خيوط العنكبوت

خيوط العنكبوت
-----------
رساله بلا عنوان
-----------

لا اعلم اين ذهبت رجاحه عقلى وانا اخط تلك السطور اليك
فأنا اعلم علم اليقين انها لن تجدى نفعا
اولا كيف حالك....سؤال سخيف اليس كذلك؟؟
اتمنى ان تكونى بأفضل حال وان تكونى حيث يحسبك الجميع فى الجنه ان شاء الله.

كم اشتاق اليك فأنا احبك ..احبك كثيرا ها انا ذا اقولها صريحه, أتتذكرين عندما كنت اخجل
ان اقولها لكى وكنتى انتى تعرضيين بوجهك عنى وتمتنعيين عن مخاطبتى كنت حينها احوم كالمجنون حولك
احاول إرضائك بأى طريقه . أتتذكريين كم من مره كنت اقوم ف الليل من نومى فقط كى اتحسس
انفاسك بيدى واقبلك كم كنت اشعر بالراحه والاطمئنان حينها كانت حقا ايام جميله يا امى
يااااااه
كم اشتقت لنطق تلك الكلمه البسيطه
امى ذهبت اليوم الى تلك الشقه القديمه التى كنت تقطنيين فيها انتى وابى رحمكما الله
فتحت الابواب وكانت خيوط العنكبوت معلقه فى جميع الحجرات تماما كالذكريات وجدتك تاركه بضعا من الكتب والاشياء كان من ضمنها شهادات تقدير كانت لى ,كنتى تحتفظيين بها جميعها رأيتها
وسرت فى جسدى تلك القشعريره التى كنت اظن انها ستسرى فى جسدى الى الابد
كانت جميعها مرتبه ومجمعه ومكتوب فوقها ابنى الحبيب خالد
اغرورقت عيناى بالدموع فحينها تذكرتك ,عندما كنتى تربتى بيدك على وتمسح اصابعك خصلات شعرى تذكرتك بحضنك الحنون الذى كان يمثل الى دفىء العالم وجمال الكون وتذكرت ايضا حينما كنت اهرول كل يوم عائدا الى المنزل فقط كى ارى وجهك الباسم الذى كان يدخل فى نفسى السرور والبهجه ,وعندما كنت اكون جليسا ف الفراش من شده المرض وكنتى تجلسيين بجوارى طيله الليل تتحسسين بيدك جبهتى الساخنه وتحاولين التخفيف عنى بل كنتى تتمنيين ان تكونى انتى مكانى كنت انام واصحو اجدك مازلتى بجوارى لا تمليين ابدا من تفقدى

امى انا اسف حقا اسف اننى تعمدت ان انسى كل تلك الذكريات واقتلعها كما اقتلع الان خيوط العنكبوت المعلقه الى الجدران .اردت ان انساكى فانتى كنتى منبع الحياه الى وانت تعلميين ان من يفقد الحياه يذهب الى الموت لذا كنت اريد ان انساكى وانسى اننى فقدت الحياه .كنت اعلم انها ايام ومضت ولم اكن لأريد ان اظل محبوسا فى صندوق الذكريات المرير فسامحينى يا امى فأنا اعلم انك ستسامحيننى لا محاله فأنتى كنتى دوما تسامحينى.

امى هذه السطور ليست اسفا على رحيلك فأنا مؤمن تماما بقضاء الله وقدره
ولكن كان لابد من ان تكتب تلك الكلمات على الاوراق كى تمحى من الصدور
امى اعلم ان تلك الكلمات لن تصلك لذلك سأحتفظ بها داخل ثنايا قلبى وعقلى لعلى القاك قريبا
واسردها عليكى ونجلس سويا نتضاحك عليها كما كنا نفعل فى الماضى

المرسل\ابنك
المرسل اليه\امى الحبيبه
العنوان\الجنه ان شاء الله

عجزت كلماتى عن التعليق ع تلك الخاطرة التى تشعر انت بها

ولاكن لن تعجز عينى عن البكاء حقا انها الحياة المريرة التى تعيشها وهى اكبر كذبة واكبر جرح

اللهم اجمعنا باحبائنا ف الجنه ياااااااااااااااااااااااارب

ياااااااااااااااااااااااااااااااااااااااااااااااااااااه بتفكرنى بنفس الشعور لما بدخل شقه جدى الله يرحمه .

ربنا يرحمهم يارب و يسكنهم فسيح جناته

اول حاجه حصلت لما قريت الخاطرة دلوقتي هي حالة من البكاء الغريب لدرجة اني مكنتش هكتب رد!
بكاء ع الحال اللي بتوصفه وتخيل كل كلمة كتبتها .....وع ناس كتير كانو في حياتي ومش باقي منهم غير بعض متعلقات او حكايات
معنديش كلام اكتر من ..ربنا يرحم امواتنا واموات المسلمين اجمعين وربنا يوفقك.

يا الله يا رحيم ارحم موتانا اجمعين

ياااااااااااااااااااااااااااااه ماقدرش اوصف اد ايه الحاله اللي اصابتني بجد لما قريت الكلام ده ومش هاقدر غير اني اطلب رحمة ربنا ليهم ولموتني المسلمين يا رب العالمين

اللهم اغفر لهم وارحمهم وادخلهم فسيح جناتك يا رب العالمين

والله مانا عارفة اقول ايه واي كلام هقوله او اكتبه مش هيترجم اللي انا حاسة بيه

عشان كدا انا مش هتكلم عن الخاطرة دي من جانبها الانساني لأن بجد الموضوع صعب أوي عليا

لكن هتكلم عنها من جانبها الأدبي بجد الكلام رائع جدا والجمل مصاغة بشكل دقيق جدا وجذاب

وبرغم من الحالة الوجدانية الحزينة اللي غالبة علي الخاطرة بس بجد فيها عنصر تشويق وامتاع وترجمة

لمشاعر صادقة بجد وطالعة من القلب عشان كدا وصلت للقلب..لقلب كل اللي قرأها واللي لسة هيقرأها

أحيك ياهالك

تمام

شعور ما يتوصفش

بس كلام بيوصل للقلب

هو ده خالد اللى اعرفه

كل مننا عنده نفس الحاله

بس قليل لما بنكتب

مفيش كلام يتقال

يااااااااااااااااااااااه .. ربنا يجمعك معاها في الجنه يااااا رب يا خالد.

آه يا أمي .. الواحد مبيعرفش قيمه أمه مهما حصل إلا لما يفقدها و عمره ما يقدر يوفيها حقها أبداً .. يا نبع الحنان .. يا حضن مليان أمان

بجد كلام جااااااامد و ما زلت بقول إنك توربيني و بجد دماغك عاليه جدااااً خيوط العنكبوت 632484

point of view كتب:: عجزت كلماتى عن التعليق ع تلك الخاطرة التى تشعر انت بها

ولاكن لن تعجز عينى عن البكاء حقا انها الحياة المريرة التى تعيشها وهى اكبر كذبة واكبر جرح

اللهم اجمعنا باحبائنا ف الجنه ياااااااااااااااااااااااارب

شكرا بوينت على القراءه وربنا يصلح حالك وحالنا وحال جميع المسلميين يارب
وربنا يجمعنا بكا احبائنا ف الجنه ان شاء الله
واسف على اى دموع ممكن تكون اتسببتلك الخاطره فيها

thesniper كتب:: ياااااااااااااااااااااااااااااااااااااااااااااااااااااه بتفكرنى بنفس الشعور لما بدخل شقه جدى الله يرحمه .

ربنا يرحمهم يارب و يسكنهم فسيح جناته

فعلا يا اخويا هو هو نفس الشعور حتى لما تلاقى الشخص ده كان كاتب كلمه مثلا ف ظهر ورقه ولا سايب ذكري
فى اى لعبه ليك وانت صغير او حتى مش سايبك الا بسمه محطوطه ف الصور
وانت تشوف الصوره وتضحك برضه ف وشه مع انت عارف انه مش هيشوفك
شكرا يا ابو حمام ع المشاهده والقراءه

shemo كتب:: اول حاجه حصلت لما قريت الخاطرة دلوقتي هي حالة من البكاء الغريب لدرجة اني مكنتش هكتب رد!
بكاء ع الحال اللي بتوصفه وتخيل كل كلمة كتبتها .....وع ناس كتير كانو في حياتي ومش باقي منهم غير بعض متعلقات او حكايات
معنديش كلام اكتر من ..ربنا يرحم امواتنا واموات المسلمين اجمعين وربنا يوفقك.

عارفه يا شيمو وهى دى اول حاجه برضه حصلتلى بعد ما كتبتها ورجعت قراتها تانى انا اصلا مكنتش عارف انا بكتب ايه
لحد مخلصتها
شكرا ليكى شيموعلى القراءه واسف لو كنت اتسببت لحد ف اى حزن او اى دموع

mido.moon-y كتب:: يا الله يا رحيم ارحم موتانا اجمعين

ياااااااااااااااااااااااااااااه ماقدرش اوصف اد ايه الحاله اللي اصابتني بجد لما قريت الكلام ده ومش هاقدر غير اني اطلب رحمة ربنا ليهم ولموتني المسلمين يا رب العالمين

اللهم اغفر لهم وارحمهم وادخلهم فسيح جناتك يا رب العالمين

ربنا يصلح حالك يا ميدو يارب وتكون من احسن الناس ويوفقك ويرحمك ويرحمنى ويرحم جميع المسلميين
شكرا على مشاعرك الغاليه وعلى التفاعل والرد
بس احنا منجيش حاجه جنب الحجات الجامده اللى انت بتكتبها

بنت دمياط كتب:: والله مانا عارفة اقول ايه واي كلام هقوله او اكتبه مش هيترجم اللي انا حاسة بيه

عشان كدا انا مش هتكلم عن الخاطرة دي من جانبها الانساني لأن بجد الموضوع صعب أوي عليا

لكن هتكلم عنها من جانبها الأدبي بجد الكلام رائع جدا والجمل مصاغة بشكل دقيق جدا وجذاب

وبرغم من الحالة الوجدانية الحزينة اللي غالبة علي الخاطرة بس بجد فيها عنصر تشويق وامتاع وترجمة

لمشاعر صادقة بجد وطالعة من القلب عشان كدا وصلت للقلب..لقلب كل اللي قرأها واللي لسة هيقرأها

أحيك ياهالك

ربنا يخليكى يا دكتورتنا
ويصلح حالك
وفعلا هى طالعه من القلب بس متدخلش الا قلب الناس الطاهره اللى زيك واللى زى كل اللى ردوا قبل وبعد كده
شكرا على القراءه ومستمتع بردك جدا
الموضوع بيبقى ناقص من غير ردك

the red baron كتب:: تمام

شعور ما يتوصفش

بس كلام بيوصل للقلب

هو ده خالد اللى اعرفه

كل مننا عنده نفس الحاله

بس قليل لما بنكتب

انا عارف يا شقيقى وعارف ان انت من اكتر الناس اللى مبحتجش لكلام حتى
علشان اوصله اى حاجه
وعارف انك لو فكرت بس تكتب هتكتب حجات اجمل من دى الف مره
بس انت بس اللى بتبخل علينا

sadstanza كتب:: مفيش كلام يتقال

ساد ستانزا شكرا يا ساد ع القراءه
عارفه انا اللى مكنتش عارف ارد على الناس اقول ايه
بس انا حسيت دلوقتى ان كلامى وصل لكل الناس ووصلك
لان هو ده الاحساس اللى وصلنى
بالرغم من انى كتبتها بس مكنتش عاوز احطها ع المنتدى
لانى كنت عارف كويش انى مش هعرف ارد على الناس
شكرا ليكى مره تانيه على المشاهده
وبجد منوره الموضوع

SCORPION كتب:: يااااااااااااااااااااااه .. ربنا يجمعك معاها في الجنه يااااا رب يا خالد.

آه يا أمي .. الواحد مبيعرفش قيمه أمه مهما حصل إلا لما يفقدها و عمره ما يقدر يوفيها حقها أبداً .. يا نبع الحنان .. يا حضن مليان أمان

بجد كلام جااااااامد و ما زلت بقول إنك توربيني و بجد دماغك عاليه جدااااً

سكوووووووووبى دو
واحشنى ياض يا معفشن
شكرا على المرور والقراءه ومتنساش احنا جنب عيد سعيد الحظ منسواش حاجه
انتى اللى توربينى وسفاح كمان ف ابداعاتك
مستنيين المزيد
وشكرا ليك يا بمبو على المرور والمشاهده

الخاطرة دى جاية فى وقتها تمام خيوط العنكبوت 721390

اعذرنى يا خالد , قوة الخاطرة اكبر من انى الاقى كلام ارد بيه ..

وكمان أدبيا أكبر من انى الاقى عبارات توفيها حقها ..

خيوط العنكبوت 721390

شمس كتب:: الخاطرة دى جاية فى وقتها تمام

اعذرنى يا خالد , قوة الخاطرة اكبر من انى الاقى كلام ارد بيه ..

وكمان أدبيا أكبر من انى الاقى عبارات توفيها حقها ..

شمس انتى مش محتاجه كلاك حضورك كفيل باى كلام
شكرا شمس ع القراءه والتثبيت والتشجيع
خيوط العنكبوت 632484

بجد مش لاقية كلام اوصف فيه الخاطرة غير ربنا يوفقك وتسلم ايدك
وربنا يرحم اموات المسلمين اجمعين
اللهم امين

خيوط العنكبوت 166815

يارب يا نمنم وشكرا ليكى ع القراءه والمرور

والله انا قريت الخاطرة دي اكتر من مرة والله منا لاقيه كلام ارد بيه

بجد ربنا يجمعك بيها في الجنة ان شاء الله

بجد عاجزة اني ارد باي حاجة

بس احساسك واصل اكيد

أنا أزاي دي أول مرة أقرأها فيها ...قد أيه يا خالد أنت من جواك إنسان دافي وقلبك طيب ونقي ..وقد أيه حالة الشجن والحنين اللي جواك لمستنا كلنا ..ربنا يجمعك إن شاء الله عليها في جنات عدنٍ التي وعد الرحمن عباده بالغيب .

أنا أسف على التأخير في الرد
بجد كلام حرك المشاعر ... ربنا يرحمهم ودايماً تتذكرهم بخير

عجبانى جدا اللغة الرومانسية المكتوب بيها ... برافو

semsema كتب:: والله انا قريت الخاطرة دي اكتر من مرة والله منا لاقيه كلام ارد بيه

بجد ربنا يجمعك بيها في الجنة ان شاء الله

بجد عاجزة اني ارد باي حاجة

بس احساسك واصل اكيد

شكرا سمسه وانتى كمان اكيد احساسك وصل

عمر كتب:: أنا أزاي دي أول مرة أقرأها فيها ...قد أيه يا خالد أنت من جواك إنسان دافي وقلبك طيب ونقي ..وقد أيه حالة الشجن والحنين اللي جواك لمستنا كلنا ..ربنا يجمعك إن شاء الله عليها في جنات عدنٍ التي وعد الرحمن عباده بالغيب .

الف شكر ليك يازعيم
ويارب يجمعنا بيهم كلهم ف الجنه ان شاء الله

أبو خالد كتب:: أنا أسف على التأخير في الرد
بجد كلام حرك المشاعر ... ربنا يرحمهم ودايماً تتذكرهم بخير

ابو خالد الاديب الكبير بتاعنا منور والله
الف شكر ليك يا كبير ع القراءه والمتابعه وربنا يرحمهم ويرحمنا اجمعيين

Mohamed Berber كتب:: عجبانى جدا اللغة الرومانسية المكتوب بيها ... برافو

بربر بذات نفسيته
منور والله يا بربر والف شكر ليك ع القراءه والتشجيع

معلش على الرد المتأخر بس فعلا كل مأفرأها بحس بحالة من الانهيار

يمكن لان ده الهاجس الوحيد اللى بيخلينى ما انامش فكرة فقدان والدتى

لدرجة انى بفضل سهرانة طول الليل ابص عليها وهى نايمة

بس كل اللى اقدر اقوله ليك ان مشاعرك واحساسك وصل لقلوبنا من غير مجهود

كلمات رائعة من انســــــــــــــــــــــــــــــــــــــــــان رائع

soledad2 كتب:: معلش على الرد المتأخر بس فعلا كل مأفرأها بحس بحالة من الانهيار

يمكن لان ده الهاجس الوحيد اللى بيخلينى ما انامش فكرة فقدان والدتى

لدرجة انى بفضل سهرانة طول الليل ابص عليها وهى نايمة

بس كل اللى اقدر اقوله ليك ان مشاعرك واحساسك وصل لقلوبنا من غير مجهود

كلمات رائعة من انســــــــــــــــــــــــــــــــــــــــــان رائع

ربنا يخليهالك يا سولى وتفضلى معاها وتدخلو الجنه مع بعض ان شاء الله
شكرا ليكى على القراءه وبجد منوره الموضوع

الغريبه اني كنت فاكره اني هنهار من البكاء وانا بقرأ
ضغطت علي نفسي اد ما ضغطت عشان اعيط
وبرده معرفتش ...عارفه ليه؟؟؟ عشان شايفاكي ولمساكي يا حبيبتي.... كتيييير بدخل انام ف اوضتك اللي اتغيرت خالص هي والشقه كلها

عارفه؟؟ بابا اول ما روحتي عند ربنا غير لنا كل ملامح الشقه عشان ميأذيش مشاعرنا ...بس هو لحد الوقتي ميعرفش انه كانت مع كل طوبه بتتكسر ف الشقه كان قلبي معاها بينزف وجع ..
مش باقيلي منك غير شويه هدوم بخاف المسها واشم ريحت حضنك فيها عشان مضعفش.. عشان باخد منك القوه ..مستحيل هسمح لنفسي احسسك اني خدت منك ضعف وكسره و و و

اه انا بشر وبتوجع زي اي حد م الفراق...
لكن فراقك مكانش فراق ...كان تخليد للوجع يا امي ...مازال يا امي

تصدقي ..كلمه ماما الوقتي طالعه مني بايخه جداااا ..عشان ماما يعني انتي ...انتي وبس ...وانتي امانه رجعت للي خلقها يا امي

انا مش زعلانه ولا معترضه ... ده ف فراقك اتعلمت اكبر درس ف حياتي ..الصبر ..
الصبـــــــــــر ... عايزاكي لما تشوفيني ..تلاقيني باراده قويه وتقوليلي ...هي دي بنتي ...

مش هعيط يا امي ... لا هقدم ورده ع قبرك ولا دمعه ع فراقك ..
لكن هقولك بقلبي اللي باصص لسما وجودك ...وحشتيني

رحمه الله عليكي يا .....ماما

مكانش ممكن ارد بشكرا وحلوه وروعه يا خالد ....لكن من كتر تقديري واحترامي للي كتبته بقلبك ودموعك ... عبرت عن اللي جوايا ف مكان اطمنت فيه لقلبي عشان يكتب ولو بنقطه حبر من بحر حياتي ف ست الحبايب كلهم

لا تعليق

لا فى تعليق القصيده دى

» خيوط الحياه
» بيت العنكبوت
» العنكبوت ....أستاذ فى الإصرار
» لماذا لا يقع العنكبوت في شباكه الخاصة ؟؟
» هذه صُور لبيت العنكبوت بعد المطر