الشطرنج

وانت بتلعب الشطرنج

خلّي بالك

ممكن قطعة طوول الوقت جنبك واقفة
فجأة .. ف لحظة واحدة
تصير في أبعد ماكن ع الرقعة

وممكن كمان اللي كنت فاكره حاميك
ف وش الخطر يعرّيك ويخلي بيك
يبيعك بتبن اللي كنت فاكره بتبر شاريك

خلّي بالك

مش كل اللي باين ثابت ومعاند
راسخ بحق
ولا كل واحد قال صاحب ومساند
صديق بحق

ركّز أوي

في اللي وقت احتياجك يجري عليك
من أبعد أراضي سايل دمّه ليك وفاديك

يقفز قصادك
من فين؟ ماتدرى
يهزم عدوّك
يطرد مخاوفك
وف مواعيده يوافيك

ركّز يامان

شوف مين كمان
زي الحصان
عابر حدود المكان والزمان
في العثرة رافعك
وبرعايته شايلك
على ضهره واخدك
لبرّ الأمان

فتّح عيونك

شوف مين معاك
ومين هناك
ولو في البعد
أمله رضاك

وشوف مين عليك
ولو جنبيك
ولا يوفي وعد
ولا يراضيك

وصحصح لروحك

انت الملِك
ماتسيبش حد يهدّدك
ولا أي حاجة تسجنك
أو تقهرك
أو تجبرك على خطوة راجعة تكسرك

أرجع واقول وافكّرك

وانت بتلعب الشطرنج
مين الملِك؟

انت الملِك

:

إنت الملِك

:

وانت بتلعب الشطرنج
انت الملِك

ما شاء الله يا محمد
بجد جميلة اوى وفكرتها حلوة وجديدة
جزاك الله كل خير

جيرسى كتب:: ما شاء الله يا محمد
بجد جميلة اوى وفكرتها حلوة وجديدة
جزاك الله كل خير

ميرسى يا جيرسى

كلماتك مهمة ... ومجاملتك رقيقة

بجد ومن غير مجاملة
فظيعة القصيدة دي وجديدة
ايه الافكار دي ,طب مشتركتش ليه معانا في المسابقة اللي عملها محمد سمير كنت هتاخد مركز اكيييييييد.

الله عليك يا محمد
بجد انت شاعر ممتاز وفائق ربنا يوفقك

مضمونها اكتر من رائع

جزاك الله خير يا محمد

ويارب دايما فى تميز

شكراً يا بربر , قصيدة جميلة ...ورمزية جداً

semsema كتب:: بجد ومن غير مجاملة
فظيعة القصيدة دي وجديدة
ايه الافكار دي ,طب مشتركتش ليه معانا في المسابقة اللي عملها محمد سمير كنت هتاخد مركز اكيييييييد.

ميرسىىىىىىىىىىىىىىىىىىى يا سمسمة

بس انا مش اعرف انافس محمد ... هو صاحبى وافضل منى الشطرنج 928775

» فقط لمحبي الشطرنج المباريات دي هتطلع من دماغكم
» نداء الى لاعبى ولاعبات الشطرنج ... حريفة وحريفات الكلية
» ألحجوا يا ردااااالة فزنا أنا والجنايني والبرلسي بالمراكز الأولى في مسابقة الشطرنج
» شباب بجد ,,, حرية بدون حد ( دورى كرة قدم - معرض فنى - دورى الشطرنج )