الحزن هل نستطيع أن نوقفه؟؟؟؟؟؟؟

الحزن
الحزن قلب شب فيه النار
وعلاجه الوحيد الفرار
الفرار من واقع مثار
ولا يمكن دفنه خلف الستار
لأن دفنه يعنى الأنتحار
انتحار قلب زهد الأنوار
نتألم به كأنه مرض جبار
نحزن من أقرباء أو حب مستعار
الحزن قلب يشعر بافتقار
افتقار مشاعر تخلدها الأشعار
ولكن نفتقدها لغضب ل يحلو بالأنتظار
الحزن يتغلغل ويجعلنا فى انهيار
الحزن يأس ينتشرانتشار
ينتشر فى قلوب ذائقه المرار
الحزن يسير دون انتظار
الحزن شمس هربت من النهار
الحزن كلمه واقعها الدمار
الحزن قدر من الأقدار
وهذا قدرنا من مالك البحار


يارب يبقى فى حل فى أن نوقف نبضات الحزن التى تتملك كل انسان فينا بقترحاتكم ممكن نساعد بعض
مش عارفه الموضوع كويس ولا لا بس حسيت انى عوزة اشارك بحاجه ونفسى الاقى حل ليها يارب الموضوع يعجبكم ونلاقى حل مع بعض

رهينه الاحزان

موضوع جميل جدا و كلام معبر جدا
من رائي مافيش حد يقدر يبعد عن الحزن و لكنه ممكن يبحث عن السعاده و ان شاء الله هيتلاقيها لكن مسئله البعد عنه دي صعبه شويه
شكرا على التوبك الجميل ده

متشكرة جدا يا شيرين ويا رام على تعليقكم ومبسوطه ان الموضوع عجبكم
شكرا ليكوا

الموضوع رائع يا رهينة
واسلوبك معبر جدااا
بجد عجبني أوي كلامك
اما بخصوص الحل فأنا بعمل حاجة بسيطة جدا
بأقعد مع أصحابي وأسمع لهم واتكلم معاهم بجد بنسى كل حاجة ممكن تضايقني
أما بقا لما مش بكون معاهم ...............فكلامك يبقا معبر قوي عن حالتي

احساسك جامد جدا لكن هقولك حاجه اضحك للدنيا تضحكلك زى مفيه بكاء فيه ضحك والدنيا دى مسخره لراحة الانسان مش علشان يبكى فيها لكن من اعمالكم سلط عليكم والرسول عليه الصلاه والسلام قال تفائلوا فنا بناديكى واقولك&&& اضحك للدنيا تضحكلك &&& وسيبك من شعارات الحزن واليئس صدقينى والله لا بتفيد ولا اى حاجه ليس إلا انها شعارات محبطه
ارجوكى ابتسمى للحياه فالحياه ليست إلا بضع ثوانى
فلا تنفقيها فى عذاب فتحصديها عذاب

ربما ان الشخص الحزين يكون اكثر هيبه من شخص باسم لكن الاكيد ان الشخص الحزين بيكون اكثر مرضا من الشخص الباسم واقصد بالمرض مرض جسدى وعقلى ونفسى وروحى
لا تدعى الحزن يحتويكى ولكن دعى لنفسك فرصه لاحتواء الحزن

موضوع جميل جدا والكلام احلى
المشكله ان الحزن مهما حاولنا نحصن نفسنا منه هو هيجي هيجي بس وهتستقبليه زي الضيف التقيل على القلب بس حله في اديكي انت بايدك تطرديه او تخليه بس احيانا مش بيبقى بايدك يبقى حله الوحيد ان يجي مكان الحزن فرحه قويه تهزك بجد واكيد كلنا مستنيين ده وربنا يسهل

بصي يا رهينه ...انا مش عايزه اقول لك كلام وخلاص ممكن يمر عليكي مرور الكرام..لا..
انا بس عايزه اوصل لك احساس ممكن يكون جواكي وانتي مش عارفه
جربي كده انك تتحدي الالم واليأس والحزن بأي وسيله..انا مش هقول لك متصرخيش متبكيش متتالميش..لكن هقول لك اعتبري نفسك ف امتحان مع الدنيا وربنا عامله ليكي علشان يختبر قوه ايمانك وصبرك عشان كده انا بقول لك بقلب جااااااااامد طنشي لأقصى درجه..في ناس ممكن تتهمك بالبرود والسلبيه سيبك من كل الكلام ده لانك لو حسيتي بالرضا من نفسك لنفسك كل شيء ف الدنيا هيهون ان شاء الله
وف الاخر انا لا املك غير اني ادعيلك"ربنا بفك كربك ويقويكي على دينك ودنيتك"

بصى يقمر كلنا ملينين هموم واحزان وكلنا منظر على الفاضى لكن تيجى تدخلى جوا كل واحد فينا هتتصدمى باللى جواة لانة غرقااااان فى بحير مالوش نهاية ولا عمرة هيخلص من الاحزان والهموم واظن كل واحد فينا بقا سباح اصيل يعنى ههههههه كل مموجة تحاول تغرقة من الحزن يفوق مها والحمد لله الموجة اللى بعدها علطول وراة وراة لغاية فى الاخر مالموجة تجيب اجلة ويرتاح هههههههه فاحلى حاكة والله انك تفكك من كل حاجة مهما كانت ومن الدنيا نفسها لان كدا كدا محدش واخد منها حاجة وعن نفسى انا بعمل كدة

الحزن شى صعب تحمله لكن الانسان لازم يتغلب على حزنه مينفعش الاستسلام ابدا ليه مهما كان بجد كلمات جميلهومعبرة

جميلة جميلة جميلة

ميرسى يا رهينة على طرحك للموضوع انا من وجهة نظرى ان الحزن والسعاده مكملين لبعض يعنى الحياة ما يكون لها طعم بدون الحزن والسعادة وما تحسى بالسعاده من قلبك الا لما تكون نتيجة لحزن والحزن والسعادة زى الجنة والنار لابد من وجود الاثنين معا وشكررررا وتقبلى مرورى

متشكرة لكل الا دخل وقراء الا كتباها وابدا بتعليقه
متشكرة لكم جميعا بجد

الموضوع اكثر من رائع

شكرا ليكي يا رهينة

dr_khtab كتب:

الموضوع اكثر من رائع

شكرا ليكي يا رهينة

شكـــــــــــــــــــــــــــــــــــــــرا يا دكتــــــــــــــور

الموضوع جميل

الحزن هل نستطيع ان نوقفه ؟؟


للاسف لا لا لا

شكرا

وتقريبا علشان ميكونش ف حزن لازم ميكونش ف حياة..........