خاطرة بعنوان(مش بايدى)

بصراحة كنت مترددة كتير قبل ما اضيف الموضوع ده وكنت محرجة بس اتجرأت وقررت اكتبها
عارفة انها مستواها ضعيف بس كلامها طالع من قلبى علشان كدا قررت اضيفها

[justify]مش بايدى اسكت قلبى
وامنع عقلى يفكر فيك
واغمض عينى المجنونة بيك
حباك انا وحساك
ومن اول يوم شوفتك
صدقنى ملكنى هواك
مش اعجاب ولا وهم
ده حب حقيقى
قلت انسى ومش مهم
والله ولا قدرت حبيبى
نفسى تعرف انى بحبك
انك حياتى ودنيتى
وفى ايدك انت فرحتى
يومى بيبدأ لما اشوفك
وان غبت بكون وياك
بكون بعيدة عنى وعن الناس
طب قولى انت معناه ايه الاحساس
احساس انى ملكك وشارياك
احساس بحزن لو ما شفتش عينيك
جديد عليا اللى انا حساه
احساس غريب لا يمكن انساه
ليك بس حسيته
وجربت كتير انساه
لكن ولا ثانية نسيته
حاسة انى كلى راح منى
راح ليك ولا رجعلى
من حبى فيك بخاف عليك
وبدعى ربى يحميك ويحافظ عليك
صدقنى مش بايدى
لو بايدى كنت انساك واريح قلبى
المشغول بهواك

جميلة يا سمسم المواهب دي كانت فين ويارب اللي مكتوب ليه الكلام ده يحس بيه لانه من قلبك بجد (لو كنت اعلم ماذا يخبئ لي القدر لوضعت قلبي جانبا وصنعت قلبا من حجر )

خاطرة معبرة جدا

وكفاية انها من قلبك بجد

وبلاش تردد تانى

وبالتوفيق دايما ان شاء الله

شكرا ليكى

ميرسى ليكم كتيييييييييييييييييير

جميلة يا ياسمين مش شرط انها تكتب بلغة شعرية جامدة كدة احلى

كل التحية لمن بعثوا الانوار بمشاركتهم