محمد بربر هيورث البلد لابنه

نقلا عن مجلة كلمتنا عدد نوفمبر

طموحى أكبر من إنى أورثه لابنى!

للأسف الشديد

وهذا لأنى عايز أبقى رئيس الجمهورية!
إيه؟؟ هـ نورّث البلد لعيالنا كمان؟؟
صعبان عليا ابنى ... مش هـ يبقى عندى حاجة أسيبها له!
صعبان عليا لما يخلص جامعة ويلاقى صاحبه اللى ابوه عنده عيادة يشغله دكتور، واللى ابوه مهندس يمسـّك ابنه المكتب، وحتى اللى ابوه ميكا***ى يمسـّك ابنه الورشة، وإكراما للشهادة الجامعية التى حصل عليها يسميهاله "الورشة الهندسية لهندسة السيارات"!
ييجى الواد يقول لى "يا بابى مش لاقى شغل" ... أقول له "طب اعمل لك إيه؟؟"
ييجى يتقدم لواحدة ويعوز مليون جنيه يتجوّز بيهم ويقول لى "يا بابا اتصرف!!"
أقول له "يابنى أنا موظف!! انت فكرك يعنى رئيس الجمهورية ده بـ ياخد كام؟؟"
أرجع يوم بدرى وألاقيه لامم العيال صحابه حوالين كرسى الحكم وبـ يلعبوا عسكر وحرامية!! وألاقى ابنى قاعد عالكرسى بتاعى اللى بـ احكم من عليه البلد وصحابه اللى عاملين فى اللعبة عساكر بـ يقولوا له "تحت أمرك يا فندم"!! أسأله بحسن نية "إيه يا حبيبى انت مع العسكر؟؟" يفاجئنى "لا يا بابى أنا كبير الحرامية!!"
أقول له "طب يالا كفاية لعب وروح شوف مذاكرتك"
يقول لى "أذاكر ليه؟؟ الميس الناظرة قالت لى إنى نجحت خلاص!!!"

آخده معايا الحزب، يقوم شبطان فى الكرسى الكبير ويقعد عليه وراسه وألف سيف إنه مش نازل ... قال إيه عايز يطلع زى بابى!! أقول له "كخ يا بابا، كخ يا حبيبى، الحاجة دى مش بتاعتنا وهـ نرجعها لصحابها!"
يسألنى "هو مش إحنا صحابها يا بابى؟؟"
أقول له "لأ يا حبيى، دى أمانة عندنا ولازم نحافظ عليها"
يسألنى "امال مين صحابها؟؟"
أقول له "الشعب يا حبيبى"
يروح العفريت يحكى لأمه وهى قاعدة فى البلكونة بـ تعمل "بلوفر تريكو" علشان برد الشتاء، تمصمص شفايفها وهى تلعن القدر اللى خلاها توافق تتجوزنى وترفض الشاب الكسيب اللى كان عنده كام عربية جداد مشغلهم تكاسى تبع مشروع تاكسى العاصمة، وتقول له "معلش يا حبيبى... بكرة ربنا يتوب علينا من شغلانة الرياسة دى بعد ما فترة بابى تنتهى ويا رب يكرّموه ويشغلوه مدير بنك!!"

ييجى رئيس أمريكا يزورنى، ويقول لى "مستر بربرإهنا آيزيين موور ديموكراسى"... أدب صوابعى فى عينيه وأقول له "والله يا خواجة انت ليك عندنا إيه؟؟ سلاحنا بتاعنا، وقمحنا بتاعنا، وكاشاتنا فى جيبنا ومش عايزين حاجة من حد!"
وبعدين أرجع افتكر الواد ابنى، فألم الدور وأقول له "بس والله يا مستر الواد كان مقدم على فيزا للدراسة فى أمريكا والسفارة رفضت ... فلو ممكن يعنى تكلم لنا وزير الخارجية بتاعكم يعمل معانا واجب يبقى كتر خيرك!!"

يرجع الواد يوم البيت معيّط، أسأله "مالك؟؟"
يقول لى إنه سمع نكتة بـ تشتم فيا ... أقول له "ما تزعلش ..."
يقول "بس كده؟؟ انت لازم تحبس الناس دول يا بابى ... لازم تعلمهم الأدب!"
أقول له "ما أقدرش ... الناس دول أنا بـ اشتغل عندهم وهمّ اللى بـ يدفعوا مرتبى، يعنى لو همّ زعلانين منى لازم أشوف أنا غلطان فى إيه وأرضيهم يا حبيبى!"
ينظر لى وهو فى قمة الإحباط وخيبة الأمل "بابا ... أنا كنت فاكر إن انت لما تبقى رئيس هـ تبقى أقوى واحد فى البلد!"
أقول له والدموع فى عينى "يا حبيبى الناس اللى فاهمين كده دول غلطانين ... أنا علشان رئيس، الراجل اللى بـ يكنس الشارع لو قال لى إنه مش مبسوط من حاجة فى البلد لازم أقول له تحت أمرك يا فندم!!"

"يا حبيبى الناس اللى فاهمين كده دول غلطانين ... أنا علشان رئيس، الراجل اللى بـ يكنس الشارع لو قال لى إنه مش مبسوط من حاجة فى البلد لازم أقول له تحت أمرك يا فندم!!"

هههههههههههههههههههههههههههههههههه
حلوة يا سيادة الريس
محمد بربر هيورث البلد لابنه 79964

جميلة المقالة يا محمد

مشكووووووور كالعادة مقال جيد

مقال جميل يا بربر , والناحية الأبداعية عندك عالية جدا . محمد بربر هيورث البلد لابنه 279639

freekeko كتب:: "يا حبيبى الناس اللى فاهمين كده دول غلطانين ... أنا علشان رئيس، الراجل اللى بـ يكنس الشارع لو قال لى إنه مش مبسوط من حاجة فى البلد لازم أقول له تحت أمرك يا فندم!!"

هههههههههههههههههههههههههههههههههه
حلوة يا سيادة الريس

فريكيكو .... أشكرك يا فندم

محمدسميرهجام كتب:: جميلة المقالة يا محمد

انت اجمل طبعا

stop كتب:: مشكووووووور كالعادة مقال جيد

خالص شكرى وامنياتى

عمر كتب:: مقال جميل يا بربر , والناحية الأبداعية عندك عالية جدا .

ربنا يخليك يا عمر .... محمد بربر هيورث البلد لابنه 376922

مقالة جميلة جداا
الي مزيد من التالق والابداع

semsema كتب:: مقالة جميلة جداا
الي مزيد من التالق والابداع

ميرسى .. ربنا يخليكى

زائر

أنت ناقل المقال دا منين وجاي كتبهولنا هنا محمد بربر هيورث البلد لابنه 508106

Crazy كتب:: أنت ناقل المقال دا منين وجاي كتبهولنا هنا

عدد نو فمبر مجلة كلمتنا .. هتلاقى الموضوع ده وتحته اسم محمد بربر .. عرفتى بقى انا نقله منين

اما عن انا كتبه لمين .. فكتبه للى بيحبوا يقروا لى محمد بربر هيورث البلد لابنه 928775

احيك على المقال بربر

ديما مستنين منك الجديد

صحفى متميز وابداعك متالق الى الامام دائما يا محمد محمد بربر هيورث البلد لابنه 928775

ram كتب:: احيك على المقال بربر

ديما مستنين منك الجديد

ربنا يخليكى

مودتى

توبيك جميل يباشا

للامام دائما

ربنا يخليك يا احمد

سعيد بتوقيعك

المقال جااااااااااااااااااااامد جدا جدا جدا و.............
اتمنى ان الريس العظييييييييييم!!!! يقرا المقالة دى
واتمنى ايضا انك ما تتمسكش على انك بتدعو للانقلاب

متقلقش يا مستر ايزت .. انا والله العظيم بحب الريس وبحب البلد وبحب منيييييييير

على بركة الله محمد بربر هيورث البلد لابنه 928775

مقال جميل جداااااااا يا محمد

بالتوفيق دايما ان شاء الله

شكرا لك يا عمر

تسلم ايدك على الرد

شمس كتب:: مقال جميل جداااااااا يا محمد

بالتوفيق دايما ان شاء الله

شمس

أشكرك جدا على ردك واسعدنى ردك

كالعادة متألق طبعا
واحنا راضيين بك رئيس جمهورية محمد بربر هيورث البلد لابنه 928775

» محمد سمير هجام و محمد بربر .. وجها لوجه
» ضحكات طه الباكية بقلم محمد بربر
» مبروك للصحفي المحترم محمد بربر
» محمد بربر على صفحات مجلة أكتوبر
» محمد بربر يكتب ... ( صرخات مكتومة )