قانون "الحذف بعد ثلاثة أيام من عدم الرد" سيتم تطبيقه

اولا كل سنة وانتم طيبين
ثانيا القانون ده انت شايفه كده يا عمر فده ليك حرية
انا عن نفسي باقعد على النت قليل اوى وبالتالي باكون على المنتدى قليل
اتمنى ان اللى بيشوف الموضوعات وعجبه يرد لان ده مجهود واحد عمل الموضوع او نقله لان مش بينقل لمجرد النقل انما عجبه الموضوع فنقله الى هذا المنتدى
انا ضيف فى منتداك قضيت فى منتداك يا عمر ايام جميلة وايام من الخلافات وحاولت ان اراعى ربنا فى كل عضو او عضوة فى التعاملات بينى وبين الاعضاء
حاولت اننا مظلمش حد
حاولت اعامل الاعضاء معاملة طيبة
لم اسيء الى اى عضو من الاعضاء
تعاملت مع كل عضو اللى يتكلم بكلام وحش بطريقة شديدة شوية
قضيت فى المنتدى من 1-11-2008 لحد الان ايام كويسة ومعقولة
وفي المنتدى ذكريات لسه لحد الان فاكرها
عرفت مين العضو اللى يحبنى ومن العضو اللى بيكرهنى
عرفت ان بعض اصدقائي من الشباب يستاهل اتعامل معاه وفى اصدقاء ميستهلوش الكلام معاهم وهم عارفين نفسه
كل واحد اتكلم عليا سواء فى السر او فى المنتدى بكلام وحش ربنا يسامحه ولازم يعرف ان كما تدين تدان
حاولت ان اثري المنتدى بالموضوعات على قدر الاستطاع
الاعضاء اللى بيقولوا عليا ااننا بانقل
باقولهم ان النقل مش عيب
المهم هل الموضوع يستاهل ولالا
هل له قيمة ولا مجرد كلام فى الهوا
فحاولت لما اكتب اكتب موضوعات يفيدكم
ولما كنت بانقل مكنتش اى موضوع وخلاص بل العكس كان قدامى منتديات كتير جدا وموضوعات كتيرة جدا ممكن فى المنتدى تلاقي اكتر من 40 موضوع فى كل منتدى
كان ممكن انقل اى موضوع وخلاص
لكن حاولت انقل موضوعات الجميلة والحمد لله اغلبيتها عجب الاعضاء بشكل كبير

والخلافات زى توابل المنتدى على راى العضوة هوللو وطبعا مش قصدها بتوابل الا التريقة عليا لكن باقولها ربنا يسامحك ويسامح كل واحد قال عليا كلام فيه تريقة وانا نفسي مبردتش على حد بيكلم عنى كلام وحش

الايام دى ممكن ادخل المنتدى قليل جدا وهناك ايام مش ادخل المنتدى والبركة في الاعضاء واتمنى انكم تستمر فى اثراء المنتدى بموضوعاتكم وبردودكم
بلاش تضيعوا مجهود عضو يجبلكم موضوع
بلاش تجاملوا بعض كونوا حقيا فى الرد على الموضوعات اللى تستاهل مش علشان كاتب \ة الموضوع
فى النهاية باشكرك يا عمر على منتداك انت بتعمل مجهود كويس ورائع تستحق الاشادة
صحيح انا اختلفت معاك كتير بس ياريت متزعلش انت عارف ان نيتى خير واننا باعزك كاخ وصديق المحترم وحاول تصبر فى حياتك لانك هتلاقي كتير من الحريف ينغشك هههههههههههههههه بس الحريف اللى هو انا هو اللى يعزك ويحترمك كاخ وصديق بجد
وباشكرك قبل ما انهى على تعينك ليا كمشرف فى بداية المنتدى رغم انك مكنتش اتعرفت عليا كويس انك تعطي ليا اشراف على قسمين الاسلامى وضحك للصبح فده شىء جميل عمرى فى حياتى انساه
فربنا يوفقك ويكرمك وتطلع من الجيش ومتدخلوش وان شاء الله اشوفك عريس جميل وجنبك حبيبة قلبي
ربنا يوفقكم يا اجمل اعضاء
وان شاء الله اطمئن عليكم كل فترة
وادعولى
وشكرا

اقتباس :

قضيت فى المنتدى من 1-11-2008 لحد الان ايام كويسة ومعقولة

أومال أيه 01/04/2009

جزاك الله خيراً ودمتم بخير حال

T-Bag كتب:

اقتباس :

قضيت فى المنتدى من 1-11-2008 لحد الان ايام كويسة ومعقولة

أومال أيه 01/04/2009

روح اشرب اللبن كويس واعمل اسنانك علشان تروح المدرسة
ولو مفيش اللبن اجبلك لو انت عاوز

القانون دا طبعا كويس جدا وهيحفذ الاعضاء انهم يجتهدوا في عمل مواضيع شيقة عشان تجذب الناس

وتخلي الناس تعلق عليها وميكونش مصيرها الحذف

بس انا عندي اقتراح بسيط ممكن تعملو زي فكرة هالك اللي في قسم فيديوهات بتاعت تجميع الفيديوهات التي لم

يتم التفاعل معاها في موضوع واحد وبجد هية فكرة كويسة اوي

وممكن تطبيقها علي الموضوعات اللي محدش اتفاعل معاها وتجميعها في

موضوع يتسمي الارشيف مثلا او اي اسم تحبوه يكون موجود في كل الاقسام ويكون خاص بالموضوعات

التي لم يتم التعليق فيها

بجد ياجماعة حرام فعلا لما ناس تتعب في مواضيع وبعدين تتحذف ثم ان كمان بالنسبة لموضوع الرسايل دا

ممكن لو العضو صاحب الموضوع جديد او مالوش ناس يعرفها عالمنتدي ممكن انه يتحرج يبعت رسايل او يخاف يتكبس ومحدش يعبره!!!!!!!!!!!!


أحلي سلاااااااااااااااااااااااااااااااااااام

وانا معاكى يا بنت دمياط فى قراره
وياريت يا جماعة نقرء الموضوعات فى المنتدى ونشوف الموضوع اللى يستحق ونرد عليه لان بجد باشوف موضوعات كويسة جدا ومفيش رد عليها
احنا كده بنطفش الاعضاء اللى بيكتبوا فى المنتدى
فياريت ان نكون حقيا ونرد على الموضوعات التى تستحق فعلا بدون اهواء