امسك أعصابك وكمل صيامك!

الناس بتزقك عشان تركب المواصلات لأن الفطار قرب وعاوزين نلحق يا أستاذ مع أن الساعة لما تبصلها تلاقيها عشرة الصبح !

أجمل ما في رمضان أنه يعلمك ضبط الأعصاب

يعني سعادتك بتفضل تمسك في نفسك وتحاول تبقي بارد وأنت بتواجه حاجات مستفزة فعلاً..،وإفيهات خنيقة ومتكررة وكأن الشعب المصري بطل يبتكر وعايش علي إفيهات العيال الصغيرة بتاعة زمان

تعالي كده فلاش باك وإنت عيل صغير ييجي عيل صغير تاني جارك أو في المدرسة في أول يوم رمضان ويروح قايل لك : أنت صايم؟..فتقول له : الحمد لله ،فيقولك : طب وريني لسانك كده..