ساعة الأرض:يلا بسرعة عايزة اعرف رأيكم هنطفي النور ولا؟!!!!!!!!!

السلام عليكم ورحمة الله وبركاته

مساء الخير يا أحلي شباب ،طبعا اكيد معظمنا سمع عن ساعة كوكب الأرض وهيه الساعه اللي متوقع ان مليار شخص علي مستوي العالم يطفوا فيها الأنوار من الساعة تمانية ونص يعني بعد ربع ساعة بالظبط الي الساعة تسعة ونص في خبر لجريدة الشروق محافظة القاهره والجيزه والاسكندرية هتشارك في الاحتفال بساعة كوكب الأرض ده بالاضافة الي دول كتير علي مستوي العالم

يلا عايزه اعرف راي كل واحد فيكم هتشاركم في الموضوع ده ولا لاء
بمعني اصح
هتقدر تستغني عن النور ساعة ولا سيبك يا عم مش فارقة هيه جت علينا احنا؟
يلا بسرعة

شكرا ليكم يا اجمل اعضاء علي المرور

هاني السعدي
هوللو السكر
مها :"دي ساعة كل سنة يا مها مش ساعة كل يوم"
رام
عمر: ياريت فعلا الفكرة تكون انتشرت السنة الجاية اكتر منكده والناس يكون عندها وعي اكتر من كده
تومورو: جربي تقرأي قصص رعب كتير في الأول مش هتنامي نهائي وبعد كده هتتعودي لما تلاقي العفاريت مش بتطلع في الضلمة وبعد شوية هتعشقي حاجة اسمها الظلاااااااااام.
نمنم: دي يدوب ساعة سنويا وبجد كانت تجربة لذيذة طفينا النور كله وعشنا ساعة علي ضوء الشموع وكانت ساعة لذيذة جدا

مرة تانية نورتوا الموضوع يا جماعة والسنة الجاية باذن الله نطفي النور سوي
اللي تابع مظاهر الاحتفال بساعة الأرض علي القنوات الاخبارية في مختلف دول العالم اكيد حس بأهمية الموضوع حقيقي كان احتفال جميل جدا كفاية احساس انك عندك وعي بالكوكب اللي احنا عايشين عليه.