بركان غضب بقلم الحريف

عدى النهار زى القدر
ما يفوت علي الحوانيت
لمي شعورك يا جميلة وعددي الحواديت
لما نشوف زهر الشباب
مترصصة ف توابيت
وف كل دار اصبح شهيد
عم الدمار عم الخطر
أطفال كتيرة بتتحصد
زي السنابل في الغيطان
طلقات بارود زي المطر
تحصد دموع الفرح
في عيون الصبايا والعيال
والليل يعدي والنهار
يبكي علي بكره اللي جاي
يفرد شراع الموت
وف كل دار
طلقات شرار
تنزل علي صدر العجوز
اللي بدا يزحف علي عكاز
والليل طويل من عام 48
والكل شاهد ع الحصار
والكل ساخط ع القرار
اللي رسم نجمة داوود وسط العرب
ثورة حجارة اتفجرت
بركان غضب
ثاير على دم الشهيد
اللي اندبح وسط الميدان
حالفين ليخدوا ألف تار
ألفين قرار اتكسروا والحق ضاع
والغرب سايب ل مريكان
تلعب بأرواح البشر
عايزين يدوسوا ع العرب
أحرار في غزة والجليل
ثوار في يافا والخليل
حالفين نزود
زي الاسود
حتي تعود القدس
ف ايدين العرب .

عندنا فى المنتدى شاعرين جامدين جدااااا
الحريف والهجام
القصيدة بجد روعة يا حريف

بجد جميلة اوووي
اسلوبك حلو في الكتابة والكلامات كمان جميلة
الي الامام حريف

جزاك الله خيرا يا حريف

مش بطال

عمر كتب:

شكراً جداً يا حريف على أسلوبك الرائع , بتكتب زي عبد الرحمن الأبنودي , لدرجة أني خيق دي تكون قصيدة ليه , بس أرجع وأقول لنفسي برده لؤي دا حريييييييييف

شكرا يا عمر يا جميل على المرو ر الكريم

yoyo6691 كتب:

عندنا فى المنتدى شاعرين جامدين جدااااا
الحريف والهجام
القصيدة بجد روعة يا حريف

ربنا يخليك
كلك ذوق
تحياتى ليم
ونورتى الموضوع

شمس كتب:

عمر كتب:

شكراً جداً يا حريف على أسلوبك الرائع , بتكتب زي عبد الرحمن الأبنودي , لدرجة أني خيق دي تكون قصيدة ليه , بس أرجع وأقول لنفسي برده لؤي دا حريييييييييف

بجد والله عمرك أطول من عمرى أنا أول ما قرأتها وقبل ما أشوف ردك حسيت ان هو متاثر عبد الرحمن الأبنودى وأيضا ليه قصيدة تانية متأثر فيها بأحمد فؤاد نجم وطبعا دول أدباء نشهد لهم بالعظمة وطبعا أنا فخورة ان فى المنتدى بتعنا حد بيكتب بجمال الناس دى
ابالتوفيق دايما يا حريف

شكرا ليك يا شاعرة على كلامك الرائع
تحياتى

Crazy كتب:

مش بطال

Crazy كتب:

مش بطال

سالم مجاهد كتب:

جزاك الله خيرا يا حريف

شكرا يا سالم على المرور

semsema كتب:

بجد جميلة اوووي
اسلوبك حلو في الكتابة والكلامات كمان جميلة
الي الامام حريف

شكرا يا سمسمة على المرور