صوت لافضل خاطرتين من الخواطر التى ألفها اعضاء المنتدى

بسم الله الرحمن الرحيم

ياريت دلوقتى نقرأ كل المؤلفات المعروضة فى الموضوع ده وتختاروا افضل خاطرة وتانى افضل خاطرة من الخواطر اللى هعرضها عليكوا دلوقتى واللى ألفها اعضاء المنتدى الكريم
المركز الاول ليه خمس نقط والثانى ليه تلت نقط
وبعد اسبوع يعنى الجمعة الجاية ان شاء الله هنعلن عن القصيدة الفائزة بحسب النقط اللى جمعتهامن تصويت الاعضاء
والتصويت هيبقى ف هيئة ردود هنكتبها فى نفس الموضوع ده
وهنقول فى الرد
المركز الاول للعضو....
المركز الثانى للعضو....
وأنا هعرض عليكو ماكتبه اعضاء المنتدى
والترتيب بأولوية وضع الخاطرة

-1أغنية من تأليف ( نادو )
دي اغنيه انا الفتها بس طبعا مش هقدر انافس محمد سمير انا بس حابه اخد رايكم فيها
هي اسمها (إلي يحب)

إلي يحب عمره ماينسى الي يحب عمره مايقسى
وانت نسيت وقسيت عليه وجرحت قلبي جرح كبير
استنيتك واتمنتك تبقى معايه كده على طول بس خساره
قلبك باعني وسبتني من غير ما تقول
.............................
حبك عايش جوه في قلبي ليل ونهار انا موش بنساه
بس خلاص جالوقت عليه لازم فيه اعيش الحياااااااه
علشان كده انا خت قراري اني هحاول انسى هواااااه
والي يبعني وينساني لازم بعده اعشق تااااااااااااااااني
وابداء ادور علي يقدر ويملا قلبي الوحدااااااااني
..........................
عمر الحب ما كان كلمه عمر الحب داااااااه احساس
بس الي يفهمها حقيقي يعرف ايه معنى الاخلاص
وانا فهماها وكده حساه وانت قلبك غير كل الناس
قلب قاسي قلب ناسي قلب حب كده وخلاص

-------------------------------------------------------
2_ودى خاطرة من تأليف العضوة ( جيرسى )

انا كتبت حاجة كدة ويا رب تعجبكوا بس هما المشتركين قليلين ليه طالما مسابقة لازم نكون اكتر من كدة شوية وربنا يوفق الكل

هى كدة تقيلة وعنيدة
قريبة وبعيدة
كئيبة وسعيدة
ما هى ساعات

لحظات بتمر علينا
ما نعرفش عددها
لا نحس لا بمرها ولا بحلاوتها
لا بغدرها ولا بقسوتها
لا بحزنها ولا بفرحتها
ساعات تحس العمر
زى الومضات
واسمع معاه نبض قلبى
نبضات نبضات
ما هى ساعات

هو دة حب ولا دى
نزوة من النزوات
ولا حالة الحب بقت
امنية من الامنيات
ولا بقى العمر شوية حاجات
لها بدايات ونهايات
ولا بقى العمر
ازازة مخرومة
مخنوقة بالاوهام والامنيات
بتنزل منها الاحلام
على شكل قطرات
ما هى ساعات

هى الدنيا بقت
صداقات وسلامات
ولا مواقف ووقفات
بقى الحلم
ابتسامة ووردة وكلمات
ولا بقى
صوت فى رسالة ورنات
ما هى ساعات

سنة احلام سنة اوهام سنة الام
هى حكاية اتنين
لا كان بايديهم يتقابلوا
ولا كان بايديهم الفراق
على طريق الفرح
كانت مستنياهم الاشواك
عشان يتحقق الحلم
كترت الخساير والصدمات
ما هى ساعات

استحالة بين الممكن والمحال
الكلمة دليل و تحقيق للامال
خلص الكلام يا قلبى
وابتدت الالام
الكلمة حلم واكتمال
ما هى ساعات

من سنة فاتت
كان فى مشاعر حلوة
كان فى امل
كان فى حلم
وحاجات كتير
جوايا ماتت
جوايا ضاعت
جوايا تاهت
ما هى ساعات

على حافة الطريق
الضياع فى كل مكان
مش من الممكن
النظر للوراء
ولا بالامكان الاقتراب
اقدامى
على وشك الفراق
مشاعرى حست بالنفاق
بالتشتت والافتراق
لحظاتى صارت
للخلف..... للوراء
فوجئت بالعمر
على وشك الاختفاء
ما هى ساعات
--------------------------------------------
3_ خاطرة ألفتها ( العنيدة)

ممكن اشارك معاكم بخاطرتى (بينى وبين رسول الله )
لان لاسف مالقيت تعليقات كافيه عليها ::

ذكرتنا ياقمر فبكيت شوقا ونحن لسنا
بكفئا لدمع سقط من عيناك

-لو كنت تدرى بحالنا لرجوت الله ان ما خلقنا
ولاكنا ع ارضا نفسد ماصنعت يداك

-اشتاق والشوق شكا من شوقى
لرؤيتك ياحبيبى ياخير ماخلق ربى اياك

-بخاطرى حديثا بينى وبينك اشكوك حال امتك
التى تداعت عليها سائر الامم كما أشارت من قبل رؤياك

بالسوء أشاد الاعداء لك ونحن عاجزون
فيما عدا مالنا يارب الا سواك

-وقفت ع قبرك وتساكب الدمع من عينى شوقا
واسفا ع ماقصرت عنه يدى نظرا لما قدمته يداك

اضعنا سنتك وهدمنا ديننا بمعول الجهل الذى
هدمت به اصناما كانت تعبد ع دينك بدنياك

بأبى انت وأمى ياخير العالمين
ياابا القاسم حاشاك لقول عدوا لك حاشاك

-اذ كان لاشأن لك حسب قولهم فلما يكيدون
لك بالشر الا لعلمهم بسمو رقياك

غطى الحقد قلوبهم لرؤيتهم شمسا لاغروب لها
أضأت مشارق ومغارب الدنيا بلقياك

سلام الله عليك يارسول ربى اسمعك تقولها :
صلى عليك الله صلاة افضل من صلاتك اياها
--------------------------------------------------
4_ وخاطرة لسمسمة

دي بردو حاجة لشرف المسابقة حاجة ضغغنة كدا:
يا رب تعجبكم

في اللحظةدي انا عايزة ورقة وقلم
انقل احوالي فرحة ان كانت ولا ألم
انقل مشاعري كلها لقلب فاكرني حجر
واني مبحسش وانا قلبي عليه انفطر .

انقل همومي للناس
اللي منهم عايشين وخلاص .

انقل همومي علي ورق بين سطور
واخرج حقيقة من جوه الصدور .

انقل احزاني اللي وخداني علي دنيا مفهاش امل
انقل افكاري اللي نفسي توصل لكل بشر .

هكتب قصتي من الميلاد للممات
كتييييير اوي تعيسة فرحانة ساعات .

بس حاسة اني هلاقي فرحتي وارجع عمري اللي انسرق
هلاقي ملاك يا خدني علي جنة مفهاش سبق .

مفهاش كذب ونميمة فيها فرحة وايام جميلة
فيها قرب وحياة في النور فيها حنان وحب مجنون .

هكتب بقلمي اللي مش ملكي
هكتب علي ورق ضاع مني
هكتب لقلب انسااااااااان سارقني
هكتب ومش عارفة ايه حاصلي .

انا عايزة انا ورقة وقلم
----------------------------------
5_ خاطرة للعضوة ( سبحان الله )

ليه ياقلبى قاسى عليه اوى كده والله حبه كان كبير اوى وانا انا اللى لسه بقول انا ابتديت فجاه الاقى نفسى انا انتهيت والله ظلم انك تجرح اوى كده والله ظلم انك تجرحنى بالشكل ده طب ليه سايبنى من غير حتى كلمة وداع طب ليه سايبنى مليانه بالاوجاع الله يجازيك ياغرام علقتنى باوهام شدتنى ليه ايام وبعدت ليه بجراح القلب خلاص حس انه ضاع ما الكل سابه وراح وباع
------------------------------------------
6_خاطرة لبوسى كات

أنا كتبت حاجه عن مصر يارب تعجبكم ومتكنش طويله وتزعكوا
بيقولوا عليكي أمي
بس انت كل عمري
بيشوفوا ليلك
بيقولوا دا سهري وقمري
بيشوفوا نيلك
بيقولوا برمي فيه كل همي
مهما بكيتلك واشتكتلك
هتفضلي شيلي همي
ولا ايه يا مصر يا أمي
عشنا فيكي وحوليكي
وهنفضل برده في عنيكي
مهما روحنا وجينا
ودورنا ولفينا
هنرجعلك ونقولك
أدينا جينا من مكان ما بدينا
عرفنا فيكي الكلام
ومعاكي الأمان
كل ما نقربلك كمان
نلاقي فيكي الحنان
غزوكي من واحنا صغار
قلنا حقنا هنخده ولو كنا في حصار
عرفينك جامده وعافيه
عمرك ما تنهزمي يا مصر يا قويه
تعبنا...وأما جينا علي شطك ريحنا
شال معانا همنا واحنا....
دايما معاه في شجار
عشمنا فيكي كبير
أكبر من اي تفكير
منك خرجت الأشعار
واليك عاد المحتار
غلابه احنا في ضيك يا مصر
دا مش كلامنا دا كلام العصر
صدقيني يا مصر
حسيت معاكي بالأمان
كأنك أمي تمام.....
----------------------------
7_ خاطرة للعضو ( محمد سمير هجام )

(((----- تـــــتـــر النــهــايــة -----)))

يهبط ببطء على القصة الجميلة
تتر النهاية
يسدل الستار على عيوننا العاشقة
وعلى قلوبنا النافقة
انتهت فصول الرواية
--------------------
تتر النهاية
يمحى من الوجود اسطورتنا الحالمة
ويغلق الباب على اصابعنا الناعمة
وبحزم يصيح ...انتهت الحكاية
----------------------
البداية كانت كعادة البدايات
جميلة متفاءلة وتواعدنا بالساعات
وقفت الاشجارتنصت الى الكلمات
وكأنما تريد ان تنهى وقفتها الخالدة
لتجلس معنا وتشاركنا للنهاية
----------------------
كانت حكاية سعيدة فى اول الايام
غنينا الاغانى الطوية معا
بانسجام
سهرنا ليالى الصيف لا نكل او نمل
او ننام
كم اشتاق ان اعود لاى لحظة
فى صبايا
---------------------
والاحداث فى السيناريو من الحياة
وقد نهلنا من الحب الى منتهاه
حتى ظننا ان الحب كالمياه
لا ينقطع او ينتهى وفقدنا الانتباه
وما اقصاها معاناه
فقد راى الحب الكثير
حتى سقط من الطابق الاخير
وسط ذهول كل من كان بالبناية
--------------------
وفى حادث مأساوى
تم اغتيال الأمل
و..اهتزت الارض تحت قدم المؤلف
ولم يحسن المخرج العمل
ولم يبذل جهدا او يكلف
وتسرع وطرد البطل
واعلن بصوته الشرير
ان عقد المأساة قد اكتمل
و كتب على تتر حياتنا المرير
كلمة .... النهاية

يلا ياجماعة كلنا دلوقتى بعد ماقرينا نكتب
افضل خاطرة للعضو.....
وثانى افضل خاطرة للعضو ...
وبفكركو ان الخاطرة الاولى بتاخد خمس نقط والتانية تلاتة
والجمعة الجاية هنعلن مين العضو صاحب المركز الاول ومين صاحب المركز التانى
وعلى فكرة الاعضاء اللى الفت القصايد مش لازم يدوا نفسهم المركز الاول انا عن نفسى ممكن مديش لنفسى المركز الاول لو انا شايف انى مستحقهوش....
ياريت كلنا نختار بعقلانية وبدون اى تحيز او مجاملة ونطبق ده على نفسنا كمان
شكرا

كلهم حلوين جدا

هختار نادو وسمسمه

بجد كل القصايد تستحق
انا هصوت للمركز الاول :محمد سمير هجام .
وللمركز التاني :جيرسي .

المركز الاول سمسمة
المركز التانى العبد لله

بجد كلهم حلويييييييييين
انا هختارنادو & العنيده
بس والله كلهم حلوين جدا

المركز الاول : محمد سمير هجام

عجبنى اوى الجزء ده

كانت حكاية سعيدة فى اول الايام
غنينا الاغانى الطوية معا
بانسجام
سهرنا ليالى الصيف لا نكل او نمل
او ننام
كم اشتاق ان اعود لاى لحظة
فى صبايا

هى كلها معبره جدا بس الجزء ده بيفكرنى بحاجات كتيره تسلم هجام

المركز الثانى : سمسمه جميله اوى ياسمسمه بجد
لو كان ينفع احط كمان واحده فى المركز االاول اكيد كنت هحط الخاطره بتعتك

الصراحه كلهم حلوين اوى

بس الاتنين دول ومن غير مجامله بيعبره عن حجات كتير

المركز الاول:محمد سمير الهجام

المركز التانى:نادو

بجد كل القصايد جميلة جداااااااااااااااااااا
والاختيار كان صعب عليا
بس انا اخترت وصوت بجد لاجمل قصيدتين

بصراحه كلهم حلوين اوى انا بصوت للعنيده مركز اول وانا سبحان الله مركز تانى مع ان محدش صوتلى خالص ببس بصراحه كل اللى موجودين احسن منى يمكن انا اقل واحده بس والله انا اول مره اكتب حاجه وان شاء الله المره القادمه اكتب حاجه احسن من كده شكرا ليكو يا احلى شباب

المركز الاول .محمد سمير هجام
المركز الثانى. العنيدة

والله العظيم انا قرأت المواضيع كتير جدا عشان اقول الحق
المركز الاول سمسمة
المركز التانى كان عندى صراع اختار محمد ولا اختارنى بس طمع بقى هختار نفسى وخلاص
ووالله دة الى انا حسيته بامانة
وربنا يوفق الكل

المركز الاول:محمد سمير الهجام
المركز الثانى:جيرسى

مع احترامى وتقديرى لكل الاعضاء المحترمين والمتميزين جدا واللى اكيد كل حد فيهم يستحق باقة ورد جميلة

لكن المركز الاول :: محمد سمير

والمركز الثانى : مناصفة بين سمسمة وجيرسى لان الاتنين متميزين

والمسابقة كلها .. شغلها حلو

كل القصائد جميلة جداٌ
المركز لأول:محمد سمير هجام
المركز الثاني:العنيدة
بالتوفيق لكل الأعضاء

المركز الأول : نادو
الثاني : هجام

هشارك إن شاء الله في المسابقة القادمة صوت لافضل خاطرتين من الخواطر التى ألفها اعضاء المنتدى 661769

انا هصوت لناادووووووووووووو المركز الاول .......والمركز التانى سمسمة

المسابقة الجاية السبت الجاى بأمر الله يا عمر

احنا الجمعة الجاية هنعلن الفائز بحسب الاصوات اللى اخدها
زى ماقلت الاول ليه خمس نقط والتانى تلاتة
والسبت نبدأ الجديدة علطول

يلا يا جماعة عايزين تصويت اكتر
وشكرا لكل حد صوتلى

نتائج التصويت الى الأن

المركز الاول .... العبد لله ( محمد سمير هجام ) 41 نقطة

المركز الثانى .... نادو 23 نقطة

المركز الثالث ....سمسمة 22 نقطة

المركز الرابع .. العنيدة 14 نقطة

المركز الخامس ... جيرسى 12 نقطة

كلها جميله لكن المركز الاول محمد هجام (شاعر الغد) المركز الثاني بوسي كات

حقيقى كل الخواطر جميييييييييييييييلة اووووووووووووى

ومحتارة اختار مين

المركز الاول: العنيدة

المركز الثانى: محمد سمير

وبجد كنت عايزة اختار سمسمة وجيرسى كمان

بالتوفيق للجميع ان شاء الله

المركز الاول العنيده ههههههههههههه غلاسه بقى عشان افوزهههههههه

والمركز التانى سمسمه

المركز الاول :سمسمة
المركز التانى :سبحان الله

كلهم ماشاء الله حلوين اوى بس هختار
المركز الاول ناااااااااااااااااااااااااااااااااااااااااادو
المركزالثاني سمسمة0
لوينفع حدكمان يبقي محمد سمير

المركز الاول سمسمة
المركز الثاني نادووو

المركز الاول: سبحان الله
المركز التاني :جيرسي ومحمد هجام

المسابقة جميل اوي انا متابعة من البداية...
المركزالاول:سمسم
المركز التاني:محمد سمير هجام