجأة جت مراته وضربته بغطا الحلة فوق دماغه .. طرااررررخ!!!
الزوج: "فيه ايه يا بنت الحلال؟ ليه كدا؟؟؟"
الزوجه:"ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع،الزوج قاعد في أمان الله يقرا الجرنال، وفجأة جت مراته وضربته بغطا الحلة على راسه !!
الزوج: "خير يابنت الحلال في ايه تاني؟؟"
الزوجه:"حصانك على التليفون
واحده وحشه بتقول لجوزها بكره عيد ميلادى . قالها هنقف دقيقتين حداد
مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟"
مرة واحد قال لصاحبه "عاوز أعمل لمراتي مفاجأة في عيد جوازنا" صاحبه قالوا هتعمل إيه؟" قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد جوازكوا الخمسة وعشرين هتعمل ايه؟" فقالوا "حروح اخدها"
مرة دكتور دخل عنبر فى سرايا المجانين لقى واحد بيخبط دماغة فى الحيطة
سأل الممرضة ماله ده ؟ قالت أصله كان بيحب واحدة ومتجوزهاش ..
دخل العنبر يلي بعده لقي واحد بيضرب نفسه بالشبشب
قالها وده ماله قالتله اصل ده الى اتجوزها ؟؟
منقول للضحك
الإثنين 16 مارس 2009 - 1:10
