لليوم السادس .. غزة صامدة .. الشعوب ثائرة .. الحكام نيام

لليوم السادس على التوالى ...

فلسطين :
الحصيلة حتى هذه اللحظة حوالى 420 شهيد و أكتر من 2070 جريح فى العملية العسكرية المستمرة
على قطاع غزة منذ ستة أيام
الشعب الفلسطينى كعادته دائما رائد فى الصمود .. الفلسطينيون قالوها " لن نركع أبدا و سنظل
نقاوم حتى آخر قطرة دماء فى آخر طفل من أطفالنا "
طلبت وزارة الصحة كوادر من أطباء العالم العربى لسد النقص فى أعداد الفرق الطبية و لا مجيب
تحية منا للشعب المقاوم فى ظل قرب نفاذ المستلزمات الطبية و الغذائية و الطاقة
تحية للمقاومين الذين أصابوا قاعدة عسكرية اسرائيلية للمرة الأولى و هم يتعرضون للإبادة الجماعية


الشعوب :
ليست الشعوب العربية وحدها , بل شعوب العالم أجمع ثائرة و تطالب حكوماتها بالتحرك الفورى
لإنهاء المذبحة القائمة فى غزة .. شعوب العالم الآن فى الشوارع تطالب بتحركات رسمية


الحكام :
الاجتماع البرلمانى العربى "الاستثنائى " و اجتماع وزراء الخارجية العرب
مجموعة من المسئولين يتحدثون ..... و دمتم


الشعوب العربية الآن لا تعول أبدا على حكامها فقد أثبتوا جميعا أنه لا فائدة ترجى منهم
و لا من اجتماعاتهم .. فبم يفيد الكلام و هناك بشر يقتلون ؟؟
على حسب علمى فإن الحكام يعملون لدى شعوبهم .. و قد قالت الشعوب رأيها وحددت مطالبها
فإلى متى يستمر تجاهل مطالب الشعوب العربية جمعاء؟؟؟؟؟
أنهار الدماء مستمرة على أرض غزة .. فإما تستجيب القيادات السياسية لنا أو نغير نحن هذه القيادات

هذا حال الامة
امل فى الشعوب
شكرا ليك على التوبك الرائع

ربنا معاهم وينصرنهم ان شاء الله

محمد منصور كتب:

موضوع جميل كعادتك دائما
و كما قلت انا فى السابق الأمل يبقى فى الشعوب...و ليس فى الحكام

شكرا يا محمد على تعليقك و عندك حق

و بالنسبة للموضوع فكله كلام .. مش قادرين نعمل أكتر من كده .. ربنا يسامحنا

الحريف كتب:

هذا حال الامة
امل فى الشعوب
شكرا ليك على التوبك الرائع

شكرا ليك انت ع المرور و التعليق

و واضح فعلا ان الكل مقتنع ان الحكام العرب زى قلتهم بالظبط
كلهم على بعض مالهومش أى لازمة

ربنا كبير
وهينصر اهل غزه
مع استمرار التخاذل العربى والصمت العالمى

sir_mohamed awad كتب:

ربنا كبير
وهينصر اهل غزه
مع استمرار التخاذل العربى والصمت العالمى

ياااااااا رب

و أدينا دخلنا فى الأسبوع التانى و العالم لسه متواطئ بالصمت
و المقاومة الفلسطينية أثبتت قوتها و جديتها فى الرد

شكرا على مرورك الكريم

sir_mohamed awad كتب:

ربنا كبير
وهينصر اهل غزه
مع استمرار التخاذل العربى والصمت العالمى

الرب مش هينصرنا يا محمد عوض طول ما أحنا إيدنا في الماية الباردة , وكل اللي بنعمله نمصمص شفايفنا ونقول , ممممم ربنا ينصرهم! .

مايكل شريف كتب:

الرب مش هينصرنا يا محمد عوض طول ما أحنا إيدنا في الماية الباردة , وكل اللي بنعمله نمصمص شفايفنا ونقول , ممممم ربنا ينصرهم! .

معاك جدا يا مايكل

بس احنا كشعوب مفيش فى ايدينا دلوقتى غير:
- الدعم المادى " على قد ما نقدر "
- المقاطعة الاقتصادية لاسرائيل و الدول الداعمة ليها
- الدعاء
- نحسن من نفسنا على مستوى الأفراد عشان يكون لينا وزن
و لحد ما نقدر نعمل أكتر من كده فمفيش فى ايدينا غيره
ادعى يا مايكل و صلى .. كلنا ندعى .. ع الأقل فاحنا بقلوبنا معاهم