أخواتي أحبابي ..كل سنة وانتو طيبين

السلام عليكم ورحمة الله وبركاته
-------------------

ازيكم يا كل أعضاء منتدانا العزيز يا أخواتي وأحبابي

ياللي بحبكم جدا جدا وفرحانة اننا أحد عضوات مجتمع منتدانا الناجح الحبيب والغالي جدا علي قلبي

بجد والله كل أعضاء المنتدي أخواتي وبجد يشهد ربنا اننا بحبكم كلكم جدا جدا جدا

من زمان جدا وانا عايزة اعمل موضوع اعبر فيه لكل أحبابي وأصدقائي عن مدي حبي ليهم واعتزازي بيهم جدا بس دايما كان فيه حاجة بتمنعني كل مرة

بس الحقيقة ومع تزامن الاحتفال بأعياد ميلاد أهم اتنين وأعز اتنين علي قلبي اخواتي بجد اللي بعتز جدا بيهم وفرحانة اننا كان ليا الشرف اننا اتعرف بشخصيات زيهم

كان لازم اهنيهم بشكل خاص جدا يليق بشخصيات عظيمة وطيبة زيهم

لو هقول عنهم كل كلام الدنيا مش هقدر اوفيهم حقهم بجد..أفضالهم عليا بجد لا تعد ولا تحصي ..مهما عملت او قولت مش هقدر اوفيهم حقهم ..كفاية انهم وقفوا جنبي في

أأصعب وقت فحياتي وساعدوني علي المرور من محنة كانت مهلكة بالنسبالي ..بيهم و معاهم بجد مرت المحنة بسلام ورجعت تاني مشرقة ومقبلة عالحياة زي الأول

الأخين دول هما أخويا الجميل العزيز the red baron وأخويا الجميل العزيز hulk

أحب أهنيكم في بداية سنة جديدة فعمركم وأقولكم كل سنة وانتو طيبين بجد وربنا يسعد أيامكم يارب ويرزقكم الخير والبركة في العمر والصحة والحياة السعيدة والذرية الصالحة

ويارب عيد ميلادكم السنة دي يكون بداية لسنين كلها مليانة فرحة وحياة كلها أمل ونجاح وانجازات ورضا من الله لانكم بجد تستاهلو كل خير

ودلوقتي اسمحلولي اتكلم عنكم شوية واوفيكم جزء من حقكم عليا

the red baron

( أول صورة عرفتك بيها )

ريد بارون أو أبو البرانين ..أو حكيم الزمان ..أو أبو الشعب .. أو داهية المنتدي ( كلها القاب بعتز جدا اننا بناديك بيها)

تعاملي معاك يابارون في بداية تسجيلي عالمنتدي كان زي توم وجيري بالظبط ..ياما خدت علي دماغي منك وياما كحورتني بردودك اللي كانت بتغيظني جدا

يااااااااااه ياما كنت اكتب موضوع تعبير مثلا عن اي حاجة او مشكلة فترد عليا وتقولي ( لا تعليق ) هههههههههههههه ياخبر كنت بتجنني بجد

بس عارف المثل اللي بيقول ما محبة الا بعد عداوة اهو دا اكتر مثل ينطبق عليك بس طبعا احنا طول عمرنا اخوات وعمر ماكان بيننا غير اختلاف فوجهات النظر

وعمرها ماتوصل لعداوة ابدا

بس منكرش طبعا انك وزي ما بقولك دايما الراجل الوحيد اللي بغير منه جدا جدا واقعنا الحالي للأسف مشوفتش فيه شخصية راجل تستفز عقلي زي شخصيتك يا بارون

ماشاء الله عليك انتا مزيج من العقل والاتزان والطيبة والغموض ودا اجمل شيء فيك والكرامة والاعتزاز بالنفس والثقة والرأي الصائب دائما وشرقيتك واعتزازك بيها

كمان من أجمل الخصال فيك

وأهم حاجة بتخليني اغير منك هوة ذكائك النادر اللي مشفتوش في أي حد ربنا يديمه عليك يارب

دايما يا بارون بلاقي عندك المشورة والرأي الصائب اللي بيوجهني بكل أمانة لكل شيء فيه مصلحتي وعمري ما هنسي وقفتك جنبي في محن كتير مرت عليا

والله انا ما بقيت لاقية كلام اقوله عنك لان مهما قولت مش هقدر اوفيك حقك بس والله من قلبي بدعيلك ربنا يكرمك ويحققلك كل اللي بتتمناه ويجعلك عزيز دايما

في الدنيا والآخرة ويرزقك سعادة ورضا في الدنيا ونعيم جنات الفردوس في الآخرة اللهم آمين يارب

hulk

(ودي الصورة اللي ليك فخيالي)

هالك أو قلب الأسد أو قلب الوفاء أو رفيق الكفاح (وبردة دي كلها القاب بعتز جدا اننا بناديك بيها )

شخصيتك يا هالك مهما اتكلمت عنها مش هقدر اوفيها حقها

اتعاملت معاك تقريبا لمدة شهرين اتنين فموضوع بنت دمياط اللي ذكرياتي فيه معاكم حقيقي بعمري كله

لمست فيك الطيبة والفكاهة والردود الخفيفة اللي كانت بتسعد قلوبنا جميعا وبتخلينا كلنا نضحك من قلوبنا بجد ..طبعا انتا المؤسس الأول لحزبنا الشرير جدا

حزب الكفاح الاجرامي اللي كان مولع الدنيا بس الحمدلله جمد نشاطه في الفترة الاخيرة وريح الناس من شره

آجي لأهم نقطة عايزة اتكلم عنها فاكر ياهالك لما قولتلك ان افضل لقب يطلق عليك هوة قلب الوفاء ..بجد فعلا دا انسب لقب ليك

لو اتكلمت عن وفائك الجميل النادر من هنا للسنة الجاية بردة مش هصور اد ايه انتا انسان وفي جدا وجدع جدا وطيب جدا جدا جدا و أخ عزيز بيحب اخواته

واحنا كمان يا هالك بنعتز بيك جدا جدا

بشكرك جدا جدا جدا علي وقفتك جنبي في محنتي اللي عمري ما هنساها ولا هيروح من ذاكرتي اد ايه انتا تعبت معايا واستحملت غباء البشر وقدرت تتعامل معاه بمنتهي

الحكمة االلي انتا فعلا مشهور بيها يااااااااااااااااااه بجد بجد مفيش اي عبارات شكر تترجم فضلك عليا

هفضل ادعيلك طول عمري ان ربنا يكرمك ويرزقك السعادة والنجاح والرضا فعمرك كله يارب وتكون سعيد ومتفوق دايما فدراستك وعملك ونسمع اسمك يارب

بيتردد علي ألسنة البشر باعتبارك هتكون ان شاء الله من عظماء القوم اللي هيضيفوا اضافات مبهرة في مجالهم لانك اكيد هتبقي مهندس ناجح جدااااااااااااااااا

ربنا يكرمك يارب

----------------------------------------------------

في نهاية كلامي اللي انا عارفة انو ميجيش نقطة في بحر وفائكم يا أعز أخين علي قلبي

بدعيلكم من قلبي ان ربنا يكرمكم ويسعدكم ويجعلكم من عظماء الشأن فالدنيا ويرزقكم نعيم الجنة وحسن الخاتمة

ونفضل دايما يارب أجمل أخوات وأصدقاء فالدنيا

اللهم آمين يارب

كل سنة وانتو طيبين مرة تانية وآجي بقا لوقت الاحتفال (هييييييييييييييييييييييه ياللا نطنطط كلنا )

يارب تعجبكم وبغض النظر عن صورة رامي عياش اللي فأول الغنوة اللي اكيد هتغيروا وتتغاظو منها يا شباب مصر بس هية غنوة مفرحة ومناسبة للمناسبة السعيدة دي

وليكم مني زي زمان هاااااااااااه فكرين ..ايوا صح ..ليكم مني أجمل بوكيه ورد أبيض( وأحمر وروز ) عشان انتو واحد أهلاوي والتاني زملكاوي أما الورد الروز فدا لجيوكندا

حبيبة قلبي وتوأم روحي اللي اكيد مش هنسهاها في كلامي عنكم )

ومنسيتش اهديكم طبعا مع البوكيه شوكولاته جالكسي وبيبسي ماكس ومتخافوش مش هجيب سيرة نيكولاس كيدج المرة دي

وليكم مني كل السلام والتحية والفخر والاعتزاز بمعرفة أشخاص زيكم

أحلي سلاااااااااااااااااااااااااام

يا بختكوااااااااا كل ده فيكوا وانا بقالي سنين معاكوا ولسه اول مره اعرف ان الحاجات دي فيكوا أخواتي أحبابي ..كل سنة وانتو طيبين 977193

بهزر طبعا

بصراحه زين ما قولتي ومفيش يتقال بعد الكلام ده وبصراحه هالك ده من اجمل الشخصيات اللي فعلا تحبي تسمعي رأيه ف اي موضوع لان عقله اكبر من سنه وجسمه أخواتي أحبابي ..كل سنة وانتو طيبين 661769

أخواتي أحبابي ..كل سنة وانتو طيبين 661769

اما البارون من اطيب الشخصيات اللي ممكن تتعاملي معاهاواجملها ده البنك الرئيسي بتاع الباد بويز بس هو بيمر بأزمه ماليه ربنا يعديها خير_و بغض النظر عن كونه ظابط ومعاها بندقية الرش (طبعا ميه زي ما اتفقنا يا با ابو البرانين) متنساش جركن الميه وانت رايح المره الجايه وتغير تويتي

أخواتي أحبابي ..كل سنة وانتو طيبين 977193

كلام جميل جدا يوضح الروح الحلوه ف المنتدي

مش عارف ارد

أخواتي أحبابي ..كل سنة وانتو طيبين 561444

ثانكس على التوبيك

موضوع جميل ومن القلب

(Ahmed) كتب:: يا بختكوااااااااا كل ده فيكوا وانا بقالي سنين معاكوا ولسه اول مره اعرف ان الحاجات دي فيكوا بهزر طبعا

بصراحه زين ما قولتي ومفيش يتقال بعد الكلام ده وبصراحه هالك ده من اجمل الشخصيات اللي فعلا تحبي تسمعي رأيه ف اي موضوع لان عقله اكبر من سنه وجسمه

اما البارون من اطيب الشخصيات اللي ممكن تتعاملي معاهاواجملها ده البنك الرئيسي بتاع الباد بويز بس هو بيمر بأزمه ماليه ربنا يعديها خير_و بغض النظر عن كونه ظابط ومعاها بندقية الرش (طبعا ميه زي ما اتفقنا يا با ابو البرانين) متنساش جركن الميه وانت رايح المره الجايه وتغير تويتي

كلام جميل جدا يوضح الروح الحلوه ف المنتدي

أشكرك يا أحمد جدا أولا لانك اول واحد يشرفني برده فالموضوع

ثانيا أشكرك لتعليقك الأكثر من رائع واكيد انا كلامي مش هيجي نقطة فبحر عشرتك ليهم انتو اصحاب اكيد من زمان جدا واكيد لو حد فيكم فكر

يتكلم عن التاني او يعبر عن شخصيته ..جملة واحدة منه هتكون ابلغ من مليون جملة اكتبها انا

ربنا يكرمك يا أحمد ويكرمكم جميعا يارب وتفضلو دايما أجمل اخوات واصدقاء رجالة بجد وقمة فالوفاء لبعض

وربنا يسعدكم فالدنيا والآخرة يارب

شكرا مرة تانية يا أحمد بجد وشرفني مرورك جدا والله

سلام أخواتي أحبابي ..كل سنة وانتو طيبين 977193

the red baron كتب:: مش عارف ارد

هههههههههههههههههههه عادتك يعني ولا هتشتريها

انتا عارف يا ابو البرانين لو مكنتش رديت الرد الغامض دا

كان ممكن اقول انك سخن او عيان بعد الشر او حاجة

عموما ياسيدي الفاضل أسعدني وشرفني مرورك جدا جدا

ومن قلبي بجد بقولك ( لا تعليق ) أخواتي أحبابي ..كل سنة وانتو طيبين 455659

أخواتي أحبابي ..كل سنة وانتو طيبين 455659

أخواتي أحبابي ..كل سنة وانتو طيبين 514675

Alessandra_001 كتب:: ثانكس على التوبيك

شكرا آليس حبيبتي علي مرورك الجميل

وعايزة اهنيكي علي اختيارك لاسمك ( آليساندرا) اسم حقيقي بيوحي بالعظمة والثقة ودي أجمل صفات ممكن تتحلي بيها المرأة

شكرا حبيبتي مرة تانية

أحلي سلام أخواتي أحبابي ..كل سنة وانتو طيبين 376922

أخواتي أحبابي ..كل سنة وانتو طيبين 376922

عمر كتب:: موضوع جميل ومن القلب

ياخبر مدير منتدانا العزيز بحاله تكرم ورد فموضوعي

شكرا بجد ياعمر

والله اسعدني مرورك جدا جدا

وبشكرك جدا عالتقييم انا عارفة انك انتا اكيد اللي قيمت الموضوع

تصدق انا قررت اتعلم الكرم منك واقيم بعد كدا كل الأعضاء

مهو اذا كان رب البيت للكرم متبعا فشيمة أهل البيت كلهم الكرم والسخاء كمان

أشكرك جدا ياعمر مرة تانية علي ردك الكريم

سلام أخواتي أحبابي ..كل سنة وانتو طيبين 977193

موضوع جميل بجد يا بنوته ..واجمل حاجه فيه انه صادق جدا أخواتي أحبابي ..كل سنة وانتو طيبين 166815

ربنا يكرمك يارب يا بنت دمياط
وكفايه انى عرفتك كأخت قبل ما اعرف اننا قرايب هو صحيح من بعيد شويه بس قرايب برضه
ربنا يصلح حالك يارب ويوفقك ف حياتك الجايه كلها

تؤ تؤ تؤ يا بخت من كان بارون ليه اخ ويا بخت من كان هالك قريبه يا مقطقطه حتي لو من بعيد

اذا كنتي اتكلمتي عن بارون وهالك فاكيد انا م هاقدر بعد كلامك اقول غير

كل سنه وانتم طيبين ويارب تبقي سنين عمركم الجايه كلها سعاده وفرح باذن الله

انا هاتكلم عنك كلمتين ومش هاطول عشان ماغرقش في بحر اخلاقك العاليه وذوقك واحترامك لذاتك وللاخرين

في بداية معرفتي بالمنتدي كنت باحب اوي اشوف تعليقاتك وكلامك اللي كان دايما بيخفف الامي واحزاني
بنت دمياط المقبله علي الحياة واللي بجد بتقدر تدخل القلب بسهوله جدا ومن غير ماتخبط (عضه وغزه بمطوتها وتخلص الحكايه علي طول)

لحد ما فجاه انا بعدت شويه عن المنتدي ورجعت ولقيت حالك غير الحال , انا حقيقي مش عارف ايه كان سبب التغيير ده
بس بجد اتمني انك تفضلي علي طول بنت دمياط المقطقطه المقبله علي الحياة واللي مافيش حاجه في الدنيا ممكن تغير من اشراقتها الصافيه

اكيد وزي ما قلت اني مش هاقدر اتكلم عنك , وعارف اني مهما قولت مش هاقدر اوفيكي حقك , بس اتمني يكون كلامي وصل ولو لذره من (بنت دمياط)

احلي سلام يا .................. ( بنت دمياط , مش هاقول مقطقطه المره دي بس)

كلام جميل جدااا ومن القلب وفعلا لمسه وفاء وهما برده بالنسبه ليا ولكل الشله اكتر من اخوات
وربنا يكرمهم يارب ويوفقهم وينولهم كل خير

وشكرا بجد ع الموضوع الجميل ده يا بنت دمياط وربنا يوفقك ويكرمك

كل كلمه قلتيها عنهم في محلها .. و الإتنين يستاهلو كل خير وربنا
كلام يمس القلب و جااااااااااامد جداااااً يا بومبو .. بــيــــــس

the mysterious كتب:: موضوع جميل بجد يا بنوته ..واجمل حاجه فيه انه صادق جدا

شكرا سمسم حبيبتي علي ردك الجميل

أسعدني جدا مرورك بموضوعي والله

أحلي سلام يا سمسم يا كتكوتة أخواتي أحبابي ..كل سنة وانتو طيبين 376922

HULK كتب:: ربنا يكرمك يارب يا بنت دمياط
وكفايه انى عرفتك كأخت قبل ما اعرف اننا قرايب هو صحيح من بعيد شويه بس قرايب برضه
ربنا يصلح حالك يارب ويوفقك ف حياتك الجايه كلها

أشكرك يا هالك بجد علي كلامك انتا حقيقي اخويا اللي بعتز بيه جدا

وانا اللي ليا الشرف اني اكون قريبة شخصية محترمة زيك حتي لو من بعيد

شكرا بجد وكل سنة وانتا طيب ويارب تكون السنة دي بداية سنين كلها سعيدة عليك يا باش مهندس

سلام أخواتي أحبابي ..كل سنة وانتو طيبين 632484

أخواتي أحبابي ..كل سنة وانتو طيبين 632484

mido.moon-y كتب:: تؤ تؤ تؤ يا بخت من كان بارون ليه اخ ويا بخت من كان هالك قريبه يا مقطقطه حتي لو من بعيد

اذا كنتي اتكلمتي عن بارون وهالك فاكيد انا م هاقدر بعد كلامك اقول غير

كل سنه وانتم طيبين ويارب تبقي سنين عمركم الجايه كلها سعاده وفرح باذن الله

انا هاتكلم عنك كلمتين ومش هاطول عشان ماغرقش في بحر اخلاقك العاليه وذوقك واحترامك لذاتك وللاخرين

في بداية معرفتي بالمنتدي كنت باحب اوي اشوف تعليقاتك وكلامك اللي كان دايما بيخفف الامي واحزاني
بنت دمياط المقبله علي الحياة واللي بجد بتقدر تدخل القلب بسهوله جدا ومن غير ماتخبط (عضه وغزه بمطوتها وتخلص الحكايه علي طول)

لحد ما فجاه انا بعدت شويه عن المنتدي ورجعت ولقيت حالك غير الحال , انا حقيقي مش عارف ايه كان سبب التغيير ده
بس بجد اتمني انك تفضلي علي طول بنت دمياط المقطقطه المقبله علي الحياة واللي مافيش حاجه في الدنيا ممكن تغير من اشراقتها الصافيه

اكيد وزي ما قلت اني مش هاقدر اتكلم عنك , وعارف اني مهما قولت مش هاقدر اوفيكي حقك , بس اتمني يكون كلامي وصل ولو لذره من (بنت دمياط)

احلي سلام يا .................. ( بنت دمياط , مش هاقول مقطقطه المره دي بس)

ميدو بجد مش لاقية اي كلام يقدر يصور اد ايه انا فرحت جدا بردك الجميل دا

ربنا يكرمك يارب بحق قلبك الطيب دا بجد

واذا كنت انا اخلاقي عالية يبقي انتا منبع الاخلاق نفسها يا ميدو

والله ما بجاملك بس فعلا هية دي الحقيقة انتا انسان يصعب ايجاده في الزمن دا

مفيش منك غير نسخة واحدة اصلية اللي هوة انتا يا ميدو

وزي مابقولك دايما اننا لما بقرأ ردودك وموضوعاتك بحس اننا بتجول في دنيا حلوة اوي دنيا فيها الحب الحقيقي الصادق والوفي وبرغم كل مصاعب الحياة

عندك مقدرة رهيبة علي الوفاء والتمسك بحلمك بشكل مشفتوش عند اي انسان

ربنا يكرمك يارب ويحفظك وتفضل علطول ميدو صاحب القلب الصادق الوفي العامر بالحب والحياة يارب

وفعلا ياميدو منكرش اننا مريت بفترة تقوقعت فيها علي نفسي وقلبي سكنه حزن الدنيا لدرجة اننا كنت بدعي فكل صلاة ان ربنا ما يحكم بالحزن اللي فقلبي علي مسلم

بجد كانت فترة رهيبة ومهلكة فحياتي الحمدلله يارب أخيرا فوقت منها وفوقت لنفسي ورجعت تاني مشرقة ومقبلة عالحياة بفضل الله الكريم ثم الناس اللي وقفت جنبي

ودعمتني واللي عمري ماهنسي فضلهم عليا

اشكرك بجد ياميدو علي كلامك اللي لمس قلبي بجد وخلاني عاجزة عن ايجاد اي كلام اشكرك بيه واصورلك بيه مدي سعادتي واحترامي ليك

انتا بجد انسان زي مابقول عنك دايما انسان نادر الوجود

ربنا يكرمك ويحفظك يارب ويجعلك من سعداء الدنيا والآخرة اللهم آمين يارب

احلي سلام يا ميدو يا أطيب أخ ..............مقطقط بردة في الدنيا كلها أخواتي أحبابي ..كل سنة وانتو طيبين 632484

zzzzamalkawy كتب:: كلام جميل جدااا ومن القلب وفعلا لمسه وفاء وهما برده بالنسبه ليا ولكل الشله اكتر من اخوات
وربنا يكرمهم يارب ويوفقهم وينولهم كل خير

وشكرا بجد ع الموضوع الجميل ده يا بنت دمياط وربنا يوفقك ويكرمك

أنا اللي بشكرك جدا يا زملكاوي علي مرورك الكريم وردك الجميل فموضوعي

وبجد انتو كلكم ناس محترمة جدا ومهما قولت او اتكلمت عن اي فرد فيكم مش هيكون نقطة فبحر خصالكم الكريمة

ربنا يحفظكم جميعا يارب وتفضلوا طول العمر أصحاب واخوات أجمل أخوات فالدنيا كلها

ويارب دايما اسمع عنكم جميعا كل خير لأنكم بجد تستاهلو كدا فعلا

ربنا يكرمكم يارب جميعا ويرزقكم رضا في قلوبكم برضاه عليكم في الدنيا ويرزقكم نعيم جناته في الآخرة يارب

اللهم آمين

أشكرك بجد مرة تانية علي ردك يا زملكاوي

أحلي سلام أخواتي أحبابي ..كل سنة وانتو طيبين 632484

SCORPION كتب:: كل كلمه قلتيها عنهم في محلها .. و الإتنين يستاهلو كل خير وربنا
كلام يمس القلب و جااااااااااامد جداااااً يا بومبو .. بــيــــــس

سكوربيون باشا بحاله وبذات نفسه عندنا

يامرحبا يا مرحبا بالبرنس الغالي أخواتي أحبابي ..كل سنة وانتو طيبين 632484

فرحت اوي بجد عشانك شرفتني بردك الكول جدا زيك فموضوعي

أشكرك بجد يا سكورب وربنا يكرمكم جميعا يارب ويرزقكم الخير والبركة

ويستجيب كل الدعوات اللي انا بدعيها ليكم فكل الردود اللي فاتت بس انا خايفة من كتر ما بدعي ليكم تفكروني شحاذة

ولا عايزة استلف منكم ولا حاجة

هههههههههههههه بجد اشكرك جدا يا جميل لتشريفك موضوعي

أحلي سلام لسكوربيون الغالي جدا ( بومبا بردة )

أخواتي أحبابي ..كل سنة وانتو طيبين 632484

» نكت جديده ...علشان تفرفشو كده وانتو بتذاكروا
» كل سنة وانتوا طيبين
» خروف العيد.. كل سنه وانتم طيبين
» رمضان كريم على كل المسلمين وكل عام وانتوا طيبين
» خلاصة الرسايل الجامده للعيد... وكل سنه وانتوا طيبين