ما هو سبب دخولك كلية اداب ؟ ارجو التثبيت

اتمنى دخول طلاب اداب ويقولو ايه السبب فى دخول كلية اداب يا ترى بسبب رغبته ولا بسبب المجموع قليل ولا انها قريبه وايضا سبب اختياره لقسمه

يارب الموضوع يعجبكوا وارجو تثبيته

هبدا بنفسى انا دخلتها لانها سهله وهتعدى السنه فى سنتها وكمان بعد ضياع حلم كلية الهندسه
وكمان كانت رغبتى لانى مبحبش كلية الشعب اقصد كلية التجاره

فكره جميله يامستر اهلاوي،والله اناكان نفسي ادخل كليه فنون جميله ولمامانفعش حبيت تبقي كليه الأداب امابقي بالنسبه للقسم فكان نفسي جدا ادخل اعلام والحمدلله دخلت قسم اعلام لان بحب المجال ده. وشكرا علي الموضوع.

انا كانت امنيتي من زمان(اداب انجلش) او عموما اي حاجه انجلش بس لقيت ان اقوي انجلش ف اداب بالرغم ان مجموعي عاي وصل انه يدخلني فنون جميله ف المنصوره بس للاسف ادبست هنا ولاني بعشق الانجلش

انا كان امنية حياتي اني ادخل كلية السن لاني بحب الانجليزي والفرنساوي اوي وعشان كنت في اللغات فكنت عايشة الدور هههههههه ولما المجموع ماجبش السن قلت مالهاش لازمة اتغرب لحاجة تانية انا مش حباها فلقيت اداب انسب كلية ليا في دمياط ودخلت قسم اعلام وكبرت للانجليزي ده واهو الحمدالله لاقية ميولي فيه
موضوع جامد مستر اهلاوي

انا مدخلش كلية خارج دمياط مهما كانت ايه
انا كنت عاوز ادخل كلية تربية قسم انجليش وللاسف مجاش مجموعى فعرفت ان فى كلية الاداب فعرفت انها قريبة من بيتى وفرحت جدا لما دخلت قسم انجليش

الحمد لله
شكرا ليك

red
انا دخلت كلية الاداب برغبتى الحمد لله
بس بجد انا اتعرضت لضغط كبير من كل الناس كلهم كانوا مستغربين انى كنت علمى وبعدين ادخل اداب
بس انا بجد كنت مقررة من تالتة ثانوى ومصممة على قرارى على الرغم ان مجموعى الحمد لله كان مش وحش اوى كنت ممكن ادخل كليات علمية كتير بس انا اتعقدت وصممت على اداب علشانها كمان قريبة جنب البيت
واخترت قسم اعلام لانه فيه اختلاف والدراسة ممتعة وشيقة الى حد كبير على عكس بقية الاقسام فى الكلية

شكرا

شكرا ليك مستر اهلاوى ع الموضوع
اما انا بقى دخلت كليه اداب لانى كنت عايزه ادخلهامن الاول وكان قدامى ادخل كليات تانيه بس انا موفقتش ولما دخلتها كان نفسى ادخل قسم اعلام وقبلت ف اعلام بس حولت ودخلت اجتماع عشان صحابى ولغايه دلوقتى ندمانه ع الاختيار ده لانى ملقتش فيهم الصحاب الحقيقين يعنى ضيعت حلمى من ايدى عشانهم بس برجع واقول قدر الله وما شاء فعل يمكن يكون الخير ف القسم ده
معلش بقى طولت عليكوا
سلااااااام

شكرا على مروركم يا جماعة

اول ما دخلت ثانوى قلت ادخل افتصاد وعلوم سياسيه
بعد مجموع تانيه ثانوى الفكره تلاشت تماما من دماغى قلت بعدها ادخل كليه الشرطه او الحربيه بس
الحاج رفض وبعدها قلت تجاره بورسعيد بلدى ومش هتغرب وهعيش هناك مرتاح
وقفت على درجه علشان ادخلها ودخلت كليه الاداب وفوجئت بجمالها اول يوم
اختيارى لقسمى راجع لحبى الشديد للتاريخ
شكرا ليك على الموضوع

شكرا ليكم على التثبيت بس انتى ما جاوبتش يا هجام

انا بصراحة كان نفسي ادخل هندسة
ولما الحلم ضاع في تانية ثانوي
قولت خلاص ادخل اما تجارة او تربية يكونوا قريبين مني هنا في دمياط الجديدة
لكن ماما مرضتش وصممت جدا جدا
علي اداب قسم اعلام
علشان نغير يعني وبالفعل دخلت اداب اعلام
والحمد لله علي كل حال واكيد في خير لية
وبجد الموضوع جميل جداااااااااااااااا
تسلم ايدك

انا كنت علمى اساسا كان نفسى ادخل صيدله جدااا او اعلام بس المجموع مجبش لادى ولا دى فقلت يا هدخل اداب يا تجاره لانى بحب الرياضيات جداا فكتبت اول رغبه اداب والتانيه تجاره والتالته حقوق بس لحسن الحظ جتلى اداب وكنت ناويه انى لو موفقوش انى ادخل اعلام هقدم كليه خاصه بس سبحان الله جالى اداب وقبلونى اعلام

شكرا ليكى يا نور العين ويا بنوته على المرور

شكرا ليكى يا هولو

قصتك تحفه يا هولو

مشكور مستر اهلاوى ع التوبيك وباختصار دخولى كلية اداب دمياط كان غريب جدااااااا بالنسبه ليا . ظهرت النتيجه و كنت متفق علي أني هادخل أداب القاهره قسم تاريخ و كنت مرتب شقه بتاعه تاجر شغال معانا كان وعدني بيها والحياه كانت جميله و ورديه ولكن بقي عند كتابه الرغبات اتقيت حاجه تانيه خالص تصور ان ابويا ماشاني من البيت وقالي روح اخرج في حته الوقتي المهم رحت لعبت و جيت اتلقيتهم كاتبين كليه الأداب بدمياط أول حاجه و بعدها الأداب بدمياط انتساب موجه و رسوا كل الكليات و سابوا اخر خانه فاضيه عشان أكتب فيها رغبتي هي دي الديمقراطيه . كل ده عشان ماسبش المصلحه و أمشي .

أما بقي القسم فكنت جايب 47في التاريخ فكنت برده متفق أني هخش قسم تاريخ وبعد ما كتبت رغبتي . قام أحد الدكاتره بالاتصال لأبي لكي أدخل قسم انجلش و بالفعل غيرت القسم .
والحمد لله" عسي أن تحبوا شيئا وهو كره لكم ,وعسي أن تكرهوا شيئا وهو خيرا لكم"

اولا موضوع جديد وحلو
ثانيا سبب دخولى الكلية
هما سببين
الاول المجموع انا كنت علمى رياضة
ثانى سبب ليه اختارتها عن باقى الكليات الادبية
لان انا بحب الادب الانجليزى وبحب ادرسه واعرف اكتر عن اللغة الانجليزية
بس الموضوع حلو شكرااا كتير

اولا موضوع جديد وحلو
ثانيا سبب دخولى الكلية
هما سببين
الاول المجموع انا كنت علمى رياضة
ثانى سبب ليه اختارتها عن باقى الكليات الادبية
لان انا بحب الادب الانجليزى وبحب ادرسه واعرف اكتر عن اللغة الانجليزية
بس الموضوع حلو شكرااا كتير