بنت من البلد دي .....

بسم الله الرحمن الرحيم

لاني بنت زي كل بنت حبيت اوجه كلامي لبنات البلد دي عشان نكون بنات بجد بنات تنفع بلدها بنات تحترم ذاتها بنات نفجر بكونهم بنات البلد دي

اولا * انا حزينه لاني اكتشفت ان شعار معظم الشباب الان (بنات الناس لعبه واختي مكتوب عليها ممنوع الاقتراب ) .

في الحقيقه في شباب وللاسف بتعتبر الحب تسليه كلمات معسوله ينجرف ورائها سيل من مشاعر بنات لا يقال عنهن الا انهن صغيرات العقول والمشكله هنا اننا مش بنعرف نحدد مين فيهم غلط البنت اللي صدقت حبه ولا الولد اللي اعتبر الحب لعبه شعور جميل يشعر بيه كل ما يخدع واحده ويضيفها لقائمه المخدوعين .

ثانيا * عايزه اقول ان لومي مش موجه للشباب فقط لا للبنات ايضا تصوروا ان الحب دلوقتي وصل لحاله لا يمكن التعبير عنها الحب بقا الكتروني الحب اللي هو اسمي المشاعر الانسانيه اللي هو اساس اي علاقه شرعيه ناجحه بقا الكتروني ومصدقين بجد انه حب يا حسرتاه

بنات جعلت قلبها معبر لكل مخادع يدهسه بكل قسوه ثم يتركه يتوجع الما يصرخ بدون جدوي .

والنتيجه * بنت تدخل مرحله جديده (حياة زوجيه ) بقلب متهالك متمزق وغالبا تفقد الثقه باقرب الاشخاص لها زوجها وده بسبب خوفها من تكرار الخداع .

وولد تعود قلبه علي الحب الكاذب تعود ان يكون خائن وغالبا تكون النهايه زواج فاشل بدون حب بدون مشاعر .

اسمحوا لي اقدم نصيحه مع اني اقل من اني انصح ناس عاقلين واعيين شباب بجد .... للبنات * تريثي كثيرا وفكري بعقلانيه حتي لو لسه مراهقه متامنيش لحد بسرعه ف الاغلب بيكون بيسلي يتمني يضيفك لقائمه محبوبينه مش كلهم كده بالعكس ف كتير محترمين شباب بجد .

للشباب * فكر ولو للحظه انها اخت لك تعامل معها ف نطاق من الدين والتقاليد واعلم ان الله شاهد عليم بما تخفي القلوب ان كان خيرا او شر .

اوف النهايه احب اقول اني عمري ما عرفت ايه هو الحب لكن سمعت قصص كتير من ناس جربته سواء قصص نجحت او زي اللي بحكي عنها .

اتمني انكوا تقولوا لي رايكم في موضوعي واللي يرفض كلامي ياريت يفهمني وجهه نظره . ده اول موضوع ليا ورايكوا يهمني كتي: ر :27

موضوعك رائع بجد سلمت يداكى وكل كلامك مظبووووووط

ميرسي جدا ليكي يا هدير وعلي فكره انا قرات اغنيتك امبارح وعجبتني اوي وشكرا لانك كنتي اول حد رد عليا

ميرسى ليكى يا قمر

مش كل شباب بيتسلوا
فى شباب بيحبوا بجد
وفى شباب كويسين وفى شباب وحشين

شكرا ليكى على الموضوع الجميل
اهلا بيكى

ميرسي ليك جدا
وانا متاكده ان ف كتير كويسين
لكن موضوعي بيخاطب قله ليست قليله من الشباب


شكرا عالرد وجزاك الله كل خير

كلام جميل

ميرسي حور العين وجزاك الله كل خير

كلامك صح 100%
بس مش كل الشباب ومش كل البنات؟؟
والى يزعل بجد
لما الواحد يلاقى بن اخده الحب ده هوايه؟؟
وكل يوم مع واحد شكل؟

عندك حق يا دارك وميرسي لمرورك جدا

ميرسي جدا يا سكوربيون علي مرورك اللي شرف الموضوع .....وبجد كلامك صح 100%

ميرسي يا عمر علي التثبيت وكمان علي وجهه نظرك في الموضوع بجد النت اكيد مش كافي علشان نبني علي

اساسه حياه ومستقبل ومصير................نورت الموضوع

اولا ..اسعدني مرورك يا شمس

ثانيا ...الموضوع بيناقش الخداع علي المستويين سواء كان في الواقع او في النت

انتي عندك حق اللي بيخدع عالنت بيخدع في الواقع .....

بس طبعا عالنت بيكون اسهل ....نسبه نجاح الموضوع ده قليله جدا ...ومعظمها بيؤل للفشل ..وده غالبا بيكون بسبب انعدام او قله الثقه بين الطرفين ...نظرا لطريقه تعارفهم

ولان كل مكان فيه الابيض والاسود ...الصح والغلط .ممكن نشوف علاقات من عالنت نجحت واستمرت والعكس في الواقع

الموضوع بيكون نسبي زي ما قولتي ....

وفي الاخر اللي ربنا عايزه هيكون ...

توبيك جميل جدا يا ميستري دي مشكلة ف عصرنا فعلا النت والشات والعلاقات اللي عليه مش عيب ان الواحد يضيف ناس بس اشخاص محترمة اقاربه مثلا ناس محل ثقة او زمايله ف ناس بتدخل المجال ده للحب والتسلية فقط الحب عالنت ف نجح وفي فشل ناس اصحاب ماما اولادهم اتجوزوا بنات عن طريق الشات ومن محافظات تانية كان وسيلة وتم بالفعل الزواج والحياة بينهم ماشاء الله سعيدة بس بتتفاوت النسب دائما جيل المراهقين للأسف بأي كلمة لبنت تصدقها وتعيش الوهم بيها وده غلط المفروض تتأني وتتاكد من الشخص المناسب والطريقة المناسبة اللي مفروض ترتبط بيها الانسان رقيب نفسه الولد والبنت فالحالة دي بيكونو غلطانين بيعيشوا نفسهم بوهم كبير الولد بيحب يجرب ويبقي عنده كذا بنت عالايميل يخدع دي ويحب دي انسان نرجسي والبنت غلطانة هبلة وساذجة وبتصدق الغلط من الطرفين صدقيني هتقولي الولد اكتر هقولك لو مفيش بنت تكلمه وتديه فرصة اكيد مش هيعمل حاجة معاها

اسفة للإطالة ............... بيس

اطاله مين بس .....

كلامك صح يا نرمين .....هي تفاوت واختلاف نسبي بين البشر وبعضهم

اسعدني مرورك وردك .....