لو قابلت السيد مسئول.....في الشارع تقوله ايه

السلام عليكم يا أحلي أعضاء في أحلي منتدي

كل سنة وانتو طيبين وبألف خير وهنا وسعادة أولا

ثانيا..احنا طبعا واحنا ماشيين نتمختر فالشارع بنقابل ناس كتيرة نعرفها وبنسلم عليها وناخدها بالأحضان بالأحضان بالأحضان

بس ياتري فيوم فكرنا او اتمنينا نقابل في الشارع ناس طيبين وغاليين وكتاكيت ومؤثرين جدا في حياتنا
اللي هما المسئولين ..يعني الناس الكبيرة المحترمة اللي بنحبهم جدااااااااااااااا

طب لو قابلت حد منهم هتقولو ايه؟؟؟؟؟؟؟ وهيبقي شعورك ايه ؟؟؟؟؟؟؟؟وهل لو في ايدك تقدم ليه تظلم او توجه ليه نقد أو حتي تلفت انتباهه لشيء

هتتشجع وتكون ايجابي ولا هتطبق سياسة الأنامالية(أنا مالي)

المايك معاكم اهوا اتفضلو وجهوا كلمتكم للسيد المسئول اللي تتمنوا تقابلوه

أي كلمة تحسوا انكم عايزين تقولوها قولوها (كلمة شكر..كلمة عتاب..دعوة فالصميم..وردة جميلة(تقريبا)..آية قرآنية ..حكمة...........اي حاجة المهم حاجة تعبر عنكم)

ارجو من الجميع التفاعل والمشاركة بس بشكل حونين شوية عشان بس عايزين نقضي العيد فالبيت مش ورا الشمس
وانتو عارفين زمان الجو هناك حر اوي

والسلام ختام وكل عام وانتم بخير

هاقوله
فكر
فكر مره ان انت اللى تحت مش اللى فوق
قبل ما تبقى تحت التراب وتطلع لربك فوق
قوم ...........اتحرك........... فوق
وفكر

-----------------------------------

موضوع جميل يا بنت دمياط
تسلم ايدك

HULK كتب:

هاقوله
فكر
فكر مره ان انت اللى تحت مش اللى فوق
قبل ما تبقى تحت التراب وتطلع لربك فوق
قوم ...........اتحرك........... فوق
وفكر

-----------------------------------

موضوع جميل يا بنت دمياط
تسلم ايدك

كلام من دهب يا هالك ياريت بس يتفهم معناه..أصل الناس دي بتهيالها انهم ملايكة ومبياخدوش أي كلام علي انو ليهم
أشكرك هالك جدا لتشريفك موضوعي

hitman كتب:

بالــــــــــــــــــــــــــــــجزمة و هلـــــــــــــــــــــــــــــــم علـــــــــــــــــــيــــــــــــــــــــــــه النــــــــــــــــــــاس (حــــــــــــــرااااااااااااااااااامــــــــــي ) وهــــــــــطلـــــــــــع فـــــــــــيـــــــــه غــــــــــــــل السنــــــــــــــــن
هههههههههههههههههههههههههههههههه

و هقولـــــــــــــــــه (كـــــــــلــهــا يــومــيـن و هــتاخــــد شـــلوت و هيـــــجي واحـــد مكـــانــك - اتــقي الله بـقـى-)

هههههههههههههههههههههه شكرا هيت مان لردك الجريء بس ياتري هل نقدر نعمل كدا فعلا؟؟؟؟؟؟؟؟
أشكرك لتشريفك موضوعي

عمر كتب:

في الحالة دي مش هتبقى سياسة "الأناملية" لكن سياسة مش دا اللي ألجألوا ...دا طبعاً لو كان واحد معروف عنه فساد أو خلافه ...لكن لو راجل مشهور بالصلاح ألجألوا وأقدمله طلبي مفيش مشاكل لأن دي شغلته مش بيمن عليا ..إنما لو واحد من أياهم مش هقف وأديله خطب ومواعظ لأن النوعيات دي جلدها ميت !

طب ايه ولا حتي نحاول..مهو بالشكل دا لو هندور عالناس الصالحة بس عشان نتعامل معاها..يبقي هنفضل طول عمرنا ندور وبس

عموما أكيد الأمل فينا احنا ..دم جديد..عقل جديد..بس يارب تتاح لينا الفرصة
أشكرك عمر لتشريفك موضوعي

Noor كتب:

قليل لمل تلاقي مسئول كبير في مصر عنده ضمير

بس لو قابلته على العموم هساله سؤال واحد بس محيرني

هو انت جنسيتك ايه ؟؟؟؟؟؟

شكرا ليكي ع الموضوع

تصدقي سؤال فالصميم بجد
أموت وأشوف شكل المسئول ساعتها وياتري هيجاوب بايه
ميرسي نور لمرورك الكريم

the red baron كتب:

هاسيبه وامشى من الناحيه التانيه


موضوع جميل يا بنوته

يامفتري بقا دا اللي ربنا قدرك عليه

وبعدين افرض الشارع ناحية واحدة ومالوش ناحية تانية
ها هتعمل ايه ساعتها

Hollo كتب:

هقول له ... حسبي الله ونعم الوكيل فيك يا فخري

هههههههههههههه مين فخري دا يا تري
شكرا هولو حبيبة قلبي لتشريفك موضوعي

SCORPION كتب:

هقوله ((إزيك يا فندم أنا مواطن و بحبك جداً ))



موضوع كوووووول يا بنوته .. يارب أبات في بيتنا النهرده

يا سلااااااااااااااام والله انتا رجل والرجال قليل

هوة دا الاحترام اللي اتربينا عليه يا جماعة
أمانة يا سكورب لما تشوف المسئول توصله سلامي وتاخده بالأحضان بالأحضان بالأحضان

شمس كتب:

ارحـــمـــــوا من فى الأرض يرحـــمــكم من فى الســمــــــاء ..

أبلغ القول بجد
أشكرك شمس بجد لمرورك الجميل